( الحل الاكيد لمشكلة مكيف الكروزر2008 )

[إنتعاش]

الاخوان الكرام
السلام عليكم ورحمة الله وبركاته


سبق وكتبت موضوع تحت عنوان ملاحظة على اللاندكروزر 2008
وخصوصا التكييف انه ما يبرد مثل اول او لنقول
( قوة دفع الهواء )
لأن سيارتي بعد ما تعدت 10 الاف كيلو صار الهواء ما يطلع اوكي
يعني كأن المكيف مكتوووووووووم ..


والاخوان الكرام ما قصروا بينو لنا كلنا في الموضوع نفسه القديم
المشكلة تكمن في ( فلتر المكيف )

http://www.qatarshares.com/vb/showthread.php?t=181125

http://www.qatarshares.com/vb/attachment.php?attachmentid=29282&stc=1&d=1213128860


رحت امس لتويوتا لاندمارك وقالو لي الفتر مخلص من عندهم

ولفت انتباهي لوحة كبيرة حاطينها عند مدخل الاستقبال مكتوب فيها :

( فلتر المكيف يتبدل كل 10 الاف كيلو )

دورت دورت دورت في قطع الغيار ما حصلوا لي الفلتر قالو ما وصل ..

رحت التيسير طريق سلوى .. عل وعسى ..

شافني ذاك الفلبيني النشمي ..

قال صف صف ..

بطل الدرج .. طلع الفلتر من الدرج بكل سهولة ..

جاب منفاخ الهوى .. ونفخ فيه ..

طلع ووووووصخ يعني يجمع غبار و اتربة بشكل كبير كبير ..

ركب الفلتر ..

شغلت المكيف .

فررررررررررررررررررق السماء عن الارض الصراحه ..
يعني الحين صرت اقصر على المكيف
قبل ما انظف الفلتر كنت اخليه على الاوتو وما يبرد مثل الناس..

نصيحتي للجميع ..
ان حصلت فلتر جديد 240 ريال اشتره كل 10 الاف كيلو ..
او نظفه كل فتره وفترة بكل سهولة عند التيسير او اي مغسلة سيارات ..
مجرد اخراجه من الدرج بكل سهولة .. ومن بعدها ينفخ الهواء ..
والسلام ختااااااااااام..

[عالي مستواة]

جزاك الله خير

ومشكـــــــــــــــو عالتوضيح

[بوراشد 66]

الجي الجديد مشاكله اكثر من محاسنه

[فلفل حار]

توني ادري انه الفلتر للكروزر الجديد نفس نظام الصالون لان ظنيته نفس القديم الي مافي امل يخف دفع الهوا

تسلم اخوي انتعاش وان شاء الله نسويها

رحم الله والديك يالغالي :)

[تلفزيون قطر]

أنا سويت الحركه وبصراحة فرق كبير كبير وأشكرك أخوي على التوضيح والمعلومة ....







فالك التوفيق






تلفزيون قطر

[عـيـون قـطـر]

على فكره كل مواتر تويوتا الجداد فيهم مشكلة الفلتر المكيف
نصيحه كل 10 الف كيلوا غيره احسن لك وكل 5 الف نضفه عند الوكاله ان ماخاب ضني على 35 ريال

[ولد المليونير]

مشكور اخوي ع الموضوع

[bu shhab]

جزاك الله كل خير

[cartier]

انا عن نفسي بطلت الفلتر بنفسي وقطيته عالصبي خسله بماي وركبته ثاني يوم والوضع فللي

[الساحوت2002]

تسلم ماقصرت

[A.L.I]

جزاك الله خير

[musel999]

انا طلعت الفلتر اللى في موتري ونظفته بالهوى بس يوم ريدته مكانه تعفس لان الفلتر مال ال2008 كنه ورقه يتعفس على طول وهذا انا انطر فحص الف علشان ابدله في الوكاله
مايسوى على ابي انظفه

[خالد الخوري]

يفضل اول شي تنفخ ع الفلتر بهوا عقب تغسله بالماي وتنشفه عقب تركب جذي يكون الفلتر جديد وانا اجرب هالحركة من زمان في سيارات مختلفة

[ALRAYYAN]

يعطيكم العافيه اخواني .. موتري قاطع 13 الف واشوف المكيف عال العال

لكن مايمنع نجرب الطريقه اذا بتفيدنا

يسلموووو انتعاش

[إنتعاش]

هلا فيكم اخواني الكرام

تسلمون على التفاعل والتجاوب

تحياتي وتقديري لكم

[سلمان_1]

طيب وش مشكلة المكيف الخلفي اللي في التكاية ،،، صراحة ما يطلع هوا
ومش سيارتي بس معظم الشباب اللي عندهم 2008 يشتكون من نفس المشكلة

[الحـــوت]

انا موترى جي اكس 2008 بدلت فلتر المكيف ركبت فلتر برادو فتحاته اكبر من فتحات الجى اكس مايكتم الهوى والحين عال العال
ركبو فلتر هوى مال برادو

[farrosty]

جزاك الله خير