آلية التداول (سعر السوق)

[الغير^_^منسي]

السلام عليكم

حبيت أستفسر عن سعر السعر السوق في عملية البيع والشراء هل يتغير مع تغير السوق؟ أو هو لحظي في لحظة طلب البيع والشراء؟

سؤال ثاني علسريع.. عمولة شركة الوساطة.. 4 ولا 5 من الألف؟

[السيليه]

اخوى مافهمت ايش تقصد بسعر السوق تقصد سعر العرض والطلب

اما سوالك الثانى عموله شركه الوساطه محدده 4 ريال فى الف

[الغير^_^منسي]

مشكور أخوي السيليه على الرد...

أقصد بسعر السوق.. سعر آخر صفقة..
على سبيل المثال لما تبغي تشتري عدد من الاسهم يسألك عن سعر السهم وتجاوبه بسعر السوق اللي هو نفسه سعر آخر صفقة.. لكن هل هو متغير مع الوقت.. ولا ثابت؟

[السيليه]

يتغير السعر مع تغير العرض والطلب ما يتم ثابت

[الغير^_^منسي]

سوري أخوي أحس أنك ما فهمت علي..
خلني أعطيك سيناريو..

أتصلت في شركة الوساطة وقلت لهم أبي اشتري 1000 سهم ناقلات بسعر السوق

هل:

1- بيقولي سعر السوق الحين مثلا 60 ريال... وبيحط طلب شراء 1000 سهم ناقلات بسعر 60 ريال.. إذا أرتفع السهم على طول بعد ما سكرت التلفون ولا شريت.. بتم أنطره لي ينزل لين يصير 60 ولما ييني الدور يشترون لي...

أو

2- بيحط طلب شراء 1000 سهم ناقلات بسعر متغير.. لو كان وقت المكالمة السعر ب60 وارتفع عقب ما سكرت وصل 61 بيشترون لي ب61... أو نزل ب59 بيشتري لي ب59.. هل هالشي موجود في النظام...؟ أو لاء سعر طلب الشراء مجرد ما يدخل يتم ثابت؟

[إنتعاش]

هلا فيك اخوي الغير منسي :) منور منتدانا ياغالي :)

بالنسبة لتساؤلك هو السيناريو رقم 2 . .

وعمولة الوسطاء 0.004 من مبلغ الصفقه

[الغير^_^منسي]

هلا والله أخوي انتعاش :) المنتدى منور بنورك
ما قصرت وعساك عالقوة

انتظروا الموقع.. ;)

[relaax]

هلا فيك اخوي الغير منسي :) منور منتدانا ياغالي :)

بالنسبة لتساؤلك هو السيناريو رقم 2 . .

وعمولة الوسطاء 0.004 من مبلغ الصفقه

مشكور انتعاش ...

هل ممكن اقوله بسعر السوق .. لكن ما يقل عن سعر معين ؟؟؟