المساعد الشخصي الرقمي

مشاهدة النسخة كاملة : بخصوص الانتساب


نورFROM قطر
08-07-2008, 07:43 AM
مرحبا.........

اللي عنده اي فكره عن الانتساب لاي جامعه مثلا" مصر ....

او عن جامعه ثانيه اخبر الدكاتره يجون هني يقدمون امتحان.....

ياليت يفيدني...


ضروري
jassim_9
08-07-2008, 09:34 AM
اختي اذا اوصلتك اي معلومات عن الانتساب ياليت تفيديني وانا حالين مكلم واحد في مصر يسال اذا في مجال الانتساب او اي شي بديل واذا جاني رد بفيدك انشالله
كيان
08-07-2008, 02:48 PM
عندج المركز الثقافي العربي اللي فالمطار بدو التسجيل في جامعة عين شمس وغيرها والدراسة كلها تكون هني ف قطر ,,, اخذي رقمهم من كيوتل استفسري منهم بيفيدونج اكثر ...
هدوء 2
08-07-2008, 03:04 PM
سبحان الله كنت افكر في نفس الموضوع الله يجزيكم خير :nice:
فزعـــــ قطر ـــــة
08-07-2008, 03:08 PM
http://www.uaekeys.com/fwasel/www.uaekeys.com27.gif
هل هي معترف فيها في المجلس الأعلى للتعليم
ووين بيكون تقديم الأمتحاانات اهنيه والاا مصر ؟؟؟ ارجو الإفادة
http://www.uaekeys.com/fwasel/www.uaekeys.com27.gif
A to Z
08-07-2008, 03:17 PM
يجماعة انا اعرف ناس يدرسون انتساب بالجامعة اليمنيه الي في المطار

على قولتهم معترف فيها
تاخدون الكتب وتدرسون بنفسكم طول السنه وتقدمون الامتحان بمقر الجامعة اخر السنه
كيان
08-07-2008, 10:24 PM
لا مب معترف فيها مع الاسف بس الناس يدرسون فيها بالرغم من ذلك ,,
Media
08-07-2008, 10:35 PM
اتمنى التأكد من ان الجامعه معترف بها في دولة قطر قبل التسجيل والدراسه بها لان لو طلعت مب معترف فيها بتكونون ضيعتو فلوسكم ووقتكم عالفاضي

والله يوفقكم
vip8
08-07-2008, 10:40 PM
مرحبا ..

حبيت اضيف ان راح تفتح جامعه عين شمس في الدوحه انشالله خلال الاشهر القادمه وراح تنطرح فيها كليتين مبداين .. وهي كليه القانون - والتجاره .. ويمكن بعد راح تكون جامعه الازهر وراها خلال السنه هذه وجامعه عين شمس راح تكون معترف فيها انشالله والي مب مصدق الخبر يكتب في قوقل جامعه عين شمس بقطر وبيطلع له صوره توقيع العقد والاتفاقيه الي تم عليها المشروع ..

مع العلم اني مسجل انتساب في جامعه القاهره تخصص تجاره من السنه الماضيه ولما كلمت السفاره في القاهره بلغوني اني مااستعجل لان بيفتحون جامعه عين شمس عندنا وهذه الخبر اكيييييييييييييييييييييييييد انشالله ..

.. وانشالله اني ماقصرت
نورFROM قطر
08-07-2008, 11:37 PM
انا اتصلت وسألتهم قالوا ان الشهادات مش معترف فيها... في الدوائر الحكوميه؟؟

بس الشركات الخاصه...


ايش رايكم؟؟؟

انا ما ابي احضر محاضرات ما اقدر ابي انتسب؟؟ ومابي جامعه قطر ادرس موازي...

ومابي هالجامعات اللي تعتمد على اللغه الانجليزيه... لان اللغه عندي وسط ؟


ابي رايكم؟؟
BODYGUARD
08-07-2008, 11:42 PM
انا سمعت شباب يقولون في انتساب بالجامعه اليمنيه ومعترف فيها وموقعها في شارع المطار التجاري مقابل البنك الاهلي .. على كلااام الشباب ..:victory:
ANONYMOUS
08-07-2008, 11:52 PM
في جامعة القاهره على ما اظن

الدكاتره يجون هنا معاهم الامتحانات ويراقبون

في تخصصات ادبيه فقط

وهذي مش معترف بها في الدوحه للقطريين
فرح
08-07-2008, 11:59 PM
انا اتصلت وسألتهم قالوا ان الشهادات مش معترف فيها... في الدوائر الحكوميه؟؟

بس الشركات الخاصه...


ايش رايكم؟؟؟

انا ما ابي احضر محاضرات ما اقدر ابي انتسب؟؟ ومابي جامعه قطر ادرس موازي...

ومابي هالجامعات اللي تعتمد على اللغه الانجليزيه... لان اللغه عندي وسط ؟


ابي رايكم؟؟

الله يكون في عونج ...
العنود55
09-07-2008, 02:13 AM
الدراسه بالانتساب غير معترف فيها في قطر حتى وزراة التربية والتعليم ماتصدق على الشهادات يعني حرام تقطون فلوسكم على الفاضي
الألماسي
09-07-2008, 02:39 AM
الإنتســـاب أُلغــي سنـــه 1998 تقريبـــاً . .

بمعنى . . لـو رحتـي تدرسيــن " انتســاب " بأي جامعـه بالعالــم . . شهادتــك ماراح يصدقونهـــا الا بـــ " واســـــــطــــه " . .

فيـه جامعـات مثـلا بمصــر أو البحـرين هـي انتظـــام للعلـــن . . بس إنتســـاب من تحــت لتحــت ومحد حولـــج . .

على سبيـــل المثــال لا الحصــر :

جامعـه البحــرين المفتوحــه " انتــظام " 3 ايــام بالشهـــر . . فقط

بس تأكـدي اختي قبــل لا تبدئين بأي خطـوه . . اسألــي هـل هي " معترف " فيهـا او لأ . .

أغلـب النـاس اليـوم ضاربيــن بوزاره التربيـــه " عرض الحائــط " . . والســـبب ان هـ الشهادات تطلــب مصدقــه من قبــل الجهات الحكوميــه فقـــط . .
بمعنى البنــوك والشركات الخاصــه غير الحكوميــه لاتطلـــب " التصديــق " . .

اللـه يوفقـــج اخـتي
The future
09-07-2008, 04:27 PM
انا عندي خبره في هالسوالف كلها الي يبي يكمل جامعه عنده مركز الثقافي العربي في المطار فيها ثلاث جامعات عين شمس والقاهره واليمنيه يسجل عندهم والامتحانات بتكون في دوحه عندهم و عندي معلومات انهم بيلغون تصديق الشهدات في الوزاره يعني كل شي بيكون معترف فيه وثاني شي اذا مالغوها القطاع الخاص مايهمه تصديق الشهاده والحين الواحد الي عنده جامعه معاشه يكون اقوى في قطاع الخاص اكثر من الحكومي يعني مش مهم تصديق لأني بروح للقطاع الخاص وعندي معلومه خاصه سمعت انهم بيفتوحون جامعه عين شمس مقر لها كامل في دوحه يعني خلاص اي جامعه تدش الدوحه لزم تاخذ ترخيص من المجلس الاعلى وبتالي الجامعات الي في دوحه اكيد معترف فيها من قبل المجلس الاعلى والوزارة تابعه للمجلس انتهت القصه:)
The future
09-07-2008, 04:33 PM
انا اتصلت وسألتهم قالوا ان الشهادات مش معترف فيها... في الدوائر الحكوميه؟؟

بس الشركات الخاصه...


ايش رايكم؟؟؟

انا ما ابي احضر محاضرات ما اقدر ابي انتسب؟؟ ومابي جامعه قطر ادرس موازي...

ومابي هالجامعات اللي تعتمد على اللغه الانجليزيه... لان اللغه عندي وسط ؟


ابي رايكم؟؟

الصبر حلو ننتظر انا وانتي :) ونشوف اذا جامعه عين شمس بتفتح هنا اذا فتحت حلو واذا لا نسجل في المركز ولخلصنا نروح للقطاع الخاص:nice:
نورFROM قطر
10-07-2008, 03:56 AM
بتفتح بس انتظاااااااااااام وانا ابي انتساااااااااااااااااااااب

الحين يقولون الانتساب لعين شمس بيكون امتحان واحد في السنه فهموني اشلون ؟ يعني ادرس مواد الكورس الاول والثاني واقدم 10 امتحانات؟؟؟؟؟؟؟؟؟؟؟
The future
15-07-2008, 02:21 AM
بتفتح بس انتظاااااااااااام وانا ابي انتساااااااااااااااااااااب

الحين يقولون الانتساب لعين شمس بيكون امتحان واحد في السنه فهموني اشلون ؟ يعني ادرس مواد الكورس الاول والثاني واقدم 10 امتحانات؟؟؟؟؟؟؟؟؟؟؟

بعطيك رقم المركز الثقافي العربي وهم عندهم جميع المعلومات الي تبينها4653373