مســاعده في البحــرين جزاكم الله خير

[ذوق]

انا بسـافر بذن الله البحرين...وخاطري اسويلي جدول من الصبح الين اخر الليـل مع الأهل

ومب عارفه شي في البحرين غير ان بنروح جنه دلمون المفقوده..وعين عذاري..والسيف..

فايريت الي يقدر يفيدنا بفنادقهم وأسعارها ومطاعمهم الراقيـه وشاليهاتهم وكورنشيهم والخ...يعني توصوا فينا..


وبغيت محلات تبيع كمبيوترات الديل الجديده بأسعار حلوه...

وبغيت محلات تأجير سيارات تأجر BMW ولا بورش كايين بأسعار جيده



وأختي توها عروس بتسافر مع ريلها وتبي امااااكن رومانسيه وحلوه حق زوجين :victory:


وشكرآ

[المارونـــي]

بخصوص الشاليهات مانصحج تروحين لها لانها مكشوفه اول شي وثاني شي الجو بيكون حار والمكيفات ماتسوي خبر اما المطعام ياكثرها بما انج مع الاهل روحي المطاعم الي بالسيف او اللي خلف السيف واما الكمبيوترات تراها هنيه ارخص بوايد بالنسبه للمواصفات اللي تبينها للجهاز ياريت تطرشينها لي على الخاص مع نوع الجهاز اللي تبينه وان شاء الله اقدر اطلع لج سعر حلو ومن الشركه ومل تاجير سيارات عندج في شارع المعارض وفيه اذا حبيتي تاجرين من المطار واذا انتي ملزمه تروحين الشاليهات انا بطرش لج رقم الشاليهات اللي هو شاليهات البندر على الخاص
تقبلي مروري

[ذوق]

تسلم اخوي على الرد

بغيت لابتوب ديل الأحمر الجديد...ومابغيته من الدوحه صراحه لأن مب لي...لناس من البحرين,,,وبغيت اعرف حدود اجار السيارت هناك مثل البورش والbmw

وياريت صور على الملاهي والمرفقات والأماكن السياحيه والفنادق والمطاعم وغيرها

وشكرآ

[المارونـــي]

اجار السيارات من 800الين 1400 في اليوم طبعن على حسب الويك اند انتي وحظج بس للاسف ماعندي ارقام المحلات الله يوفقج اختي وسفره سعيده مقدماً

[راعي ال2008 الاسود]

موفق اختي اذا على الشاليهات عندج شاليهات البندر الي على البحر والمطاعم الرومنسية عندج مجمع العالي
فيه مطعم اسمه مطعم الابراج عالمي ورووعة وماعليه كلام وبالتوفيق ان شاء الله لج

[theeb_qatar]

مساء الورد
بخصوص التأجير
عندك محل ايزي لتأجير السيارات
وأليـت لتأجير السيارات ...
واوسـكاااار احسن محل لتأجير السيارات
كلهم عندهم بي ام
وكل واحد بينه وبين الثاني فرق 100 او 150 ريال
بس الافضل اوسكار
مب صارم فالقوانين

اما عن الفنادق
الفندق اللي مجابل السيف ميـركوري
ناسي اسمه بالظبط بس من انظف الفنادق
ونظامه فقط سويــت

والشاليهـات عندك البندر
وعندك شاليهات موفنبيك على جسر المحرق
بس البندر افضل في نظري

والاماكن الرومانسيه فالبحرين
مافي اماكن رومانسيه لوووول

وهذا اللي عندي

[الهاوي28]

اختي ذوق عندي رقم رجال في مطار البحرين

كلميه قبل لا تسافرون بكم يوم وكلموه عن السياره الي تبغونها اذا موجوده بيجهزها لكم


وعندكم محميه العرين فيها فندق شيء خيالي

على نظام فلل فيها برك سباحه

والاسعار في حدود 4000 ريال في الليله الوحده

[قطر95]

مساء الخير
بالنسبة للسكن اذا تبون سكن عائلي ونظيف ورخيص أنصحكم اليت جراند جنب السيف شقق عائلية وفيها غرفة أو غرفتين وسعر الغرفة 750 واذا حجزتي من الدوحه ب630 من المتحدة للسفريات في الغرافة والغرفتين تقريبا 900 وطبعا شامل بوفيه الفطور
أما بالنسبة للسيارات أنصحج تأجرون من المطار صحيح أغلى بشوي يمكن يفرق سعر بسيط ولكن اضمن وسياراتهم كلها جديدة وأنتي لفي على أكثر من محل في المطار وبتحصلين عندهم السيارات اللي تبينها وفي محل على الزاويةاخر محل في المطار عند لكزس 2008 بعد بس مب متأكد من السعر
أما بالنسبة للعرسان فمنتجع بنيان تري في العرين أفضل منتجع في الشرق الاوسط وسعره 4000 ريال الليلة ولكن كانوا مسوين عرض قبل فترة ب2000 والأفضل طبعا تحجزون من الدوحه أكيد بيطلع أرخص
بالنسبة للاماكن السياحية غير اللي ذكرتيهم عندج متحف البحرين الوطني- بيت القرأن- محمية العرين والمجمعات مثل السيف العالي مجمع البحرين مجمع الدانه والسينمات وعندج الاسواق الشعبية مثل سوق المنامه وسوق المحرق وسوق الرفاع وفيه شارع بوكواره فتح هناك كرك النعيمي بس هذا اذا حبيتوا تتذكرون الدوحه مروا شارع بوكواره هل قطر كلهم هناك

[ذوق]

مشكورين يالغوالي ننتظر اضافات اخرى :)

[ذوق]

تسلمووووووون يالغوالـــي مليووووووووووون...بس ياريت اذا حد يقدر يفيدنا عن الأستراحات والبرج الراقيه والشاليهات الي بالبحرين كلها

والي عنده خلفيه عن شاليه الهمله....لا يبخل علينا

وشكرآ

[shagrh]

مساء الخير
بالنسبة للسكن اذا تبون سكن عائلي ونظيف ورخيص أنصحكم اليت جراند جنب السيف شقق عائلية وفيها غرفة أو غرفتين وسعر الغرفة 750 واذا حجزتي من الدوحه ب630 من المتحدة للسفريات في الغرافة والغرفتين تقريبا 900 وطبعا شامل بوفيه الفطور
أما بالنسبة للسيارات أنصحج تأجرون من المطار صحيح أغلى بشوي يمكن يفرق سعر بسيط ولكن اضمن وسياراتهم كلها جديدة وأنتي لفي على أكثر من محل في المطار وبتحصلين عندهم السيارات اللي تبينها وفي محل على الزاويةاخر محل في المطار عند لكزس 2008 بعد بس مب متأكد من السعر
أما بالنسبة للعرسان فمنتجع بنيان تري في العرين أفضل منتجع في الشرق الاوسط وسعره 4000 ريال الليلة ولكن كانوا مسوين عرض قبل فترة ب2000 والأفضل طبعا تحجزون من الدوحه أكيد بيطلع أرخص
بالنسبة للاماكن السياحية غير اللي ذكرتيهم عندج متحف البحرين الوطني- بيت القرأن- محمية العرين والمجمعات مثل السيف العالي مجمع البحرين مجمع الدانه والسينمات وعندج الاسواق الشعبية مثل سوق المنامه وسوق المحرق وسوق الرفاع وفيه شارع بوكواره فتح هناك كرك النعيمي بس هذا اذا حبيتوا تتذكرون الدوحه مروا شارع بوكواره هل قطر كلهم هناك

صح كلامك اخوى اليت جراند وااااااااايد محترم وينفع للعوايل وقريب من منطقه السيف
واقدر اطلعه لج بسعر خاص لج ولاى احد بالمنتدى يعنى تقريبا حول 550 ريال
وبخصوص البورش بعد انا اتعامل مع محل تاجير سيارات بعد اذا السياره موجوده عندهم اقدر اطلعها لج بسعر خاص
عموما اذا تبين طرشى لى على الخاص واعطيج رقمى واذا احتجتى اى شى اقدر اخدمج فيه من عيونى

[ذوق]

شيك الخاص

[Bin Hood]

هلا اختي

اليوم ولد عمي يقول لي في شاليهات العرين >>> شغل عدل

سعر الليلة 8000 ريال بس لازم 3 ليالي على الاقل بس بعيد شوي !!

اذا ودك باسأل لج

عندج النوفوتيل عبارة عن شاليهات ( فنادق ) بسعر ممتاز يمكن 600 او 700 ريال



بالنسبة للبرامج ما عندنا غير المجمعات

السيف , العالي , البحرين (جيان) , الدانة >> ما احبه

بس نصيحة بما انكم عايلة فيفضل انكم تتجنبون مجمع السيف والعالي في نهاية الاسبوع

لانه في يهالة الى اخرة درجة وبتنسد نفسكم بدل ما تنشرح >> نصيحة من قلب !!!!

في كوفي شوب اسمه مايا في مجمع السيف اسمه maya رهييييييييييييييب خاصتا الهوت جوكلت ماله

maya موجود في السيف القسم اليديد سألي عنه هناك



الكلام شوي مخربط اعذريني

اذا عندج سؤال عن مطاعم , اسعار , استفسار عن موقع فندق اي شي انا حاضر

بارد عليج بكرة العصر ان شاء الله

[وطن]

محلات تأجير السيارات
عندج ناشونال
وسكست

عندهم بي امااات
ولكزس
وبورش
واودي


الفنادق
فندق الخليج
الريتز كارلتون
والعرين



المطاعم

في منطقة السيف في وايد مطاعم
وجنب مجمع العالي
وهم في العدلية في مطاعم وايد وحلوة

والمطاعم اللي في الفنادق بعد حلوة

[shagrh]

المنتجع ايلى تبع العرين اسمه بانيان ترى والصرااحه شى رهيب انا ساكنه فيه
خدمتهم ممتازه وكل شى ممتاز بالمكان وكل شاليه معاه حمام السباحه ماله وشغل عدل بس باخر الدنيا

اى اختى بعد لا تنسين رووحى الكوفى الشوب الجديد ايلى يم مجمع العالى اسمه ليلووز وااايد حلوو
اممممم مع انى كلش مو خبره مطاعم وكوفى شوبات بس اسمع ويقولون ان كوفى الشوب البنديره الجديد ايلى بالعدليه بعد حلوو
اما عن السوق ترى نفس سوقكم بالدوحه بالضبط واردى شوى

يعنى مافى شى مميز

واى معلومات تبينها بعد حاضرين اى ولا تنسين تيبيين معاج مهفه وشموع لان احتمال الكهرباااا تنقطع باى لحظه

حدنا صايرييين رومانسين احنا اهل البحرين

[theeb_qatar]

على طاري البرك اختي العزيزه
تفضلي حصلت لج موقعين ع النت

بركـة حدائق منصــور
http://mansoor-pool.com/index.php

بــركة زيزينيا
http://www.zezenya.com/pool.htm

والتفاصيل جميعهااا فالداخل من ارقام وموقع البركه مع الصور

واذا حصلت شي ثاني بحطه لج فالموضوع

والسموحه ع القصور

[theeb_qatar]

وهذا موقع منتجع العـرين
التفاصيل بالداخل
http://www.alareenresort.com/

[ذوق]

جزاكم الله خير...ننتظر أضافات جديده

[Bin Hood]

المنتجع ايلى تبع العرين اسمه بانيان ترى والصرااحه شى رهيب انا ساكنه فيه
خدمتهم ممتازه وكل شى ممتاز بالمكان وكل شاليه معاه حمام السباحه ماله وشغل عدل بس باخر الدنيا

اى اختى بعد لا تنسين رووحى الكوفى الشوب الجديد ايلى يم مجمع العالى اسمه ليلووز وااايد حلوو
اممممم مع انى كلش مو خبره مطاعم وكوفى شوبات بس اسمع ويقولون ان كوفى الشوب البنديره الجديد ايلى بالعدليه بعد حلوو
اما عن السوق ترى نفس سوقكم بالدوحه بالضبط واردى شوى

يعنى مافى شى مميز

واى معلومات تبينها بعد حاضرين اى ولا تنسين تيبيين معاج مهفه وشموع لان احتمال الكهرباااا تنقطع باى لحظه

حدنا صايرييين رومانسين احنا اهل البحرين

اخوي على كم الليلة في العرين ويا البرجة ؟؟

[ذوق]

Up Up Up

[الســـهم]

مرحبا اختي ذوق ..

بالنسبة للسكن اذا حابة تسكنين بشاليه فيقولون اللي بالعرين شي مب طبيعي وفي حدود الـ 4000 ريال لليلة والبركة داخل الشالية , وانصحج تبتعدين عن البندر لأنه اثاثه قديم جدا ومستهلك وماشوفه يصلح للعائلات ( اذا احنا شباب ويضايقنا ) ..

اذا حبيتي تسكنين بشقق فعليج بسلسلة اليت ((اليت سبا / جسر محرق - اليت غراند / منطقة السيف الاثنين نفس المستوى - اليت رويال / الجفير (للعائلات فقط) )) ..

بالنسبة للفنادق فانصحج بالريتز كارلتون أو فندق الخليج ..

بالنسبة للمطاعم اللي في البحرين فــ راح اتعب وانا اعددلج , لكن عليج بالمطاعم والكافيهات اللي قدام فندق الخليج - شارع يوسف الشيراوي - العدلية , اتوقع راح تستمتعين بهم لأن كلهم لهم ستايل غير عن الثاني , ومن خلفهم راح تلقين مجموعة كبيرة من المطاعم المميزة , انتي طبي واختاري ومن جميع الاصناف عربية اسيوية اوروبية .... الخ , وفيه مطعم اسمه لافونتين قريب سوق المنامة يمدحونه من ناحية الاكل والقعده ..

بالنسبة لاجار السيارة فانصحج تبتعدين عن سيارات المطار لأن اغلبها مش نظيفة ومستهلكة , في شركة خارج المطار تكلمينهم بالتليفون يجيبون لج السيارة لين المطار ويستلمونها منج في المطار ومعاملة ولا احلى , وعندهم ارقى السيارات وموديلات 2007 و 2008 , البورش بانواعها والمرسيدس والبي ام واللكزس والاودي , واسعارهم افضل بكثير من اللي في المطار يوصل الفرق من 200 الى 300 ريال لليوم , اهم شي اطلبي السيارة تكون 2008 ورقمهم بتلقينه عالخاص عندج ..

وبالنسبة للمجمعات فيه عدة مجمعات اللي هم (( السيف - العالي - البحرين - الدانة - علوي - سترة )) , اما بالنسبة للاسواق الشعبية فهم (( سوق المحرق - باب البحرين (المنامة) - سوق واقف بمدينة حمد - السوق الشعبي بمدينة عيسى - سوق الرفاع )) ..

بالنسبة للاماكن الترفيهية فـ عندج منتزه عين عذاري وجنة دلمون المفقودة في العرين واذا حابين تطلعون رحلة تغيرون فيها جو فاحجزوا رحلة لجزيرة حوار ..

اذا فيه اي استفسار انا حاضر ..

[ذوق]

teslaaaaaaaaaaaaam waaaaaaaaayd

[احساس غالي]

يسلمووووووووووووووووو اخوووووووووووي

[غناتي1]

الله يحفظكم

[الخارجية]

البحرين مثل قطر صيفنا احلى روح احجز كم فندق في قطر احسن من السفر الى البحرين

[abodabodi]

مرحبا اخ سهم اذا ممكن ترسل لي رقم مكتب ايجار السيارات اللي خارج المطار على الخاص لاني مسافر بكره

[سهم طايش]

الحقنا برقم شركة تاجير السيارات اخوي سهم