أذا بتبني لا تتأخر ولا دقيقة تراك انت الخسراااااان والله

[بوحارب]

http://www.qatarshares.com.qa/data/208/211/storm_1639133582_1891261855.gif




ما عندي لك غير هذي النصيحة

قم الحين وروح افتر على شركات المقاولات المعروفة واللي شغلها نظيف وسعرها معقول

ووقع العقد وأبن بيت العمر واللي ينتظر الأسعار تنزل أقوله انت تحلم

سمعت عن ناس صارلهم 3 و 4 شهور وهم يدورون على مقاولين

واللي صارله 5 شهور وهو يفكر في تصميم البيت كيف يكون

اللي يسمعه يقول بيبني قصر مساحته 6000م وفي الأخير فيلا على أرض مساحتها1200

ليش هذا التاخير اللي مش من صالحكم

ترى الأسعار تزيد يوم ورى يوم


كلمة اخيرة { أذا بتبني لا تتأخر ولا دقيقة تراك انت الخسراااااان والله }

[رحال]

أستاذي الفاضل أبو حـــــــــــارب !!!

مواضيعـــك دائما مشفرة وتحتاج الى قوة عقلية وذهنية

حتى تفهمك لأنك تنطق درر ، بالأضافة الى المامك بالرياضيات

والفيزياء وفك الشفرة !!!

لا حرمنا الله منك يا الغالي !!!:nice:

[اكسجين]

معاك حق...يا بوحارب

ولكن الناس والله مساكين و ماينلامون...من كثر مايسمعون عن مشاكل المقاولين وغثى البنيان.

وجزاك الله خير يا بو حارب على النصيحة.

[لاداعي]

جزاك الله خير أخوي بوحارب على لنصيحه

[بوحارب]

أستاذي الفاضل أبو حـــــــــــارب !!!

مواضيعـــك دائما مشفرة وتحتاج الى قوة عقلية وذهنية

حتى تفهمك لأنك تنطق درر ، بالأضافة الى المامك بالرياضيات

والفيزياء وفك الشفرة !!!

لا حرمنا الله منك يا الغالي !!!:nice:

بالعكس مواضيعي سهلة وما فيها اي تشفير:shy:

وانا احب يكون الموضوع مبسط حتى يسهل الفهم للجميع:victory:

تسلم ع المرور الطيب أخوي رحال:)

[بوحارب]

معاك حق...يا بوحارب

ولكن الناس والله مساكين و ماينلامون...من كثر مايسمعون عن مشاكل المقاولين وغثى البنيان.

وجزاك الله خير يا بو حارب على النصيحة.

الواحد يتوكل على ربه وأن شاء الله خير:)

والنقطة الثانية لازم يختار المقاول الأمين والصادق:victory:

حياك الله اخوي اكسجين

[بوحارب]

جزاك الله خير أخوي بوحارب على لنصيحه

وجزاك الله بمثله :victory:

[Thamer_Qat]

لو جريت جري الوحش غير رزقك ماتحوش

[A.L.I]

جزاك الله خير اخوي

[محد يستاهل]

ما يحتاج تحلف أخوي !!

[hamoor4ever]

والله انك صاج يااخوي بعض الناس يقولون الاسعار راح تنزل وانا اقول ان هالشي صعب صعب جدا ، انا بحياتي ماشفت شي نزل سعره فمابالك بالحديد والاسمنت والبنيان ، والبعض يقعد على المخطط سنتين اتقول راح يبني له برج ، كله فله خمس غرف وكم مطبخ ، اللي يبني يلحق روحه ولا ينطر ترى كل تأخيره تطلع له بفلوس

[ماجستك]

اخوي بوحارب الي عرفته ان سعر مواد البناء ثبتوها لمده 3 سنوات.....هل هالكلام صحيح ول لا ؟؟؟


وجزاك الله خير

[bo_hamad]

ثبتوها على سعر الارتفاع

[hamoor4ever]

اخوي بوحارب الي عرفته ان سعر مواد البناء ثبتوها لمده 3 سنوات.....هل هالكلام صحيح ول لا ؟؟؟


وجزاك الله خير

دورني يااخوي مافي شي ممكن يتثبت هم خل يثبتون اسعار البيض أول بيقدرون على الحديد الله يهداك ، هاذه عرض وطلب ومافي شي يتثبت عادي في سوق سوده والتاجر مب مجبور يبيع بخساره يقدر يقول لك صحيح ببيعك على السعر الثابت لكن اوصله لك بسعر ثاني ، بيحط لك سعر نقل سعر عالي والبيع مع النقل عرفت شلون

[بوحارب]

لو جريت جري الوحش غير رزقك ماتحوش

صحيح:eek5:


جزاك الله خير اخوي

وأياك:)


ما يحتاج تحلف أخوي !!

من خوفي عليهم والله:shy:


والله انك صاج يااخوي بعض الناس يقولون الاسعار راح تنزل وانا اقول ان هالشي صعب صعب جدا ، انا بحياتي ماشفت شي نزل سعره فمابالك بالحديد والاسمنت والبنيان ، والبعض يقعد على المخطط سنتين اتقول راح يبني له برج ، كله فله خمس غرف وكم مطبخ ، اللي يبني يلحق روحه ولا ينطر ترى كل تأخيره تطلع له بفلوس

المشكلة بعضهم ما يفهمون يالهامور:(


اخوي بوحارب الي عرفته ان سعر مواد البناء ثبتوها لمده 3 سنوات.....هل هالكلام صحيح ول لا ؟؟؟


وجزاك الله خير

وجزاك الله بمثله

شوف رد الأخوان ما قصروا:):victory:


ثبتوها على سعر الارتفاع

احلى يا خبره انته:tease:


دورني يااخوي مافي شي ممكن يتثبت هم خل يثبتون اسعار البيض أول بيقدرون على الحديد الله يهداك ، هاذه عرض وطلب ومافي شي يتثبت عادي في سوق سوده والتاجر مب مجبور يبيع بخساره يقدر يقول لك صحيح ببيعك على السعر الثابت لكن اوصله لك بسعر ثاني ، بيحط لك سعر نقل سعر عالي والبيع مع النقل عرفت شلون

اي والله انك صادق هههههههههههههههههههههه :victory:

[ابوسعود]

جزاك الله خير
اخوي ابوحارب
انا معجب بكل مواضيعك
ومتابع وكلامك عين العقل
الله يوفقك دنيا واخره

[بوحارب]

جزاك الله خير
اخوي ابوحارب
انا معجب بكل مواضيعك
ومتابع وكلامك عين العقل
الله يوفقك دنيا واخره

ياخي وينك صارلك فترة مختفي

تسلم اخوي ع المرور ولا تحرمنا من تواجدك معنا :)

[حسين بن عاقول]

سلفني ارض وبنفذ نصيحتك .. !!

[بوحارب]

سلفني ارض وبنفذ نصيحتك .. !!

دورني:looking:

[خزامى]

سلفني ارض وبنفذ نصيحتك .. !!



ايه والله اخوي انك صاج.. الواحد لاقي أرض عشان يبنيها...:rolleyes2:

[almaf1a]

مافي خدمات ماتقدر تبني
مع تحيات مواطن عنده ارض ومايقدر يبني

[hamoor4ever]

مافي خدمات ماتقدر تبني
مع تحيات مواطن عنده ارض ومايقدر يبني
بس اخوي فيه اراضي ماعليها خدمات لكن تقدر تبنيها شيك على ارضك يمكن لها تخطيط كهرباء

[المرعب]

:ابشرك اليوم بادي الحفر بعد سبو عين بان الله ابلش بس على فكره العمال والفورمان والمهندس كلهم من برا وانا الي اشتري المواد:victory:

[الهاوي28]

والي ارضه موجوده في روضه الحمام وماعليها خدمات ويوم سألنا قالو يبه انطر لين ربك يفرجها

شيسوي؟

ياريال الحمدلله ساكنين في بيت بلاش ولين جاتها الخدمات يستوي خير

[اسعاف]

دورني:looking:

عطوني ضمان
لن يأتيني القص( ام صلال علي)
وانا ابدأ من بكرة

[بوسلطانH]

مشكور اخوي على النصيحه..
وصدقني صارلي شهر مع المخطط بش ابشرك قرب يخلص وبالتوفيق للجميع..

[المغترب 123]

جزاك الله خيــــــــــــــــــــــــــر اخي الكريم بوحارب على المواضيع الرائعة التي تطرحها بين الحين والاخر نصيحة ذهبية الله يوفقك ويوفق الجميـــــــــــــــــــــــــــــــــــــــــــــ ــع

[الوعد2016]

مشكور ويعطيك العافيه
وممكن تحط اسماء الشركات الى تبني بيوت المواطنين لن اكثر الشركات تقول ابني مجمعات مبني بيوت وفلل للمواطنين وعن طريق بنك التنميه

[السندان]

مشكور وجزاك الله خير يابوحارب

بس افرز لنا كم مكتب مهندس على استشاري على مقاولات من اللي ترشحهم ويحبهم قلبك

مع الشكر والتقدير

[ناصر11]

وانت صادق يابوحارب حتى شركات المقاولات يترددون الف مره في توقيع عقود البناء خوفن من خطئ في تقدريهم صحيح لتكلفة المشروع ..بسبب اسعار مواد البناء وهيه في ارتفاع مستمر دون هواده بل عدم توافره بسوق احيانن .......وتسلم ياأخي بوحارب

[finance]

شكراااا

[بوحارب]

سلفني ارض وبنفذ نصيحتك .. !!



ايه والله اخوي انك صاج.. الواحد لاقي أرض عشان يبنيها...:rolleyes2:


مافي خدمات ماتقدر تبني
مع تحيات مواطن عنده ارض ومايقدر يبني


والي ارضه موجوده في روضه الحمام وماعليها خدمات ويوم سألنا قالو يبه انطر لين ربك يفرجها

شيسوي؟

ياريال الحمدلله ساكنين في بيت بلاش ولين جاتها الخدمات يستوي خير


عطوني ضمان
لن يأتيني القص( ام صلال علي)
وانا ابدأ من بكرة

الموضوع هذا موجهة للناس اللي اراضيهم جاهزة للبناء:)

لأن نفس ما ذكرت انا من قبل

بعض الناس امورهم خالصه وهم للحين قاعدين

وحاطين رجل على رجل وينتظرون المقاول يبنيلهم ببلاش

ولا بعض الناس يقعدون يدورون تصميم القصر مالهم سنه :eek5:

واللي يدورلي استشاري واليي 00000000000000000 الخ

والأسعار قاعدة تزيد يوم ورى يوم

اتمنى اوصلت المعلومة:)

[بوحارب]

:ابشرك اليوم بادي الحفر بعد سبو عين بان الله ابلش بس على فكره العمال والفورمان والمهندس كلهم من برا وانا الي اشتري المواد:victory:

الله يوفقك يالمرعب
وانت دخلت في مغامرة قويه والله:)

بنيانك كبار موظفين ولا شخصي ؟؟؟


مشكور اخوي على النصيحه..
وصدقني صارلي شهر مع المخطط بش ابشرك قرب يخلص وبالتوفيق للجميع..

العفو

تستاهل يابوسلطان ولا تتأخر ولا دقيقة

ترى التأخير مب من من صالحك والله:)

بالتوفيق



جزاك الله خيــــــــــــــــــــــــــر اخي الكريم بوحارب على المواضيع الرائعة التي تطرحها بين الحين والاخر نصيحة ذهبية الله يوفقك ويوفق الجميـــــــــــــــــــــــــــــــــــــــــــــ ــع

مرحبا ومسهلا بالغالي:)



مشكور ويعطيك العافيه
وممكن تحط اسماء الشركات الى تبني بيوت المواطنين لن اكثر الشركات تقول ابني مجمعات مبني بيوت وفلل للمواطنين وعن طريق بنك التنميه
الله يعافيك يالوعد

الشركات كثيييييير يالوعد وانت ما عليك الا البحث

وأسأل الناس اللي بنوا من قبل :)



مشكور وجزاك الله خير يابوحارب

بس افرز لنا كم مكتب مهندس على استشاري على مقاولات من اللي ترشحهم ويحبهم قلبك

مع الشكر والتقدير

ويجزاك بمثله يالسندان:)

احسن أستشاري للبيت هو راعي البيت:victory:

ابرك من الف مكتب ترى:nice:

على فكرة أكثر المكاتب نفس المستوى في الأستشارات:)

حياك الله


وانت صادق يابوحارب حتى شركات المقاولات يترددون الف مره في توقيع عقود البناء خوفن من خطئ في تقدريهم صحيح لتكلفة المشروع ..بسبب اسعار مواد البناء وهيه في ارتفاع مستمر دون هواده بل عدم توافره بسوق احيانن .......وتسلم ياأخي بوحارب

صح السانك اخوي

بعض الشركات الان تطلب سعر مبالغ فيه حتى تظمن انها ما تخسر

اذا ارتفعت الأسعار

الله المستعان


شكراااا

عفواااااا:)

[limited]

اخوي بوحارب .... انا بيض الصعو بجيبه لكن مقاول صادق وامين ما ظنتي


وتسلم على اهتمامك

[سداوي&مدريدي]

حاضر سيدي

:pioneer:

[اّل ثاني 77]

:nice::nice::nice:

[ابو تركي]

صادق ما يحتاج تحلف أخوي أبو حــارب

[فلفل حار]

دورني يااخوي مافي شي ممكن يتثبت هم خل يثبتون اسعار البيض أول بيقدرون على الحديد الله يهداك ، هاذه عرض وطلب ومافي شي يتثبت عادي في سوق سوده والتاجر مب مجبور يبيع بخساره يقدر يقول لك صحيح ببيعك على السعر الثابت لكن اوصله لك بسعر ثاني ، بيحط لك سعر نقل سعر عالي والبيع مع النقل عرفت شلون

الي قريته بالجريده السالفه ومافيها مكرمه اميريه بـ حيث التثبيت المقصود به هو انه سعره للمستهلك المواطن سعر واحد ، وحتي لو زاد عالميا الدوله هي الي بتتحمل باقي التكلفه

هالقرار فقط تسهيلا للمواطنين لبناء بيوتهم:)

الله يخلي لنا بومشعل ويحفظه لنا ذخر ان شاءالله:nice:

[بوحارب]

اخوي بوحارب .... انا بيض الصعو بجيبه لكن مقاول صادق وامين ما ظنتي


وتسلم على اهتمامك

الله يسلمك ولاهنت عالمرور الغاوي

[بو الجوري]

واللي ينطر قرض التنمية .. شيسوي ؟

عادي ابني بفلوسي وعقب اخذ القرض ؟ وشلون ؟

[diab911]

جزاك الله خير على النصيحه

[سهم طايح]

بوحارب

ممكن تطرش لي اسامي بعض الشركات الموثوقة الله لا يهينك ؟

[بوحارب]

واللي ينطر قرض التنمية .. شيسوي ؟

عادي ابني بفلوسي وعقب اخذ القرض ؟ وشلون ؟

علمي علمك يا أبوالجوري:)

الله يعينك ويوفقك يارب


جزاك الله خير على النصيحه

حياك الله:victory:


بوحارب

ممكن تطرش لي اسامي بعض الشركات الموثوقة الله لا يهينك ؟

اسأل مجرب ابرك لك

هذي احسن طريقة للبحث عن مقاول امييين:nice:

[ابـو مــحــــمـــــد]

والله انا اتمنى ابني اليوم قبل بكره لكن وين الشركه يا ابوحارب
كلهم مقاولين ياخذون من الباطن ماتدري بكره وشيسوي فيك
اذا عندك شركات ترشحهاا انا ياخوك ادور لي
انا بيتي 550 طلب علي عظم بلاستر 800 الف شرايك
واتمنى منك اذا فيه شركات شغلها نظيف وسعر معقوول اخوك يدور عليهم

[Nahool]

ودي ابني بس خلهم يصلحون الاراضي و خلونها صالحة للبناء. من ثلاث سنين و للحين ما ادري كبار الموظفين الخيسة متى بتكون صالحه للبناء. اللي عنده خبر يعلمني

[بو نايف]

ان شاء الله تخلص بنيانك

وتتهنى ببيت العمر


الحمد لله خلصت المخططات

باقي الشركة


الله لا يهينكم اللي يعرف شركات زينه شغل نظيف ..

جزتكم الله خير

[بوحارب]

والله انا اتمنى ابني اليوم قبل بكره لكن وين الشركه يا ابوحارب
كلهم مقاولين ياخذون من الباطن ماتدري بكره وشيسوي فيك
اذا عندك شركات ترشحهاا انا ياخوك ادور لي
انا بيتي 550 طلب علي عظم بلاستر 800 الف شرايك
واتمنى منك اذا فيه شركات شغلها نظيف وسعر معقوول اخوك يدور عليهم

هلا ابومحمد

المقاول حسبلك المتر ب 1450 تقريباً

وهذا هو سعر اليوم للأسف

ودي اعطيك أرقام شركات لكن انا بنفسي ما أظمنها لك

عالعموم اسأل اي واحد مجرب وهذي هي الطريقة السليمة للبحث عن المقاول:victory:

الله يعينك ويوفقك

[بوحارب]

ودي ابني بس خلهم يصلحون الاراضي و خلونها صالحة للبناء. من ثلاث سنين و للحين ما ادري كبار الموظفين الخيسة متى بتكون صالحه للبناء. اللي عنده خبر يعلمني
البيت اللي يبني اليوم ب 1 مليون

قبل 3 سنين كنت تقدر تبنيه ب 600الف:(

مابي احطمك زيادة الله يعينك أخوي


ان شاء الله تخلص بنيانك

وتتهنى ببيت العمر


الحمد لله خلصت المخططات

باقي الشركة


الله لا يهينكم اللي يعرف شركات زينه شغل نظيف ..

جزتكم الله خير


مبروك عليك انتهاء فتره المخططات:nice:

شد حيلك ودور على مقاول زين وامين

من يوم السبت لا تقعد ولا دقيقة فالبيت لييييييييين ما تلقى المقاول:victory:

بالتوفيق

[الوعد2016]

ابو حارب مشكور ويعطيك العافيه على النصايح الى تقدمها للجميع

[بوحارب]

ابو حارب مشكور ويعطيك العافيه على النصايح الى تقدمها للجميع

العفو وحاظرين للطيبين:)

[غناتي1]

والله انك صادق يا بو حارب

الاسعار كل مالها ترتفع

ولو بتنزل كان انزلت في دبي اللي

كل يوم كل شئ فيها يزيد وخصوصا العقار

[auto body]

جزاك الله خير

[بوحارب]

والله انك صادق يا بو حارب

الاسعار كل مالها ترتفع

ولو بتنزل كان انزلت في دبي اللي

كل يوم كل شئ فيها يزيد وخصوصا العقار


جزاك الله خير

حياكم الله:)

[Fine Touch]

إحنا بدينه نبني و الله يعينه و يعين كل اللي يبنون.....

[بوحارب]

إحنا بدينه نبني و الله يعينه و يعين كل اللي يبنون.....

بالتوفيق أن شاء الله والله يعينكم ع البنيان

تسلم ع المرور

[اطلس]

السلام عليكم ورحمة الله وبركاته
اخوي بوحارب
الحين ولا بعدين ماتفرق لانا اسعار لابترتفع ولا بتنزل
الشيخ حمد الله يخليه لنا ثبت سعر مواد البناء لمدة 5 سنين

[ابـو مــحــــمـــــد]

بوحارب حصلت على شركه عطاني سعر العظم بلاستر 1300 نهائي
وكان مقنع والله بنسبه لي في بعض الامور عند التناقش خاصه في حسبة
الكميات اذا بيعطيها مهندس اسيوي او عربي وهنا كان الفرق واضح

على العموم كان عندي واحد من الربع وهو عنده شركه تاخذ من الباطن
وقال لي يا ولد مدام عندك سجل شركة مقاولات مش مستفيد منه ليش
ماتبني بيتك بنفسك خاصه وانت متفرق من العمل قلت له كيف

قال تطلب عمال مايتعدون 6 نجاره وحداده مسلح وركز على مصر
وعمال الطابوق والبلاستر موجودين هنا في قطر وهو يتعامل معهم

وقال لي بنسبه لمصانع الطابوق والريديمكس وحتى الحديد قال انا اضبطها
لك وفي كل مصنع تدخل كردت وبعدها بالتلفون تقدر تطلب احتياجاتك

وقال انا من خلفك وعندي الفورمن الي ممكن يوجهم وتقدر تتعاقد مع استشاري
بالشهر او بالطلعه على حسب الي تبي ..
وتحول الشيك بسم شركتك وراح تبني بسعر ممتاز بنسبه لك

والله هو دخلها في راسي لكن للحين مش مقتنع في الفكره

شرايك يا مقاول المنتدى في شوره :nice:

[Engineer CA]

واللي يبي بيني اليوم قبل بكره

بس ارضه في روضه الحمام شيسوي

الله المستعان

[قناص الاسهم]

بو حارب .. لا تسهر وايد :tease:

[الوعد2016]

ابو حارب او من لديه علم كما لدى ابو حااااارب
حصلت شركة مقاولات تبني بسعر ل1450عظم و2500 مفتاح تشطيب بين الممتاز والمتوسط
وشركه اخرى بسعر 1250 عظم و2100 مفتاح وش رايك مع العلم بان الشركه الارخص لا يوجد عندها مكتب مرموق ولا موظفين فقط الفورمن هو الى يتفق والمكتب الله لا يرويك وش رايك ووين الافضل برايكم جميعآآآآآآآآآآآآآآآ

[بوحارب]

السلام عليكم ورحمة الله وبركاته
اخوي بوحارب
الحين ولا بعدين ماتفرق لانا اسعار لابترتفع ولا بتنزل
الشيخ حمد الله يخليه لنا ثبت سعر مواد البناء لمدة 5 سنين

وعليكم السلام


هلا أطلس

اسمحلي اقولك غلطان:)

والله يحفظ لنا بومشعل

[بوحارب]

بوحارب حصلت على شركه عطاني سعر العظم بلاستر 1300 نهائي
وكان مقنع والله بنسبه لي في بعض الامور عند التناقش خاصه في حسبة
الكميات اذا بيعطيها مهندس اسيوي او عربي وهنا كان الفرق واضح

على العموم كان عندي واحد من الربع وهو عنده شركه تاخذ من الباطن
وقال لي يا ولد مدام عندك سجل شركة مقاولات مش مستفيد منه ليش
ماتبني بيتك بنفسك خاصه وانت متفرق من العمل قلت له كيف

قال تطلب عمال مايتعدون 6 نجاره وحداده مسلح وركز على مصر
وعمال الطابوق والبلاستر موجودين هنا في قطر وهو يتعامل معهم

وقال لي بنسبه لمصانع الطابوق والريديمكس وحتى الحديد قال انا اضبطها
لك وفي كل مصنع تدخل كردت وبعدها بالتلفون تقدر تطلب احتياجاتك

وقال انا من خلفك وعندي الفورمن الي ممكن يوجهم وتقدر تتعاقد مع استشاري
بالشهر او بالطلعه على حسب الي تبي ..
وتحول الشيك بسم شركتك وراح تبني بسعر ممتاز بنسبه لك

والله هو دخلها في راسي لكن للحين مش مقتنع في الفكره

شرايك يا مقاول المنتدى في شوره :nice:


توكل على الله يابومحمد وبتوفر كثييييييير ترى:)

بس بتتعب شوي معاهم وهذا الشي لابد منه:victory:

بالتوفيق

[بوحارب]

واللي يبي بيني اليوم قبل بكره

بس ارضه في روضه الحمام شيسوي

الله المستعان

وش فيها روضه الحمام ؟


بو حارب .. لا تسهر وايد :tease:

ياخي اسكت ذبحني السهر:weeping:

[بوحارب]

ابو حارب او من لديه علم كما لدى ابو حااااارب
حصلت شركة مقاولات تبني بسعر ل1450عظم و2500 مفتاح تشطيب بين الممتاز والمتوسط
وشركه اخرى بسعر 1250 عظم و2100 مفتاح وش رايك مع العلم بان الشركه الارخص لا يوجد عندها مكتب مرموق ولا موظفين فقط الفورمن هو الى يتفق والمكتب الله لا يرويك وش رايك ووين الافضل برايكم جميعآآآآآآآآآآآآآآآ

مرحبا أخوي الوعد

بالنسبة لي شخصياً

عندما بدأت فالبنيان رحت حق شراكت راقيه

ومكاتبهم فخمة ومهندسينهم خبرة وكانت اسعارهم كبييييرة وغالية

وماقتنعت بأسعارهم الصراحة

وبعد ذالك رحت حق مقاول بنغالي دلاني عليه واحد من الربع

وأقتنعت فيه وكان سعره ارخص بكثير عن الباقيين

وماعنده مكتب ولا شركة ولا شي

مكتبه في معيذر ومسكر 24 ساعه سألته ليش قالي عشان ماخسر كهربا وماي:)

ووقعت العقد معاه عندي فالخيمة واي استفسار او شي يجيني البيت

ولين يومك مادل وين مكتبه

وبنيانه شي روووعه والله

الخلاصه اذا كان المقاول اللي لقيته الرخيص شغله نظيف توكل على الله معاه:victory:

ترى بعض الشركات بس شكللللللل فقط اما من ناحيه الشغل حدث ولا حرج؟

[الوعد2016]

مرحبا أخوي الوعد

بالنسبة لي شخصياً

عندما بدأت فالبنيان رحت حق شراكت راقيه

ومكاتبهم فخمة ومهندسينهم خبرة وكانت اسعارهم كبييييرة وغالية

وماقتنعت بأسعارهم الصراحة

وبعد ذالك رحت حق مقاول بنغالي دلاني عليه واحد من الربع

وأقتنعت فيه وكان سعره ارخص بكثير عن الباقيين

وماعنده مكتب ولا شركة ولا شي

مكتبه في معيذر ومسكر 24 ساعه سألته ليش قالي عشان ماخسر كهربا وماي:)

ووقعت العقد معاه عندي فالخيمة واي استفسار او شي يجيني البيت

ولين يومك مادل وين مكتبه

وبنيانه شي روووعه والله

الخلاصه اذا كان المقاول اللي لقيته الرخيص شغله نظيف توكل على الله معاه:victory:

ترى بعض الشركات بس شكللللللل فقط اما من ناحيه الشغل حدث ولا حرج؟
المشكله ان الشركه مش كبيره ومشاريعه يقول 3مشاريع وانه لا يرغب باخذ مشروع رابع والسعر 1250 عظم وانا متخوف من الشركه اخاف مثل غيره يوقف عن البناء ويتعذر باشياء اخرء مثل الدفعات او عدم توفر المواد والشركه الثانيه على عشر دفعات معهم على العظم بواقع30% من المبلغ
والاهم هل الاسعار مناسبه للبناء وكم السعر المناسب برايك كمتوسط سعر للعظم والتسليم بالمفتاح

[بوحارب]

المشكله ان الشركه مش كبيره ومشاريعه يقول 3مشاريع وانه لا يرغب باخذ مشروع رابع والسعر 1250 عظم وانا متخوف من الشركه اخاف مثل غيره يوقف عن البناء ويتعذر باشياء اخرء مثل الدفعات او عدم توفر المواد والشركه الثانيه على عشر دفعات معهم على العظم بواقع30% من المبلغ
والاهم هل الاسعار مناسبه للبناء وكم السعر المناسب برايك كمتوسط سعر للعظم والتسليم بالمفتاح

نصيحه لا توقع عقد مع اي شركة الا من بعد ما تتأكد منها

ودام انك متخوف منه سفهله:)

والأسعار هالأيام من بين ال 1300 وال 1500 تقريبا

كل مقاول قام يحط السعر اللي يعجبه:omen2:

[الوعد2016]

نصيحه لا توقع عقد مع اي شركة الا من بعد ما تتأكد منها

ودام انك متخوف منه سفهله:)

والأسعار هالأيام من بين ال 1300 وال 1500 تقريبا

كل مقاول قام يحط السعر اللي يعجبه:omen2:
الشركه الثانيه مرتاح لسعرها ولصاحبها لانه هو من يدير الشركه وهو من الناس الي يخاف على نفسه من المشاكل ولكن السعر ب1450 وش رايك ولديه مشاريع واقنعني بكلامه وقال بخليك تشوف كل مشاريع الشركه قبل التوقيع عشان تقتنع بنفسك

[بوحارب]

الشركه الثانيه مرتاح لسعرها ولصاحبها لانه هو من يدير الشركه وهو من الناس الي يخاف على نفسه من المشاكل ولكن السعر ب1450 وش رايك ولديه مشاريع واقنعني بكلامه وقال بخليك تشوف كل مشاريع الشركه قبل التوقيع عشان تقتنع بنفسك

كلام جميل

كم مساحه البنيان عندك ؟

[الوعد2016]

كلام جميل

كم مساحه البنيان عندك ؟
410 للطابقين
والملاحق والمجلس مراح ابنيها الحين حتى يكون الوقت المناسب
وبعدين هل السور يحسبونه مثل البيت من حيث السعر

[بوحارب]

410 للطابقين
والملاحق والمجلس مراح ابنيها الحين حتى يكون الوقت المناسب
وبعدين هل السور يحسبونه مثل البيت من حيث السعر

الفرق 82000 بين الشركتين للعظم !

والسور محسوب مع البيت

استخير اخوي الوعد

[الوعد2016]

الفرق 82000 بين الشركتين للعظم !

والسور محسوب مع البيت

استخير اخوي الوعد

هذا الى محيرني واخاف اتوهق والواحد يعرف خروجه قبل دخوله
ومشكور على النصيحه ولكن الاهم هل هذا السعر مناسب 1450 ريال في الوقت الحالي
مع وصول كيس الاسمنت الى 55 ريال
ولا تنسى مع العظم عمل فريمات حق البيبان يعني اقل من هذا المبلغ

[ابـو مــحــــمـــــد]

توكل على الله يابومحمد وبتوفر كثييييييير ترى:)

بس بتتعب شوي معاهم وهذا الشي لابد منه:victory:

بالتوفيق

تقصد اوقع من المهندس
ولا اعتمد كلام صاحبي

[بوحارب]

هذا الى محيرني واخاف اتوهق والواحد يعرف خروجه قبل دخوله
ومشكور على النصيحه ولكن الاهم هل هذا السعر مناسب 1450 ريال في الوقت الحالي
مع وصول كيس الاسمنت الى 55 ريال
ولا تنسى مع العظم عمل فريمات حق البيبان يعني اقل من هذا المبلغ

السعر تقريباً جيد ولو تحاول معاه ينزلك لين 1400 او 1380 احلى واحلى

[بوحارب]

تقصد اوقع من المهندس
ولا اعتمد كلام صاحبي

اعتمد كلام خويك :victory:

[الوعد2016]

السعر تقريباً جيد ولو تحاول معاه ينزلك لين 1400 او 1380 احلى واحلى

حاولت معه ولكن قال اذا ارتفعت الاسعار مراح ارجع لك لاني حاسب كل شي قبل اي شي وهو مثلي يخاف من الوهقه ويبي يعرف الخروج قبل الدخول

[بوحارب]

حاولت معه ولكن قال اذا ارتفعت الاسعار مراح ارجع لك لاني حاسب كل شي قبل اي شي وهو مثلي يخاف من الوهقه ويبي يعرف الخروج قبل الدخول

توكل على الله يالوعد والله يعينك وييسر امورك:)

[جوال 11]

مشكورين على هذا النقاش الطيب
والسؤال عن المقاولين اللي يبنون سعر العظم 1200 الى 1600 وينهم
أعطيت كل مقاول الرسومات كلهم أعطوني سعر المتر عظم من 2000 وطالع
والى الأن أبحث وأدور لا تبخلوا علينا بأرقام من تثقون فيه وسعره مناسب
وبالتوفيق للجميع

[ابـو مــحــــمـــــد]

اعتمد كلام خويك :victory:

الله يرحم لي والديك
وان شالله اعزمك على عشاء البيت
وتجيب العانيه معك هههههه :tease:

[الوعد2016]

ابو حارب وش رايك اوقع معهم قبل ماوقع مع استشاري او الاستشاري الاول

[المشط]

نصيحه لا توقع مع مقاول اللى لما تشوف بيت او اثنين هو ماسك بنيانهم وتاكد منها بنفسك

بعض شركات المقاولات صارت شركات نصب

يعطيك العافيه اخوي بوحارب

[الوعد2016]

نصيحه لا توقع مع مقاول اللى لما تشوف بيت او اثنين هو ماسك بنيانهم وتاكد منها بنفسك

بعض شركات المقاولات صارت شركات نصب

يعطيك العافيه اخوي بوحارب

مشكور وبارك الله فيك

[بوحارب]

الله يرحم لي والديك
وان شالله اعزمك على عشاء البيت
وتجيب العانيه معك هههههه :tease:

بجيب لك دله كرك:looking:

[بوحارب]

ابو حارب وش رايك اوقع معهم قبل ماوقع مع استشاري او الاستشاري الاول

ما تفرق يالوعد ^ ــ ^

[رحال]

410 للطابقين
والملاحق والمجلس مراح ابنيها الحين حتى يكون الوقت المناسب
وبعدين هل السور يحسبونه مثل البيت من حيث السعر

نصيحتي لك يالوعد شد على نفسك ولين بغيت تبني أبني مرة وحدة

لا تأخر الملاحق بعدين ، ترى دخلتهم البيت بعد ماتسكن فيه غثه ودمار !!!

ومدام أنك حطيت يدك بالبنيان لا توقف الى عند الأنتهاء منه بالكامل !!!

والله يوفقك ان شاء الله ويعينك !!!:nice:

[بوحارب]

نصيحتي لك يالوعد شد على نفسك ولين بغيت تبني أبني مرة وحدة

لا تأخر الملاحق بعدين ، ترى دخلتهم البيت بعد ماتسكن فيه غثه ودمار !!!

ومدام أنك حطيت يدك بالبنيان لا توقف الى عند الأنتهاء منه بالكامل !!!

والله يوفقك ان شاء الله ويعينك !!!:nice:

اي والله انك صادق:)

[*¤ بن قطر¤*]

تسلم يا بوحارب على هالموضوع المهم ... فعلا تروح لمقاول تتفق معاه على سعر طبعا شفوي

و ترجعله عقب اسبوعين او شوي زياده يقولك ... آسف يا باش مهندس الاسعار زادت !!!

بس عندي لك راي ليش ما تأسس شركة مقاولات ؟؟

(( بو حـــــــارب Contracting )) :victory:

تحياتي لك صديقي العزيز

و اسمحلي ع المداخله

[Fine Touch]

و الله إحنه يوم إتفقنه مع المقاول على طووول و قعنه معاه...على شان ما يغير رايه كل شوي...على أساس إنه سعره زويين بس مب رخيص يعني سعره يعتبر غالي شوي "صراحة" ما ينلام! ........وطلع البيت غاااااااالي:shy:بس شنسوي مضطرييين:rolleyes2:

[بوحارب]

تسلم يا بوحارب على هالموضوع المهم ... فعلا تروح لمقاول تتفق معاه على سعر طبعا شفوي

و ترجعله عقب اسبوعين او شوي زياده يقولك ... آسف يا باش مهندس الاسعار زادت !!!

بس عندي لك راي ليش ما تأسس شركة مقاولات ؟؟

(( بو حـــــــارب Contracting )) :victory:

تحياتي لك صديقي العزيز

و اسمحلي ع المداخله

هلا وغلا بك أخوي *¤ بن قطر¤*
أول شي وينك طول هالفتره مختفي:)

وكلامك عدل المقاول هالأيام يغير سعره في يوم وليله مب بعد اسبوعين بس

وهذا الشي مب منه من الأسعار اللي كل يوم تطير السما

و انا حاط في بالي مشروع شركة المقاولات بس الدراسة شاغلتني شوي:weeping:


نورت الموضوع :)

[الوعد2016]

هلا وغلا بك أخوي *¤ بن قطر¤*
أول شي وينك طول هالفتره مختفي:)

وكلامك عدل المقاول هالأيام يغير سعره في يوم وليله مب بعد اسبوعين بس

وهذا الشي مب منه من الأسعار اللي كل يوم تطير السما

و انا حاط في بالي مشروع شركة المقاولات بس الدراسة شاغلتني شوي:weeping:


نورت الموضوع :)
بالتوفيق لك يا بو حااااااااااااارب وماقصرت

[الوعد2016]

نصيحتي لك يالوعد شد على نفسك ولين بغيت تبني أبني مرة وحدة

لا تأخر الملاحق بعدين ، ترى دخلتهم البيت بعد ماتسكن فيه غثه ودمار !!!

ومدام أنك حطيت يدك بالبنيان لا توقف الى عند الأنتهاء منه بالكامل !!!

والله يوفقك ان شاء الله ويعينك !!!:nice:

مشكور وماقصرت على المشاركه والتعليق والنصيحه
كلامك صحيح وحاليا بوقع العقد بس بعد ما اتفق مع مكتب استشاري والله يكون في العون
وياليت احد يفيدني بخصوص التشطيب ومواد البناء من حيث الجوده وغيرها من امور تتعلق بالبناء

[بوحارب]

و الله إحنه يوم إتفقنه مع المقاول على طووول و قعنه معاه...على شان ما يغير رايه كل شوي...على أساس إنه سعره زويين بس مب رخيص يعني سعره يعتبر غالي شوي "صراحة" ما ينلام! ........وطلع البيت غاااااااالي:shy:بس شنسوي مضطرييين:rolleyes2:

عدل شغلكم :)

بالتوفيق

[هسلان]

أنا بديت في البنيان وهذاني كل يوم في صجة مع المقاول الي يدبل الكبد
الاسعار كل يوم في ارتفاع مش معقول والي ما يبتدي هذي الايام الله يعينه
الله يتمم البنيان على خير ويسلمو يا بوحارب

[بوحارب]

أنا بديت في البنيان وهذاني كل يوم في صجة مع المقاول الي يدبل الكبد
الاسعار كل يوم في ارتفاع مش معقول والي ما يبتدي هذي الايام الله يعينه
الله يتمم البنيان على خير ويسلمو يا بوحارب

الله يعينك يالهاجري والبنيان لازم يكون فيه تعب شوي ^ ــ ^


بالتوفيق:victory:

[اطلس]

وعليكم السلام


هلا أطلس

اسمحلي اقولك غلطان:)

والله يحفظ لنا بومشعل

مسموح
اوكي عيل شنو الي وقفوا سعره لمدة خمس اسنين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بوحارب]

مسموح
اوكي عيل شنو الي وقفوا سعره لمدة خمس اسنين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلام في كلام:)