استفســـــار عن أحســــن مكـــان في قــــطــر - للبنات -

[ذوق]

السلام عليكم ورحمة الله وبركـاته

خواتي الغوالي...بغيت استفسر منكم عن أحسن مكــان في قطر يسوي

( تان للجسم ) =(تسمير للجسم)

وأيضـآ في البحرين..وياريت يكون مكـــان مضمون ومجرب

وشكرآ

[اعالي الجنان]

ذوووق شسالفة الايام ذي ههههههه

والله ماعرف يختج وان شاءاالله تلاقين طلبج

[ذوق]

ذوووق شسالفة الايام ذي ههههههه

والله ماعرف يختج وان شاءاالله تلاقين طلبج

شسوي يوخيتج....الناس إجـازه وطـاري أتفرغ لروحــــي ههههههههخخخخخخخ :shy:

الشرهه علي إلـي سألت عندكم هفففف:thumbdown:

[انا احساس]

احب البياض :)

تبين طريقة تسوينها بنفسج وحده معاي مسويه وطبعا لازم بحر واشياء ثانية ..

بالتوفيق

[مستثمره جديده]

حطي على ويهج كريم خاص بالتسمير وخذي لج مجله ولا جريده وقعدي فوق السطح

يوميا لمدة ساعه شرط مب تصيرين سمرا وبس اللا بلون الكاكاو

ملاحظه <<< هذه الجهه غير مسؤوله عن الاضرار التي ممكن ان تحدث لك من ضربة الشمس

:victory:

[VIPLady]

سويه بروحج بالبيت ويطع روعه وخاصه الحين الجو صيف فيعطيج لون جدا راقي وغرريب

اخذي من شركه Lancaster - self tan وفيه بخاخ وفيه كريم
خذي البخاخ اسهل و تحطينه على جسمج على حسب درجه اللون الي تبيها ..
والي حق الويه والرقبه غير عن الجسم
فيه في محلات الميك اب. انا اخذه من ميرش ..وحتى سيفورا عندهم واسالي الي تشتغل هناك اكيد بتعطيج تفاصيل اكثر و شلون طريقه الاستعال بالتفصيل ..
جربيه يمكن يعجبج اسهل واحلى .. لا تروحين ولا تضيعين كم ساعه من وقتج في صالون ما صالون.
وهذا ميزته اي وقت تبيه يصير و يتم لج تقريبا اسبوع على ما يرد لونج العادي..

وايد راقي جربيه بيعجبج

[غناتي1]

ناس يبون يبيضون وناس يبون يسمرون

سبحانك يارب ما أعظم شانك ...

روحي البحر يوميا وشوفي النتيجة

[وطن]

ماعندي خبره بالهالموضوع
لاني ما احب التاننغ
بس تقدرين تسوينه في البيت مثل ما قالوا لج
فوق السطح

كريم تسمير
وشوية شمس

بس طبعاً اختاري الوقت اللي تكون الشمس فيه خفيفه
مو الوقت اللي تكون فيه الأشعه ضاره وايد

في بنات يروحون يتشمسون في الثريا اللي في سلطة
لان المكان مسويين فيه خصوصية ورافعين السور ماله

[فلفل حار]

طلبج اغرب من طلبي عن اللوز !

الله يوفقج:secret:

[كاتم الاسرار]

ناس يبون يبيضون وناس يبون يسمرون

سبحانك يارب ما أعظم شانك ...

روحي البحر يوميا وشوفي النتيجة


:victory:

[ذوق]

thankx all

[غناتي1]

هاه بشري اسمريتي او بعد

[juliet]

حبوبه اول شي كان في جهاز تان في جولدز جم تسوين 5 جلسات كل جلسة نص ساعه
بس على حسب علمي ان الجم سكروه ..

وعندج في الرويال بلازا في نيلز في جلسات على 220 ريال تحتاجين جلستين او ثلاث

واخر طريقة تنامين تحت اشعة الشمس ,, طبعا ما بين 9 الصبح لين ال11 لان بعدين الشمس قويه
وتاخذين كريم من لانكستر أو اسرع شي البيبي اويل تدهنين فيه جسمج وياخذ اللون على طول
وعندج بعد كريم من نيفيا عليه صورة الجزر للتان موجود في دسمان وكارفور
واذ كنتي ناويه تطلعين للشمس شربي قبلها عصير جزر وطلعي عشان ترفعين نسبة اللون في جسمج
ولا تتشمسين اكثر من نص ساعه لكل جهه ولو حبيتي اتواصلين ادخلي اسبحي وكرري نفس الشي وطلعي

وان شاء الله اكون ساعدتج :)

[ذوق]

تسلمين يالغاليه...شكلي من لانكستر احسن شي

لأني شفته على وحده وراااااااااقي صراحه

[ANONYMOUS]

زين شوفو لي كريم يخليني ابيض الق

انا حاليا بني فاتح.. او بيج.. والله مادري

لوني لون عرب

:shy:

[ba7rainia]

هلا اختي..

في البحرين
صالون الفردوس يسوون التان رووعه
بس قبل التان لازم تسوين تقشير حق جسمج عشان كل المناطق تاخذ اللون بنفس الدرجة

[ام يوسف]

حبيبتي ذوق بالبحرين تلقين التان
في صالون تارا واذا تبين رقمه
بدزه لج على الخاص

[ذوق]

خلاص تسلموون حبايبي ... خذت تان لانكستر وبنجربه .. أدعووولي >> شدعوه داشه إمتحان هههخخخ

[VIPLady]

خلاص تسلموون حبايبي ... خذت تان لانكستر وبنجربه .. أدعووولي >> شدعوه داشه إمتحان هههخخخ

بيطلع نايس انشالله
قولي لنا شلوووووووووووووون النتيجه اوكي :)