مشروع خط ابوسمرا

[المارونـــي]

المره الثانيه حتى الان الشارع يخترب قبل لاينفتح رسمي انا ابي اعرف المهندسين القائمين على المشروع وين؟
وليش مايكون في حساب على التاخير
انا ابي اعرف لين متى بيتمون على هالحال الناس تكسرت سيارتها وناس توفت الله يرحمها برحمته واحنا نتظر متى الشارع يتنهي المره الطافت مياه الامطار هي الي بينت مدى قوة الاسلفت المرصوف وقالوا لا لانه البنيه التحتيه كانت غلط لانهم راصفين شارع فوق القديم ؟ يوم انه الشارع الجديد مرصوف على القديم انت يامهندس او يافائم على المشروع شلون تمشي الموضوع والحين شنهو بيكون الرد طبعاً الرد المتوقع بيكون انه حمولة التريلات زايده عن المسموح يعني والله انا من القهر مب عارف شاكتب ولا شخلي لين متى ابي اعرف لين متى ينهبون اموال الدوله بزعم التعمير وهو من الاساس تدمير.
ماقول الا حسبي الله ونعم الوكيل
هذا شي بخاطري وحبيت اني اطرحه عليكم يااخواني وخواتي

[مستثمره جديده]

وانا اضم صوتي لصوتك لي متى هالاشغال بشارع بوسمره متى بيفتتحونه كامل ملينا واحنا ننتظر افتتاحه .. ارواح راحت على هالطريق .. ملايين من الريالات اهدرت على تصليح الشارع وللمره الثانيه الشارع تطلع عيوبه ويطلع الشغل دماااار مب عمااااار .. لو كانت فيه عقوبه رادعه لهالشركات ومنها السجن للمقاول في حالة عدم الالتزام جان ماشفنا مثل هالمهازل في شوارعنا ..المشكله ان الاشغال الرئيسيه والهامه مايعطونها الشركات الكفؤ لكن المشاريع دايما تاخذها شركات فلان وعلان علشان يربحونهم ( دهنا في مكبتنا ) والمحسوبيه لها دور في هالمهازل اللي تصير .. اشفيها لي سلموا هالمشاريع للشركات العالميه المعروفه والرائده في مثل هالمشاريع مثل شركة بن لادن اللي معمره نص السعوديه والشركات الاماراتيه مثل الحبتور اللي لها صيت واسع واللي تنجز الاشغال في سرعه قياسيه .. شوفوا الفرق بينا وبين الامارات والسعوديه .. تروح مثلا دبي تشوفهم حاطين اساسات الجسور بدون مايسكرون الشارع بالكامل والحركه تكون انسيابيه ومايسببون عرقله بالسير بل يوفرون طرق فرعيه بديله .. وتروح لهم العام التالي تلقى الشارع مفتوح والجسور عامره والحركه عليها مستمره ..ونفس الشي في شوارع السعوديه ..
اما عندنا بقطر فالوضع مأساوي في اصلاح الشوارع .. اذا بغوا ينشؤون جسر فاحسب حسابك انك ثلاث سنوات ماراح تطب هالمنطقه ولا تشوفها ويحطون لك تحويلات تخليك تلف قطر كلها علشان توصل للمكان اللي تبيه .. واذا تكرموا عليك وسووا لك شارع يسوون لك مسار واحد سيد ورونسيد وخذ يالدعماات .. في ذمتكم جسر الشمال كم سنه خذ له مسكر .. شارع بوهامور كم سنه صار له محفور ومنسي ؟؟ شارع بوسمره كم سنه صار لهم يسفلتونه ويردون يزيلون طبقة الاسفلت .. يوم يفتحونه وشهر يسكرونه ويخلونه مسار واحد .. اتمنى ان المسؤولين يلقون حل ويشددون في هالناحيه ويبتعدون عن المحسوبيه في ارساء مناقصات اصلاح الشوارع لربعهم ويفضلون مصلحة البلد على المصالح الشخصيه والله المستعان .

[سهم مديون]

وانا اضم صوتي لصوتك لي متى هالاشغال بشارع بوسمره متى بيفتتحونه كامل ملينا واحنا ننتظر افتتاحه .. ارواح راحت على هالطريق .. ملايين من الريالات اهدرت على تصليح الشارع وللمره الثانيه الشارع تطلع عيوبه ويطلع الشغل دماااار مب عمااااار .. لو كانت فيه عقوبه رادعه لهالشركات ومنها السجن للمقاول في حالة عدم الالتزام جان ماشفنا مثل هالمهازل في شوارعنا ..المشكله ان الاشغال الرئيسيه والهامه مايعطونها الشركات الكفؤ لكن المشاريع دايما تاخذها شركات فلان وعلان علشان يربحونهم ( دهنا في مكبتنا ) والمحسوبيه لها دور في هالمهازل اللي تصير .. اشفيها لي سلموا هالمشاريع للشركات العالميه المعروفه والرائده في مثل هالمشاريع مثل شركة بن لادن اللي معمره نص السعوديه والشركات الاماراتيه مثل الحبتور اللي لها صيت واسع واللي تنجز الاشغال في سرعه قياسيه .. شوفوا الفرق بينا وبين الامارات والسعوديه .. تروح مثلا دبي تشوفهم حاطين اساسات الجسور بدون مايسكرون الشارع بالكامل والحركه تكون انسيابيه ومايسببون عرقله بالسير بل يوفرون طرق فرعيه بديله .. وتروح لهم العام التالي تلقى الشارع مفتوح والجسور عامره والحركه عليها مستمره ..ونفس الشي في شوارع السعوديه ..
اما عندنا بقطر فالوضع مأساوي في اصلاح الشوارع .. اذا بغوا ينشؤون جسر فاحسب حسابك انك ثلاث سنوات ماراح تطب هالمنطقه ولا تشوفها ويحطون لك تحويلات تخليك تلف قطر كلها علشان توصل للمكان اللي تبيه .. واذا تكرموا عليك وسووا لك شارع يسوون لك مسار واحد سيد ورونسيد وخذ يالدعماات .. في ذمتكم جسر الشمال كم سنه خذ له مسكر .. شارع بوهامور كم سنه صار له محفور ومنسي ؟؟ شارع بوسمره كم سنه صار لهم يسفلتونه ويردون يزيلون طبقة الاسفلت .. يوم يفتحونه وشهر يسكرونه ويخلونه مسار واحد .. اتمنى ان المسؤولين يلقون حل ويشددون في هالناحيه ويبتعدون عن المحسوبيه في ارساء مناقصات اصلاح الشوارع لربعهم ويفضلون مصلحة البلد على المصالح الشخصيه والله المستعان .

:nice:

[حمد]

بس يالربع انا الي اعرفه

ان الشارع الي هبط اخر مره .... كان شارع فرعي ... يعني تحويلة مب الشارع الرئيسي

وحتى الكلام الي نزل بأحد الجرايد .. جريدة قالت ان تحويلة ... وجريدة نزلت الخبر بدون كلمة تحويلة

والله اعلم

ا

[رأس بروق]

بس يالربع انا الي اعرفه

ان الشارع الي هبط اخر مره .... كان شارع فرعي ... يعني تحويلة مب الشارع الرئيسي

وحتى الكلام الي نزل بأحد الجرايد .. جريدة قالت ان تحويلة ... وجريدة نزلت الخبر بدون كلمة تحويلة

والله اعلم

ا


ههههههه هو في شاااااااااارع فرعي الله يخليك ...كل الشارع 3 الخطوط ضووقوها وصارت 4حتى موقف خدمات مافي ..تلفون عمومي مافي .. حتى زراعة اشجار على الجوانب عشان تمسك الاتربه ...مااااااااااااااااااااااااااااااااااافي بس الله كرييييييييييييييم.:secret:

[عكاس]

.. اشفيها لي سلموا هالمشاريع للشركات العالميه المعروفه والرائده في مثل هالمشاريع مثل شركة بن لادن اللي معمره نص السعوديه والشركات الاماراتيه مثل الحبتور اللي لها صيت واسع واللي تنجز الاشغال في سرعه قياسيه ..

على حسب ماسمعت ان شركة بن لادن عرضت على الجماعه هني انها تسوي الشوارع وان الشركه راح توفر كل حاجه من عمال واليات ومواد خام وكان عرضهم زين بس ربعنا قالوا لهم اوكي تعالوا بس على شرط ناخذ كومشن
شركة بن لادن يوم شافوا الفساد والمسخره هني وانهم يبغون يشاركونهم قالوا لهم انجلعوا الله معاكم حتى لو عمركم ماسويتوا شوارع

[حمد]

ههههههه هو في شاااااااااارع فرعي الله يخليك ...كل الشارع 3 الخطوط ضووقوها وصارت 4حتى موقف خدمات مافي ..تلفون عمومي مافي .. حتى زراعة اشجار على الجوانب عشان تمسك الاتربه ...مااااااااااااااااااااااااااااااااااافي بس الله كرييييييييييييييم.:secret:

اخوي الي اقصده ... ان الهبوط كان في الشارع المؤقت ... ( التحويلة )

[قطري رافع الراس]

يارجال خلها على الله انا اقترح على اشغال انهم يعرضون المشروع على مجلس الأمن والأمم المتحده
والفيفا والبنتاجون وأي هيئه في العالم ليجدوا حل لهاذي المعضله التي سوف تدخل موسوعة جينيس من كثرة
تغيير الشركات لنفس المشروع ولكثرة تغيير الطبقه الاسفلتيه قبل انتهاء المشروع
المشروع بيخلص لو لو لو اشتغلوا بضمير ويشوفون الامارات في كيفية ادارة المشاريع

[الحـــوت]

وشوفو الشارع الى على اليمين شارع الشاحنات نزل مره ثانيه
خلوها على الله والله كريم

[بو فهد]

كلة غش في غش لاحسيب ولارقيب
حسبي الله ونعم الوكيل

[OTBD]

المشكلة ان بعض المهندسين منهم المواطنين قلوبهم مش على البلد كله نصب ولعب بالفلوس

والشارع كم مرة تصلح وخط سلوى يعتبر من أهم الخطوط الرئيسية في دولة قطر لانه يبرز من

واجهة البلد للمسافرين الزائرين لدولة قطر

[مساهم عادي]

ياريت لو نصرف على مشاريع الطرق والجسور وكافة مشاريع البنية التحتية بسخاء كما نصرف على كثير من الأمور الأخرى...

[الامل القديم]

حسبي الله ونعم الوكيل

[لولوتي]

لا حول ولا قوة الا بالله

سياييرنا جديده تلخلخت وصارت حالتها حاله من هالشوارع العجيبه:(

والله المستعان

[عبدالله العذبة]

ننتظر بداية موسم الأمطار لنعرف إنجازات أشغال. :victory:

[FG]

ننتظر بداية موسم الأمطار لنعرف إنجازات أشغال. :victory:

اللهم أغثنا يارب ..

:weeping:

[هام السحاب]

لا حول ولا قوة الا بالله

سياييرنا جديده تلخلخت وصارت حالتها حاله من هالشوارع العجيبه:(

والله المستعان



هذا غير الشباب الي توفو الله يرحمهم :weeping:

[عذب الكلام 1]

اشغال من استوت ولا مشروع محترم خلص ما دري وين الغلط في الشركات او في الاشغال وكل واحد يلقي الكره في ملعب الاخر وبعدين وشو الحل

[The Blade]

اهم شئ الجوكر الي تحت الطاوله :)
شوف اخوي والله بكل امانة بومشعل ماقصر عمل لهم اكبر الميزانيات علشان بس الناس ترتاح المشكلة انه ومع الآسف ان في ناس قاعده تلعب بفلوس الحكومة انا ماجبت كلام من عندي ولا من حد ثاني كل واحد بيشوف المشاريع اشلون متخبطه وبيعرف انه في غش وتلاعب في الموضوع :)

[المارونـــي]

اشكركم اخواني على الردود ولافي شكه بانه سمو الامير حفظه الله ورعاه بانه عمل لهم اكبر ميزانيه بس الاهم هالمهندسين والقائمين على المشروع من اللي يحاسبهم انا مااااشوف شارع استلمته اشغال صاحي حتى الان اقرب مثال خط الجسر من الشمال الى الاندمارك الشارع بعد مارصفوه وباقي ايام قلائل على الافتتاح تذكروا انهم ناسين سبانه تحت ردو احفروه مره ثانيه على ايش والله نسينا لانمدد بيب الصرف اوكيه وينه هالمندس قبل لا ينهي الشارع ويرصفه مانتبه على انه البيب مش موجود ( حدث ولا حرج) نقطه في بحر المشاريع التدميريه والسعي وراء الرزق الحرام

[The future]

هذا غير اللوحات الي توهم حدينها بعض الاسماء الي في اللوحات مش اسامي مناطق اسامي روضات يعني بس عجبهم الاسم وحطوه وفي بعض المناطق لم يتم ذكرها في اللوحات مع انها مناطق مزدحمه بالسكان!!!

[المارونـــي]

هذا غير اللوحات الي توهم حدينها بعض الاسماء الي في اللوحات مش اسامي مناطق اسامي روضات يعني بس عجبهم الاسم وحطوه وفي بعض المناطق لم يتم ذكرها في اللوحات مع انها مناطق مزدحمه بالسكان!!!


اسعدني مرورك اخوي وشاكر لك على الراي