الفزعه ابي بيتي و المستأجر مب راضي يطلع

[خطاف]

السلام عليكم و رحمة الله و بركاته

اخواني الاعضاء ابي منكم تلقون لي حل بخصوص مشكلتي مع مستأجر بيتي ..

انا يا جماعة الخير مأجر بيتي من كم سنه .. و العقد بينتهي في 1/3 /2006 و كلمت المستأجر اني ابي بيتي خلاص ما ابي اجدد العقد .. و هو مب راضي يقول بيطلع في شهر 7 .. و انا ما عندي بيت و ابي بيتي ضروري و ما ارح اتنازل .. و قلت له راح اعطيك اشعار باخلاء البيت .. قال بتعطيني اشعار و لا مب ماعطيني انا ما راح اطلع الا في شهر 7

الحين ابي اعرف الاجراءات القانونيه علشان اطلعه .. شنو المطلوب مني اسويه ..

ابي شي يضمن لي طلعته في شهر 3 ..

ناطر حلولكم .. و لكم جزيل الشكر مني ..

اخوكم خطاف

[ولد المعاضيد]

نصيحه من اخ يبي لك الخير..
اول شي اضربه..
ثاني شي جرجره لي مركز الشرطه وقول انه تبلى علي وضربني بدون سبب..
بعد يومين..روح مع ربعك وسطره مره ثانيه بس هالمره عليك بالعجره..

ما وصيك تلثم مب يصيدك..
هالله هالله فيه..

ياخي الحل بين يدك..((الشرطه))

[بسعود]

يعتمد من هو المستاجر

[خطاف]

مشكور اخوي ولد المعاضيد


يعتمد من هو المستاجر


ياخوي المستأجر قطري ..

[تداول اليوم]

انتظر عليه والله يعطيك خير كثير

[زقرتي ومزاجي]

السلام عليكم و رحمة الله و بركاته

اخواني الاعضاء ابي منكم تلقون لي حل بخصوص مشكلتي مع مستأجر بيتي ..

انا يا جماعة الخير مأجر بيتي من كم سنه .. و العقد بينتهي في 1/3 /2006 و كلمت المستأجر اني ابي بيتي خلاص ما ابي اجدد العقد .. و هو مب راضي يقول بيطلع في شهر 7 .. و انا ما عندي بيت و ابي بيتي ضروري و ما ارح اتنازل .. و قلت له راح اعطيك اشعار باخلاء البيت .. قال بتعطيني اشعار و لا مب ماعطيني انا ما راح اطلع الا في شهر 7

الحين ابي اعرف الاجراءات القانونيه علشان اطلعه .. شنو المطلوب مني اسويه ..

ابي شي يضمن لي طلعته في شهر 3 ..

ناطر حلولكم .. و لكم جزيل الشكر مني ..

اخوكم خطاف




عليكم السلام وحمة الله


روح لمركز الشرطة واشتكي

وخل ياخذون عليه تعهد انه يطلع في التاريخ المحدد


والله يعينك على مشاكل المستأجرين

[خطاف]

مشكوور اخوي صغار المستشمرين على الرد السريع الله يعطيك العافيه

لكن هل تعتقد راح اكسب القضيه او لا

[Qatarii]

ياخي انا مابي احطمك لكن صعب تطلع عائلة من البيت وخصوصا "عائلة قطرية"...لكن هناك عدة طرق لازم تتخذها:
اولها حاول انك تحاور الشخص بمنطق ودي وابعد عن اي نوع من الخصومه "صحيح الحق لك لكن والله الزمن اغشر
ثانيا اذا كان نوع الشخص يقبل النقاش حاول انك تسطحب ناس اكبر سن واكثر اقناع في الحوار
ونصيحة اخوية حاول تبعد عن اي نوع من النزاع وخصوصا "الهواش والضرب" وحاول كثر ماتكون قانوني
واخير اتمنى من الله انك تفتك من هالهم ويفرج عن الشخص الثاني هم السكن
وتحياتي

[الكواري]

اخوي
هنا القانون واضح
وعليك إتباع التالي
ارسله إشعار إخلاء (موثق ) وممكن يكون عن طريق البريد المسجل أو عن طريق أقرب مركز شرطه
وإن لم يخرج في الموعد المحدد إفتح له ملف قضية إخلاء في المحكمة الإبندائيه وكلها بالكثير 3 جلسات
مدتها شهر كامل وبعدين بيطلع لك حكم من صالحك (إخلاء بالقوه الجبريه) وسيأتون الشرطه معك ويرمون
كل أغراضه في الشارع و يعطونك بيتك :nice:

[Aigner]

رفعت الجلسه
اخوي الكواري ماقصر عطاك البيضه مقشره
ولاتروح للشرطه مب اجرائهم بيكون اجراء مدني مب جنائي

[عبدالرحمن]

اخوي الحل بسيط في تاريخ 1/4 اقطع الكهرباء

[بويوسف]

اعتقد ماتقدر اتطلعه .. ويبغي لها محاكم .. بس ممكن تعطيه خطاب اخلاء قبل بمدة اشعار اخلاء وممكن تطلب زيادة الايجار مثلا لو كان 4000 تخليه 7000 ويكون سريان الزيادة من تاريخ نهاية العقد وطبعا اذا مادفع ترفع قضية يدفع غصبا عنه لانه هالشي حقك قول له ياتدفع او اطلع ..

[عضو قديم]

اخوي
هنا القانون واضح
وعليك إتباع التالي
ارسله إشعار إخلاء (موثق ) وممكن يكون عن طريق البريد المسجل أو عن طريق أقرب مركز شرطه
وإن لم يخرج في الموعد المحدد إفتح له ملف قضية إخلاء في المحكمة الإبندائيه وكلها بالكثير 3 جلسات
مدتها شهر كامل وبعدين بيطلع لك حكم من صالحك (إخلاء بالقوه الجبريه) وسيأتون الشرطه معك ويرمون
كل أغراضه في الشارع و يعطونك بيتك :nice:

هذا الكلام الموزون والصحيح
انا صار لي نفس الموضوع بالضبط بس مع مستاجر خليجي رفض يطلع مع ان عقد الايجار باقي علية شهر وحكم القاضي لصالحي بعد 3 جلسات وكل مرة يتم اخطار المستاجر بموعد الجلسة لا يحضر بطرد المستاجر واخذت الحكم ورحت للشرطة اللي في الدور الاول وعطيتهم الحكم للتنفيذ ودليتهم على البيت علشان ينفذون حكم القاضي لكن المسناجر يوم شاف الشرطة صار ادمي ويبي يتفاهم معاي والا من اول كان يقول لي انا ما اتفاهم معك خل المحكمة تنفعك و اللي تبي تسوية سوه واعلى ما في خيلك اركبة تقول هو راعي البيت مب انا

[السيليه]

قطرى الله يعينك عليه مايطلع لكن تعاله بشيمه يمكن يطلع وهذا العقار ومشاكله وانا متخذ قاعده ما اجر حق قطرى وجنسيات اخرى تعرفونها ما تطلع الا بطلعه الروح

[KhalidQ]

قطع الكهرباء افضل اسلوب

[$$$]

اخوي ...ممكن اعرف ليش تبي تخلي البيت.......تبي تسكن فيه ولا اتاجره بسعر اعلى....
لو سكن لك وانت ما عندك الا هالبيت ور اك زواج اعتقد لو اتكلمه احسن لك...وبعدين الشرطه

[سهم طايح]

بما ان العقد راح ينتهي فيحق لك رفع قيمة الاجار الشهري

ارفع عليه الاجار دبل

[بن شطان]

اخوي اهم شي ترسل له بالبريد المسجل اشعار بموعد انتهاء العقد وعدم رغيتك التجديد له ,
لان لو انتهاء العقد من غير ما تشعره بانتهاء العقد يسري عليك العقد القديم ولا تقدر حتى تزيد الايجار
والافضل استشر محامي
والله يعينك

[عبـــــادي]

والله مشالله الشباب ما قصرو عطووك حلول مالها نهاية وكلها في صالحك

اللي قالك روح البيت وضربه وكفخه لين يقول بس

واللي قالك روح المحكمة واللي قال روح مركز الشرطة

وهذا يدل على ان الحكم باذن الله بيكون لصالحك وما ضاع حق وراه مطالب

والله يحقق لك مرادك انشالله


واذا تبي نصيحتي

خذ معاك اقوى شباب تعرفهم اجسامهم مثل الوحوش كف واحد عن عشر

وروح وياهم لين البيت لا تخليهم يضربونه

هدده بان يطلع وشوف شلون بيطلع بسرعة من الخرعة لين شاف الوحوش اللي جايبهم وياك



تحياتي لكم

[h2004]

ياخي انا مابي احطمك لكن صعب تطلع عائلة من البيت وخصوصا "عائلة قطرية"...لكن هناك عدة طرق لازم تتخذها:
اولها حاول انك تحاور الشخص بمنطق ودي وابعد عن اي نوع من الخصومه "صحيح الحق لك لكن والله الزمن اغشر
ثانيا اذا كان نوع الشخص يقبل النقاش حاول انك تسطحب ناس اكبر سن واكثر اقناع في الحوار
ونصيحة اخوية حاول تبعد عن اي نوع من النزاع وخصوصا "الهواش والضرب" وحاول كثر ماتكون قانوني
واخير اتمنى من الله انك تفتك من هالهم ويفرج عن الشخص الثاني هم السكن
وتحياتي


انا اييد كلامك يا اخوي لاني شهد مثل هذا الموقف والموضوع وصل للمحاكم والمحكمة حكمت باخلاء البيت لكن الجواب دائما من الاسكان او المستأجر انت تعلم بالظروف هذه الايام ما في بيوت اصبر علينا واذا مش عاجبك روح اشتك واذا دخلت في موضوع المحاكم صدقني هذه الايام الوقوف الى جانب المستأجر مش المالك فاكرر نصيحة الاخ ساير الرجل واصبر عليه وحاول ان تبحث معاه عن منزل بديل .

[خطاف]

اشكركم اخواني على التفاعل اللي ما كنت متوقعه .. و فيكم الخير و البركه

[الكحلي]

قطع الكهرباء افضل اسلوب


افضل حل وعن تجربة واحد من الربع سواها قطع الكهرباء والماء

واذا يبغي يرد الكهرباء والماء مايقدر لان البيت مسجل بسمك يعني

مايبيله مركز وعوار راس قطع الكهرباء وشوفة بعد كم يوم اذا ماطلع