وش في الهند زين ... ابغي تجاربكم ... ونصايحكم

[غناتي1]

وش في الهند زين ... ابغي تجاربكم ... ونصايحكم

--------------------------------------------------------------------------------


السلام عليكم

انا بأذن الله بأسافر الهند ((رحلة تجارة ))

بس ما اعرف وش ممكن اشتري من هناك

وبينفعنا او بيمشي سوقه عندنا في الدوحه

اللي جرب من قبل يا ليت يفيدني ويدلني على

اسماء المحلات او المصانع على اساس تكون ارخص

وبعد ابغي اعرف اسماء الفنادق النظيفة واسعارها

اذا عندكم فكرة

وآخر طلب .. ابغي اشتري خواتم وعقود ,, وين الاقيها

وعلى كم تقريبا اسعارها.. وفالكم الجنة

[العقـرب]

عود ودهن العود والحرير وغتر الشال
اما العناوين إن شاء الله من عيوني
الله يوفقك أخوي

[ح.الملا.ح]

وانا اضم صوتي مع اخوي العقرب

دهن العود والعود وغتر الشال

واذا انت عندك خبره بالعود ودهن العود والمسك بإذن الله راح تتوفق

تحياتي لك بالتوفيق في رحلتك

[شمسة]

جميع فنادق كولابا ممتازة ، لآنها منطقة تجارية وسياحية، إليك رابط الفندق :
Welcome to Ascot Hotel - Colaba - Mumbai
والرابط التالي يعرض صور للفندق:
Dental Tourism India, plan your dental trip, dental query, medical history, travelpackage
أماكن التسوق و الترفية في بومباي :

شارع COLABA ..
فهو الشارع الاول للخلجيين المتسوقين .. وهو عبارة عن محلات تجارية وأكشاك وبه مطعم دلهي دربار و ماكدونالد
(ملابس(رجالية/نسائية/ولادية) - شنط واكسسوارات نسائية - اكسسوارات منزلية - مفارش-عطور عربية-جلابيات-جلديات)

3- هريس (جلابيات عربية)



بالتوفيق.

[غناتي1]

فديييييت عيونكم وش هالتجاوب السريع

بعد من عنده معلومات ثانية عن اسواق الاقمشه السواري

وين الاقي محلات المجوهرات واللولو والاحجار

[التيما]

كان ودي افيدك بس انا ماذكر فيها اسامي المحلات صراحه .. بس اذكر ان ابوي كان يتحندا لانهم يبالغون في الأسعار واايد انا قعدت في بومباي في فندق تاج محل ومن زمان مو من تو .. بس الإخوان بيفيدونك إن شاء الله

[الملكي 111]

اخوي عندك الجاكيتات الجلد والشمواه حلوه واسعارها احلى لكن طبعآ هذا مش وقتها

وبالنسبه للفنادق اذا في بومبي فندق شيرتون جدآ راقي

وياليت ياخوي تنسق مع القنصليه القطريه اللي في بومبي على شان يستقبلونك ويدلونك على كل اللي تبيه

تقبل تحياتي

[غناتي1]

ههههههههههههههه عاد القنصلية ما همهم الا غناتي

يستقبلونه ويدلونه ع المحلات00 ليش هم فاضيين لي

بس ابغي محلات تكون اسعارها مناسبه حتى لو بالجملة

واركز على محلات المجوهرات واللولو والاحجار

شاكر ومقدر لكم تجاوبكم معاي00 فالكم الجنة

[التيما]

ههههههههههههههه عاد القنصلية ما همهم الا غناتي

يستقبلونه ويدلونه ع المحلات00 ليش هم فاضيين لي

بس ابغي محلات تكون اسعارها مناسبه حتى لو بالجملة

واركز على محلات المجوهرات واللولو والاحجار

شاكر ومقدر لكم تجاوبكم معاي00 فالكم الجنة

اخوي ترى القنصليه ما يقصرون واحنا مجربينهم بكذا دوله انت مرهم وايالهم عن الأماكن والمحلات والتجار والمصانع وبتشكرهم .. :nice:

[غناتي1]

اشكرك التيما 000 بس استحي احس انه عيب اروح

لهم عشان اسالهم عن المحلات00 مشكور

ان شاءالله باقي الاعضاء يتفاعلون معاي ويدلوني

[الماسه79]

بصراحه انا زرتها وما اتمنى ارجع ازورهاااااااااااااااااااا للابد انواع التلوث على اصوله ...

موفق بسفرتك

[بوغزلان28]

رحلــــة موفقـــــــــة ان شاء الله

[ام السعف]

الله يوفقك أخوي في سفرتك
وتجيب لنا كل شي جديد وزين بس بأسعار زينه

[Fine Touch]

بالنسبه لأشياء الحريم...أنه اظن الحرير الهندي "الشنتون" بكون ووايد مطلوب و خاصة لما تكون الالوان حلوه ....او ممكن اتيييبين قطع الساري المشكوكه بالشك الراقي النظيف مع الاكسسوار (المظاعد والزميم...إلخ) ...مثل الافلام الهنديه :dance

[QtrTrd]

اخي الكريم اتمنى لك التوفيق في هذه الرحله

وانصحك بعدم الذهاب الى بومباي لان هناك الكثير من المناطق في الهند اجمل وافضل من بمبي

المقصد ان تتجول اي بقصد السياحه والتجاره

بامكانك الذهاب الى حيدر اباد حيث اهل هذه البلده مسلمين وعلى تمسك بالدين
وتجد في اسواقهم المشهوره بالاحجار الكريمه والمجوهرات والكثير غيره مماتتمناه ان شاء الله
وتجد الكثير من المناطق الاثريه والمناطق الجميله السياحيه

اما بالنسبه لكيرلا فاهلها ايضا مسلمين وبها مناطق قمه في الروعه والجمال
وتجد عندهم انواع الشاي وانواع البهارات العديده ومختلف البضائع

اتمنى اني افدتك

ولاي سوال او استفسار انا حاضر

وشكراً

[غناتي1]

عقدتوني ما حد مدحها لي

يا جماعه انا ابغي السوق

ملاحف= كفرات = سواري = جلابيات

[ابو مشعل]

بالتوفيق

[الملكي 111]

ههههههههههههههه عاد القنصلية ما همهم الا غناتي

يستقبلونه ويدلونه ع المحلات00 ليش هم فاضيين لي

بس ابغي محلات تكون اسعارها مناسبه حتى لو بالجملة

واركز على محلات المجوهرات واللولو والاحجار

شاكر ومقدر لكم تجاوبكم معاي00 فالكم الجنة


مرحبا اخوي

ترى الحكومه ماحطت القنصليه الا لتسيير امور رعاياها

بعدين انصحك اخوي لوجه الله لاتروح بومبي بدون ماتكلم القنصليه وتخليهم يستقبلونك

لان اهل قطر طاحو في مشاكل كثيره في بومبي مثل السرقات وقطاعين الطرق لان الطيارات

اللي تجي من الدوحه توصل عندهم الفجر تقريبآ الساعه 2 الفجر ويكون صاحب التاكسي

متفق مع عصابه مسبقآ .

القنصليه القطريه اللي في بومبي ماتقصر ابد وسئل مجرب

وبالتوفيق

[ح.الملا.ح]

اعتقد التجاره الي انت تبيها بتحصلها في الصين ومتوفره اكثر واحلى من الهند

هذا رايي

[classic2004]

انا الوالدة راحت علاج هناك ..
وكانوا مخصصين لهم سياره ... واللي يبونه يحصلونه ..
بالعكس عادي اسالهم اي شي ...وما بيقصرون

[شاهين]

اخوي عندك الجاكيتات الجلد والشمواه حلوه واسعارها احلى لكن طبعآ هذا مش وقتها

وبالنسبه للفنادق اذا في بومبي فندق شيرتون جدآ راقي

وياليت ياخوي تنسق مع القنصليه القطريه اللي في بومبي على شان يستقبلونك ويدلونك على كل اللي تبيه

تقبل تحياتي



:nice::nice::nice:

[بو(أحمد)]

بالتوفيق

[غناتي1]

جزاكم الله كل خير

وفالكم الجنة كلكم

[الفنان]

انصحج تودين معاج جبن كرفت وتونه من الدوحة

[غناتي1]

هههههههههه 00 ليش يا الفنان جبن وتونه بالذات

[المنشــــــر]

توكلي على الله

بلاد رخصية بس كثري من الربيات في شنطتج !!
المساكين (( الطراروه )) بيسندرونج


وعليج بالغتر الشااااااال ترى سوقها ماشي في الشتاااا
واذا مافيه كلافة جيبي معاج 2 لي وحطي عليهم فايدة بس بشرط تكون تورمان ...

وعسى الله يسهل دربج

[غناتي1]

اشكرؤ مروركم

[nice-meme]

مثل ما قالو اخواني الاعضاء يمكن تتوهقين في الاكل هناك ..

لكن هناك بتستانسين على اسعار الاكسسوارات و الاشياء الثانية

لمي لج كمية كبيرة عشان ما تحتاجين لما تردين

سفرة ممتعه

[عذب الكلام 1]

الهند بلد كل شي فيها احسن شي عندهم الحرير والدهن العود والاوانى النحاس واشكال واللوان ورخيصه

[غناتي1]

مشكورين -- تدرون شاللي عجبني في الهند

تشكيلات الذهب والالماسات والاحجار الكريمة

[فارس قطر333]

وغتر الشال كثري منهم لانه الشتاء ياي

بس اهم شي الالوان المرغوبه

[غناتي1]

انزين ما عندكم عناوين للاسواق والمحلات هناك

[ذات]

غناتي

بشر رحت الهند ؟؟

[غناتي1]

بووووووووووووه 00 الموضوع قديم يا بومحمد

لا والله يا اخوي محد عطاني عناوين في الهند

غيرنا الوجهه وسافرنا لندن

[ذات]

قديم !!! ؟؟

انت تسأل لي 14-11-2008 يعني لي اخر 2008 .. يعني اكيد عالاقل بتروح بعد هالموضوع بشهرين


لان مو معقوله تحط موضوع في شهر 11 - 2008 تسأل فيه عن ديره وتسافر ثاني يوم

انا قلت يمكن رحت بداية هالسنه او حتى توك ياي <<<< ادري طولتها بس بووووو شككتني قلت لايكون احنا في 2010 ؟؟

خبرك الايام تركض ومانحس .. فكل شي جايز

اللي يسمع بووووووو يقول موضوعك في 2000 ههههههههه

[غناتي1]

قديم !!! ؟؟

انت تسأل لي 14-11-2008 يعني لي اخر 2008 .. يعني اكيد عالاقل بتروح بعد هالموضوع بشهرين


لان مو معقوله تحط موضوع في شهر 11 - 2008 تسأل فيه عن ديره وتسافر ثاني يوم

انا قلت يمكن رحت بداية هالسنه او حتى توك ياي <<<< ادري طولتها بس بووووو شككتني قلت لايكون احنا في 2010 ؟؟

خبرك الايام تركض ومانحس .. فكل شي جايز

اللي يسمع بووووووو يقول موضوعك في 2000 ههههههههه




تسلم يا بو محمد 0000

بس سؤالي كان في وقت الأجازة والصيف 00

قلنا نأخذ لنا من هناك أثاث يمدحون الخشب والنحت 00 وقلت مرة واحدة اجيب لي تجارة

لكن ما الله راد 00 وغيرنا الوجهه

وانا الحين ترى صار اي سنتين وانا أنوى على السفرة للهند وما تساعدني الظروف

مع انا تعرف سفيرنا في الهند وندري انه ما راح يقصر معانا 0

مشكور يا بو محمد مرة ثانية على اهتمامك بالموضوع

[غناتي1]

نسيت أقول لك ان موضوعي حاطه في 16 - 7 - 2008 م

يعني في فترة الصيف مش في التاريخ اللي ذكرته شهر 11 - 2008 م

عشان كذا انا قلت بوووووووووووووووه

الموضوع صار أزيد من ال 9 شهور 0

[عـيـون قـطـر]

الموضوع بتاريخ : 16 - 7 - 2008 م وشلي ارفعه فوق:omg::omg:

[ذات]

اخوي غناتي
اخوي ادري بتاريخ الموضوع .. انا قلت انك تسأل لحد تاريخ 14-11-2008, حتى هذا كان سؤالك في هالتاريخ

انزين ما عندكم عناوين للاسواق والمحلات هناك

اسمح لي اعتذر عن طريقتي معاك

بصراحه ماشفت مثل اخلاقك بارك الله فيك

وانا رفعت موضوعك لاني باروح الهند هالصيف اذا لك خاطر حياك :)

[وحش قطر]

يمدحون تجارة المانجو

مرة واحد من الربع جاب معاة كمية تجارية

ربح من وراها 50.000