المساعد الشخصي الرقمي

مشاهدة النسخة كاملة : طلب مشوره جزاكم الله خير


مرحوم قطر
10-07-2008, 08:03 AM
يالربع عندي استفسار


اتمنا اتساعدوني

انا ابي اودي اخواني الصغار رحلة حلوه

و عندي كذا مكان يعني مفكر اخذلهم جوله في السعوديه يعني اوديهم اماكن حلوه

و بعدين اروح الاردن اقعد يومين او 3 اونسهم وبعدين سوريا يومين او 3 و بعين لبنان

يومين ولا لفه عن المشاكل :weeping:


و بنروح المدينه المنوره و مكه المكرمه نعتمر


و وحنى معودين الكويت لفه بس عن الخاطر و البحرين يوم او يومين بالكثير و حنى راجعين الدوحه


ويعني السفره بتكون اسبوعين

و بس يالربع انا بغيت ااجرلي باص مثل باص كروه الي فيه تلفزيون و تكرمون حمام و مطبخ


و كبير من داخل لان انا و اخواني مشالله 12


و ماينفع انروح ابمواترنه

فا ياليت والله تفيدوني


وياليت الي عندع خبره في سوريا يدليني وين اروح و وين ايي و يسويلي رحلة سياحيه

لمدة يومين او ثلاث بالكثير


انا الحمدلله في السعوديه البحرين الكويت الاردن لبنان دليله يعني ادل حتى دواعيس


بس سوريا مب ذاك الزود


فا اتمنى منكم الافاده بخصوص الباص من وين ااجره و كم سعر الاجار بدون سايق انا عندي ليسن ثقيل وانا الي بسوق


و رحلة سياحيه حق سوريا
لوسيل
10-07-2008, 12:46 PM
إن شاء الله الأخوان يفيدونك :)

بس حبيت أقولك قول إن شاء الله بنسوي كذا وكذا وبنروح المكان الفلاني

وجزاك الله خير يالغالي والله يحفظك أنت وأخوانك ويخليكم لوالديكم
فارس الكلمة
10-07-2008, 02:06 PM
أخوي رحلتك متعبة .. و أخوانك صغار ..

و المسافات بالسيارة طويلة و مرهقة خصوصا بالصيف ..

أختار بلد واحد و استانس فيها .. بدلاً من هذه اللفة الطويلة ..و الله يوفقك إن شاء الله ..
مرحوم قطر
13-07-2008, 10:43 AM
لوسيل اشكرك و بشده على النصيحه

و جزاك الله خير و كثر الله من امثالك


وانشالله الكل يصير نفسك و ولو ان كل واحد نصح اخوه ماكان تدرة اخوالنا


اخوي فارس الكلمه لا و الله بالعكس بتطلع حلوه

لاتنسا لمة الاهل و الباص يكون مكيف و فيه تلفزيونات و مخفي كامل و تكرم حمام و مطبخ

و كبير يعني مب صغير و باص 5 نجوم


و انا حاط كذا محطه بروحها يعني اطول طريق بقضيه سواقه مايتعدا 6 الا 7 ساعات بالكثير

و الباص مرسدس و مريح

و يعني في كل محطه بقعد كم يوم
الدانه22
15-07-2008, 09:32 AM
انا رايي من راي الاخ فارس الكلمه وترى اختار مكان واحد احسن لكم كلكم وصدقني بيستانسون

وانت تقول لمة الاهل اكيد حلوه لكن لساعه ساعتين ,, سفره لمكان مكانين ,,, لكن انت الله يهديك ناوي تشاقلهم من مكان لمكان:rolleyes2::rolleyes2:

ترى احسك تبي تعاقبهم عشان يحرمون مايسافرون crazy

وعلى كل حال الله يسهل دربكم
shagrh
15-07-2008, 10:05 AM
بسوريا رووح بلودان والزبدانى رااح يستانسوون
غناتي1
15-07-2008, 11:46 AM
الله يحفظكم ما تودونا معاكم

رحلتكم حلوة واجد

الله يستر عليكم