ذبحني الشوق وقطع مصاريني [الأرشيف] - منتديات شبكة الأسهم القطرية

مشاهدة النسخة كاملة : ذبحني الشوق وقطع مصاريني

Qatarii

06-07-2008, 11:41 PM

فعلا ذبحني الشوق لبلادي, مشتاق للناس والحر, مشتاق لكل شي قطري, حتى الهندي اللي يمشي على شارع من شوارع قطر مشتاق اشوفه والمه بالحضن.....مشتاق للشوارع ومشتاق للفرجان, ميت من الهم اللي كاويني وانا بعيد عن بلادي.
اتمنى اشوف باب بيتنا, اتمنى اشوف بزران الفريج يلعبون, ياهي أمنية بس اكون يم الحوش واشوف عيالي يلعبون مع بعض...ياهي لحظة ابيع عمري واقعد مع ابوي وامي في الحوش ونتكلم ودلال الشاي والقهوه قدامنا...مشتاق للصبح والجرايد, مشتاق لشوفت باصات المدارس وازعاج الهرن يرقع عند الباب...مشتاق لحزة الغدا مع اخواني والرغدة تحت المكيف البارد...
ما ابي فلوس ولا حتى كنز سليمان, ابي اقعد في قطر بين اهلي وعيالي...اسلم على الجيران كل يوم, امر الربع وامسي عليهم, اسمع الأذان البس ثوب واطق الغترة مع عقالي كني ملك زمانه...
ما ابي وظيفه ولا حتى منصب, ابي اقعد وبالي مرتاح من هموم الدنيا وتعبها, ابي اقعد ومخي مكتوب علية (empty)....لاعت جبدي, مليت من همومي, كرهت عيشتي وانا كل سنه طاق الشنطة ومسافر, مافي ديرة وشعب الا مليت من ناظرهم..مافي جامعه الا وطقيت بابها..
شبابي يضيع وايامي تروح...بعد هالسنين كلها اللي راحت اكتشفت شي لكن للأسف متأخر ان الدنيا رايحة والعمر يركض, واخرتها مرزوع على كرسي ما ادري اسوي شي للناس خير ولا يكون باطل...يالله المستعان
لا ادور رد من حد يكتب لي, ولا حتى حد يشفق على, اكتب بس اثبت ان مافي حد راضي في هالزمن...لا الغني ولا الفقير,لا المتوظف ولا حتى العاطل,لا المتعلم ولا الغير, بس اللي يزيد استغرابي اللي في قطر وينفخ من الهم (صج امرك يحير) على نعمة الدين والعقل وترى قطر نعمة من رب العالمين صاروا ثلاثه
يارب لك الحمد على النعمة.
انتهى

دلة الرسلان

06-07-2008, 11:49 PM

:weeping: الله يقرب ديارك اخوي وفعلا العيش في قطر وبين اهلنا هو نعمة لا يشعر

بها بحق الا من فقدها والله كنا نفتقد حصى قطر ويقطعنا الشوق لها .

الغربـــــــــــــــــــــة صعـــــــــــــــــبة

Mo0o0oM

06-07-2008, 11:50 PM

وقطر بعد مشتاقه لك . .

الله يصبرك على غربتك ويردك لاهلك بالسلامه . . :(

اعالي الجنان

06-07-2008, 11:51 PM

الله يصبرك عالغربه ويردك سالم لهلك

مشاعر عميقه فيها شووق ولهفه لقطر ومن منا يقدر على فراقها اسابيع شلون لوسنيين

الله يسر امرك اخوي وتقر عينك بشوفة ديرتك واهلها

بوحارب

06-07-2008, 11:53 PM

والله لا تفوتك الدوحة ياولد

الجو عجييييييييب حار وغبار خفيف

وكل يوم المغرب نروح انكرك عند النعيمي ونسلم عالشباب

وفاليل في مجلس بووليد ولا خيمة بوعابد

والعصاري ادواره في كراجات الصناعيه

وفاليل دوارة صوب الخليج الغربي

والخميس والجمعه صوب الغاريه ولا فويرط قعده وخير

واذا كان الجو تعبان رحنا عزبه واحد من الربع

وبعد وين انروح

يعني الدوحة حلووووة بمعنى الكلمة

وأبشرك حتى فالصيف مب مسافر

حبيت اذكرك بقطر شوي:shy:

الله يوفقك اخوي وأن شاء الله ترجع لنا سالم غانم:)

الزعفراني

06-07-2008, 11:55 PM

الحمدلله على النعمه .
انتهى

امـ عبدالله

06-07-2008, 11:56 PM

الله ايردك ساااااالم

ويفرحوون برجعتك

واتكحل عينك بجوفة هلك وعياااالك

وابن ادم مايترس عينه اله لتراااااااااب

ماعليك منهم ايتذمرون من العيشه اهني وايتحندون و في الاخيــــــــــــر

مايقدروووووون على فراقهاااااااااا

فديــــــــت قطـــــــــــر اميـــــــــــمتنااا

دلة الرسلان

06-07-2008, 11:57 PM

دانـة قطـر

06-07-2008, 11:58 PM

الله يردك سالم غانم :(

شسمه ليش أنتي ما تجي فالإجازات؟؟

وهم ما يزورونك؟؟

امـ عبدالله

07-07-2008, 12:00 AM

اي ليفووووووووووتكم طاااااح لطرررررررب

من جم يوم ماكله خنيزي اشحلوووووه ويا القهووه

http://www.pic4ever.com/images/bliss.gif

سهم طايش

07-07-2008, 12:03 AM

الله يردك بالسلامة

فعلا فراق قطر يذبح

يا خوي في وين انت و شنهي اسباب غربتك ؟

ANONYMOUS

07-07-2008, 12:03 AM

ذكرتني ايام الدراسه كنّا نتشفق على الدوحه

والحين مشتاق مووووووووت حق ايام الدراسه

قطريه ماركه

07-07-2008, 12:05 AM

عليك بالصبر .. والله يعينك ويطوي عنك البعد ...

هدوء 2

07-07-2008, 12:12 AM

ترد انشالله سالم غانم وثق ان ديرتك مشتاقة وتنتظرك
بسلامة:nice:

عبد الرحمن77

07-07-2008, 02:34 AM

السلام عليكم ورحمة الله وبركاته

:) كلنا مر بهذه المراحل، الغربة شينه، خلص دراستك وأن شاء الله ترجع بالسلامة، إذا كانت أول سنة دراسية تصبر وأشغل نفسك بالمفيد وكلم الأهل يوميا عن طريق الكمبيوتر ، بتهون لا تخاف وربي يرجعك لبلادك غانم سالم، أكثر من قراءة القرآن وصلاة الجماعة مع الأحباب......

الامل القديم

07-07-2008, 02:36 AM

ان شاء الله ترد بالسلامه

ســـهم

07-07-2008, 04:09 AM

هذي سنة الحياه وطلب الرزق

وفقك الله اخوي ...

Abdulla Ahmed

07-07-2008, 04:26 AM

أنواع السفر
ـ1 سفر حرام، وهو أن يسافر لفعل ما حرمه الله أو حَرّمه رسوله (، مثل: من يسافر للتجارة في الخمر، والمحرمات، وقطع الطريق، أو سفر المرأة بدون محرم.
ـ2 سفر واجب، مثل: السفر لفريضة الحج، أو السفر للعمرة الواجبة، أو الجهاد الواجب.
ـ3 سفر مستحب، مثل: السفر للعمرة غير الواجبة، أو السفر لحج التطوع، أو جهاد التطوع.
ـ4 سفر مباح، مثل السفر للتجارة المباحة، وكل أمر مباح.
ـ5 سفر مكروه، مثل: سفر الإنسان وحده بدون رفقة إلا في أمر لابد منه » لقوله (: »لو يعلم الناس ما في الوحدة ما أعلم ما سار راكب بليل وحده

كاروهات

07-07-2008, 09:52 AM

الله يردك بالسلامه

انا احساس

07-07-2008, 10:19 AM

الله يعينك ويصبرك ويردك سالم انشاء الله

مناحل بوسيف

07-07-2008, 10:43 AM

ان شاء الله ترد لهلك وأحبابك وبلادك وتقر عينهم فيك يااارب

* الله يهداك يا بوحارب...شفّقت الريّال زود.

سهم طايش

07-07-2008, 01:16 PM

طال السفر و المنتظر مل صبره

الخيميائي

07-07-2008, 01:21 PM

والشوق ياقطر في ناظري شاب :(

الله يعينك على الهوم سيك ويردك بالسلامة

ROSE

07-07-2008, 01:21 PM

ان شاء الله ترد حق هلك وعيالك وديرتك وتكحل عينك بهم

الصبر زين اخوي وانتظر وفي الاخير انت تسعى لمصلحتك ومصلحة عيالك

الله يصبرك وترجع لهلك غانم وسالم

مستثمره جديده

07-07-2008, 03:19 PM

الله يفرج همك و يهون عليك غربتك و يردك إلى أهلك سالم غانم ..
وما بعد الضيق إلا الفرج وانا اختك ..
صحيح ان الغربة صعبة ولكن أحيانا الظروف تجبرنا على أن نتحمل مرَها ..
فما عليك اخوي الا الدعاء بأن يجمعك الله بأهلك عن قريب وأن يهون عليك غربتك ..:)

بوحارب الله يهديك الرجال يبينا نخفف عليه هم الغربه مب نحرق قلبه زياده :(

طير شلـوى

07-07-2008, 03:59 PM

يا ضايق الصدر بالله وسع الخاطر

:weeping:

ناصر11

08-07-2008, 12:26 AM

كل شي لاحق عليه اهم شي شد حيلك وقو قلبك وثري كلن دفع ثمن المستقبل والغربه
وانت في الغربه اتحس انك متغرب عن قطر
وحنى في قطري بعد انحس كئنه في غربه ..... ياخوك قطر مب على خبرك احنى سرنه اجانب في بلدنه متغربين مثلك ومشتاقين حق كل الكلام الي انت قلته في بداية موضوعك

غرفاوي

08-07-2008, 12:34 AM

الله يردك بالسلامة

سلامي للكل

08-07-2008, 08:52 AM

:omg: حرااااااام عليك ليش تخلي الصبي يشفق !!!!!

بس بصراحة الجو ها الايام يهبل خاصة العصر مع الجح والشاي والقهوة والرطب من نخل

الحوش هشيشي وخلاص شيء عجيب !!!

يعنـــي كحلتيهـــا الحيـــن :tease:

ترجــع بــ الســـلامــة:victory:

لولوتي

08-07-2008, 09:08 AM

سلامة مصارينك ياخوي من كل شر
وأكيد صحن من هالدوا بيضبط كل شي :)

http://www.qatarshares.com.qa/data/310/313/storm_1180136907_1284586673.jpg

والفيتامينات
http://www.qatarshares.com.qa/data/310/313/storm_128890571_1013402938.jpg
:nice:

الله يعينك ياخوي على غربتك ويصبر قلبك
وباذن الله ترجع بالسلامه لبلادك واهلك

دلة الرسلان

08-07-2008, 06:02 PM

سلامة مصارينك ياخوي من كل شر
وأكيد صحن من هالدوا بيضبط كل شي :)

والفيتامينات
http://www.qatarshares.com.qa/data/310/313/storm_128890571_1013402938.jpg
:nice:

الله يعينك ياخوي على غربتك ويصبر قلبك
وباذن الله ترجع بالسلامه لبلادك واهلك

:omg: لولوتي هاذي زبيديه تحت صحن المشاوي !!!!!!!!!!!