أرجو المساعده لو سمحتو ..........

[Mr.Abdullah]

شباب عندي حولي 48000 ريال وابي اضارب فيهم متى احسن وقت للمضاره وشو هي الشركات الحلوه حق المضاربه كيف اتابع سعر السهم واعرف انه سعره مناسب للشرى او البيع علماص بأني مستثمر جديد وما أبي انضرب على راسي من البدايه
شكرا
وجزاكم الله كل خير

[قناص الاسهم]

الله يوفقك اخوي ان شاء الله .. بس نصيحتي لك لا تغامر في الوقت الحالي .. واوصيك بمتابعة قسم التحليل واخذ اراء الاعضاء النخبة المشهود لهم بالامانة والخبرة .
اما عن رأيي في الوقت الحالي انا ارشح لك اسهم حلوة للمضاربة والله اعلم وهي :
ناقلات
الخليج الدولية
بروة
ويمكن الريان مرات :)

[أبوفارس]

يمكن متابعة سعر السهم عن طريق الانترنت ...او من مبنى البورصة او شركات الوساطة...وأنصحك تتابع التداول لفترة لا تقل عن شهر ....وممكن تبدأ عمليات شراء وهمية (بس في بالك ) خلال الشهر علشان تجرب وتشوف..وكمان حاول ما تدخل براس مالك كله دفعة واحدة....وربنا يوفقك:nice:

[الدانه22]

اسمحلي اخوي بس انا اشوف جنه المبلغ اللي عندك صغير يعني حاول تحطه كله في سهم واحد عشان تقدر تطلع ربحك

واللي اعرفه هاليومين الناس شغاله عالخليج الدوليه تابعها وبتلاحظ هالشي

وافضل شي انك تشترك عن طريق المجموعه وتدخل بالنت وبتتابع بروحك وتسوي اوامر الشرى والبيع بنفسك ولاتستعجل والله يوفقك

[Mr.Abdullah]

جزاكم الله كل خير وماقصرتو

[ابو تركي]

الله يوفقك اخوي ان شاء الله ممكن اتابع السعار من مبنى البورصة او عن طريق الانترنت او شريط الاسعار بالتلفزيون واوصيك ان تقسم مالك ثلاث اقسام قسم استثمار وقسم مضاربة والباقي احتفظ به للمضاربة
ومن وجهة نظري ارشح لك اسهم للمضاربة والله اعلم هي الخليج الدولية
مصرف الريان ’ مواشي , الاسلامية

[البركان]

مبلغك قليل

افضل سهم لك مواشى الشراء اقل من 11 والبيع بعد تحقيق ريال ربح


عشان تحس انك حققت ربح لكن اذا نزل الله يعينك

[الوعد2016]

بالتوفيق ان شاء الله لك