أحسن مكان في قطر لتنظيف وتلميع ونففففففض السيارة من الداخل ؟

[أم الزين]

هلا وغلا فيكم اخواني الكرام

حبيت استفسر منكم يا اهل المواتر

شنو احسن مكان لتنظييييييييييييف السيارة من الداخل

من الغبار والامور هاذي

وتمليييييييييع وترتييييييييييب ..

يعني السيارة تطلع وررررررررررده

ابي تنظيف من الدااااااااااخل من قلللللللللللللب

يعني قطعه قطعه .. كرسي كرسي ... زاوية زاوية ..

مش تنظيف اي كلام ..

أودي السيارة للمغاسل العادية يكون تنظيفها أي كلام يعني مش مثل اللي ابي ..


مع العلم السيارة مخمل من الداخل ..

هل هناك مكان احسن من الوسام اللي على شارع سلوى ؟

افيدونا وجزاكم الله كل خير

[إنتعاش]

هلا فيك اخوي

اعتقد والله اعلم انك تبي محلات تلميع السيارات والتنظيف الداخلي

معلوماتي متواضعه بهذا الشأن لكن مثل ما تفضلت محل الوسام بمحطة بترول الجزيرة
وبعد سمعت ان زيبارت يقدم خدمات من هالنوع ولكن لا ادري عن جودة الخدمه اللي يقدمها

[NASEER]

زيبارت من واقع تجربه زين وشغلهم عدل بس مشكلتهم غالييين جدا

[تمون]

أخوي احسن مكان في قطر تنظيف وتلميع وكل شي

هو مغسلة الصقر طريق سلوى احسن من الوسام الف مره اسئل مجرب

الوسام سيارتك تلمع حزتها بعد شهر يتغير لونها بس مغسلة الصقر انا مجربها وشغل عدل الصراحه وارخص منه

احتراماتي

[ANONYMOUS]

أخوي احسن مكان في قطر تنظيف وتلميع وكل شي

هو مغسلة الصقر طريق سلوى احسن من الوسام الف مره اسئل مجرب

الوسام سيارتك تلمع حزتها بعد شهر يتغير لونها بس مغسلة الصقر انا مجربها وشغل عدل الصراحه وارخص منه

احتراماتي


بخصوص الصقر

ضربت كروزر 97 بولش من سنتين..

وللحين لمعته فيه

من داخل بعد كان شغله نظيف

[سهم قطري]

وانا مع الشباب مافي احسن من الصقر من واقع تجربة،،

[سهم قطر]

اخوي الصقر ينظف الكراسي الجلد ولا لا

[الرايــق]

الصقر يا شباب ينظف المخمل ؟من الداخل ؟ ولا هو بس يضربلك بولش خارجي ؟

وشلون أسعاره ؟


ارجو الرد للضرورة

جزاكم الله خيرا

[إنتعاش]

كلمت زيبارت
سألتهم عن تنظيف وتلميع لاندكروزر من الداخل + الخارج

قالوا لي : 1400 ريال

والوقت : قلت لهم اجيبه لكم الحين ؟ الساعه كانت 5
قالو لي : جيبه ويخلص بكره 5 العصر يعني يوم كامل ..

ولما تجيبه لنا الصبح تستلمه اخر الليل ..

وهذا رقمهم للاستفسار ..

زيبارت : 4502829

ياريت الاخوان يفيدوننا اكثر بخصوص الاسماء اللي انطرحت

الوسام
الصقر
زيبارت


ونبي كل واحد يعطينا تفصيل كامل عن ( الخارج والداخل )

[أبو رماح]

عليك بمحطة التيسيراللي في المطار غسيل جلد وتنظيف مالهم حل اسئل مجرب وعليك بالصقر اللي في شارع سلوى

[تمون]

بنسبه لي انا بشرح لكم عن الصقر شرح كامل

أذا جيت تغسل سيارتك عنده بس مجرد غسيل وشاف فيه وصخ في السيت ولا في الصقف ولا شمخ في السياره بدون لاياخذ شورك ينظف بولش وكل شي هذا مجرد غسيل عادي الي هو بـ 25 ريال

وبنسبة للتلميع طبعا الصقر عندهم فنيين محترفين وشفت هالشي بعيني كانت عندي سياره متروسة دم في الصقف والابواب والطبلون من داخل والعدادات كلها غبار حتى الارقام الي على جلدت القير كان عليها غبار
وأنا كنت اغسل عنده السياره دوم قالي جرب اسوي لك بولش كامل وتعال خذ السياره بكره قلت له كم قالي بس 500 ريال

طبعا هالكلام من فتره طويله الحين مادري كم اسعارهم بس اتوقع 800 ولا 700 ريال يوم كامل تتم عنده السياره

يوم جيت اليوم الثاني عصبت على الهندي شفته مبطل كل الكورات الي في السياره الداخليه طبعا يعني شلح السياره تشليح قالي راعي المغسله انت روح وتعالي في الليل وان شاء الله بتكون راضي

يوم جيته والله ماعرفت السياره وهذي ميزة الصقر ماينضف المكان الي تشوفه بس ينظف حتى الاماكن الي ماتشوفها الي هي خلف الكواليس

حتى اذكر ان ريحة السياره كانت ريحة ريش وطيور ودم ولغلاغه يوم خذت السياره لا ريحه لا شي حسيت اني توني مطل السياره من الشركه واللون البيج عندي كان اسود من الوصخ رد لونه نفس لون الشركه

فيه بعض المحلات تلاقيه ينضف لك البيت يخليه يلمع يعني تحس ان البيج هاي منظف بس الصقر يرده لك بدون لمعه نفس الشركه ولا يصيده الغبار بعض المحلات يحط لك بولش يخلي يلمع بعد يومين جمع لك الغبار مادري شنو وانا مجربه والي يبي يسوي عند الصقر يمر عليه قبل يشوف السيارات الي عنده قبل وبعد بعدين اذا قتنع يروح يودي سيارته

بعدين انا بنسبه لي اهم شي عندي المعامله يكفي صاحب المحل ذهب والله مب نفس الي في الوسام تكلمه يرد عليك بخياس نفس كنك تطر منه اقوله ابي بولش يقولي تعال بعد يومين يوم اجيه يقولي انت متى جيتني اصلا تعرف الي يصرفك كنك تطر منه نفس الشي بس الي في الصقر ريال ونعم فيه والله محترم حتى يوم تجيه يسلم عليك خد لووول

وان شاء الله خذتوا فكره كامله عنه

واسف على الاطاله

احتراماتي

[فلفل حار]

بصراحه العام سوينا موتر واحد من ربعي عند الوسام والسياره للعلم صالون صغيره

وعقب فتره بسيطه يمكن شهرين اشوف رفيجي قام يتشكي يقول راحت لمعة السياره مع العلم انها لونها رصاصي وموديلها 2002 مب قديمه وايد

بس الصقر اشوف وايد يمدحونه من ربعنا وافضل شي هو الغسيل الداخلي ، انا اتكلم عن الصقر الي داخل محطه بترول الهلال عند دوار المول

زيبارت ماعندي علم عنه بس في ناس امدحوه وناس ذموه

والعلم عند الله

[أم الزين]

يارب يبارك فيكم على هالتفاعل والمشاركات الروعه الصراحه

اخوي شتور انا مريت على الصقر بشارع سلوى توني جاي منه الحين

لاحظت ان طريقة تنظيفهم من الداخل انهم يشيلون كراسي الموتر وكل شي داخل الموتر

ويبقى هالشكل مجرد هيكل سيارة ويرشون وينظفون ماي من الداخل

هالطريقة ممكن تكون زينه للمواتر من موديلات مثلا 97 وقبل مافيها كمبيوتر وتعقيد و و و

لكن المواتر الـ2008 الجديده ياخوك مدري اخاف هالطريقة تأثر على الكمبيوتر او الفيوزات او الكهرباء

فترددت الصراحه في التلميع والتنظيف الداخلي وقلت اخذ رايكم قبل لا ابتدي في اي شي

لاحظت ان الزحمه عنده كبيره فيعني خوفي ان جودة التنظيف ما تكون 100 % بحكم كثرة السيارات

وعن الرسوم ما سألت الصراحه بس شفت وراقبت الطريقة و بس ..

وانتظر تفاعلكم مره ثانيه

ونشوف الحين صار عندنا 4 اسماء

- الصقر
- زيبارت
- الوسام
- التيسير

[Thamer_Qat]

بنسبه لي انا بشرح لكم عن الصقر شرح كامل

أذا جيت تغسل سيارتك عنده بس مجرد غسيل وشاف فيه وصخ في السيت ولا في الصقف ولا شمخ في السياره بدون لاياخذ شورك ينظف بولش وكل شي هذا مجرد غسيل عادي الي هو بـ 25 ريال

وبنسبة للتلميع طبعا الصقر عندهم فنيين محترفين وشفت هالشي بعيني كانت عندي سياره متروسة دم في الصقف والابواب والطبلون من داخل والعدادات كلها غبار حتى الارقام الي على جلدت القير كان عليها غبار
وأنا كنت اغسل عنده السياره دوم قالي جرب اسوي لك بولش كامل وتعال خذ السياره بكره قلت له كم قالي بس 500 ريال

طبعا هالكلام من فتره طويله الحين مادري كم اسعارهم بس اتوقع 800 ولا 700 ريال يوم كامل تتم عنده السياره

يوم جيت اليوم الثاني عصبت على الهندي شفته مبطل كل الكورات الي في السياره الداخليه طبعا يعني شلح السياره تشليح قالي راعي المغسله انت روح وتعالي في الليل وان شاء الله بتكون راضي

يوم جيته والله ماعرفت السياره وهذي ميزة الصقر ماينضف المكان الي تشوفه بس ينظف حتى الاماكن الي ماتشوفها الي هي خلف الكواليس

حتى اذكر ان ريحة السياره كانت ريحة ريش وطيور ودم ولغلاغه يوم خذت السياره لا ريحه لا شي حسيت اني توني مطل السياره من الشركه واللون البيج عندي كان اسود من الوصخ رد لونه نفس لون الشركه

فيه بعض المحلات تلاقيه ينضف لك البيت يخليه يلمع يعني تحس ان البيج هاي منظف بس الصقر يرده لك بدون لمعه نفس الشركه ولا يصيده الغبار بعض المحلات يحط لك بولش يخلي يلمع بعد يومين جمع لك الغبار مادري شنو وانا مجربه والي يبي يسوي عند الصقر يمر عليه قبل يشوف السيارات الي عنده قبل وبعد بعدين اذا قتنع يروح يودي سيارته

بعدين انا بنسبه لي اهم شي عندي المعامله يكفي صاحب المحل ذهب والله مب نفس الي في الوسام تكلمه يرد عليك بخياس نفس كنك تطر منه اقوله ابي بولش يقولي تعال بعد يومين يوم اجيه يقولي انت متى جيتني اصلا تعرف الي يصرفك كنك تطر منه نفس الشي بس الي في الصقر ريال ونعم فيه والله محترم حتى يوم تجيه يسلم عليك خد لووول

وان شاء الله خذتوا فكره كامله عنه

واسف على الاطاله

احتراماتي



ايش وصل الدم للسقف والطبلون والأبواب؟؟!!!!!:omg::omg:

شكلك عنيف وماتلاعب:spider:

ياكفي الشرomen

[eXpert*]

كلمت زيبارت
سألتهم عن تنظيف وتلميع لاندكروزر من الداخل + الخارج

قالوا لي : 1400 ريال

والوقت : قلت لهم اجيبه لكم الحين ؟ الساعه كانت 5
قالو لي : جيبه ويخلص بكره 5 العصر يعني يوم كامل ..

ولما تجيبه لنا الصبح تستلمه اخر الليل ..

وهذا رقمهم للاستفسار ..

زيبارت : 4502829

ياريت الاخوان يفيدوننا اكثر بخصوص الاسماء اللي انطرحت

الوسام
الصقر
زيبارت


ونبي كل واحد يعطينا تفصيل كامل عن ( الخارج والداخل )



1) الصقر محل واحد اعرفه ويمدحون في شغله .

2) الوسام دائماً اتعامل معاه .

3) في محل في المسيله شغله ممتاز ، بس احياناً يخورها .

4) زيبارت وايد غالي على وشو ؟؟ لا جربته وشكلي ماراح اجربه :tease:

5) وكالة الاودي الكروزر سوه لي بـ 950 ريال بس لازم تاخذ موعد والموتر يبيله 48 لين يخلص بس خذ لمعة أحسن من لمعة الوكالة .

6) المستقل في طريق سلوى شغله ممتاز ،، والفورمن اللي فيه أساساً كان في الوسام.

7) محطة بترول الصقر في محل هناك شغله ممتاز ، ومواتره كلها خشنة .

8) المركز الفلبيني في محطة بترول التيسير طريق سلوى ممتاز ، بس غيروا مكانه ، وماعرف حالياً موقعه.

:) ادري طولت عليكم وان شاء الله تستفيدون :)

[تمون]

يارب يبارك فيكم على هالتفاعل والمشاركات الروعه الصراحه

اخوي شتور انا مريت على الصقر بشارع سلوى توني جاي منه الحين

لاحظت ان طريقة تنظيفهم من الداخل انهم يشيلون كراسي الموتر وكل شي داخل الموتر

ويبقى هالشكل مجرد هيكل سيارة ويرشون وينظفون ماي من الداخل

هالطريقة ممكن تكون زينه للمواتر من موديلات مثلا 97 وقبل مافيها كمبيوتر وتعقيد و و و

لكن المواتر الـ2008 الجديده ياخوك مدري اخاف هالطريقة تأثر على الكمبيوتر او الفيوزات او الكهرباء

فترددت الصراحه في التلميع والتنظيف الداخلي وقلت اخذ رايكم قبل لا ابتدي في اي شي

لاحظت ان الزحمه عنده كبيره فيعني خوفي ان جودة التنظيف ما تكون 100 % بحكم كثرة السيارات

وعن الرسوم ما سألت الصراحه بس شفت وراقبت الطريقة و بس ..

وانتظر تفاعلكم مره ثانيه

ونشوف الحين صار عندنا 4 اسماء

- الصقر
- زيبارت
- الوسام
- التيسير

أخوي انا السياره الي وديتها له موديل 2004 في اكس ار وكل شي تمام

بنسبه للزحمه أخوي ماعتقد ان فيه حيد بيستلم سيارته قبل يوم يعني تأثير الزحمه مابيأثر على الجوده الا اذا كان راعي السياره مستعجل


ايش وصل الدم للسقف والطبلون والأبواب؟؟!!!!!:omg::omg:

شكلك عنيف وماتلاعب:spider:

ياكفي الشرomen

لوووول

اخوي انا قلت الطبلون فيه غبار بنسبه للدم أخوي موتر مقناص يعني مثلا محلل حمامه شي مسكت الباب يدي كلها دم طبع الدم في الباب ولا السكان ولا اي مكان يعني السياره تتوصخ من دخل بااي شي مب شرط دم يعني وانا عطيتك مثال بسيط

يعطيك العافيه

احتراماتي

[ذأأ ؤؤلف]

بالتوفيق

[كاتم الاسرار]

الصراحه انا جربت الوسام والمستقل والتيسر بس انا خاطري اجرب الصقر لانه الشباب يقولون لي شغله تمام وان شالله بجربه مع الايام

[R.T.Z]

أنا عني الي جربته مغسلة الصقر إلي بشارع سلوى وانا اشوفه ممتاز
وديت موتر البيت بيك اب وقلت له ابي بولش على الموتر من داخل وبرا قالي ولا يهمك
قلت كم قالي 500 ريال متى تخلص قال بعد يومين لان عنده زحمه ..والرجال محترم وناصح
اذا تبي النصيحه منه طلعا هالكلام من شهرين انا مجرب عنده
وانت بعد شوف اخوانك في المنتدى شبيقلون لك وتوكل على الله :)

[bnb]

للأمانة جربت اكثر من محل
والأفضل على الإطلاق هي مغسلة الصقر ( صاحب المغسلة أبو عزام)
نظافة وإتقان ولمعة .. الزبون إلى يروح له لازم يرد له

[qatari1]

وين موقع مغسلة الصقر يالضبط في طريق سلوى؟!

[إنتعاش]

وين موقع مغسلة الصقر يالضبط في طريق سلوى؟!

اعتقد اخوي المقصود فيها بجانب معارض سيارات طريق سلوى
وبالتحديد بجانب معرض باريس للسيارات والمشترك للسيارات والفاخرة للسيارات
اللي هم يكونون في اخر طريق سلوى يعني بالقرب من دوار عين خالد اللي يوديك الصناعية
ومسكر الحين ..
يعني وانت جاي من الدوحه تاخذ دوار عين خالد يسار
اول لفه بعد المحلات يمين من وراها تدخل يعني
وتكمل سيييييده لآخر الشارع بجيب حرف T خذه يمين
وبعدين يمين .. وبتحصل المغسلة والمعارض على يمينك.

[الفارس2]

انالصراحة جربت الوسام بسللاسف صفيت الموتر بالمعرض وانباع مالحقت اجرب اللمعة او اي شي بس راعي المغسلة انتو تمدحونة بس معاي ماكان لين هناك قلت لة كل اسبوع بجيب لك موتر سو خصم رد تبي هالسعر ولا دور لك مكان ثاني بس انا تعاملت مع الوسام وبعدين رحت للمستقل وبعدين اكستريم كلهم شغل زين بس انا حاليا مع 3m اللي جنب وكالة الكيا وجونسون مال العازل الصراحة شغلة عدل وراعي المحل عسل ويسوي عازل وسعرة وايد حلو انا مجربة سنة للحين انشاللة اكون افدتك

[Index Signal]

هلا فيك اخوي

اعتقد والله اعلم انك تبي محلات تلميع السيارات والتنظيف الداخلي

معلوماتي متواضعه بهذا الشأن لكن مثل ما تفضلت محل الوسام بمحطة بترول الجزيرة
وبعد سمعت ان زيبارت يقدم خدمات من هالنوع ولكن لا ادري عن جودة الخدمه اللي يقدمها



للأسف شغلهم تعبان و إداره فاشله :telephone:

[Index Signal]

زيبارت من واقع تجربه زين وشغلهم عدل بس مشكلتهم غالييين جدا

بغض النظر عن السعر شغلهم تعبااااان بمعنى الكلمه و الإداره ما يعرفون وين الله حاطهم..

يمكن موترك أساساً نظيف و موديله حديث و إذا كان كلامي صحيح فتجربتك مش مقياس.