دراسة الماجستير في البحرين.........؟؟؟؟؟

[الكونكورد]

السلام عليكم ورحمة الله وبركاته

سلااااااااااام
احببت ان اسئل عن جامعة العلوم التطبيقية +الجامعه الخليجيه في البحرين
هل هي معترف فيها هنا عند ربعنا في الدوحه.........:telephone:
هل سبق وان تم الاعتراف لشهادات احد الاخوة من قبل.......؟؟؟؟

واستفسار اخير لوسمحتم...:
احيانا اميل للدراسة في لندن لكن ظروفي الاسرية والعملية لاتسمح كثير
فهل فية برامج تتنساب مع ظروفنا يعني ست شهور مثلا او برامج تعد رساله فقط
اي فكرة تتيح لنا اخذ الماجستير وتكون مقبوله هنا مع التزامي في الفترة الاولي ببرامج
اللغه...يعني الله يعيني على الانجليزي والمعهد كم شهر.....؟؟؟
وهل شرط التوفل والايلس ظروري في كل الجامعات....؟؟

يالربع ارجوا المساعده لاهنتم

[جمال العبدلي]

جامعة العلوم التطبيقيه مقرها الرئيسي الاردن وهي جامعة خاصة واحد من ربعي درس فيها قانون وخلص بكلريوس وكمل ماجستير بس للحين باقيله يقدم رسالة الماجستير .. الحين هو توظف بشهادة البكلريوس وتم قبول شهادته وتوظف بوظيفة حكومية تتبع وزارة العمل وتم الاعتراف بشهادته .. هذا والعلم عند الله يمكن اتكون هناك محسوبيات في هالامور الله اعلم

[almulla]

يقولون وايد شباب يشترون شهادات من هناك

[مزيون الدوحه]

جامعة العلوم التطبيقيه مقرها الرئيسي الاردن وهي جامعة خاصة واحد من ربعي درس فيها قانون وخلص بكلريوس وكمل ماجستير بس للحين باقيله يقدم رسالة الماجستير .. الحين هو توظف بشهادة البكلريوس وتم قبول شهادته وتوظف بوظيفة حكومية تتبع وزارة العمل وتم الاعتراف بشهادته .. هذا والعلم عند الله يمكن اتكون هناك محسوبيات في هالامور الله اعلم

اخوي نزل اعلان في الجريده من فتره من جامعة العلوم التطبيقه في الاردن
ويقولون في الاعلان بأن ليس لهم اي فروع اخرى في اي دوله .

واكيد المقصود ان الجامعه الي في البحرين لاتتبع لهم

والله اعلم

[khaldoon]

اخوي جامعة العلوم التطبيقيه هي بالاردن و مخرجه 12-13 فوج للحين و معترف فيها بقطر و وايد ناس اعرفهم درسوا فيها و يشتغلون لا بواسطه ولا محسوبيه

بس بخصوص الماجستير فيها فما عندي علم

[الكونكورد]

يالربع انا سئلت عن افرع البحرين.............حد عنده خبر

اما العلوم التطبيقية نعم اعترفوا هنا في الدوحه لشباب لكن اعتقد مافية ماجستير....؟؟؟؟
لكن ابحث عن اللي في البحرين

ودمتم

[Affable Lady]

يالربع انا سئلت عن افرع البحرين.............حد عنده خبر

اما العلوم التطبيقية نعم اعترفوا هنا في الدوحه لشباب لكن اعتقد مافية ماجستير....؟؟؟؟
لكن ابحث عن اللي في البحرين

ودمتم


أخوي المجلس الأعلى للتعليم .. لا تتضمن قائمته للجامعات المعترف بها أي جامعة عربية
وحتى جامعات البحرين غير معترف بها .. إن كانت مقر رئيسي أو فرع من جامعة عريقة.

وما أعلمه إن البنوك وبعض المؤسسات الخاصة لا تطلب التصديق على الشهادة .. وبالتالي الاعتراف ليس ذو أهمية... فيمكن لمن يرغب أن يدرس بأي جامعة يشاء.
يعني ..
عليك تسأل جهة عملك إذا كان تطلب هذا التصديق أو لا ..
وطبعاً الدراسة بتكون على حسابك .

موفق إن شاءالله :victory:

[الوعد2016]

بالتوفيق

[سهم مديون]

ادرس والباقي على الله !

[Abdulla Ahmed]

أسأل الله ان يوفق الجميع وهناك تنويه ينبغي الإنتباه له

عبارة ( الباقي على الله ) لا تصح


سؤال:
ما مدى صحة عبارة بذلت ( قصارى جهدي والباقي على الله ) ؟.

الجواب:

الحمد لله


هذا القول لا يصلح لأنه يعني أن الفاعل اعتمد على نفسه أولاً .
لكن القول : ( بذلت جهدي واسأل الله المعونة ) هذا الصواب ، وهذه العبارة : ( بذلت جهدي والباقي على الله ) ربما يريد بها الإنسان هذا المعنى الذي ذكرت أي ما استطعته فعلته وما لا أستطيعه فعلى الله ، ولكن أصل العبارة غلط ، بل يقول : ( بذلت جهدي واسأل الله المعونة )

فتوى الشيخ محمد بن عثيمين رحمه الله في مجلة الحسبة العدد 50 ص 17

[khaldoon]

يالربع انا سئلت عن افرع البحرين.............حد عنده خبر

اما العلوم التطبيقية نعم اعترفوا هنا في الدوحه لشباب لكن اعتقد مافية ماجستير....؟؟؟؟
لكن ابحث عن اللي في البحرين

ودمتم

اغلب الناس اللي تدرس في الجامعات الخاصه مرحلة البكالوريس و حتى اللي يدرسون في الجامعات الحكوميه في الاردن يتجهون لاكمال الدراسه في الجامعه الاردنيه حتى تكون شهادتهم الاخيره المعترف بها لما لها من قوة و اعتراف مضمون

تحياتي

[الكونكورد]

سلاااااااام
تحية طيبة.............يالربع مافهمتم قصدي صح

المجلس الاعلى للتعليم هي جهه خاصه للبعثات الخارجية.....وبعثه لدولة عربية مافية
الا تخصصات معينة....ممكن

اما اذا اراد الشخص يدرس على حسابة الخاص فابكيفه لكن يكون من جامعه معترف بها
والجهه اللي مخوله بالاعتراف بها هي معادلة الشهادات وليس المجلس الاعلى للتعليم

والجامعات الحكومية العربيه معترف بها بشرط الانتظام....؟؟؟؟

بالنسبة للاردن قالوا لي اربع جامعات والبحرين اعتقد جامعه الخليج......لكن المشكلة
انها تشترط توفل او بعيدها اما في اربد او الكرك في الاردن...؟؟؟

الشباب اللي يدرسون في الاردن يدرسون على حسابهم وبعض الجامعات مش معترف بها
والبعض اعترف بها لكن مافي شي مضمون لان الاحبة هنا في معادلة الشهادات مايعطونك
اي شي....ورقه او موافقه...؟؟؟

وجهة نظري
لو بروح للاردن وبغط سنتين اروح لندن افضل....لكن ظروف الاسرية شوي عائق

فالخيار عندي البحرين
الجامعه الخليجية انا كلمة مديرة الجامعه وقالت ان الدوحة في طريقة للاعتراف قبل سنة تقريبا
وكثر الكلام على ان العلوم التطبيقية في البحرين معترف فيها......؟؟؟

ايش ميزة الدراسه في البحرين....فقط في الحضور ثلاث ايام في الشهر وممكن في سنة تخلص

بس باقي الاعتراف وكل ماراجعتهم قالو انتظر الشافعي هو في اجازة او مايردون على التلفون

المهم الان.......هل حد عنه خبر عن الجامعتين الخليجيه او التطبيقية في البحرين هذا هو السوال

سلاااااااام

[Bin Hood]

عندك جامعة نيويورك في البحرين المادة بـ 5000 ريال وهم 10 مواد

وكل سنة فيها 3 كورسات انت تحدد كم مادة بتاخذ

الدوام اعتقد يومين في الاسبوع بس هب متأكد

[almulla]

المجلس الاعلى خلو شي ماعترفوا فيه

من يوم مامسكوه الحريم وهو مب مترقع اخر شي مابيعترفون في هالحريم !

[ftaqatar]

اي استفسار انا حاضر

[wj3]

الشيخ بخصوص الجامعه الخليجيه غير معترف فيها واذا قالت لك مديره الجامعه انه قريب راح يعترفون هذيه كلام ماخؤذ خيره لانه المعرض للي صار من فتره انا رحت وسئلت مديره الجامعه وتمت اتفلسف علي واتقولي انا مكلمه ربيعه الكعبي وانشاءلله خير ويوم نشبت لها عدل قالت عندي عيال شيوخ وسفراء يدرسون عندي اتقولي يعني ذيلن مارايح يعترفون لهم قلت لها ذيلن واسطه تضمنين لي يعترفون لي في جامعه في قطر قالت لا اخر شي وللعلم الجامعه الخليجيه توها معترف فيها في البحرين من فتره بسطيه شلون تبي تتعرف فيها قطر

[الكونكورد]

اي استفسار انا حاضر

هل هي معترف فيه في الدوحة....خاص للدراسة الماجستير

فيه احد الربع درس الجامعه فيها........لكن ماجستير مادري

ايضا سوال
طريقة الدراسة والساعات وايام الدراسة في الشهر...........اذا تكرمت


سلاااام

[ftaqatar]

الكونكورد

الجامعه للحين مالها اعتراف رسمي في قطر

قبل فتره تخرج اربع طلاب قطريين وللحين ماعترفو بهم ولاكن انشاء الله متفائلين خير

لان كل مره يطلبون منهم طلب والشباب ماشاء الله عليهم جابو كل الطلبات واخرتها عذرهم يقولون مبنى

الجامعه صغير

وعلى فكره الجامعه يبنى لها الحين مبني كبير جدا وموقعه في المحرق

انا بنسبه لدراسه الماجستير

في الدراسه تكون يوم السبت وفيه قطرى يدرس ماجستير

والساعات تقريبا 33 ساعه

اما بنسبه لاعتراف الماجستير ماراح يتبين الخبر الا بعد مايتخرج دفعه

والتخصصات حق الماجستير هي :

كليه الحقوق _

برنامج الدبلوم العالي في القانون
برنامج الماجستير في القانون
برنامج الماجستير في التحكيم التجاري الدولي

كليه الاداره - توهم افتحو الماجستير قبل كورس

وهي

تمويل - محاسبه -

راح اتاكد من الباقي

________________________________

اما بنسبه للجامعه الخليجيه نصيحه لكل قطرى لاحد يدرس فيها لانها جامعه ماديه بحت ادفع تحصل الي تبي

وانا اعرف ناس وايد اطلعو منها

وبعدين عندهم اي تخصص تبي اي تخصص يطرى على بالك موجود عندهم بس ادفع

وعندهم دكتوراه وماجستير وكل شئ متوفر في هالفئلا الي الجامعه فيها