ايجار السيارات والشيك على بياض

[المخفي]

السلام عليكم

عندي من الاقارب سعوديين يبون أجروا سيارة والمكتب اخذ الجواز و طلب منهم شيك على بياض
ايش رايكم يا شباب هذا شيء روتيني

[q6ri_vip]

أي نعم الشيخ شي روتيني أغلب مكاتب الأيجار ياخذون شيك على بياض وعلى ماأظن دام أنه من المملكه بياخذون جوازه شي روتيني أو صوره منه .
لاتستغرب عادي . بس أهم شي خله ياخذ تأمين شامل أحسن له .

[الخيالي5200]

اخوووي هذي شروط أغلب مكاتب الاجار اما شيك على بياض او فيزا كارت

[الرايــق]

غريبة

قبل فترة استاجرت سيارة وموديل 2007 وتامين شامل بالجواز لمدة 7 ايام ودفعت مقدما بس 100 ريال !

وبدون شيك !

اتمنى حد يفيدك

[سعد]

انصحهم اخوي يروحون للمكاتب العالميه احسن واضمن

لان أي خلل في السياره غير الحوادث يعني خلل ميكانيكي راح يحملونهم التكاليف كاامله + وقفة السياره كل يوم في الكراج يعني الايجار شغال عليهم لين الله يشوف لهم.. وهذا صار معاي

لذللك انصحك بالشركات العالميه اللي تاخذ الكردت فقط ولا جواز ولا شي علشان مايصير التسحّب بعدين :)

[HEART_LION]

الشيك للسيارات الفخمه بس

اما السيارات العاديه يكتفي بالحجز فقط

والله اعلم

[adel-8]

انا نفس الموقف صار معاي لكن لي صديق يأجر السيارات مثل ما قالوا الشباب بصورة من الفيزا .

وعن نفسي اخذت سيارة اجار بالساعة مع السواق خلصلت فيها اشغالي .

[المخفي]

مشكورين يا أخوان على الردود ويعطيكم العافية

[Mody]

والله يا اخواني كل اللي يسوونه مكاتب الايجار خطأ في خطأ اولا ماله حق لا ياخذ جواز ولا شيك على بياض من المستأجر او العميل
هذا اسلوب متخلف وغير حضاري وساري فقط في المكاتب الصغيره واللي اكثرها صدقوني سياراتهم مؤمنه ضد الغير فقط وهذا اللي يخلهم يسوون هالشكل

والدليل اي شخص من اي جنسيه يروح عالمكاتب المعروفه عالميا ما يلقي هالسوالف اولا لكون كل السيارات مؤمنه تأمين شامل وثانيا يجب على المؤجر انه يكون عنده كرت الفيزه يشخطونه وخلاص مثل اي مكان تأجير محترم في العالم - جربوا كلامي وروحوا على مكاتب التأجير المحترمه اللي في الدوحه مثل أفيس وبدجيت وأنتربرايز ودولار وألامو وغيرهم الكثير

بس الظاهر بعض المكاتب ما تواكب التطور المحلي والعالمي - هذا احنا كلنا نأجر في الامارات والبحرين والكويت مثلا وما صادفنا هالشي ابدا وصدقوني أأجر سيارات راهيه من قلب لكنها كلها مؤمنه تأمين شامل وفوق الشامل بعد وأكيد توافقوني الراي

والله من وراء القصد والله بالهدايه لمكاتبنا وترتيب اوراقهم المبعثره

[مجرد احساس]

انا من رائي الواحد لاياخذ على شيك بياض في مكاتب واجد تقبل الحجز عن طريق الفيزا واترك المكاتب الي تتطلب شيك بياض عسى ماشر بياض يعني لو كتب مليون محد بيقوله شي