عيب مصنعي في لاند كروزر 2008

[hamad320]

مساكم الله بالخير جميعا

في واحد اعرفه يشتغل في وكيل تويوتا السعوديه ويقول لاتشتري موديل 2008 في مشكله
بالدبل والكراج متروس من هالمشكله يقصد عيب مصنعي

الي عنده 2008 يفيدنا

من صحه هذه المعلومه

[farrosty]

كلامك صحيح من كم يوم كنت عند شركة التضامن وجا رجال عم يشكي من كير موتره وحولوه لشركة عبد الغني لتبديل الموتر

[خالد الخوري]

الشي الغريب تهافت الناس على التيوتا وهالعيوب تطلع في السيارات وهي شبه جديدة خاطرى القى واحد يكتب ان النيسان فيه عيب مصنعي

[A.L.I]

النيسان




:nice::nice::nice::nice::nice::nice:

[الكواري 1972]

وانا استغرب من الشكاوي

ولله الحمد عندنا من الكروزرات انا والربع

لا مشاكل ولا عوار راس الا مع الورشه يتاخرون

اللهم لالالالالالالالالالالا حسد

[نيساني]

الشي الغريب تهافت الناس على التيوتا وهالعيوب تطلع في السيارات وهي شبه جديدة خاطرى القى واحد يكتب ان النيسان فيه عيب مصنعي



كلام جميل جدا يالخوري:nice:

[راعى Sl]

ما بقى شى بالكروزر ال 2008 كله عيوب فى عيوب والا شرايك

[ALRAYYAN]

الله يعينك على مابلاك يالكروزر

[راعي ال2008 الاسود]

اي والله في سنة ال1998 كان فيه عيوب بس مب مثل هالعيوب بس معليه مفروض الناس ماتباهى ان
عندها وتشتري الحين العالم لو ماشروا ال2008 جان ماتهقوا في هالعيوب لو صابرين شوي لين موديل 2009 كان صلحوا العيوب الي فيه لكن خلاص موديل 2009 ان شاء الله يكون خالي من العيوب الي في ال2008 وبالتوفيق ان شاء الله للجميع

[nass3r]

كنت حاط عيني على واحد

بس خوفتوني الاحسن انطر

وشوف اخرتها مع هلموتر

[hamoor4ever]

والله يااخوي انا عندي مااشتكيت من شي الا الطقه وسويتها بالوكاله ، بالعكس الموتر كارفه وكله دعس فيه متعمد صراحه اسوي فيه جذيه لكن الحمدلله بس الناس اتبالغ حبتين . خذ لك فتك دام انك متشكك بس ترى سنه وراح يتغير . بعدين الموتر ضمان خمس سنوات حتى لو فيه عيب راح يتصلح

[nass3r]

انشالله ال2009

بيكون مضبوط

بروح الحق واحجزلي على واحد

[RasGas]

لا وازيدكم من الشعر بيت خزان البترول مايفول حده ليش؟
يقولون العالم ان في هوا ويبطلون الخزان عشان الهوا يفرغ منه
والله ولي العلم بس ال 2007 افضل منه بوايد

[hamoor4ever]

لا وازيدكم من الشعر بيت خزان البترول مايفول حده ليش؟
يقولون العالم ان في هوا ويبطلون الخزان عشان الهوا يفرغ منه
والله ولي العلم بس ال 2007 افضل منه بوايد

عجيب بس عموما اخوي انا الحين صار له عندي ثمان شهور افوله حده تقريبا 90 ريال او اكثر
الحمدلله ان مافيه هوا

[راعي النيسان]

الشي الغريب تهافت الناس على التيوتا وهالعيوب تطلع في السيارات وهي شبه جديدة خاطرى القى واحد يكتب ان النيسان فيه عيب مصنعي


نيسان يعزك ولا كروزر يذلك :nice::nice::nice::nice::nice:

[_QTR_]

اللي اعرفه
واخبره
واذكره
ومتأكد منه

ان الواحد اذا خذا له النيسان بيعرف الصناعيه شارع شارع جراج جراج وسكراب سكراب

اللي ياخذ له نيسان بيصير نفيقيشن في الصناعية

مع احترامي لاصحاب النياسين

[MafyDa3y]

اول مره اسمع عن هالعيوب في التويوتا
الصراحه عندي واحد ولا اشتكيت منه الحمدلله
ولا عمري سمعت حد من الربع يشتكي منه الا في المنتدى بس

[عيون قطر]

اللي اعرفه
واخبره
واذكره
ومتأكد منه

ان الواحد اذا خذا له النيسان بيعرف الصناعيه شارع شارع جراج جراج وسكراب سكراب

اللي ياخذ له نيسان بيصير نفيقيشن في الصناعية

مع احترامي لاصحاب النياسين

والله انك صادق دخله اشوي بر واطلع على الشارع اسمع صوت العصافير والقرقعه كأنك قاعد في محل يبيع طيور :)

[Moe.Z]

تسلم اخوي على المعلومه

[مزيون_قطر]

اللي اعرفه
واخبره
واذكره
ومتأكد منه

ان الواحد اذا خذا له النيسان بيعرف الصناعيه شارع شارع جراج جراج وسكراب سكراب

اللي ياخذ له نيسان بيصير نفيقيشن في الصناعية

مع احترامي لاصحاب النياسين



ههههههههه اتصدق انه هالكلام دايم اردده للي بيشتري نيسان سبحان الله النيسان يقولك بسنة 2010 بيركبون له نفيجشن خاص بس يدليك على الكراجات اللي بالصناعيه :telephone:طبعا امزح

[المعنى]

اخواني انا كنت من اول الناس اللي استخدموا 2008 والله ان السياره من اروع ما يكون ومافيها اي مشكله
السياره ممتازه بكل ما تحمل الكلمه من معنى.وسافرت عليها مكه ورجعت والموتر ثابت وما واجهت اي مشكله.
وعلى العموم اكيد ان هناك اخطاء تحصل من المصنع في بعض السيارات.
لكم جزيل الشكر

[مستثمر تحت التعليم]

يالربع لاتظنزون على النيسان ثراني مارضى عليه هذا حبيب العمر مع العلم اني الحين عنديgx 2008 بس بعد النيسان مشهود له خذيته من 2001 وبعته 2008 وكان زي العسل شارع وبر ورمل صج الكروزر وسيع من داخل والناس راغبه فيه لاكن هالشي مايمنع أن النيسان ند قوي الكروزر ــ والسلام عليكم

[hamad320]

والله يا الاخوان صراحه الكروزر ماعليه كلام مع احترامي للنيسان
بس احسن شي انطر 2009 لان صراحه اكثر السيارات لما يتغير شكل السياره كليا بيكون في مشاكل مصنعيه
واكيد انتو عارفينها مثل المرسيدس اول ما نزل 1999 فيه مشاكل بالهيدروليك وعدلوها بالموديلات الي بعده



لكن احسن شي انطر 2009

[راعي ال2008 الاسود]

اخووي حمد وياك بس حدد متى بتاخذ 2009 وبخاويك وباخذ وياك هههههه

[simota uae]

النسيان بشكل عام من جميع النواحي كلام فاضي.... بدي خفيف او مخفف مكينه كذلك نفس الشي...... حتى لو كانت قويه ما تعيش مثل التويوتا...... مالها وزن على الشارع سواء كانت داخل مدينة او على الخطوط الخارجية ...وخص اذا هبت مهب وانت على الخطوط الخارجية نصيحه صفط لا تنجلب..... وقطع غيار اغلى من التويوتا على شو مادري....واذا فكرت تبيع ما تحصل غير الورعان يشترونه.... لان السياره اصلن شكلها للعب وتقحيص ويلات ويتقرقع بسرعه...........وشركة النيسان ما ابدعت الا فالجي تي آر 2009 وبس

مفخرة الارض بانواعها وبمحركاتها المختلفه شكلت سوق قوي سيطر على العملاء بشكل غير طبيعي ومقارنة مع النيسان من ناحية الموصفات او المواد المستخدمة فالسيارتين اقصد الفنشينج والراحه يطلع النيسان ولا شي بالنسبة لتويوتا اما الثبات والوزن يطلع النيسان برقم 0 والدليل على ان التويوتا سياره المفضلة لدى الخليجين هو السوق اللي رفع سعرها والطلب المتزايد عليها

[بوسلطانqtr]

السلام عليكم بالنسبه لعيب خزان البترول انا عندي جي اكس ار 8 سلندر نعم فيه عيب في الخزان اذا كان مصفر أعبيه فل مايتعبا الا النص واخذلي لفه واعبي الباقي يعني مثلا اعبي من محطة اللاندمارك وبعدها اعبي في محطة الخيسه تميت على هالموال تقريبا اسبوعين ودخلته الوكالة مرتين او مره ماضبط والمره الثانيه الحمدلله ضبط بس على فكره المره الثانيه جابو خبرا من اليابان عشان يصلحون المواتر عدد المواتر اللي فيها هذي المشكله مايتعدا 10 وكلها على كلام الشركة دفعة شهر 4

ويعطيكم العافيه

[طاش]

انا عندي مافيه عيب ولا اشتكيت من شي مع ان الموتر ماخذة اول السيارات في قطر شهر 1 اول دفعة

[فلفل حار]

عيب مصنعي او خلقي

متخوف من وشو ؟ كله علي الضمان :)

[سهم طايح]

همممممممممممممممممممم

الله المستعان

يمكن وسواس قهري ؟