محتارة وأبي شوركم

[&شهد&]

السلام عليكم ورحمة الله وبركاته
أخواني وخواتي أعضاء المنتدى
بما انه خبرتي في عالم السيارات بسيطة رغم اني اسوق من 10 سنوات بس بعد انتوا ماشااالله عليكم خبرررة
أبي أشتري سيارة ومحتاااارة بين ال اكس5 والبورش كايين!!!
اشتنصحوني فيه ؟؟؟؟؟
وجزاكم الله الجنه

[بلاتينيوم]

طبعا الاكس فايف


تكفيج معاملة الشركه

والصيانه المجانيه لمدة 3 سنوات

[بوحمد111]

البورش بدون تردد ويكفي انك بتمشين في الشارع مشية الملوك ومستحيل المقارنه مع اي سياره ثانيه وفالك التوفيق ويبعد عنك عيون الناس وربي يحفظك من كل شر

[سهم طايح]

البورش طبعا

وموفقة ان شاء الله

[الـking]

البوووووووووووووووووووووووووووووووووووووووووورش

[Mody]

لا بصرااااااااااحه ال X5 لانها البق للحريم من البورش

وهذا رايي الشخصي ومعاملة الوكاله وضمانها يريحكم

[النايف_قطر]

الاكس فايف اذا فكرتي تبيعينها ماراح تنباع الا بخساره ما يعلم بها الا الله

اذا بغيتي نصيحتي الكاين :)

[سلمان_1]

:omg::omg::omg:
مشالله على الردود ... انا اللي ما لي شغل احترت

:rolleyes2:

[وطن]

اختي

لا تحتارين
روحي الوكالتين
وجربي سواقة السيارتين
وشوفي شنو الأريح والأحلى بالنسبة لج

:)


مع اني ارجح كفة الاكس فايف

لاني اللي اعرف ان الكايين بتتغير قريب

[مهاجر]

ضمان البووورش الكل يشتكي منه

لكن البي ام الكل يمدحه

[&شهد&]

تسلمون ع الردود
عاد اتصدقون احترت زياااااااادة
بس صج الكايين بتتغير؟؟؟؟؟؟؟؟؟؟؟

[الحـــوت]

روحى ااوكالتين وشفي السيارتين واسعارهم
وذا سمعتى كلام كل الناس كلواحد بيقولج رايه
والناس اذواق

[بوحمد111]

مستحيل تتغير وأصلاً توها متغيره في 2008 وماراح تتغير الا بعد مرور 5 سنين على اقل تقدير ونصيحتي لك البورش ثم البورش ثم البورش بدون تردد

[Um Sultan]

الكاين ماراح تتغير انا طالبه لي وحده 2009

مثلج كنت محتاره بين الاكس فايف والبورش

بس يوم جربت السيارتين ارتحت في البورش اكثر

انتي جربي السيارتين وشوفي بترتاحين في شنو

لاتاخذين على راي الناس وعقب ماترتاحين بالسياره وتتوهقين

بس نصيحتي .. البووورش ^___^

[راعي ال2008 الاسود]

تسلمين اختي على طرح الموضوع لكن انتي اخترتي موترين اول شي
(الكس فايف ) العيوب في الجير وفيها عيوب والبي ام بالذات عيوبها وخرباتها ماتخلص والصيانة بعد لوديتي الموتر تصليح يطلع شي ثاني اوكي
( الكيان ) العيوب في كل شي السمان غالي نار مايقدر الواحد يتحمل التشيكات ول السمان الغالي

لكن انا اشوف اذا تبين فروويل لانج طالب الاكس فايف والكيان ليش ماتخذين لكزس فروويل ال2008 او
2009 اول شي عليها عزم وثانيا فخامة اكثر من الكيان والاكس فايف وبعدين نفس السعر او اغلى منهم
بشوي لكن تبين انتظري لين شهر 1 واخذي لكزس موديل 2009 واحلى لون الرصاصي والله يوفقك ان شاء الله ولكن هاااي وجه نظري ونصيحة لج واذا حبيتي تاخذين بالنصيحة عليج باللكزس واذا ماتبين هذا شي راجع لج وبالتوفيق ان شاء الله للجميع

[نيساني]

غير البورش لا تاخذين ويعطيج خيره ويكفيج شره مقدما

[راعي ال2008 الاسود]

اختي عليج باللكزس مثل ماقلت لج تبين كل شهر صافطة عند شركة البروش ول الفردان صافطة عند الورشة
كل 10000 كيلو ول بعد ماتخلص في نفس اليوم هذا عيب البورش اذا سفايف وايل تاخذ يومين على الاقل
والرنج كذلك اما اللكزس اي مكان يسوي له تبديل اي ماعليج الا تنزلين الموتر عندهم ساعة بس وارجعي الا
موترج خالص واي مكان برا الشركة عاادي بس لزم ايل التيوتا اشتري الايل من اي محل قطع غيار حق التيوتا وفلتر بس خلي الموتر عند اي مغسلة وهم يسون شغلهم وبالتوفيق لج ان شاء الله ويعطيج خيرها ويكفيج شرها ان شاء الله

[وطن]

مستحيل تتغير وأصلاً توها متغيره في 2008 وماراح تتغير الا بعد مرور 5 سنين على اقل تقدير ونصيحتي لك البورش ثم البورش ثم البورش بدون تردد

اخوي اسمح لي
بس التغيير اللي في 2008
هو بس فيس ليفت
يعني تغييرات بسيطة
كل الشركات تقوم بها في منتصف المدة قبل لا يقلبون الشكل كامل
يعني يبي لها 3 - 4 سنين ويتبدل شكلها

[خالد الخوري]

البي ام شي اكيد

[Mody]

ياخوي اللكزس سياره عوده على الحريم
موب لابقه لهم اما الاكس 5 ما عليها كلام
ولا تسمعين للخرابات اللي يقولون عنها
ترى عندج 5 سنوات ضمان وكل شي عليهم
وقبل لا يخلص الضمان بيعيها وياالله بالحياة

[راعي ال2008 الاسود]

اخووي من قالك كبيرة على الحريم سلامتك الا بالعكس كم لكزس 2008 ول بعد قديمة يسوقون حريم
عاادي بالعكس الا موتر فخم وحلو وبعدين مب نفس البي ام خرابات وبعدين التشيكات الموتر تاخذ يومين ول
ثلاثة ليش اللكزس احسن واعبر منهم بوايد

[S A L M A N]

البورش طبعاً

[Mody]

الشور عندنا ما قصرنا فيج والراي الاول والاخير

يرجعلج بترتاحين نفسيا في اي موتر !!!

روحي عند الوكيل وجربي السيارات المرشحه

ولين ارتحتي على شي توكلي على الله

علشان ما اتحسفين بعدين والله يباركلج مقدما

[شعشوع]

اكس فايف أسود ..
من داخل جلد برتقالي ..
رنجات سود ..

واااايد موتر راقي وحلو ورزه ..

وعن سالفه الخرابات ماعليج من الكلام .. اقول هالكلام عن تجربه تميت اسوق اكس فايف 2008 وفعلا موتر حلو ..
وخذت بعده M6 ومن اسبوع رنج وللحين عندي الموترين والحمد لله احلى حلاوه.. والسبب ف الوكاله لاني وايد مرتاح لهم .. وان نويت اغير ماراح احيد عن البي ام ولا الرنج !!

كفايه المعامله الحلوه عند الفردان .. مب الدرويش الي وكالته كل مالها وتدمر زياده
صراحه حرام ماسحبوها منه مثل ماسحبوا منه الاودي !!

استخيري طبعا ..
وتوكلي ع الله وفالك البيرق
<< شدخل

^_^

[saeed alhajri]

تسلمين اختي على طرح الموضوع لكن انتي اخترتي موترين اول شي
(الكس فايف ) العيوب في الجير وفيها عيوب والبي ام بالذات عيوبها وخرباتها ماتخلص والصيانة بعد لوديتي الموتر تصليح يطلع شي ثاني اوكي
( الكيان ) العيوب في كل شي السمان غالي نار مايقدر الواحد يتحمل التشيكات ول السمان الغالي

لكن انا اشوف اذا تبين فروويل لانج طالب الاكس فايف والكيان ليش ماتخذين لكزس فروويل ال2008 او
2009 اول شي عليها عزم وثانيا فخامة اكثر من الكيان والاكس فايف وبعدين نفس السعر او اغلى منهم
بشوي لكن تبين انتظري لين شهر 1 واخذي لكزس موديل 2009 واحلى لون الرصاصي والله يوفقك ان شاء الله ولكن هاااي وجه نظري ونصيحة لج واذا حبيتي تاخذين بالنصيحة عليج باللكزس واذا ماتبين هذا شي راجع لج وبالتوفيق ان شاء الله للجميع
مرحبا الشيخ ،
أنا عندي تعقيب بسيط على قطع غيار البورش اللي ذكرت أنها غالية ونار وأن الواحد ما يقدر يتحمل التشييكات في الوكاله ،
أولا عندي لك سؤال بسيط أنت تتكلم من واقع تجربة ولا من كلام الناس ؟
إذا كان ردك من واقع تجربة فهذي مصيبة وإذا من كلام الناس فالمصيبة أكبر ،،،
أخوي الواحد قبل ما يكتب شيء يجب أن يتقي الله ويقول الحق .
ثانياً أنا مستخدم البورش كايين وبصراحة ارتحت للبورش اكثر من البي ام ، وقطع غيار البورش يا بلاش حتى أرخص من التويوتا وأنا صار لي موقف مرة في الرياض كسروا لي دريشة السواق ورحت للوكالة في الرياض وشريتها بمبلغ 367 ريال سعودي واذا مب مصدق أرفع سماعة التليفون على شركة البراق وأطلب قطع الغيار واسألهم عن سعرها والناس اللي تقول ان قطع غيارها غالية تتكلم بس عن السفايف ودرامات الويل وهذي تكلفك 3500 ريال الامامية والخلفية بس لازم تعرف شي مهم أنك ما راح تبدل السفايف ودرامات الويل إلا كل 40 أو 50 الف كم عكس اللكزس الفورويل اللي بتكلفك سفايف بس 1200 ريال كل 5000 كم ، والصراحة البورش لازم يسمونها ياباني الألمان لأنها ضد الخرابات إلا ما ندر وقطع غيارها يا بلاش ،،، وتقبل تحياتي

[بوسلطانqtr]

السلام عليكم ولايهونون الموجودين بس انا رايي انج تختارين السياره اللي تريحج وانتي تكونين مقتنعه بها لان في الاول والاخير هذي سيارتج وفلوسج وماشاالله الشباب ماقصرو في المعلومات الطيبه اللي عطوج اياها بس مثل مايقولون لولا تعدد الاذواق لبارت السلع والله يوفقج ويوفقج الموجودين وجميع المسلمين والمسلمات انشاالله

احترامي وتقديري للموجودين

[بوسلطانqtr]

السلام عليكم اخوي saeed alhajri واضح من كلامك اخوي انك شريت القطعه من السعوديه هل الاسعار في الدوحه والسعوديه نفس الشي ؟؟؟؟؟؟؟؟؟؟؟؟؟؟؟؟ كلامي على جميع انواع السيارات سؤال عام وليس بخاص
ملاحظه : انا ماجربت البورش ولا عندي اي معلومه غير كلام الناس
وتقبل احترامي وتقديري لك وللجميع

[بـــاروود]

البورش والقلب داعيلج

[lusail]

هلا اختي شوفي انا ماجربت الا الكايين و ال Gtsبعد ولين الحين عندي وماشالله عليه موتر رووعه.
واللي يتكلم عن الخدمه والسيرفس يالربع لايتكلم من من غير تجربه انا مدخل السياره اول تشيك وساعه ونص والسياره جاهزه ومغسله بعد وانا اشرب شاهي ومرتاح ,,لا ويوم سبت بعد اصلا لازم موعد عشان تدخلين سيارتك ااذا تشييك مثل 10000 عشان مايخرونك.
ووتوكلي بورش بعد ماتجربينها طبعا.

[فلفل حار]

اختي

لا تحتارين
روحي الوكالتين
وجربي سواقة السيارتين
وشوفي شنو الأريح والأحلى بالنسبة لج

:)


مع اني ارجح كفة الاكس فايف

لاني اللي اعرف ان الكايين بتتغير قريب

:nice:

[HEART_LION]

انا اتكلم من واقع تجربه والسياره للحين عندي من اروع السيارات اللي جربتها في حياتي

مثل ماقالوا الشباب روحي وجربي السيارتين مع انه مافيه وجه مقارنه بين السيارتين عشان كذا اخترت البورش

ارتحت لها للعلم جربت كاييت اس واللي خذته تيربو يعني احلى واحلى بس السياره انا اشوفها شبابيه ماتنفع للبنات والافضل تجربتها ولج الاختيار

دخلت السياره مرتين تشييك لين اليوم اول مره تشييك عادي تبديل ايل 800 ريال وانا اشرب شاي واقرا جريده خلصوا لي الموتر

التشييك الثاني 20 الف تبديل ايل وسفايف اماميه وخلفيه 4400 ريال بالضبط ماكلمت ساعتين الا السياره جاهزه ومغسله ومن اروع مايكون

اللي لاحظته ان قطع الغيار بس غاليه لاكن السياره مافيه وجه مقارنه بينها وبين اي سياره ثانيه للي راغب في البورش طبعا

سوي مثلي والله جربي السيارتين ولج الخيار والتوفيق للجميع

[طاش]

البورشششششششششششش

[A to Z]

عندي تيوتا تيرسل عمرها مخربت



ايش رايك تاخديها وتفكي نفسك من كل هالتفكير :rolleyes2:

[eXpert*]

اخوي اسمح لي
بس التغيير اللي في 2008
هو بس فيس ليفت
يعني تغييرات بسيطة
كل الشركات تقوم بها في منتصف المدة قبل لا يقلبون الشكل كامل
يعني يبي لها 3 - 4 سنين ويتبدل شكلها

كلامج 100% صحيح:victory:

[ابوشهاب]

اختي انصحك في التيوتا وبس 0000

[راعي ال2008 الاسود]

مرحبا الشيخ ،
أنا عندي تعقيب بسيط على قطع غيار البورش اللي ذكرت أنها غالية ونار وأن الواحد ما يقدر يتحمل التشييكات في الوكاله ،
أولا عندي لك سؤال بسيط أنت تتكلم من واقع تجربة ولا من كلام الناس ؟
إذا كان ردك من واقع تجربة فهذي مصيبة وإذا من كلام الناس فالمصيبة أكبر ،،،
أخوي الواحد قبل ما يكتب شيء يجب أن يتقي الله ويقول الحق .
ثانياً أنا مستخدم البورش كايين وبصراحة ارتحت للبورش اكثر من البي ام ، وقطع غيار البورش يا بلاش حتى أرخص من التويوتا وأنا صار لي موقف مرة في الرياض كسروا لي دريشة السواق ورحت للوكالة في الرياض وشريتها بمبلغ 367 ريال سعودي واذا مب مصدق أرفع سماعة التليفون على شركة البراق وأطلب قطع الغيار واسألهم عن سعرها والناس اللي تقول ان قطع غيارها غالية تتكلم بس عن السفايف ودرامات الويل وهذي تكلفك 3500 ريال الامامية والخلفية بس لازم تعرف شي مهم أنك ما راح تبدل السفايف ودرامات الويل إلا كل 40 أو 50 الف كم عكس اللكزس الفورويل اللي بتكلفك سفايف بس 1200 ريال كل 5000 كم ، والصراحة البورش لازم يسمونها ياباني الألمان لأنها ضد الخرابات إلا ما ندر وقطع غيارها يا بلاش ،،، وتقبل تحياتي

اخووي هاااي كلام الناس ومعروف ان قطع غيار البورش غالي من كلام الناس ول بعد
ولد خالي عنده كيان تيربو تدري اذا وداها التشيك ال 10000 كيلو تاخذ يومين تدري ول لا
والكل اصلا يشتكي من البورش من السمان صح انها موتر حلو بس انت تمدح البورش صح
ول لا اكيد بتمدحها لان عندك وحده لان الواحد لزم يمدح الشي الي عنده مايمدح الشي الي عند
غيره فهمت وشو قصدي وبعدين من قالك سفايف اللكزس ب 1200 ول كل 5000 كلام
غير صحيح ارخص يمكن 600 او 500 يالله قول 700 والسفايف كل 30000 الف او 40000 مب 5000 كيلو يبدلها كلام غير صحيح

[السماج]

,,,,,,,,,, الله يكون فالعون ,,,,,,,,,,,

[saeed alhajri]

السلام عليكم اخوي saeed alhajri واضح من كلامك اخوي انك شريت القطعه من السعوديه هل الاسعار في الدوحه والسعوديه نفس الشي ؟؟؟؟؟؟؟؟؟؟؟؟؟؟؟؟ كلامي على جميع انواع السيارات سؤال عام وليس بخاص
ملاحظه : انا ماجربت البورش ولا عندي اي معلومه غير كلام الناس
وتقبل احترامي وتقديري لك وللجميع

مرحبا أخوي بوسلطان ،،
بالنسبة للبورش قطع غيارها في كل العالم بنفس السعر بس الأختلاف في فرق العملة ونسبة الخصم مثلاً في الدوحة ب 500 ريال في السعودية ب 514 لأن ال 500 القطرية فيها زيادة 14 ريال لو حولتها سعودية ، وممكن تتأكد من وكالة البورش في الدوحة والأمارات والسعودية والكويت وغيرهم أما بالنسبة للسيارات الأخرى مثل الجمس والتويوتا أنا معاك فيها فرق كبير في السعر يوصل الى 50 % أقل من الدوحة .

[saeed alhajri]

اخووي هاااي كلام الناس ومعروف ان قطع غيار البورش غالي من كلام الناس ول بعد
ولد خالي عنده كيان تيربو تدري اذا وداها التشيك ال 10000 كيلو تاخذ يومين تدري ول لا
والكل اصلا يشتكي من البورش من السمان صح انها موتر حلو بس انت تمدح البورش صح
ول لا اكيد بتمدحها لان عندك وحده لان الواحد لزم يمدح الشي الي عنده مايمدح الشي الي عند
غيره فهمت وشو قصدي وبعدين من قالك سفايف اللكزس ب 1200 ول كل 5000 كلام
غير صحيح ارخص يمكن 600 او 500 يالله قول 700 والسفايف كل 30000 الف او 40000 مب 5000 كيلو يبدلها كلام غير صحيح

مرحبا يالغالي ،
لا يكون زعلت من كلامي أنا ما أقصد أكذبك بسيت حبيت أوصل لك رساله أن الواحد لازم يتأكد قبل ما يكتب شيء خصوصاً في أعطاء النصيحة للغير لأنه من استشارك فقد دخل في ذمتك وحط عشرين خط تحت ذمتك وبالنسبة أني أمدح البورش لأنها سيارتي فأنت غلطان لأني بعتها من فترة لأني من النوع اللي يغير السيارة كل كم شهر والله يشهد أني جربت أغلب السيارات من أصغرها لأكبرها وعمري ما رجعت وشريت سيارة قد جربتها إلا البورش كايين شريتها ثلاث مرات وتقبل تحياتي .

[&شهد&]

أشكر كلللللللللللل اللي ردوا علي
صراحة ماقصرتوا ووايد استفدت من آرائكم
وبالفعل رحت وكالة البورش وواااااااااااايد اعجبتني بس يبيلها فترة على ماتوصل
بالنسبة لأخوي الفاضل اللي نصحني باللكزس آنا ألحين عندي لكزس وودي أغير
صراحة يعطيكم أل عافية كفيتوا ووفيتوا

[مساهمه بالحب]

انا عن نفسي اقولج البورش ... حتى انا خاطري فيه ولو اسووووود ياسلااااااااااااام

تشترين لي معاج واحد ........................ هههههههههههههههههههه

بس الاكس فايف خدمة وكالتها احسن ...... وانتي بكيفج

الله يهنيج في الاثنين .... ويعطيج خيرها ويكفيج شرها مقدما

[حسين بن عاقول]

انا دشيت اقولج البورش افضل مليون مره

والي افضل من البورش اللكزس والتيوتا بس

الله يوفقج والله يعطيج خير موترج ويكفيج شره ونصيحة اقري على نفسج وعالموتر وسوقي بركاده

ومبروك الموتر مقدما

[اهـم001]

بلا بووورش بلا هم ااااااااخيس شركه في قطر شركة البووورش

طويلة العمر اكس فايف ولا تشااورين ولا Ml والقلب داااعيلج

ظمان مااشي ولاتدفعين ولا ريال الا تواير وبتروول

شلج بالبورش وعوار الراااااس :)

[تداول]

السلام عليكم

كل المواتر المذكورة حلوة بس ياليت اتفكرين في البوحوض اشوفة موتر حلو ومايبغي صيانة

يعني اكثر شي يحتاجة شد في ورشة العرير , ومن قلبي داعي لج

[nono-qtr]

والله الشيخه

انا انصحج بالبورش كايين

الصراحه رووعه رووعه روووعه

لحد الحين ماشفت فيها عيب

وتصلح حق البنات

وانا نطرتها شهرين بس ووصلت في الوقت المحدد

روحي الوكاله واخذي لج تست وشوفي الثنتين

واي شي تبين تعرفينه عنها انا حاضره

والله يوفقج ^_^

[جاسم القطري]

انا عن نفسي من عشاااق البورش

بس اسئلي عن الضمان والخدمه واسعار قطع الغيار

ويا ريت من واحد مجرب

لانه كلام الناس واااااااايد وما يخلص

[كاتم الاسرار]

الكاين احسن لج من اكس والله ويمدحون الكامري الجديده بعد

[HEART_LION]

انا عن نفسي من عشاااق البورش

بس اسئلي عن الضمان والخدمه واسعار قطع الغيار

ويا ريت من واحد مجرب

لانه كلام الناس واااااااايد وما يخلص

البورش ماله حل اسال مجرب

الضمان سنتين

الخدمه ماعليها كلام

قطع الغيار غاليه

السياره عندي للحين

[DW4]

والله السيارتين حلوين

[الخارجية]

الردود الموجودة فيها الخير مايحتاج اعلق ههههههههه

[شبربوش]

الـ x5

[غناتي1]

البورش 00 ربشه

[ezgert]

x5 انعم

[Q6o]

نصيحتي لج البورش

الاكس فايف اذا خذتيها ب 300 الف
من اول اسبوع اذا بعتيها بتخسرين من قيمتها اكثر من 50 الف

البورش ماسكه سعرها في السوق وعليها طلب اكثر من الاكس فايف

وبخصوص انها بتتغير ترا الاكس فايف والبورش بيتغيرون قريب

يعني اذا بتاخذين موتر منهم حطيه في بالج سنه وشوي وتبيعينه

عليج بالرنج السبورت لانه ارخص منهم وثاني شي باقي على تغييره 3 سنوات

واذا ما ناسبوج كلهم خلاص عندي الحل الاكيد

مالج الا استاندر عليه شنابر وبوالين لان الشتاء دخل علينا والاستاندر ماسك سعره بقوه ههههههههههه :)

[بومانع2008]

السلاااااااام عليكم

مشالله مناقشه حااااااااااااده بين محبين البورش والبي ام

السيارتين حلوين وماعليهم كلام
بس دامج محتاره بين الاثنين نصيحتي لاتخذين ولا وحده فيهم
على اساس لاتتحسفين
عندج السياره الاحلى والارز والفخمه ((( الرنج سبورت )))
صيانه وخدمه ودلع وفخامه ومافيها خرابات وايد وضمان جيد وماراح تتغير الا بعد كم سنه
واذا انج بتاخذينها عن طريق البنك.. خذيها عن طريق البنك الخليجي
فايدتهم اقل فايده ومايحتاي اتحولين راتبج عليهم.

الله يهنيج بالسياره الي تختارينها

فالاخير الا هي حديد وبعد سنتين او ثلاث بتغيرينها
(:

بالتوفيق للجميع..

[الفهد1]

لا البورش ولا الكس فايف نعم للند كروزر

[سمو انسان]

اختي البورش ما عليها كلام
توني مطلع وحده و10 على 10 وتلبق لللحريم

[غنام]

الشيخه انصحج بالبورش كيان والاحلى ال8سلندر ترى احلى من 6سلندر واذا بعد اسود ياعيني على الفخامه حدج بتخليني اشغل الدينجر وبصف عشان تمرين

[بوعلي2]

بورش ولا كيان خمسه وخميسه omen الله يبعد عنج عيون الناس omen

[بوعلي2]

بورش ولا كيان = بورش ولا اكس فايف

[قطري vip]

والله لو جابو المواتر كلها اللاند كروزر مافي شي يسواه مع العلم ماعندي لاندكروزر وخصوصا الاستاندر

او الفي اكس ار او الفخامه مع لكزس لو الوكاله اردى وكاله ومافيها ضمان بتشوفونه بالشارع بعد وهاللي

حاصل وسلم لي على الالماني لو مافي كروز بكل بيت اتحس هالبيت غريب هه الشعار الجديد للكروزر وبطلعه الحين (لامقناص الا مع تيوتا )

[honey_uk]

السيارتين كسيارات ماعليهم كلام كل وحده بالمواصفات تقول الزود عندي

بالنسبه للأريح اعتقد الإكس فايف بس فرق السعر يمكن يرجح كفه البورش .
كسياره وكخرابات الاكس فايف اكثر من البورش ؟ هاي طبعاً كله يرجع للاستعمال انا داري انه الحين بينقز لي واحد وبيقول انا عندي السياره من مليون سنه وماصار فيها شي بس ترى ترجع للإستعمال وقابليه السياره للخراب

البورش اكشخ طبعاً احلى ويكفي الاسم .. من داخل ومن برى بوااااااايد احسن عن الاكس فايف

نجي لـ خدمه مابعد البيع وهي دايماً تخلي الواحد يقرر يبي هاي ولا هاي

الإكس فايف: يعطونج ضمان 3 سنوات يشمل السيرفس يعني مابتدفعين شي فالسياره غير البترول و تبديل التواير. الخدمه لي قالوا لج يومين يعني يومين ويمكن قبل .. توفير سياره بديله لو بتطول السياره طبعاً هاي بالحجز. ومايحتاي تروحين الصناعيه واللغلاغه علشاان الصيانه لانهم موجودين هني حذى الاند مارك.

البورش: الخدمه بشكل عام زينه . لكن ماعمرهم (هاي من تجربه) رجعوا لي السياره وهم مصلحين كل شي فيها لازم ناسين شي. السيرفس يطول ياخذ وقت حتى لو بالحجز نفس الشي. قطع الغيار غاليه وكل شي محسوب عليج :) بعكس البي ام.

الحين انا قلت لج تقريباً بشكل عام وسطحي انتي لج القرار الاخير.
لاتنسين كل شخص وميزانيته .. يمكن الواحد يقدر ياخذ السياره بس مايبي يدفع عليهم كل شوي سواء صيانه او غيره .

وفي واحد ماتفرق عنده يدفع فالصيانه وتكون السياره اللي يبيها :)
الظروف احكام

تحياتي

[الرايــق]

أنا أرجح الاكس فايف

أفضل من البورش للحريم

ويكفي الضمان والصيانة المجانية ..

بالتوفيق ..

[بن درويش]

اكس فايف أسود ..
من داخل جلد برتقالي ..
رنجات سود ..

واااايد موتر راقي وحلو ورزه ..

وعن سالفه الخرابات ماعليج من الكلام .. اقول هالكلام عن تجربه تميت اسوق اكس فايف 2008 وفعلا موتر حلو ..
وخذت بعده M6 ومن اسبوع رنج وللحين عندي الموترين والحمد لله احلى حلاوه.. والسبب ف الوكاله لاني وايد مرتاح لهم .. وان نويت اغير ماراح احيد عن البي ام ولا الرنج !!

كفايه المعامله الحلوه عند الفردان .. مب الدرويش الي وكالته كل مالها وتدمر زياده
صراحه حرام ماسحبوها منه مثل ماسحبوا منه الاودي !!

استخيري طبعا ..
وتوكلي ع الله وفالك البيرق
<< شدخل

^_^

عرفتك يا الجار طلعت شعشوع

[قطري vip]

مبروك عليج البورش وتستاهلين ويعطيج خيره ويكفيج شره

[واقع]

اخوي اسمح لي
بس التغيير اللي في 2008
هو بس فيس ليفت
يعني تغييرات بسيطة
كل الشركات تقوم بها في منتصف المدة قبل لا يقلبون الشكل كامل
يعني يبي لها 3 - 4 سنين ويتبدل شكلها


البورش بتغيير قريب :eek5:

فلذلك اخذي الاكس فايف
واذا تبين موتر كشخه بعد جربي ام ال يقولون غيرو مكينته لعام 2009

[رأس بروق]

لابورش ولا اكس فايف .. اختـــي
حرام تحطين 200 الف وشوي على نفس هاي السيارات...
نصحيتي لـــــج اخذيلج لاندكروزر فل ابشن فيكسار 2009 كل شي فيه احسن من بورش او اكس فايف صدقيني ..