فلتر ريس والفحص الفني .............

[المجروح81]

السلام عليكم

اشحالكم يالربع
حبيت اسئلكم
الموتر اذا كان عليه فلتر ريس وغرفه العازل حق الفلتر هل يمشي في الفحص الفني ولا يسقط
وهل فيكم راح الفحص والموتر عليه فلتر وردوه
وتسلموووون

[رقم مميز]

يمشي اذا نظيف الفلتر

حتى الهدرز يمشي بعض المرات


هذا من تجربه شخصيه مرتين نيسان وجي

[المجروح81]

يمشي اذا نظيف الفلتر

حتى الهدرز يمشي بعض المرات


هذا من تجربه شخصيه مرتين نيسان وجي

تسلم اخوووي عالرد

[الحـــوت]

انا رحت بفلتر ريس وردونى الفحص الفنى

[cartier]

انا رحت بهدرز وفلتر ومشوني عادي بس الفحص الفني الي في الخيسه يعني من 3 سنين يمكن اكثر او اقل مااذكر

[abdulaziz_2004]

انت وحظك بس فلتر ريس يمكن يردونك

[راعي ال2008 الاسود]

اخوووي هاااي قبل واللول تحول الحين اظنة ممنوع نزل الفلتر ودة بدون احسن

[فلفل حار]

اخوووي هاااي قبل واللول تحول الحين اظنة ممنوع نزل الفلتر ودة بدون احسن

:nice:

[بوحارب]

وعليكم السلام

بخير الله يسلمك

ود الموتر وجرب حظك

المجروح ما تخبرلي هدرز حق تويوتا96

[راعي ال2008 الاسود]

بل بوحارب اختربت قمت تدور هدرز حق كحيلان يعيني عليك

[بوحارب]

عرس واحد من الربع قريب والرجال يعز علي

مب مسوي شي بس بشير ^ ـــ ^

[The Blade]

اخوي قبل اخبر الشباب ايام الصيه دبه وفلتر ومخفي كامل عادي الحين
اذا مخفي على الموتر ومافيه تصريح للجامات الي ورى يردونك :)
يعني اقصر الطريق على نفسك ونزله وترى ماتضهر 40 ولا 50 ريال على التنزيل والتركيب
وفي حفظ الله

[وحيد-الشوق]

وعليكم السلام

بخير الله يسلمك

ود الموتر وجرب حظك

المجروح ما تخبرلي هدرز حق تويوتا96

اقول بوحارب خلي بالك من دراستك وانجح لاتفشلنا :anger1:

[الخارجية]

نزل الفلتر

[نيساني]

فكسار هدرز كامل الدبه الاخيره شركه وعدى من الفحص والصوت واضح اشلون مادري

[جاسم القطري]

موتر اخوي جي اكس

عليه فلتر ريس

والزجاج الامامي في شلخ كبييير

وطاف الفحص

ولا تسألني شلون وليش

[راعي النيسان]

من اسبوعين بالضبط مودي الفتك ،، ومجدد استمارته وعليه فلتر ريس .. وطاف جنه العيد ولا احد تكلم ولا احد قالي شي ( فحص الصناعية ) .. بعدين اساسا الفلتر حسب ما اظن مافيه مضرة على السيارة والسلامة المرورية ،، لانه وظيفة الفحص الفني التحقق من مطابقة السيارة لقوانين المرور والسلامة المرورية ،والتأكد من أنه السيارة صالحة للاستخدام وأمنة بالطرق ، وفلتر الريس يتم بالنهاية اسمه فلتر هواء حالة حال فلتر الوكالة ، وهو غير لما تجي السيارة مركب عليها تربو وسوبر شارج وهيدرز ودبات صوت ..

بس عموما يقولون الفرج جاي قريب .. الكل راح يقدر يركب هذه السوالف على سيارته مقابل رسوم مالية واشتراطات قانونية صارمة :nice::nice::nice:

[DW4]

أدفع 100 ريال حق المصري البرع وبتمشي بذن الله

[الوفـى طبعي]

هههه اخوي انت مكبر الموضوع الله يهداك

في البيت نزل الفلتر وعقب رد ركبه

شدعوه ماتعرف تركب فلتر وتشيله

ان شاءالله يمشونك

[شبربوش]

مرتين فاحص والفلتر موجود على الموتر والحمد لله عده من الفحص

[بوسلطانH]

العام واحد من الربع ود موتره عليه كاربريتر وهدرز كامل بدون صوت بس نزل نسبت الكربون قبل لا يوديه..
و بالتوفيق

[H A S S A N]

انا رايح شهر 5 وعلى موتري فلتر كتب لي في التقرير خطئ بسيط ومشاه