نصيحه لكل شخص يشتري تلفــــون نوكيـــا

[فلفل حار]

صباحكم عسل :)

اشتروا التلفونات من شركة النوكيا وذلك لانهم مسوين عروض بالتعاون مع القطريه وتاخذ اميال اير مايلز تكفي لدول الخليج او لبعض الدول العربيه علي حسب قيمة التلفون ، والصراحه العرض مغري واكثر من راح يستفيد منه هم الي اوردي يجمعون الاميال :telephone:

بس لحد ينسى بطاقة اير مايلز يوديها معاه والي ماعنده خله يمر مطار الدوحه عند المغادرون عند أي كاونتر شحن الشنط عند الموظفين وياخذ له طلب البطاقه الجديده للأيرمايلز عباره عن ورقه علي شكل بطاقه وعليها رقم ويقدر يدخل عليها الاميال وعقب يروح لأي مبني لطيران القطريه ويعطيهم هالطلب عقب مايعـبــيه وراح يصدرون له بطاقه بلاستيكيه بتوصله علي البريد ، علما انه الاير مايلز الي استخدمه لشراء النوكيا بيــكون محسوب داخله:discuss:

وهالموضوع مجهود شخصي مني وان حد عنده اي اضافه او تعديل لايبخل علينا:)

[relaax]

يعطيك العافيه هوت بيبر

[نيساني]

تسلم يافلفل حار على المجهود الجبار
يالله كتبنا فيك سطر شتبي بعد
والله يعطيك العافيه

[طاش]

الله كريم القطرية؟؟؟؟؟؟؟؟؟؟؟

[فلفل حار]

يعطيك العافيه هوت بيبر

الله يعافيك يالغالي :nice:


تسلم يافلفل حار على المجهود الجبار
يالله كتبنا فيك سطر شتبي بعد
والله يعطيك العافيه

ماتقصر فديت خشمك والله يعافيك ان شاء الله يالغالي:nice:


الله كريم القطرية؟؟؟؟؟؟؟؟؟؟؟

بعد شنسوي مالنا غيرهم للاسف :weeping:

تسلم علي المرور :nice:

[وطن]

أخوي
العرض ما خلص؟
أخبره من فترة وقالوا خلص

اذا للحين موجود شي جميل

[فلفل حار]

أخوي
العرض ما خلص؟
أخبره من فترة وقالوا خلص

اذا للحين موجود شي جميل

ماعتقد خلص لانه من يومين شايف اعلانه بالجريده وماكان مكتوب وقت انتهاء العرض:)

واذا انتهي العرض اشترو من كارفور ابرك علي ضمان الخليج ووفروا 200 ريال من فرق السعر :secret:

[وطن]

زين خل أبشرهم دام العرض ما انتهى

:)

[Media]

تسلم يالغالي وفعلا هو عرض رائع ومغري بصراحه

بس حبيت اوضح نقطه، برنامج الاميال للقطريه هو Qmiles اما اير مايلز فهو برنامج آخر ليس له علاقه بالخطوط الجويه القطريه، اعتقد اللي هم معتمدينه بالعرض كيو مايلز التابع للقطريه مثل ماذكرت انت يالغالي.

والله يوفق الجميع

[khaldoon]

بارك الله فيك ما قصرت

[مساهمه بالحب]

ياجماعه والله القطريه كذابين .. مسوين اشتراك مع كيوتل وجمعوا اميال وماادري ايش ومع نوكيا ومع العالم كله واخرتها لي رحت تحجز على الاميال اللي عندك يقولون لا مايصير تحجز بهذي الاميال ولا لا ماعندنا حجز في هذي الرحله بالاميال وفي النهايه تحجز بفلوسك .. كله شلخ وهذا الكلام عن تجربه .. ومرتين مش مره

كان تنفع هذي الاميال حق المشترى في الطياره و لا السوق الحره يمكن لاكن تذاكر مااعتقد
مايعترفون الا بنقاط السفر هذا اذا اعترفوا بها

[ابو مشعل]

مشكور على الموضوع

:)

[qatar2929]

وممكن بعد تختصر الوقت وعن طريق موقع القطرية على النت تسوى لك أشتراك في البرنامج وتطبع البطاقة على البرنتر وراح يطرشون لك الاصلية على البريد

[ورقــة أمــل]

ايرمايلز ولا كيو مايلزز

انا عندي اير مايلز ولا ادري جم فيها