استفسار عن تصريح المعاقين ؟؟

[!قطريـة بنت القمـر!]

السلام عليكم ورحمة الله وبركاته

فديتكم بس يا ليت حد يفيدني بهالموضوع ؟؟ اذا عندي حد من الاهل من هالفئه وبغيت اطلع ستيكر حق السياره للمعاقين شنهي الاوراق المطلوبه مني , واذا عطيتهم الاوراق شكثر بنطر لين اخذ الستيكر ؟؟ وجزاكم الله خير

[lule]

انا بعد ابغي اعرف ... سمعت ان اللي عنده سكر يعطونه هالتصريح ؟؟؟

[عاشق الشهادة]

انا بعد ابغي اعرف ... سمعت ان اللي عنده سكر يعطونه هالتصريح ؟؟؟



سكر وضغط وحساسيه :tease::tease: !!!

[VIPLady]

الي عنده سكرر يعطونه؟؟؟؟؟؟؟؟؟ شكوو
كدوا خير كل العالم فيها سكر الحين

عيل احنا بنحصل مواقف على طوول والي فيهم سكررر بيتمون يفترون لين يحصلون مواقف الهانديكب

انشالله يطبقون هالقانون و يعطون كل الي فيهم سكر الستكرررر

[!قطريـة بنت القمـر!]

نبي حد يفيدنا في الموضوع جماعه ؟؟؟؟؟

[lule]

انا سمعتهم مرة يقولون في التلفزيون اللي فيه سكر يعطونه !!!!

[زقرتي ومزاجي]

ان شاء الله تلقون حد يفيدكم

واعتقد جاجاسم مايقصر


ماتشوفون شر

[ناصر11]

المطلوب تقرير من الجنه الطبيه من مستشفى حمد عن الاعاقه
2موجه الي جمعة ذوي الاحتياجات الخاصه
3 وبعدين كتاب من الجمعيه ذوي الاحتياجات الخاصه الي أدارة المرور
4 موفقه ادارة المرور ثم يصرف الاستكر مسجل برقم السياره
وبس وسلامتكم

[الزعفراني]

السلام عليكم ورحمة الله وبركاته

فديتكم بس يا ليت حد يفيدني بهالموضوع ؟؟ اذا عندي حد من الاهل من هالفئه وبغيت اطلع ستيكر حق السياره للمعاقين شنهي الاوراق المطلوبه مني , واذا عطيتهم الاوراق شكثر بنطر لين اخذ الستيكر ؟؟ وجزاكم الله خير



وعليكم السلام ورحمة الله وبركاته .

أولا : تروحين مستشفى حمد يطلعون لج تقرير طبي بحالة الإعاقة .

ثانيا : تاخذين التقرير لمركز ذوي الاحتياجات الخاصة ، وعلى ضوءه هم يحددون حاجتج للستيكر وعقب يعطونج كتاب لإدارة المرور .

ثالثا : تروحين إدارة المرور وعلى ضوء هالكتاب يعطونج استيكر واحد فقط لسيارة واحدة فقط وفي نفس الوقت يصرفون لج بطاقة خاصة لج بحيث لو أن شرطي المرور اشتبه في السيارة يطلب من الشخص المرخص له استيكر هالبطاقة .

هذي هي الإجراءات بكل سهوله .

[!قطريـة بنت القمـر!]

والله طلعت سالفه طويله *_* .... ع العموم جزاكم الله خير اخواني على الردود وعساكم على القوه .....