أم صلال وصلها القص؟!!

[خزامى]

السلام عليكم..
أشكر القائمين على هذا المنتدى المتميز.. و هاذي أول مشاركة لي، علماً أني دايماً متابعة مواضيع المنتدى المفيدة..
الصراحة مشاركتي هو بسبب سؤال محيرررني و أتمنى الي سمع خبر أو عنده علم بالمضوع يفيدني..

احنا من سكان الناصرية.. و كما هو معلوم يانا القص.. و من يومها و احنا اندور اراضي لين لقينا ولله الحمد في أم صلال.. و بعد ما خلصنا رسم خرائط البنا.. سمعنا ان المنطقة بيوصلها القص عشان بيبنون فيها ديزني لاند:eek5::eek5::eek5::eek5:
اللي خلاني استغرب شلون بيسوون مدينة قطر الترفيهيه في الوسيل و بيحطون حذاها ديزني ؟؟!! .. بعدين سمعنا انهم بيسوون محميه و بيدخلون فيها قصر برزان ..
المشكلة حتى لو بنسأل.. نسأل من.. الي أعرفه ان البلدية و التخطيط ما يدرون عن المشاريع.. و ما يدري عنها الا القائمين على المشاريع.. يعني مثل الناصرية قالوا لنا البلدية و التخطيط إن اراضيكم ما عليها كلام بس بعدين درينا إن اللي يبي يسأل عن ارضه في الناصرية يسأل المدينة التعليمية..

وهذا كله يعني دخولنا مرة ثانية في نفس دوامة الأراضي و أسعارها النااار .. و اصلاً وين انروووح.. يعني أبعد من أم صلال...

اللي عنه أي معلومة الرجااء يفيدني... ولكم جزيل الشكر..

[عاشق الشهادة]

ماأقول الا صبر جميل والأيام سوف تكشف المستخبي يـ خزامى والواحد اول ما يحطونه بالقبر

في ذيك الساعه سوف يرتاح من هم وبلاوي الدنيا !!!

[غناتي1]

ابشرك ام صلال ما عليها قص 100% كلام احد المسؤلين في ادارة الاراضي

ابنوا بيوتكم والله يهنيكم فيها

[خزامى]

ماأقول الا صبر جميل والأيام سوف تكشف المستخبي يـ خزامى والواحد اول ما يحطونه بالقبر

في ذيك الساعه سوف يرتاح من هم وبلاوي الدنيا !!!



أخوي المشكلة الواحد ما همته نفسه... همه العيال و استقرارهم .. الله المستعان و شكراً عالمرور

[خزامى]

ابشرك ام صلال ما عليها قص 100% كلام احد المسؤلين في ادارة الاراضي

ابنوا بيوتكم والله يهنيكم فيها


يعني لا ديزني ولا محمية!!!:) الله يبشرك بالجنة..

[hamoor4ever]

ابني ياريال ولين اتصلوا فيك ذيك الساعه يصير خير
توكل على الله ومافي شي بيتم على حاله

[خزامى]

ابني ياريال ولين اتصلوا فيك ذيك الساعه يصير خير
توكل على الله ومافي شي بيتم على حاله


المشكلة أخوي إن البنا مب سهل.. و أنا ما أتكلم عن الفلوس وبس.. أتكلم عن المجهووود و التعب و المراكظ ورا هالعمال.. واللي يده فالماي غير اللي يده فالنار.. يعني أبني و أتعب و بعد 4 أو 5 سنين من العمر آخرتها بكل برووود اطلع و باعوظك...:anger1:

مشكلة اذا في ناس تفكر بالطريقة.. تفتكر إن النقل و البنا عادي و التعويظ أهم شي.. ناسيين الناس الي داخل البيت و معاناتهم و معاناه أهلهم.. يعني يظيع العمر واحنا مثل البدو الرحل.. ما أقوا الا الله يعين...


عالعموم شكراً.. و على فكرة أنا بنت مب ريال..:shy:

[خشوف]

ايام صلال تقصد

[فارس الكلمة]

تقصد أم صلال محمد ..

الموضوع .. يجب أن ينقل إلى قسم العقار ..

[خزامى]

أقصد أم صلال محمد.. بس حتى لو يعني مب من بعد المنطقتين.. واذا في مشروع في أي وحده منهم معناه بيوصل للثاتية...

[خزامى]

للتوضيح.. أنا أسأل بعد عن روضة محمية غزلان الي سمعنا انهم بيوسعونها و في واحد نعرفه قالوله لا تبني عشان في مشروع محمية...

بس المشكلة ما في شي رسمي..

[حقيقه]

زين والشحانيه والقرى اللي حولها شخبارهم ؟ :telephone:

[hamoor4ever]

المشكلة أخوي إن البنا مب سهل.. و أنا ما أتكلم عن الفلوس وبس.. أتكلم عن المجهووود و التعب و المراكظ ورا هالعمال.. واللي يده فالماي غير اللي يده فالنار.. يعني أبني و أتعب و بعد 4 أو 5 سنين من العمر آخرتها بكل برووود اطلع و باعوظك...:anger1:

مشكلة اذا في ناس تفكر بالطريقة.. تفتكر إن النقل و البنا عادي و التعويظ أهم شي.. ناسيين الناس الي داخل البيت و معاناتهم و معاناه أهلهم.. يعني يظيع العمر واحنا مثل البدو الرحل.. ما أقوا الا الله يعين...


عالعموم شكراً.. و على فكرة أنا بنت مب ريال..:shy:

كاني يااخوي انا ابني وممكن بأي لحظه ياخذون ارضي ، ولا حاط في بالي شي الارزاق بيد رب العالمين وتوكل على الله الدنيا كلها مراكض مب بس البنيان واذا جاك القص الله يعوضك وخذ قريشاتك واشتر بيت عظم وشطب على يدك
والله يعينك احسن من اقول لك انطر ولاتسوي شي بالارض ترى البنيان كل يوم فوق والله يعينك

[moonبنتnight]

بعد ناس أكدولي أن المنطقة جايه أزاله من صوب قلعة برزان وحتى مركز أم صلال الصحي بشلونه ويبنون لهم مركز ثاني بس مو نفس مكان حتى مركز الشرطة بشلونه 00وأنت شوف وين قطعة أرضك أذا بعيد عن هذا المكان خلاص أبني وتوكل على الله وصج تأخير مب في صالحك 000 والله وفق الجميع أن شاء الله 0

[خزامى]

الله يستر...:omg:... شكله بيصير معانا مثل ما صار لنا فالناصرية.. ناس يقلون بيتكم خلاص رايح و ناس يقولون بيتكم أكيد ما عليه كلام لين تفاجئنا ان البيت ياه القص من الجرايد.. و على فكره الناس اللي كانوا يقولون لنا البيت مب مأخوذ مسؤولين في البلدية و غيره...:omg:... يعني الواحد فعلاً ما يعرف من يسأل والا وين يروح.. و من مسؤول عن هالمشاريع...:eek5:

[بن كهلان]

اقول اللللللللللللللللللللللللللللللللللللله يكون في عونكم ويفرج همكم

[hamoor4ever]

مافي دخان من غير نار اكيد عليه بس بعد لحقو روحكم على الاقل يزيدون لكم التعويض ، والله يعوضكم خير

[غيمه زرقا]

وبعد القص جاي من قلعة ام صلال الداخليه غير عن قلعة برزان وانت رايح جنوب لين مركز سفاري غربي شارع محمد بن جاسم اما الباقي مدري عنه وفيه كلام ان ام صلال الداخليه كلها عليها (هولد) اذا ارضج بعيد عن هالمنطقه ان شاء الله انج في السيف سايز .

[خزامى]

وبعد القص جاي من قلعة ام صلال الداخليه غير عن قلعة برزان وانت رايح جنوب لين مركز سفاري غربي شارع محمد بن جاسم اما الباقي مدري عنه وفيه كلام ان ام صلال الداخليه كلها عليها (هولد) اذا ارضج بعيد عن هالمنطقه ان شاء الله انج في السيف سايز .


أم صلال الداخلية أي أم صلال تقصدين؟؟

ما شالله في ناس عندهم خبر.. يعني ليش لما يينا نشتري ما بلغونا؟؟؟ و يقولون ليش مواد البنا غالية... من التخبط و العشوائية يعني احنا بكرا نبني و بعد كم سنة يهدونه و بعدين انرد نبني و هاذي حالتنا...
:weeping:

[غيمه زرقا]

الداخليه الله يسلمج القديمه وما اعتقد فيه اراضي فضى هناك داخل وعن الي عنده خبر وما عنده خبر ترا كل واحد يقول كلام حتى اهل ام صلال نفسهم مايدرون والله يعينكم.
أميييييييييييييييين

[ابوسعود]

الداخليه الله يسلمج القديمه وما اعتقد فيه اراضي فضى هناك داخل وعن الي عنده خبر وما عنده خبر ترا كل واحد يقول كلام حتى اهل ام صلال نفسهم مايدرون والله يعينكم.
أميييييييييييييييين

صحيح انا سمعت نفس الكلام ام صلال محمد القديمه
يعني بيت الشيخ محمد بن جاسم القديم الله يرحمه وبيت جاسم بن محمد
وناصر بن جاسم وعبدالله بن محمد وبتكون منطقه تراثيه قديمه بيتم اعادة ترميم
البيوت القديمه وبتكون (((((((((((( لسياحه ))))))))) ياعيني على السياحه
بس كله كلام تقريبا مافيه شي رسمي

[خزامى]

صحيح انا سمعت نفس الكلام ام صلال محمد القديمه
يعني بيت الشيخ محمد بن جاسم القديم الله يرحمه وبيت جاسم بن محمد
وناصر بن جاسم وعبدالله بن محمد وبتكون منطقه تراثيه قديمه بيتم اعادة ترميم
البيوت القديمه وبتكون (((((((((((( لسياحه ))))))))) ياعيني على السياحه
بس كله كلام تقريبا مافيه شي رسمي



سيااااحة.. عليه العوض و منه العوض...:anger1::anger1::secret::secret:

[hamoor4ever]

احسن اختي يصير عندكم خبره في البناء يعني الفلا الثانيه تطلع احسن من الاولى

الله يعينج ترى امزح معاج لاتصعبين بس شي يقهر صراحه

[m7mmd]

خل يرممون الشارع الجديد مدخل ام صلال الرئيسي الي توهم مسوينه وحديد البواليع مرتفع اربع اصابع عن القار عزكم الله والشارع الجديد ضيق والرصيف عرررررررريض اعرض من الشارع عجببببببي:anger1:

[خزامى]

احسن اختي يصير عندكم خبره في البناء يعني الفلا الثانيه تطلع احسن من الاولى

الله يعينج ترى امزح معاج لاتصعبين بس شي يقهر صراحه


ونت الصادق أخوي البيت الثالث... الله يعين الجميع

[bo_hamad]

ليش ما يستغلون الاراضي الفضى بنفس المنطقة ؟

[خزامى]

ليش ما يستغلون الاراضي الفضى بنفس المنطقة ؟


بس في هالمنظقة يا أبو أحمد خارج الدوحة كلها فظا

[بو نايف]

احم احم ...


الاستملاكات في ام صلال زوايا للشوارع ومعظمها اتمت ...

والاستملاكات الاخيرة لأم صلال

هي لزرع وحوله بيوت قديمة لتحويلة منطقة تراثية

الاستفسار : التخطيط العمراني 4955555:::: اطلب اي موظف في ادارة نزع الملكية احم احم


الشباب ما يقصرون

[hamoor4ever]

اختي طرشي لي رقم الارض اشيك لج باجر اذا عليها شي ، او لا

[Qatarii]

أم صلال محمد؟
انا سمعت الأتي من دون تفاصيل:
- شارع الشيخ جاسم بن محمد بيمتد من شارع الشمال وبيتغير مساره من قدام سوق الأندلس
- بيوت الوقف (البيوت اللي ورى سوق الأندلس ورايح غرب كلها ازاله واهلها استلموا كتاب الأخلاء بس ما اعرف المدة واكيد ما اعرف عن صحة الكلام
- الأزاله الثانية بتم للبيوت الثانية (الوقف) اللي ورى سوق سفاري, بعضها وقف والثاني بيوت حكومية بس اعتقد الترتيب للشارع صد عنها لأنها تحتاج لأعادة هندسة المنطقة, والمحميه والله اعلم بتكون صوب المدرسة الأبتدائية (المنطقة المسورة)
- اتمنى اهل ام صلال يصلحون لي, من شارع الشمال في دوار لثلاثة اتجاهات, يمتد لين دوار ام صلال الحالي بعد ترتيبه, وهناك دوار ثاني بعد سوق جاسم, وهناك بعد دوار ثالث بعد سفاري بمية متر, يستمر لين ما يقص المدرسة القديمة, هناك بيكون بين الأندلس وبيت ياتحويله او اشارات ما اعرف ويتم الشارع الرئيسي لأم صلال لين ما يشبك بأم صلال علي. يعني لا في هناك مشاريع كبيره مذكورة ولا حتى مدن ترفيهيه, فقط المشاريع القايمه الحين اعادة تنظيم للمنطقة ورصف واضائة الشوارع....يعني كلام ازاله مافي الا لبيوت وقف الشيخ جاسم رحمة الله عليه
والتفاصيل اخليها لك تدور عليها...اتمنى تكون متطمن الحين اذا بيتك او ارضك بعيدة عن الوصف المذكور لي ونقلته لك

[eXpert*]

الله يكون في العون ،،، بالاول خل يجهزون البديل وعقب ماعندنا مانع لو يبونا نروح القمر..

اذا روضة الحمامة للحين مكانك سر والعالم مستلمة من سنتين ومب قادرة تسوي شي ..


استفسار : من فترة جيت بهدم بهدم عقار في الشمالية وببني جديد ، قالي واحد لا تستعجل عليه نزع ملكية !!!

ممكن حد يوضح لي اذا أكيد أو لا ؟

[The future]

وشرايكم نروح للدخان ولا الوكره لا سوري الوكره بعد عليها قص!!

احسن شي نروح للدخان والرويس:nice:

[الوعد2016]

لا يوجد قص في ام صلال والقص في المحلات الجديده والواقعه بين الدوار المايل ودوار الغرافه بتجاه الشمال
وكذالك من الدوار المايل الى دوار الشيخ خالد بن حمد ومنها الى دوار الشيخ مبارك بن عبد الرحمن الى نفق ومدرسه الى هناك ماعرف اسمها المربع بالكامل وخصوصآ الصبخه الى هناك

[الوعد2016]

وشرايكم نروح للدخان ولا الوكره لا سوري الوكره بعد عليها قص!!

احسن شي نروح للدخان والرويس:nice:
هههههههههههههههههه
صبخة ادخان تابع البيئه راح يكون مشروع الغابات المزروعه عن طريق النووي هههههههههههههههههه
راحت عليك الصبخه
بيكون مشروع التطوير والزراعه النوويه

[بو نايف]

[right.


استفسار : من فترة جيت بهدم بهدم عقار في الشمالية وببني جديد ، قالي واحد لا تستعجل عليه نزع ملكية !!!

ممكن حد يوضح لي اذا أكيد أو لا ؟[/right]



اخوي في نموذج استفسار في التخطيط العمراني مقابل الستي

ترفق صورة البطاقة ونسخة طبق الاصل من سند الملكية

وسيتم الرد عليك في فترة اسبوع

[اكسجين]

اخوي في نموذج استفسار في التخطيط العمراني مقابل الستي

ترفق صورة البطاقة ونسخة طبق الاصل من سند الملكية

وسيتم الرد عليك في فترة اسبوع

هذا الكلام............:nice:

[finance]

شكرااااا

[ام شادن]

ما اعتقد يوصلها القص في مناطق اقرب منها ما وصلها القص

[غناتي1]

اي والله ان البنيان والنقل معاناة ما بعدها معاناة

ابن الله يوفقك ... ما عليكم ازالة ولا قص

[خزامى]

السلام عليكم..

حبيت أشكر كل الأعضاء اللي ساعدوني و أفادوني..و عذراً اذا كان شكري متأخر بس انشغلت شوي خلال الفترة الماضية..

انشالله يكون ما فيه قص .. و ما تكون فيه خطط مستقبليه "خفيه" نتفاجأ فيها و كأنا ضيوف في هالبلد..

عالعموم ألللللللللف شكر و الله يخلي عيال قطر لبعض