ضروري ومهم لكل من يعرف لميونخ وخصوصا اخ انتعاش

[الدانه22]

السلام عليكم


انا ماعرف احجز عن طريق النت وودي حد يعلمني او يساعدني

ترى كنا حاجزين عن طريق مكتب سفريات وكل يوم يزيدون فالسعر ...وعجبني موضوع المميز انتعاش.. وشجعني احجز بالنت خصوصا اني لاحظت صج فرق كبير


بليز ردو بسرعه لإني هذا الخميس الموافق 17-7 راح اسافر فينا ومن بعدها ميونخ وللحين ماحجزت في المكانين

لاتقولون كسل لا والله بس كنا معتمدين على مكتب السفريات :weeping: :weeping:

[إنتعاش]

هلا فيج اختي

تروحون وترجعون بالسلامة ان شاءالله ..

بخصوص الحجوزات على الانترنت

شوفي هذي المواقع في الموضوع ..

http://www.qatarshares.com/vb/showthread.php?t=167217


وهالمواقع عندج :

http://www.booking.com/

http://www.octopustravel.com/em/Home.jsp;jsessionid=0000wcWOupLcRphplWCh6_IH_do:11 kvs72f8

http://www.expedia.com


بس قبل هذا كله .. كتبي لنا الخيارات اللي انتي تبينها في هالمدن ..
وشوفي الاسعار في المواقع ..


بس لازم يكون عندج كرت فيزا اختي عشان تعبين الطلب وتحجزين ..

الاخوان ان شاءالله ما بيقصرون انتي بس كتبي الفنادق مدينة مدينة تاريخ تاريخ ..
وشوفي بعينج الاسعار واحكمي يمكن السفريات ارخص .. ويمكن المواقع ارخص ..

اول شي كتبي الفنادق والاسبلنق صح .. وان شاءالله نفيدج باللي نقدر عليه

[الدانه22]

يعلك تسلم يا انتعاش يامنعش

الله يخليك ساعدني لإن الله يسلمك هلي اعتمدو علي ارتب لهم جان اقوم واعفس الدنيا

عاد يختك شوف الله يسلمك ترتيبي :weeping:

18-25/7 في فينا وودنا بفندق هيلتون فينا اللي عند الحديقه جنب راديسون ساس احنا 4 ونبي غرفتين وقالولي مكتب السفريات الغرفه ب850 مع الافطار شفت السعر معقول

ومن 25-27/7 في زيلامسي بعد عن طريق المكتب بنحجز جراند هوتيل ونسيت المبلغ بس الغرفه بألف وثلاثميه وخريده......... قلنا حلو

عقبها من 27/7 لين 3/8 ميونخ كنا على اساس الميريديان والغرفه الوحده ب1560 لكن تغير السعر وصار 1930 عشان ماحصلو غير ديلوكس والصراحه طلع فوق الميزانيه((شاسوي؟؟؟))

وعقب برجع فينا مره ثانيه لإن العوده من هناك وبنقعد ياطويل العمر من 3/8 لين 6/8 وحاطه فبالي هيلتون فينا اللي عند الحديقه


بليز ساعدوني في اختيار الفنادق والترتيب بليز....انا هلي مايحبون عوار الراس واللفلفه يحبون بس يزورون بلد واحد وانا اقول دامنا واصلين اخر الدنيا حلاته الواحد يفتر هو جذي جذي رايح وعاد عفست الدنيا ساعدوني وإلا مره ثانيه مابياخذون شوري حتى لو بيروحون الحسى!! :weeping:

[إنتعاش]

هلا فيج اختي .

-هلتون فيينا اعتقد تقصدين Hilton Vienna Plaza اذا كان بنفس الاسم
فأقل سعر حصلته للغرفه هو 1070 ريال ..
يعني السفريات ارخص ( خذيه من السفريات )


- زيلامسي .. جراند هوتيل ... حصلت سعره بالانترنت 1,376
يعني قريب من سعر السفريات ( خذيه من السفريات عيل )


- ميونخ ... مريديان .. حصلت لج في موقع booking
سعر الليله تقريبا 1200 ريال = 214 يورو
باقي فقط 4 غرف حتى اللحظة ..
دخلي على هالرابط واختاري book now
http://www.booking.com/searchresults.html?sid=fe9d3926f9096fcb0438f9c9bcc 2bb24;checkin_monthday=27;checkin_year_month=2008-7;checkout_monthday=3;checkout_year_month=2008-8;city=-1829149;class_interval=1;do_availability_check=1;s i=ai%2Cco%2Cci%2Cre;radius=15;class=5

واختاري عدد الغرف بعدين ضغطي الزر اللي تحت
بيعطيج صفحه تملين فيها بياناتج كااااااااامله ..

- فيينا .. في الرجعه .. هليتون ( نفس السعر اللي قلناه في البداية )
ان تاخذينه من السفريات ارخص ..


الخلاصة : فقط مريديان ميونخ طلع لنا سعره زين .. والباقي السفريات افضل ..

ملاحظة هامه : كل ما كان حجزك مبكر اختي كانت الاسعار افضل من الحين ..
والله يوفقج

[إنتعاش]

سبحان الله صار لكم شي او ماشيات ..
وبغيتو حجز او فزعه او او او ..

مسجل عندي رقمين لشخصين هناك
خذتهم من المنتدى منيه السنة الماضية
والصراحه ما تعاملت معاهم كلش
لكن مدري وين قريت ان ينفعون للحجز والسيارة وغيره

1- ام ماهر : 904 675 918 699 43+

2- سعيد حافظ : 365 265 729 491 +


وهذا رقم سفارتنا مناك كلموهم ..
لو بغيتو اي مساعدة مناك ..


ممثل دولة قطر في النمسا :

3104950 431 +



سفارة دولة قطر - ألمانيا -

862060 4930 +


- - - - - تقدرون تكلمونهم لو بغيتوا مثلا ً .. سواقين لعوايل يكونون محترمين سبق
التعامل معهم من السفارة ، او توفير حجز للمواطن هناك بسعر سفارة ..

او لا سمح الله اي مشكلة تواجهكم مناك ..
ان شاءالله الجماعه مب مقصرين معاكم


والله يحفظكم اختي
وتروحون وتردون بالسلامة ان شاءالله

[BURBERRY]

ماقصرت اخوووي انتعاش

[الدانه22]

يعلك تسلم مامنعش انت ياحلو:nice:

الله يسلمك السالفه طلعت هينه وفله انا من داومت الصبح للحين وانا ادور احسن وافضل حجوزات وبالنسبه لميونخ 7 ايام نبات
حجزت في MIRITIM HOTELS بس ماطلبو مني رقم الفيزا واكدولي الحجز والسعر للغرفه الوحده 1033 EURO

2066 EURO للغرفتين

وحجزت في MERCURE HOTEL CITY CENTER وخذو رقم البطاقه واكدولي الحجز والسعر للغرفه الوحده 1068 EURO

2136 EURO للغرفتين

المهم اي واحد اخليه واي واحد اطنشه؟؟

الاول يمدحونه .. تدري من امدحه ...انا الله يسلمك خذت رقم سعيد حافظ امس من موضوعك وكلمته ومدحه لي وااايد اشرايك انت؟!!

بالنسبه لفينا حجزت في راديسون ساس لمدة اسبوع ومن الموقع نفسه

واسم الفندق
RADISSON SAS PALAIS HOTEL

وطلعلي ب1043 EURO PER WEEK

EUR 2086 O FOR TWO ROOMS PER WEEK

اشرايك؟؟

ترى بروح البيت وبنطر ردك
يسلموووووووووووووووووووووووووووووووووووووو كثير

[Diwan]

السلام عليكم ..

اذا تبين رايي اخذي Mercure Hotel City Center ..

[الدانه22]

اخوي انتعاش احنا غيرنا الحجز لإن الوالد يفضل الفنادق التاليه وقال ندفع اكثر بس اضمن مع اني كنت حابه اوفر عليهم

المهم

فينا Radison Sas Palais Hotel اسبوع سعر الغرفه 9200 والغرفتين 18400مع انا كنت حاجزه في نفس الفندق بالنت بس ارخص بس مال السفريات يقول لإبوي إن هذي الاسعار الاكيده عندهم

وإن اكيد اني غلطانه لإن هذا سعر الغرفه لشخصين!!مع اني بعيوني شايفه الاسعار

المهم

بعدها في زيلامسي لييلتين في فندق جراند هوتيل طلع سعر الغرفه 1580 ريال الغرفه لليومين 3160 والغرفتين6320

وبعدها في الميرديان مالقى ابوي غير ديلوكس رووم وطلعت الليله 1930 وبنقعد اسبوع يعني 13510 للغرفه و 27020 للغرفتين

وحق الرجعه حجزنا يومين في هيلتون فينا وكان سعره من قبل معقول ولقينا فيه مكان بس ماسمعنا عنه انه حلو عشان كذا خفنا نحجز فيه من البدايه

والصراحه انا اللي مريحني إن هالفنادق سمعت عنها سمعه طيبهالمهم إني تليقفت وحجزت بالنت وهلي مايثقون بغير مكتب السفريات ولو انهم يبوقون فأصرو على حجزهم والحين لازم اكنسل الحجز هل يسوون لي مشاكل او يسحبون من الفيزا لو كنسلت الحجز وشكرا

[إنتعاش]

هلا اختي الدانه

دام الاهل الله يحفظهم مصممين على السفريات .. خلاص اختي خليهم على اللي يبونه ..

وبالنسبة للضريبة وإلغاء الحجوزات اعتقد كل موقع يختلف عن الثاني في سياسته ..

لذلك ما اعرف الصراحه اجاوبج إجابة واضحة لأني ما سبق وعملت إلغاء

لو تكتبين لنا اسم الموقع اللي حجزتي منه .. ممكن يفيدونج فيه الاخوان اللي عندهم علم بهالامور

تحياتي لج

[رايق]

الغرفة بـ 1900 في المريديان .. غالي الصراحة

انا حجزت مباشرة من موقعهم Junior Suite و طلعلي 274 يورو في الليله (تقريبا 1560 ريال)

ادخلي موقعهم و احجزي دايركت

http://www.starwoodhotels.com/lemeridien/property/overview/index.html?propertyID=1860&EM=VTY_MD_munich_1860_overview

[الدانه22]

اخوي انا حجزت من موقع الفندق نفسه

[إنتعاش]

اخوي انا حجزت من موقع الفندق نفسه

اختي دام حاجزة من موقع فندق رسمي
فسياسة الإلغاء حسب علمي انها تكون
قبل 24 ساعه من موعد الوصول ..

يعني لو تلغينهم كلهم الحين ما عليج شي ان شاءالله ..

بس دامج تبين تلغين لا تتأخرين .. يعني حار بحار ..

[الدانه22]

الغرفة بـ 1900 في المريديان .. غالي الصراحة

انا حجزت مباشرة من موقعهم Junior Suite و طلعلي 274 يورو في الليله (تقريبا 1560 ريال)

ادخلي موقعهم و احجزي دايركت

http://www.starwoodhotels.com/lemeridien/property/overview/index.html?propertyID=1860&EM=VTY_MD_munich_1860_overview


اي والله غالي بس شاسوي احنا مانبي سويت نبي غرفتين وهم ماعندهم غرف عاديه عندهم ديلوكس!!!!!

بس انا لما شفت السعر نقز من الف وخمسميه وشوي الى 1900 تنرفزت وقلت ان الفرق هذا بيفيدنا حق مواصلات وغيره لكن شاسوي في هلي مصررررررررررررين :anger1: :anger1:

مايثقون في حجوزات النت شاسوي

[muslim_2008]

للاسف ليس لدي فكرة

[الامير]

صباح الخير.....فينا افضل فندق وخدمه هو ساس صراحه مال عوائل ونظيف وخذي الحجز من المكتب الرئيسي في الدوحه عند شخص محترم اسمه حسام (كل المكاتب ياخذون منه اقصد سفريات)بس ماعرف بكم مايتعدا 1000ريال سويت.........اما ميونخ افضل فنادق المانيا كلها هو فندق شارلز وفي سوق غرفه كبير جدا دقولين سويت 1200ريال مع الفطور ..........نصيحه لاتروحين زلامسي في منطقه في ميونخ تبعد حوالي 60 كيلو افضل من زلمسي وايد......انا في ميونخ وحاضر لج

[الدانه22]

صباح الخير.....فينا افضل فندق وخدمه هو ساس صراحه مال عوائل ونظيف وخذي الحجز من المكتب الرئيسي في الدوحه عند شخص محترم اسمه حسام (كل المكاتب ياخذون منه اقصد سفريات)بس ماعرف بكم مايتعدا 1000ريال سويت.........اما ميونخ افضل فنادق المانيا كلها هو فندق شارلز وفي سوق غرفه كبير جدا دقولين سويت 1200ريال مع الفطور ..........نصيحه لاتروحين زلامسي في منطقه في ميونخ تبعد حوالي 60 كيلو افضل من زلمسي وايد......انا في ميونخ وحاضر لج


هلا اخوي وتسلم وماتقصر

ياريت لو تحطلي الرابط لموقع الفندق اللي بألمانيا ومشكور عالنصايح

[الخارجية]

تروحون وترجعون بالسلامة ان شاءالله

[الدانه22]

تروحون وترجعون بالسلامة ان شاءالله

الله يسلمك ومشكور عالمرور