المساعد الشخصي الرقمي

مشاهدة النسخة كاملة : لمن لديه خبره فب الخيم أو بيوت الشعر !!!


عليان
09-07-2008, 09:25 PM
أرجوا ممن لديه خبره في الخيم أو بيوت الشعر , أن ينفعني بما هو أفضل الخيم أو بيوت الشعر وما هي التقنيات الجديده الداخله في عملها ( يعني مثلاً مع عازل أو أي تقنيه جديده) , وما هو أفضل مكان لعمل هذه الخيمه او بيت الشعر في الدوحه , والأسعار التقريبيه ؟

وشكراً جزيلاً للنصائح والمعلومات ....
المرعب
09-07-2008, 10:02 PM
اذا قصدك الاسعار روح السعوديه اوفرلك من قطر انا مسوي من اربع سنوات مجلس بيت شعر في قطر قالولي اذا مع العازل خشب المتر 380 وسويته في الرياض المتر 230 وخذيت من هناك المساند وحت الفرش لانهم بيطرشونها في تريله يعني حمل الي تبيه بس اسعاري هذي قديمه الحين اتوقع من0 35 الين400
توقعي مش اكيد وانت لك الحريه
كاتم الاسرار
09-07-2008, 10:10 PM
اذا قصدك الاسعار روح السعوديه اوفرلك من قطر انا مسوي من اربع سنوات مجلس بيت شعر في قطر قالولي اذا مع العازل خشب المتر 380 وسويته في الرياض المتر 230 وخذيت من هناك المساند وحت الفرش لانهم بيطرشونها في تريله يعني حمل الي تبيه بس اسعاري هذي قديمه الحين اتوقع من0 35 الين400
توقعي مش اكيد وانت لك الحريه

مرحباااا
صح كلام المرعب روح السعوديه احسن لك والله اهني راسك بعورك وايييييييييييد وتوكل على الله وانا بحاول اشوفلك ارقامهم
عليان
09-07-2008, 10:12 PM
تسلمون يا شباب بس والله ما عندي وقت أروح السعوديه , الله يجزيكم خير أي مكان في الدوحه يكون أفضل لي في الوقت الراهن ...
QTR-SOUL
10-07-2008, 06:18 AM
بالتوفيق.........................................
" روح قطر "
10-07-2008, 06:23 AM
موفق يااارب

وعندك محل في شارع الغرافة اللي كان فية البنك الأسلامي

وبالضبط على خط الشمال ويطل على الجسر مباشرة

وسكرو دخلة الشارع سنين علشان الجسر

والمحل موجود ومازال موجود

روح هناك ....عندة كتالوج طب واختار وضيف كل اللي تتمناة

والله يوفق لك
عالي مستواة
10-07-2008, 07:16 AM
فيه مندوب في قطر لخيام يجيبونها من الحسا

تتصل فيه وياخذ المقاسات ويعطيك الاسعار والكتالوجات وتشوفها

وفيه عنده 3 او 4 انواع وكل وحده سعرها مختلف وبتحس بالفرق في السعر بينه وبين خيام الدوحه
قناص قطر
10-07-2008, 07:41 AM
السلام عليكم

السالفه طويله

صار لي فترة وانا ابحث عن الممتاز وليس الجيد

والله وانا اخوك هلكت وزهقت بس الحمدلله الله وفقني بشيء ان شاء الله تكون خير

في البداية كنت افكر بمجلس بيت شعر

رحت السعودية وخذتلي كم رقم من هناك

وصلت الدوحه واتصلت لهم لانهم تقريبا اسبوعيا بالدوحه لتركيب بيوت الشعر

وخذت الاسعار من هني

فرق كبير بالسعودية 21500 خيمة ( 5 في 7 ) بدون الالمنيوم وعندنا لاتقل عن 35000

لكن الفرق بنوعية الحديد ونوعية الخشب

قررت اني اخوض تجربة جديده وهي تفصيل الخيمة بنفسي

يعني مب خيمة عادية حديد شكل مستطيل وبس

خليت احد زوايا المستطيل بالعرض لتعليق التلفزيون ومشاهده مريحه هههههههههههههه

الفرق بنوعية التفصيل ونوعية التفاصيل للخيمة لانها تفرق


من حديد وخشب وعازل ونيلون وخشب و رول الشعر والشد الداخلي( يعني خشب من الخارج وخشب من الداخل ) اقوى وافضل للتكيف

علما بان محلات الخيام يضع خمس طبقات وهي : خشب عازل ونايلون رول الشعر والشد الداخي
لان الخيمه فيها زوايا مثل الزاوية اليمن خليتها بالعرض عشان التلفزيون


حتى الان فصلت 4 خيام على هذه النوعية مقاسات مختلفة (10 في 8 ) ( 10 في 7 ) ( 5 في 7 )

بخصوص التكلفة تقريبا خيمة 5 في 7 حديد فقط 14000 بس حديد صح حديد الدوحه

لان حديد الخيام السعودية مب لين هناك نوعية خفيفه ( هذا طبعا مقياس على 4 محلات بالحسا فقط )

ان شاء الله اذا خلصت من الخيمة بعطيك التكاليف بالكامل