مشكلتي مع بنك الدوحة .. !!

[زقرتي ومزاجي]

السلام عليكم ورحمه الله


رحت لبنك الدوحة ابي اشتري سياره (( مع العلم انه البنك اللي ينزل فيه حسابي))
جبت لهم اوراق السياره اللي ابي اشتريها ووافقوا عليها

بس المشكله

ان بطاقتي الشخصية بتنتهي بتاريخ 29/07/2008م

قالوا معاملتك مكتمله بس المدير (( هندي )) ماوافق عليها قلت لهم ليش ؟؟
قالوا لازم تكون ساريه قبل لا تنتهي بـــ 45 يوم


السؤال

هل الاجراء اللي قاموا فيه قانوني ام لا


؟؟


ان شاء الله صوتي يوصل للمسؤوليين

[زقرتي ومزاجي]

:telephone:

[relaax]

الله يعينك ع الهنود

روح الفرع الرئيسي

[hamoor4ever]

لا مااعتقد ان الاجراء قانوني وانا كنت اشتغل في بنك بصراحه اول مره اسمع هالشي والبطاقه مفروض تنقبل لين اخر يوم ، بس اقول لك انا شالسالفه هاذول الهنود مشكلتهم خوافين وايد ولانك قطري فلازم يضيق عليك شوي ، فهمت شلون

الحل تروح له المكتب وتصرخ عليه شوي بتلاقيه يتنافض وراح يمشي لك المعامله بكل سهوله بس خلك جاد معاه واشتك عليه اذا ماوافق

[الألماسي]

Simple


روح جــددهـــا . . وبــلاش عـوار راس


: )

[auto body]

Simple


روح جــددهـــا . . وبــلاش عـوار راس


: )

ونعم الراى

[عبد الرحمن77]

السلام عليكم ورحمة الله وبركاته


أقول يمكن الله أراد لك الخير، بنك الدوحة بنك ربوي ولا يجوز شراء سيارة بالأقساط منه، هذه فتوى من الشبكة الإسلامية عن شراء السيارات عن طريق البنوك الربوية.

السؤال: السلام عليكم ورحمة الله وبركاته.. ماحكم شراء السيارة بالإقساط المريح من بنك ربوي وتعامله مثل تعامل البنوك الإسلامية.. علما إن تعامل هذه البنوك الربوية تفوق إحتراما بتعاملها مع زبائنها من البنوك الإسلامية؟ ولكم مني كل جزيل الشكر والإحترام.
الفتوى: الحمد لله والصلاة والسلام على رسول الله وعلى آله وصحبه أما بعد: الشراء الذي يتم عن طريق البنك الربوي عبارة عن قرض بالفائدة، وهذا من الربا المحرم وكون هذه البنوك تقدم شيئا من التسهيلات أو حسن المعاملة لا يغني من المرء شيئا، ولا يجعل الحرام حلالا، وقانا الله وإياك شر الربا. لكن التعامل مختلف تماماً بين البنوك الإسلامية والبنوك الربوية . والله أعلم .

كفاية تسمع هذه الآيات لتعلم خطورة الربا وتعلم من يقف خصم لك.
(يَا أَيُّهَا الَّذِينَ آمَنُواْ اتَّقُواْ اللَّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ )(278)
(فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللَّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ)(279) ،سورة البقرة.

[بنت سعادة السفير]

اخووي انا من رايي

انك تجدد البطاقه وبلا عواار راس

تجديد البطاقه ماتااخذ ساعتين

انا عن نفسي رحت الصبح الساعه 9 وخلصت الظهر

وتكيسلت ارجع لهم رحت لهم اليوم الثااني

والله ماقصروا صراااحه

طبعآآ هذا الكلام قبل ماتطلع البطاقه الذكيه

[فهد24]

لاتجدد ولا شي ...يمكن هذي خيره لك

[فلفل حار]

لاتجدد ولا شي ...يمكن هذي خيره لك

صح:nice:

وعن تجربه مع احد البنوك الربويه يشفطون فوائد الاقساط قبل القسط نفسه ، وان مافهمت كلامي الحين بتفهمه بعد سنتين او ثلاثه من بداية الاقساط واذا بتبيع الموتر او بتحرره بتكتشف انك كنت تدفع اقساط الفوايد بس وللحين قيمة القرض هي نفسها !

اخوي لاتغلط غلطتي ، روح بنك اسلامي ابرك لك لانه فوايدهم ثابته مع القسط الشهري ومايتغير

[عذب الكلام 1]

صح:nice:

وعن تجربه مع احد البنوك الربويه يشفطون فوائد الاقساط قبل القسط نفسه ، وان مافهمت كلامي الحين بتفهمه بعد سنتين او ثلاثه من بداية الاقساط واذا بتبيع الموتر او بتحرره بتكتشف انك كنت تدفع اقساط الفوايد بس وللحين قيمة القرض هي نفسها !

اخوي لاتغلط غلطتي ، روح بنك اسلامي ابرك لك لانه فوايدهم ثابته مع القسط الشهري ومايتغير

اى والله كلامك صحيح ان الان في بنك اسلامي وماخذ عن طريقهم اربع سيارات وخلصت اقصا تهم وماعلى شي الان ورفيجي في بنك ربوي وماخذ سيارتين معاي بس لليوم ماخلص القسط وعليه فوايد والملكيه مب حره وانا كل الملكيات حره من تاريخ المعامله يني من اول ماشريتهم وهو يا عيني مسكين ملكيات مرهونه وحذرته من البدايه قال لا القسط خفيف قلت له باذكرك ان بخلص وانت محلك سر والله يعينك

[اعالي الجنان]

السلام عليكم ورحمة الله وبركاته


أقول يمكن الله أراد لك الخير، بنك الدوحة بنك ربوي ولا يجوز شراء سيارة بالأقساط منه، هذه فتوى من الشبكة الإسلامية عن شراء السيارات عن طريق البنوك الربوية.

السؤال: السلام عليكم ورحمة الله وبركاته.. ماحكم شراء السيارة بالإقساط المريح من بنك ربوي وتعامله مثل تعامل البنوك الإسلامية.. علما إن تعامل هذه البنوك الربوية تفوق إحتراما بتعاملها مع زبائنها من البنوك الإسلامية؟ ولكم مني كل جزيل الشكر والإحترام.
الفتوى: الحمد لله والصلاة والسلام على رسول الله وعلى آله وصحبه أما بعد: الشراء الذي يتم عن طريق البنك الربوي عبارة عن قرض بالفائدة، وهذا من الربا المحرم وكون هذه البنوك تقدم شيئا من التسهيلات أو حسن المعاملة لا يغني من المرء شيئا، ولا يجعل الحرام حلالا، وقانا الله وإياك شر الربا. لكن التعامل مختلف تماماً بين البنوك الإسلامية والبنوك الربوية . والله أعلم .

كفاية تسمع هذه الآيات لتعلم خطورة الربا وتعلم من يقف خصم لك.
(يَا أَيُّهَا الَّذِينَ آمَنُواْ اتَّقُواْ اللَّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ )(278)
(فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللَّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ)(279) ،سورة البقرة.


بارك الله فيك رد واافي

اخوي زقرتي هي خيره من ربك روح بنك اسلامي ابرك والله بيبارك لك

[كاروهات]

اشرايك تاخذ لي وياك سياره:tease:

[ذيبه مزاجيه]

الله يعينك على هالبنوك وقروضهم وفوايدهم .. -_-

[moaam_79]

غريبة والله بس الهندي يحب يكون في السيف سايت يخاف زيادة الله يعنك اخوي

[khaldoon]

صح:nice:

وعن تجربه مع احد البنوك الربويه يشفطون فوائد الاقساط قبل القسط نفسه ، وان مافهمت كلامي الحين بتفهمه بعد سنتين او ثلاثه من بداية الاقساط واذا بتبيع الموتر او بتحرره بتكتشف انك كنت تدفع اقساط الفوايد بس وللحين قيمة القرض هي نفسها !

اخوي لاتغلط غلطتي ، روح بنك اسلامي ابرك لك لانه فوايدهم ثابته مع القسط الشهري ومايتغير


اخي العزيز فلفل حار


اتفق معاك في الامور التاليه...المسأله قانونيه فعلا بس مب مهمه لسببين

اولا انه تقدر تجدد اقامتك خلال عشر دقايق لو انه مب زحمة

ثانيا انا شريت سياره من 3 شهور تقريبا و قالي موظف البنك اللي انا اصلا مب محول راتبي عليه و لا شفت ويه للحين و يشهد الله اني اعطيته 60 شيك على بياض بس توقيع لموظف الوكاله و هو كتبهم واعادهم لي عن طريق الوكاله انه جواز سفرك يخلص بأقل من 3 شهور ....يعني جواز سفر اقامته صالحه بس هو بينلغي يعني الاصل نفسه و هو جواز السفر بفقد صلاحيته ....قلت لهم انا ابي السياره ولو ابي انتظر لين اجدد جواز السفر و اطبع عليه الاقامه راحت شهر او اكثر و ممكن يتغير تفكيري و اشوف سياره ثانيه او عرض جديد احسن

قالولي ولا يهمك روح جدد جواز سفرك براحتك و استلمت السياره خلال يومين


بخصوص انه بالاول ندفع الفوائد مب القسط نفسه اتفق معاك بس والله انه الكلام ينطبق على الاسلامي و غير الاسلامي

يوم كنت مقسط السياره اربع سنوات في الاولى للتمويل قالولي اذا جيت تسد المبلغ قبل بسنه بتوفر 2000 ريال ...رحت لهم عقب 3 سنوات علشان اوفر 2000...ما قدرت اوفر الا 1000 بس ..قٌلت وين كلامكم اول ...قالولي انه اكبر اقساط تؤخذ من العميل في الشهور الاولى من العقد بينا و بينه ...بيحملون اكبر فوائدهم او على قولتهم مرابحتهم في الشهور الاولى من الدين

فوائد ثابته مع القسط الهشري تعني انه لو ما قدرت تسد شهر او شهرين بيسامحونك بدون مبالغ اضافيه مثل البنوك الربويه و يظل معروف سعر السياره ثابت مثل ما تم الاتفاق معاك اصلا يوم شريتها رغم انه مرابحتهم او فائدتهم اعلى من البنوك الربويه للاسف الشديد لانهم يحملونك جميله انهم اسلامي...يعني تدفع واجد حق هالشي مرابحتهم او فائدتهم 7.5% او اكثر

البنوك الربويه للاسف 4.5-3.5% او اقل حتى لو مع فتح الملف تظل اوفر للاسف الشديد

بس لو ما سديت لاكثر من شهر او شهرين حالهم حال غيرهم بتروح للمزاد الله يسلمك

[عـيـون قـطـر]

روح لك بنك اسلامي احسن لك مليون مره

[_QTR_]

والله على طاري البنوك الربوية والبنوك الاسلامية

زيد اخو عبيد يا شباب

اذكر خذيت لي جي اكس في شهر 12/2005 موديل 2006 وخليت قسطة 4000 ريال

وجيتهم شهر 12/2007 تدرون كم قالوا لي باقي على السيارة ((( والله انصدمت ))) قالوا لي باقي 92 الف ريال

يعني لو بتحسبها سنتين 24 شهر ادفع في الشهر 4000 ريال يساوي 96 الف ريال اللي دفعته

والله والله والله اني كرهت شيء اسمه اقساط والحين اذا افكر اني اشتري سيارة آخذها كاش او ادفع اكثر من نص قيمتها والباقي ادفع اقساط قوية يعني 4000 او 5000 ريال عشان اخلص عمري

الله يكرهم والله مذلة وقصتي هذي مع البنك التجاري عشان اكون صادق معاكم

[عاصم السوري]

اخوي ما دام انت قطري هادي مش مشكلة ابدا بس نحنا عنا المدراء في بنك الدوحة يخافون كتيروخصوصا الهنود واي مساعدة تريدها في بنك الدوحة اخوي انا حاضر

[A H M A D]

تبي نصيحة ابعد عن بنك الدوحة

[كاتم الاسرار]

الصراحه الله يعيييينك منهم المهم اسمع روح الرئيسي الي في شارع البنوك واسئل عن رئيس مجلس الادارة واهو فووووق اول ما توصل له بتلقى سكرتير مكتبه وقوله ابغي المدير طبعا بقولك وشو ساير انت قوله الموضوع كامل شرط ينتهي موضوك بالتلفون منهم انا مجرب والله مع مدير قسم لي معامله والمسئول هندي نفسك رحت اشتكي عليه ورجعت لقيت المعامله منتهيه

انت رووح جرب والله يعيييييييييينا من الاجانب والله

[غرفاوي]

الله يفكك منهم