ظاهرة التصوير في الاماكن العامه .. حاسبوا يابنات .....

[مستثمره جديده]

السلام عليكم ..

بالنسبه لـ سـالفة مـراقبة وَ تصوير بنـاتـ خلق الله بدون مـايدرون وبـ ع ـدين ينشرونها بـ النت او البلوتوث آو يبيعون آلصور سواء في المجمات او الاسواق او حفلات الزواج او في
مكـان العمــل او بـ الحمـاماتـ آعزكم الله ..... بـ العربي بـ كل مكـان .. ابي اعرف ايش اللي بيستفيدونه من هالتصوير ؟؟ تخيل ياللي تصور ان اللي تصورهاى اختك او وحده من قريباتك هل بترضى تنتشر صورها في النت والبلوتوث والكل يشوفها ؟؟


اليكم هذه النمـآآذج الحقيقه ..

في سـآآلفه توني سـامعتهـا وهي لوحده كانت تثبت كـاميرا لاسلكيه صغيره
جدا مـاتنشـآآف في شنطتهـا وَتمشي وتصور بـ الاماكن الخاصه بالـ آلنسـآء
مثل الصالونات ومراكز الرياضه والمدارس ويبث مبـاشر بـ الواااير لس ..

ولآ آلموظف آلمهندس آلآمـاراتي اللي حـاط كـاميرا بـ حجم آلعمله آلصغيرهـ
بـ حمـاماتـ آلنسـاء في المكتب وكل من تدخل وحدهـ يشوفهـا ..
آلآخ جـآآلس يرآآقب ويشووف آلصوور وآآضحه عبـر كـاميراموصله بـ كمبيوترهـ
وقبضوآ عليه وتم آلتحقيق معاه ..

ولا الفلبينيات اللي يشتغلون في محلات الخياطه ويصورون
البنات وهم يسوون بروفه للفساتين ويبيعون صورهم على الشباب ..

يابنات حاسبوا قد ماتقدرون وانتبهوا ترى الناس اللي نفوسهم ضعيفه وايد ..

وياما شفنا شباب في المطاعم والكافيهات يصورون البنات وهم مايدرون ويتبادلون
الصورمع ربعهم ..

وياما سمعنا عن بنات في مدارس اعداديه وثانويه قاموا بتصوير
مدرساتهم وطالبات مدارسهم ونشروها عن طريق البلوتوث للشباب وتم
نشرالصور على النت ..

هذا غير قاعات الاعراس اللي فيها اجهزة كاميرات دائمه مثبته في الاسقف
واذا سألتهم يقولون لك علشان السيفتي ..

وحتى المصورات اللي يصورون في الاعراس يخلون نسخه في الميموري
عندهم ويبيعونها للشباب ..

والمطربات والطقاقات اللي يغنون في الاعراس واللي يتم السماح لهم
بادخال جوالاتهم ترى بعضهم يصورون البنات اللي يعجبونهم وينشرونها بالنت ..

والعاملات الاجنبيات اللي بالمدارس بعد ممكن يصورون الطالبات
والمدرسات بدون علمهم ..

والكوافيرات اللي يجون البيوت انتبهوا اذا جابوا معاهم مصباح اضاءه
بحجة انهم يبون اضاءه قويه علشان يمكيجون عدل ترى اكثرها يكون فيها كاميرات ..


وحاليا صاروا البنات يبتكرون طرق لادخال الجوالات بوكاميرا لقاعات الاعراس
يسكرونه ويخشونه في اماكن بجسمهم ماتتفتش واذكر وحده دخلت جوال بوكاميرا
في زواج احدى قريباتها وقامت تصور ربعها والعروس وخواتها وربعها بحسن نيه طبعا
وخذت الجوال معاها المدرسه علشان تراوي ربعها الصور تدرون ايش اللي صار ؟؟
احدى الطالبات اسرقت الميموري كارد وقامت بنشر الصور في النت والى اليوم محد عرفها ..

علشان جذيه احذركم حتى البنات لاتخلونهم يدخلون جوالات بوكاميرا حتى لو كانوا خوات
العروس واللي بيزعل كيفه لايحضر لاتستهينون بهالموضوع علشان ماتندمون في النهايه http://www.7c7.com/vb/images/smilies/aa.gif..

واخيرا ادعو الله ان يستر على بناتنا ويبعد عنهم كاميرات عيال الحرام .

انتظر تعليقاتكم على الموضوع :)

[سهم مديون]

كفانا الله شر الفتن ماظهر منها وما بطن!!!

[عاشق الشهادة]

جزأج الله الف خير والله يكفينا شرهم !!!

[اعالي الجنان]

كلامج مخيييف والله

لهالدرجه اوصلو الناس !!

معقوله الظاهر انا عايشه بعالم ثاني لاني مب متخيله الامور هذي

سمعت عن بعض الامور بس اللي تطرقتيه واجد ماعمري فكرت فيه

لاحول ولاقوة الابالله

الله يصلح الحال
جزاك الله خير عالطرح المفيد

[بوحارب]

ولا الفلبينيات اللي يشتغلون في محلات الخياطه ويصورون
البنات وهم يسوون بروفه للفساتين ويبيعون صورهم على الشباب ..



:looking:


لا حول ولا قوة إلا بالله


جزاج الله خير على غيرتج الطيبه

[ANONYMOUS]

جايز

بس انا عمري ماشفت صور.. حتى بالغلط

:eek5:

[بنت سعادة السفير]

حسبي الله ونعم الوكيل

[مستثمره جديده]

شكرا لكل من مر َ من هنا .. سعيده بتواصلكم :)

[Mo0o0oM]

الله يستر ..

:weeping:

[رأس بروق]

موضــــوعــــج وايــــد حلــــو .. قــــوي .. صريــــح .. بـس لــو ماخصيتـي الشبـاب في نشر الصور بيطلــع موضوعـــج اقـــوه .. تدرين ليش ؟؟؟؟؟لان كل اللي يقدر يوصل للتصوير بنت في الحمامات او الكوافير او الاعراس هي بنت .

[مستثمره جديده]

هلا اخوي رياني .. بالعكس انا ماخصيت الشباب بهالظاهره ولو دققت في المشاركه بتعرف اني خصيت البنات اكثر من الشباب .. شكرا لمرورك الجميل :)

[عكاس]

معظم هذه الاختراعات كان الهدف منها التسهيل على الناس في اعمالهم او الافاده مثل كاميرات الفيديو الصغيره اللي توضع في الشنط لتصوير المناسبات العائليه او البلوتوث لاستخدام السماعه بدون اسلاك بس للاسف هناك فئه من الناس تخصصها اساءة استخدام هذه الاجهزه
على قد ماسافرت عمري ماشفت ناس يسيئون استخدام التكنلوجيا الا عندنا في العالم العربي

[الوجيه]

حسبي الله ونعم الوكيل

( كما تدين تدان )

[اكتتاب خاص]

جزاك الله خير على الموضوع اختي والتنبيه

والله يستر على اهلنا وبناتنا وكل المسلمين يا رب


وتروا الله يمهل ولا يهمل

اللي تسويه في بنات الناس ، باجر رب العالمين يبتليك في اهلك


الحذر اخواني


كمـا تـــــــــــــديـــــــــــــــــــــــن تـــــــــــــــــــــــــــــــــدان

نسأل الله العفو والعافيه وان يجنبنا مما ابتلاى به كثير من الناس

[قطريه ماركه]

لا حول ولا قوة الا بالله .. جزاج الله خير على غيرتج على البنات ...وتحذيرج لهم ..

[BODYGUARD]

والله الشباب طلعوا اهون بكثير من البنات .. في مقوله تقول " ياتي الحذر من مأمنه .. يعني الحرمه تتطمن لبنت مثلها وماتدري ان الخطر يجي منها .. " ولو البنات تعرف ان الاسلام حرم كشف العوره بين النسوان ماكان صار اللي صار "

[الدوحه 2007]

جزاكي الله خير

على الموضوع والتنبية

[بنت الدوحه]

حسبي الله ونعم الوكيل

اللهم احفظنا واحفظ اخواتنا المسلمات

[صمت القلوب]

والله الواحد قام يخاف من كل شي ... ومن اي مكان ...
يعني قولي لي شنو بيستفيدون من هالحركاات ....
انا عن نفسي شفت واحده في اعراس اهلنا .... قدرت تدخل الجوال ...
استغربت ...و دخلته علشان تراوينا ياه لانه جديد .... انزين هاذي وعرفنا عذرها ....
وكنت بتكلم لأهل العرس .... بس خفت تصير مشكله ... وطنشت ...
واللي يدخلون الجووايل واحنا مانعرف ..... اشلون نسوي ....اشلون نتأكد ....
والله والله انا من كثر خوفي .... قامو يسموني وسواسيه .... ومعقده ....
في الاعراس اخاف .... في الصوالين اخاف ... في الحمامات العامه اخاف ... في غرف التبديل في المحلات اشيك 5 او 6 مرات علشان اتـأكد انه مافي كاميرات ....

والله اختي ... اقرا اذكار الصباح والمساء ... وارتاح واتأكد ان الله بيحفظني ....
وانا متوكله على الله ...
وعسى الله يحفظ كل البنات .... ويستر علينا من هالشر ...

تسلمين فديتج عالتذكير .... وجزاج الله خييييير ...
دمتي بود

[ذربة ألكلام]

صج مب شايفين خير

ألحين قلو البنات الي في التلفزيون واللبنانيات ألرخيصات الي محذفين في كل مكان

عشان يجون عند هذولا المستورات

انشالله كل رجل يحاول يشوف بنت الناس انشالله يفضحه رب العالمين يوم العرض..

وانشالله اي فلبينيه او بنت تبيع فيديو على رجل

يارب تعذبها في الدنيا وفي الاخرة ..

ويارب تستر على بناتنا


(( أن الله شديد العذاب ))..

[بوخالد2]

المفروض في راقبه من جهة مختصه بالدولة للامور هذه

مثلا : جهاز امن الدولة
او التفتيش والرقابه
او الامن الوقائي
او البحث الجنائي

المفروض يكون لهم دور للامورهذه

والله يستر على بنات المسلمين ان شاءالله

دنيا الله يكافينا شرهاا ....

[ســـهم]

امس رحت للستي بالصدفه

ومن المواقف حصلت هندي يصور عياله من نزلو من السياره لين دخلو السيتي طبعا والناس طالعه وداخله

مادري شيصور رامي عياش ولا راغب علامه :(

المهم ماخلى ولا ثانيه وهو يصورهم فيديو بالجوال مادري مركب اكبر مومري

المهم راقبته تقريبا 11 دقيقه وهو يصور رامي عياش اقصد ولده والناس طالعه وداخله وهو

ماعنده خبر بشي


لذلك لابد من ادارة الستي والمولات وضع لافته عند كل باب تمنع التصوير !

احتراما لخصوصية الناس ...

[مرحوم قطر]

الله يكفينه الشر

قمت اخاف اخلي خواتي يروحون اعراس و السبه هلموضوع

واذا كلش يسلمون و يطلعون

[_QTR_]

والله حالـــــــــــــــــــــــه

وربي واللي رفع سبع لو اني الاقي حد يصور قدامي بنات الناس .. على طوووووووول تلفوووووووووووووووووووووووووون للعضيد ... او قبلها كم من طراق عن الخاطر


والله الواحد كره يروح مجمعات وهذي الاشياء من السوالف والقصص اللي يسمعها

لا حول ولا قوة الا بالله

[مداوي القلوب]

جايز

بس انا عمري ماشفت صور.. حتى بالغلط

:eek5:



يعني لازم لما تشوف وتطيح المصيبه فوق راسك وبعدين تصدق
الوقاية خير من العلاج

ويعطيج العافية عالموضوع اللي بصراحه انه خطيرر
والوحدة لازم تحاسب على نفسها
خاصة المجمعات
والله يستر علينا

[k__]

جزاج الله خير إختي

[koketa]

حسبي الله ونعم الوكيل

[مستثمره جديده]

http://www.7c7.com/vb/images/smilies/t2.gifشكرا لكل من مرَ على هذه الصفحه وسجل ردا على الموضوع ويعطيكم العافيه :)



امس رحت للستي بالصدفه

ومن المواقف حصلت هندي يصور عياله من نزلو من السياره لين دخلو السيتي طبعا والناس طالعه وداخله

مادري شيصور رامي عياش ولا راغب علامه :(

المهم ماخلى ولا ثانيه وهو يصورهم فيديو بالجوال مادري مركب اكبر مومري

المهم راقبته تقريبا 11 دقيقه وهو يصور رامي عياش اقصد ولده والناس طالعه وداخله وهو

ماعنده خبر بشي


لذلك لابد من ادارة الستي والمولات وضع لافته عند كل باب تمنع التصوير !

احتراما لخصوصية الناس ...

فعلا فظاهرة التصوير صارت منتشره وخصوصا من قبل الآسيويين http://www.7c7.com/vb/images/smilies/x9.gif من يشوفون نافوره ولا ورد ولا شجر بالمجمع الا وطمروا عليه وصوروا عنده .. قبل كان تصوير فوتوغرافي ومشيناها لكن الحين صار نقل حيَ ومباشر :eek5: تلقى الوااحد ماسك جواله ولا كاميرا الفيديو ويصور العائله الكريمه http://www.7c7.com/vb/images/smilies/3437_01176697651.gif تقول يسوون فيديو كليب هندي http://www.7c7.com/vb/images/smilies/cc.gif وميري لابسه كل اللي في التجوري علشان التصوير http://www.7c7.com/vb/images/smilies/18.gif ..

ياريت مثل ماقال اخوي سهم بان ادارات المجمعات يصدرون تعليمات تلصق على الابواب تفيد بمنع التصوير بالمجمعات واللي يخالف بيتعرض لعقوبه من الجهات الامنيه اول ها مصادرة آلة التصوير سواء كان كاميرا او جوال لأن الشي زاد عن حده وصاروا الاجانب مايراعون خصوصية الناس اللي مايرضون ان يتم تصويرهم .. ان شاءالله هالاقتراح يلاقي صدى مسموع من الجهات المسؤوله مع الشكر :)

[كاتم الاسرار]

جزأج الله الف خير والله يكفينا شرهم
يعطيج العافيه

[مستثمره جديده]

جزأج الله الف خير والله يكفينا شرهم
يعطيج العافيه

يجزي الجميع ان شاءالله .. تسلم على مرورك :)

[الوعد2016]

موضــــوعــــج وايــــد حلــــو .. قــــوي .. صريــــح .. بـس لــو ماخصيتـي الشبـاب في نشر الصور بيطلــع موضوعـــج اقـــوه .. تدرين ليش ؟؟؟؟؟لان كل اللي يقدر يوصل للتصوير بنت في الحمامات او الكوافير او الاعراس هي بنت .

كلامك حكم
ومشكوره اختى على الموضوع
ولو كل واحد شاف احد يصور في مكان عام يقوم بابلاغ الامن او العضيد (الامن الوقائي) او العمليات او السكرتي لا نقطع التصوير وياليت يتم وضع بوسترات في الاماكن العامه تمنع التصوير ويتم منع البنات من استخدام الهواتف المزوده بالكاميرات من استخدامها في الصالون و الاعراس والمدارس والجامعات

[The future]

جزاك الله خير