مطلوب استشارة (فتوى) قانونية عاجلة في مشكلة تتعلق بالبنك

[راعي النيسان]

السلام عليكم ورحمة الله وبركاته ،،،

اخواني عندي مشكلة صارت لي اليوم وتحديدا الساعة 3 العصر وانا طالع من الدوام مريت ماكينة الصراف الالي علشان اسحب لي مبلغ من المال ، وتفأجات بانه الرصيد الموجود بالحساب اهو 5 ريالات فقط ،، بينما بالحساب المفروض يكون فيه كل راتبي الشهري ،، اتصلت بالبنك عن طريق خدمة الكوول سنتر وقالوا لي المبلغ موجود بالحساب بس محجوززز :omg::omg::omg: ، ليش ؟ شنو السبب ، الاجابة ماندري راجع أقرب فرع موجود صوبك وبتعرف السالفة ..

رحت البنك وعرفت السالفة ،، بس بقولكم القصة من البداية علشان تعرفون تسلسل الاحداث بكل سهولة ..

* قبل سنة كان حسابي بالبنك (الاول) وقررت اني اشتري سيارة للأهل بطريق شيكات للبنك (الثاني) للتقليل الفائدة ونفس الوقت علشان العروض والمميزات الأخرى ، وكنت مواضب بتسديد كل المبالغ والاقساط الشهرية اول بأول بدون أي تأخير والحمدلله .

* بعدها بسنة قررت انقل حسابي من البنك (الأول) إلى البنك (الثاني) اللي بالاساس ماخذ منه السيارة ..

* يوم جيت بنقل الحساب سالت البنك (الثاني) على موضوع الشيكات ، قالوا لي مافي اي مشاكل ، واهم شي أنك تسدد قيمة الأقساط الشهرية وتودع المبلغ بالبنك (الأول) ومافي أي مشاكل .

* استمريت على هذا المنوال أكثر من ثلاثة شهور وانا أسوي هالطريقة ، وملتزم للبنك (الثاني)بكل الالتزامات المادية من أقساط وخلافه .

* جيت اليوم بشيك على الحساب وانا ابي اسحب لي مبلغ من المال ، ومالقيت فيه غير مبلغ 5 ريالات ، وكل فلوسي بالحساب انحجز عليهم .

* رحت فرع الستي سنتر وسألت الموظف ليش انحجز على كل رصيدي بالحساب عندكم ؟ جاوبني بكل برود وقالي ما اعرف ، بس فيه ملاحظة مسجلة عندنا انه انت عندك سيارة مسجلة باسم البنك (الثاني) ، وبنفس الوقت تسدد اقساطها عن طريق البنك (الأول) ، شلون صارت هذه السالفة ؟ رجعت وقلت له نفس القصة اللي فوق ، وقالي ماعندك اي شيكات مرتجعة او انك متأخر بالاقساط ؟ جاوبته حسابي عندكم وشيك انت بنفسك وبتعرف اذا انا متأخر او ملتزم !!! انعفس وجه وماعرف شيجاوب ،، بس قالي بالنسبه لي موقفك سليم طالما انك ملتزم بالدفعات الشهرية . بس أنتظر لين يوم الاحد وروح راجع قسم تمويل السيارات ..

الحين ياجماعة الخير ،، أنا بسألكم سوال ؟ احنا في أي عام ؟؟؟ 2008 صح ؟
طيب مافيه اختراع اسمه تلفون ؟ موبايل ؟ مافيه اختراع اسمه ايميل ؟ بريد مسجل ؟
هذا البنك تصرف بهذه الطريقة وحجز المبلغ بدون أي وجه حق ؟ وليش ما اتصل فيني ؟ ليش خلى الموضوع لي مفاجأه ؟

طيب لو أنا مسافر وبرع الدولة ؟ وصار لي هذا الموقف ؟ شلون بتصرف ؟ هل هذا البنك فكر بمصلحة العميل ؟ وهل هالموظف اللي فكر انه مكتشف الذرة عجز عنه انه يتصل بالعميل ويستفسر منه على موضوع السيارة ؟

وطالما التزاماتي مسددة شهريا ـ ومافي اي تاخير بالدفعات لا فيزا ولا اقساط ولاغيره ،، شنو سبب الحجز الفجأئ ؟ واذا كان في مشكلة من البداية بنقل الحساب ليش وافق البنك على نقل حسابي من بنك لبنك ؟ وعلى أي أساس ينحجز على راتبي وحلالي كله بالبنك ؟

وللعلم انا بكرة المفروض اسافر برحلة علاج مع الوالدة إلى احد الدول.. وموعدها يوم السبت ،، شلون راح اقدر اسافر الحين وانتظر لين يوم الأحد علشان اشوف هالتصرف الغير مسؤول من بنك له أسمه وشهرته ... ياترى من راح يتحمل مسألة تدهور صحة الوالدة بالمسألة هذه ؟

سوالي الحين شرايكم بموقفي هل أهو قانوني طالما اني ملتزم بكل الدفعات الشهرية أول بأول ومافي أي مشكلة مادية علي ؟ وهل يحق لي اني أطلب اعتذار وتعويض من الموظف اللي اخذ هالقرار وتصرف بهوى شوره ؟

[eXpert*]

المشكلة اخوي البنوك مستعدين يحاججونك بمليون عذر وعذر ...

وفي البداية والاخير بيقولون لك هذا السيستم من نفسه حجز على المبلغ على حسب المعطيات الموجودة عنده .

والبنوكـ في قطر دائماً على حق :secret: حتى لو هي غلطانه

[راعي النيسان]

المشكلة اخوي البنوك مستعدين يحاججونك بمليون عذر وعذر ...

وفي البداية والاخير بيقولون لك هذا السيستم من نفسه حجز على المبلغ على حسب المعطيات الموجودة عنده .

والبنوكـ في قطر دائماً على حق :secret: حتى لو هي غلطانه

ماعليه اخوي بس انا قريت انه البنوك مايحق له أنه تحجز على الاموال والممتلاكات إلا في حالة عدم التزام الأيفاء بالأقساط الشهرية المطلوب منه سدادها شهريا ،، وهذه الجملة موجودة باستمارة القروض بالبنوك كلها .. والسيستم ما يحجز منيه والدرب ,, لا بد من شخص يعطيه أمر علشان ينفذ .وحتى لو صار هذا الشي لابد من إخطار العميل وهذه تحط تحتها خطين كبار .. وعلى العموم سواء خطاء سيتسم او خطاء بشري ،، بالنهاية مايصح إلا الصحيح ..

بس انا حاليا كل اللي مزعلني ومضايقني اهو موضوع علاج الوالدة .. :weeping::weeping:

[Qatarii]

ياخي وليش ماتذكر اسم البنوك هذي
انا والله اعلم وادرى محد يسوي هالحركات غير بنك الدوحة الفاشل....انا ما اعرف اي بنك بس انت علمني وبطلع اللي في خاطري ...واتمنى يكون بنك الدوحة....متسبب

[Aljans]

الأخ العزيز أولا الله يشفي الوالدة و ترجع معها بالسلامة.

أطلب كشف حساب من البنكين و تتبع عمليات خصم الدفع, طبعا أنت حسب كلامك لازم تسافر قبل أو يوم السبت, و هنا المشكلة.

[راعي النيسان]

ياخي وليش ماتذكر اسم البنوك هذي
انا والله اعلم وادرى محد يسوي هالحركات غير بنك الدوحة الفاشل....انا ما اعرف اي بنك بس انت علمني وبطلع اللي في خاطري ...واتمنى يكون بنك الدوحة....متسبب

مشكور أخوي العزيز على التفاعل .. بس ما ابي اذكر اسم البنكين لانه كلا البنكين لهم اسمهم وسمعتهم ، وعلى فكرة ولا واحد منهم بنك الدوحة ،، وهم أكبر واقدم من بنك الدوحة بوايد ,,

[راعي النيسان]

الأخ العزيز أولا الله يشفي الوالدة و ترجع معها بالسلامة.

أطلب كشف حساب من البنكين و تتبع عمليات خصم الدفع, طبعا أنت حسب كلامك لازم تسافر قبل أو يوم السبت, و هنا المشكلة.

تسلم ياخوي على الدعوة الكريمة ،، وعسى الله ان لا يصيبك بمكروه فيمن تحب او من يعز عليك ...

بالنسبة لكشف الحساب انا طلبت كشف حساب من كلا البنكين ،، ست شهور لكل بنك وكل دفعاتي مسددة ومدفوعة بانتظام ،، والقهر يا طويل العمر أنه بكلا البنكنين حاط فيهم مبالغ نقدية فوق العشرة الالف بالراحة ،، احتياطا أنه يصير أي طارئ بالمستقبل مثلا يتأخر نزول الراتب او الراتب ينزل مخصوم ،، يعني أي شي من هالقبيل ،، لكن أرجع وأقول أنه ما علي ولا تأخير بالدفعات ، لدرجة أني عمري ماطلبت تأجيل أي قسط والحمد لله ..

ومادريت أنه اللي يحط فلوسه بالبنك ينحجز عليها بدون أي مقدمات ولا اخطار او اتصال ،، تخيل شكلك وانت برع البلد وبغربة وجاي تبي تسحب فلوس من ماكينة الصراف الالي وما تلاقي اي مبلغ مالي بحسابك .. شنو راح يكون موقفك ؟ يعني عادي تنسجن هناك بسبة انك ماعندك تدفع حق سعر غرفة الفندق ؟ او ثمن وجبة بمطعم ؟ وابسط ما في الامر انك تتصل بخدمة الكول سنتر ويردون عليك روح راجع الفرع اللي انت فيه .احنا ما نقدر نسوي لك شي .. هل هذا الكلام يقبله عقل ؟ :anger1::anger1: وتخيل انك بالويكند وبيوم اجازة يعني اقعد هناك وخيس لين ما الله يشوف لك ، وتقدر تدبر امورك .. والله العظيم قهر وشي ينرفز ويعصب بالواحد ..

[هسلان]

يوم الاحد قبل ما تراجع بنكك خذ أوراقك روح لمصرف قطر المركزي واشرح لهم الموضوع يمكن يفيدونك ويكون تدخل منهم لصالحك
اعتقد أن هذا هو الانسب
وهذي السوالف ما يسويها إلا الوطني

[Yaas]

السلام عليكم راعي النيسان اولا ما تشوف شرالوالدة الله يحفظها لك .. ثانيا عندما نقلت البنك الثاني كا ن من المفترض تتم عمليت الخصم من البنك الثاني (اقساط السيارة) ليش هالفة كلة وشيك صادر وشيك مخصوم
ومن المفترض على موظف البنك (الثاني) يقوم بهذا الدور ويقول لك بس عندنا الثقافة البنكية واصلة حدها ..
طبعا انسى موضوع رفع دعوه والمطالبة بتعويض وراكض في المحاكم وانطر وتاجيل وهذة يستأنف وغيرة
ارسلي رقمك على الخاص او ارسل لي ايميل :victory-69@hotmail.com وانا بخلصلك الموضوع
وفالك طيب اهم شي صحة الوالدة و ماتشوف شر ،،

[Yaas]

على فكرة عرفت البنكيين اللى تقصدهم في السيتي سنتر وللاسف صج اكبر بنكين من ناحية راس المال وعدد الفروع تقريبا ويدعون انهم يقدمون افضل الخدمات من غيرهم بس ناسين ان العملية
quality مش quantity

[ANONYMOUS]

على فكره البنوك كلها تسعى للربح الفاحش وتنتظر اي فرصه لتنهش من جسد العميل


وماتشوف شر الوالده

[لولوتي]

الله يكون بعونك ياخوي

ونصيحه لا تروح حق اي موظف واتخليه يوهمك بانه حل مشكلتك ،،،
روح وقابل احد المسؤولين،،،
تراني تعذبت مع بنك قطر الوطني جننوني،،،

حجز حجز حجز

وطلعوا روحي لين قابلت مسؤول في احد الفروع وهو خلص لي موضوعي،،،
وسكرت حسابي وافتكيت منهم.

[Chambray]

هذا بنك قطر الوطني

صارت لي نفس مشكلتك لكن بطريقة غير
حيث اني سحبت مبلغ من الصراف الآلي في فرنسا ( 800 ) يورو ، تقريباً 4500 وإذ ينحجز من المبلغ ايضاً 4500 تقريباً !!
فهمتوني ؟ يعني 4500 انخصمت و 4500 انحجزت !!
ليش زين؟
اتصلت فيهم ومع الانتظار والخساير الي اخسرها على المكالمات الدولية ، آخر شئ قالولي المبلغ محجوز ! انزين ليش محجوز دام انه مبين عندكم ان المبلغ الي فوقه مسحوب ؟ قالولي مادري ، انطر 21 يوم لين ينفك الحجز !!!!!!!!!!!!!!!!
800 يورو مب شئ بسيط انطر عليها 21 يوم وهي من حقي !؟
والله كان 4 او 5 من الشهر ، يعني توه بداية الشهر !!
وبعد 21 يوم انفك الحجز لكن شعقبه !!!!!!!!!!

[رشدان]

راعي النيسان الله يشفي الوالده ويعطيها الاجر والعافيه..وبالنسبه لتصرف البنك هذا يسمونه تعسف

في استخدام الصلاحيات والتعدي على حقوق العميل..وانا مااعمل في البنوك ومجالها الحمدالله ..

وسبق وحصلي سوء استغلال لحساب العميل وكلمت المصرف المركزي والحمدالله وانذروهم وانهوا المشكله
باعتذار عن غلطهم..
اشور عليك كلم المسؤلين في المصرف المركزي

[hamoor4ever]

بنك قطر الفاشل

[SaryQatar]

هذا بنك قطر الوطني

صارت لي نفس مشكلتك لكن بطريقة غير
حيث اني سحبت مبلغ من الصراف الآلي في فرنسا ( 800 ) يورو ، تقريباً 4500 وإذ ينحجز من المبلغ ايضاً 4500 تقريباً !!
فهمتوني ؟ يعني 4500 انخصمت و 4500 انحجزت !!
ليش زين؟
اتصلت فيهم ومع الانتظار والخساير الي اخسرها على المكالمات الدولية ، آخر شئ قالولي المبلغ محجوز ! انزين ليش محجوز دام انه مبين عندكم ان المبلغ الي فوقه مسحوب ؟ قالولي مادري ، انطر 21 يوم لين ينفك الحجز !!!!!!!!!!!!!!!!
800 يورو مب شئ بسيط انطر عليها 21 يوم وهي من حقي !؟
والله كان 4 او 5 من الشهر ، يعني توه بداية الشهر !!
وبعد 21 يوم انفك الحجز لكن شعقبه !!!!!!!!!!

طريقة الحجز المذكوره موجوده في كل البنوك , واكيد انت ساحب ببطاقة الفيزا ... والا انا غلطان ؟

[Aljans]

أخوي أذا لم تكون مستأجر لأحد عقارات البنك, أو عليك ألتزامات أخرى تم دفعها بشيكات أو تحويلات شهرية. مثل ما قالوا الشباب الله يبارك فيهم روح للمصرف المركزي بعد ماتحذر البنك بأنك سترفع شكوة علية لدى المصرف.

[راعي النيسان]

يوم الاحد قبل ما تراجع بنكك خذ أوراقك روح لمصرف قطر المركزي واشرح لهم الموضوع يمكن يفيدونك ويكون تدخل منهم لصالحك
اعتقد أن هذا هو الانسب
وهذي السوالف ما يسويها إلا الوطني

مشكووور اخوي على النصيحة ،، وشورك وهداية الله ،، بس قبل ابي اروح قسم السيارات واشوف شسالفتهم ويا الحجز ،، يعني شفيها اذا كانت السيارة باسهم وتندفع عن طريق بنك ثاني وانا عميل عندهم ،، وبعدين همه شاللي باط جبدهم بالموضوع ياخي يمكن انا الله منعم علي وعندي خير وفلوس وحاطها ببنك ثاني ،، وبعدين اذا جيت ابي انقل السيارة عندهم يقولك مايصير التزاماتك المادية فوق الخمسين بالمية من الراتب كله ... يعني يانحجز على المبلغ او تبيع السيارة أو تدفع قيمتها كاش وتحررها.. يعني جاءت علي الحين ويبون يصيرون قانونين بلفيت ؟؟؟؟!!!!!!!!!!! :anger1::anger1: ووبعدين همه مالهم اي حق انهم يحجزون المبلغ تحت اي مسمى من المسميات طالما انا ملتزم بكل الدفعات الشهرية ،،، انا عارف نفسي اني صح ومتأكد انه الحق معاي ،، وأوراقي جاهزة وكاملة والكمال لله .

[راعي النيسان]

السلام عليكم راعي النيسان اولا ما تشوف شرالوالدة الله يحفظها لك .. ثانيا عندما نقلت البنك الثاني كا ن من المفترض تتم عمليت الخصم من البنك الثاني (اقساط السيارة) ليش هالفة كلة وشيك صادر وشيك مخصوم
ومن المفترض على موظف البنك (الثاني) يقوم بهذا الدور ويقول لك بس عندنا الثقافة البنكية واصلة حدها ..
طبعا انسى موضوع رفع دعوه والمطالبة بتعويض وراكض في المحاكم وانطر وتاجيل وهذة يستأنف وغيرة
ارسلي رقمك على الخاص او ارسل لي ايميل :victory-69@hotmail.com وانا بخلصلك الموضوع
وفالك طيب اهم شي صحة الوالدة و ماتشوف شر ،،

الله يسلمك اخوي والشر ما يجيك وتسلم على المساعدة الكريمة ،، وان شاء الله راح اتواصل معاك لو ما مشت الامور معاي على يوم الاحد ،، الموضوع باختصار انه همه يبون يجمعون عملاء وبس بغض النظر الموضوع قانوني او خلافه ،، وانت اخبر بلفة البنوك والتواءتها عمرك ما تاخذ منهم لاحق ولاباطل ،، ويعلم الله اني قلت لهم انه عندي شيكات وجدام شهود ،، وقالوا لي احنا مالنا خص بالسالفة .. اهم شي انك تدفع الشيكات والاقساط ،، ويوم قلت لهم طيب خصموا قيمة السيارة عن طريق البنك قالوا لا مايصير لانه بالحالة ذيه راح تكون التزاماتك فوق 50% بشوي ويمكن انه يتعرقل الموضوع ومن هذه السوالف ، قلت لهم توكلوا على الله وخلصوا لي سالفة نقل الحساب ،، وبالفعل في أقل من 48 ساعة وهمه فاتحين لي الحساب وماخذ منهم موافقة كاملة دون اي اشتراطات مسبقة .

[راعي النيسان]

على فكره البنوك كلها تسعى للربح الفاحش وتنتظر اي فرصه لتنهش من جسد العميل


وماتشوف شر الوالده

الشر مايجيك يالغالي ،، ومشكور على المرور الطيب .. وماعليه اخوي قلنا تنهش واحنا راضين واقساطهم ياخذونها طول الوقت ،، بس ما توصل انه تحجز على فلوسك وانت رجال عليك التزامات ثانية من بيت وخلافه .. وبعدين راتبي ينزل عندهم كل شهر وفوق هذا كله اني اسدد اول باول .

[راعي النيسان]

الله يكون بعونك ياخوي

ونصيحه لا تروح حق اي موظف واتخليه يوهمك بانه حل مشكلتك ،،،
روح وقابل احد المسؤولين،،،
تراني تعذبت مع بنك قطر الوطني جننوني،،،

حجز حجز حجز

وطلعوا روحي لين قابلت مسؤول في احد الفروع وهو خلص لي موضوعي،،،
وسكرت حسابي وافتكيت منهم.

مشكور اختي الكريمة على مرورج الطيب ،، والظاهر اني مب الحالة الوحيدة اشوف ،، وهاي اللي ريحيني شوي من العصبية اللي انا فيها ،، وعلى العموم طالما بدأت تطلع فيه حالات حجز وبنفس المنوال ، فهذا الشي لصالحي ويقوي لي الحجة ويخليها اقوى بعشر مرات ..

[راعي النيسان]

هذا بنك قطر الوطني

صارت لي نفس مشكلتك لكن بطريقة غير
حيث اني سحبت مبلغ من الصراف الآلي في فرنسا ( 800 ) يورو ، تقريباً 4500 وإذ ينحجز من المبلغ ايضاً 4500 تقريباً !!
فهمتوني ؟ يعني 4500 انخصمت و 4500 انحجزت !!
ليش زين؟
اتصلت فيهم ومع الانتظار والخساير الي اخسرها على المكالمات الدولية ، آخر شئ قالولي المبلغ محجوز ! انزين ليش محجوز دام انه مبين عندكم ان المبلغ الي فوقه مسحوب ؟ قالولي مادري ، انطر 21 يوم لين ينفك الحجز !!!!!!!!!!!!!!!!
800 يورو مب شئ بسيط انطر عليها 21 يوم وهي من حقي !؟
والله كان 4 او 5 من الشهر ، يعني توه بداية الشهر !!
وبعد 21 يوم انفك الحجز لكن شعقبه !!!!!!!!!!


الله يكون في عونك ،، وهذه السالفة والطامة الكبرى اللي تصير بالواحد من دون اي مقدمات خصوصا لو كان مسافر ،، على كذا خلاص محد راح يخلي فلوسه بالبنك الكل راح يشيلهم كاش ويوفرهم باليت احسن له ،، ومن يوم ورايح محد راح يحط فلوسه بالبنك .

[راعي النيسان]

راعي النيسان الله يشفي الوالده ويعطيها الاجر والعافيه..وبالنسبه لتصرف البنك هذا يسمونه تعسف

في استخدام الصلاحيات والتعدي على حقوق العميل..وانا مااعمل في البنوك ومجالها الحمدالله ..

وسبق وحصلي سوء استغلال لحساب العميل وكلمت المصرف المركزي والحمدالله وانذروهم وانهوا المشكله
باعتذار عن غلطهم..
اشور عليك كلم المسؤلين في المصرف المركزي

مشكور اخوي على مرورك الطيب ،، والله يعطيك الصحة والعافية يا لغالي ,, عموما اذا هذا التصرف انت تسميه تعسف عيل انا شاسميه ؟ ،، بخصوص البنك المركزي اكيد باني راح ازورهم لو ما مشت الامور معاي وما انحلت مشكلتي .. كن واثق من هالشي لانه مافيه اي تصرف ثاني بديل جدامي .

[راعي النيسان]

بنك قطر الفاشل

لا تعليق :secret:

[راعي النيسان]

أخوي أذا لم تكون مستأجر لأحد عقارات البنك, أو عليك ألتزامات أخرى تم دفعها بشيكات أو تحويلات شهرية. مثل ما قالوا الشباب الله يبارك فيهم روح للمصرف المركزي بعد ماتحذر البنك بأنك سترفع شكوة علية لدى المصرف.

اخوي الكريم كل اللي عندي قسطي الشهري بالبنك وشيكات السيارة غيرهم مافيه اي شي ،، وكهلم يتسددون ،، السيارة انا صار لي الحين سنة وشهرين تقريبا واسدد لها ،، واقساطي الشهرية تسدد اول باول ،، اما الفيزا فانا استخدمها استخدام مشتريات واسددها بنفس الوقت عن طريق الانترنت بالخصم المباشر من حسابي .. وحسابي دايما فيه فلوس عمره ما صار مكشوف ..

[Aljans]

السلام عليكم راعي النيسان اولا ما تشوف شرالوالدة الله يحفظها لك .. ثانيا عندما نقلت البنك الثاني كا ن من المفترض تتم عمليت الخصم من البنك الثاني (اقساط السيارة) ليش هالفة كلة وشيك صادر وشيك مخصوم
ومن المفترض على موظف البنك (الثاني) يقوم بهذا الدور ويقول لك بس عندنا الثقافة البنكية واصلة حدها ..
طبعا انسى موضوع رفع دعوه والمطالبة بتعويض وراكض في المحاكم وانطر وتاجيل وهذة يستأنف وغيرة
ارسلي رقمك على الخاص او ارسل لي ايميل :victory-69@hotmail.com وانا بخلصلك الموضوع
وفالك طيب اهم شي صحة الوالدة و ماتشوف شر ،،

جايز يكون البنك الأول أستفاد من عملية التحصيل, أو شركة السيارات قامت بيداع الشيكات و أخذت تسهيلات مقابل أجمالي الشيكات.

[Yaas]

راعي النيسان خلك على تواصل معاي وانشاء الله بتنحل اهم شئ سلامة الوالدة
وما تشوف شر ،،

[Yaas]

راعي النيسان انا ما اقدر ابعث على الخاص ارسل لي رقمك اذا حبيت مساعدة

[راعي النيسان]

راعي النيسان انا ما اقدر ابعث على الخاص ارسل لي رقمك اذا حبيت مساعدة

مشكور اخوي على مساعدتك الكريمة وشاكر لكل الاخوان اللي شاركوني مشكلتي ، وعلى العموم المشكلة انفرجت وانحلت بعد يومين مراكض ويا البنك من فرع لفرع كل وكل واحد يقول الموضوع مب عندي ،، والسبب لحد الان غير معروف اللي يقولي خطاء بالبنك ،، واللي يقولي راتبك متأخر ( ينزل بتاريخ 26 من كل شهر ومتأخر والله عذر اقبح من ذنب ) ، واللي يقولي تشابه أسماء ،،
إجمالا اهم شي سويته سحبت المبلغ من حسابي بالكامل وخليته على الزيرو .. خل لهم الاصفار يحجزون عليها :funny::funny::funny:

[finance]

شكرا على الموضوع والاستفسار المهم