بخصوص فندق أجنحة السيـف الي بالبحرين

[ذوق]

السلام عليكم ورحمة الله وبركـاتـه

أخواني الأعضاء بغيت أستفسر بخصوص فندق أجنحة السيـف الي بالبحرين...هل تنصحوني فيها؟

وكم أسعارها تترواح؟

لأن أحنا عائلة ب٨ أشخاص...في ظنكم كم غرفه نحجز

وإلـي عنده يتوسط لنا بخصم خـاص لنـا لا يبخل علينا لوووول :telephone:

وشكرآ :shy:

[سهم بن سهم]

اخوي تبي نصيحتي

احجز واسكن في شقق الدبلومات الفندقية ( فندق الدبلومات ) شقق كبيره وواسعه وتكفي لـ8 اشخاص :victory:

روح حق مكتب تورست في الدوحه واحجز من عندهم ارخص لك ( 1700 ريال ) غرفتين وصاله ( الغرفة الرئيسية السرير كبير ويرقدون عليه 3 اشخاص بالراحه دبل كنج سايز ) :)

الغرفة سريرين مفصولين وكبار وصاله الكنب ممكن يكون لك سرير 0 صاله كبيره 0

شوف الشقة واسعة جدا يعني تلعب كوره في الغرفة ولو بغيت ترقد على الارض ترقد عشر اشخاص :nice::nice:

الشقة راقية جدا كانك في الريتز كارلتون واااايد راقية والمنظر جميل من البلكونه تطل على تقاطع شارع الفاتح وجسر المحرق


:victory:

[ذوق]

يا هلا أخـوي تسلم الشيخ على المداخله..بس لأني مرتبطه مع نـاس بيسكنون معـانا بنفس الفندق :)

عشان جذي حبيت أستفسر

أحمم وللعلم أنا وحده مب واحد :)

وشكرآ

[alwahesh]

انصحج بفندق

قصدي لاند مارك للشقق الفندقيه وسط شارع المعارض والجمعيه على بعد امتار والمطاعم تروحين لها مشي

وحتى الحلوى والمتاى والدرابيل متوفره

والكورنيش قريب

للعلم الايجار اليومي تقريبا 500 ريال والفندق جديد

[الســـهم]

اذا بهالعدد ما شاء الله ..

انصحكم تسكنون باليت رويال في الجفير ..

عندهم شقة بـ 3 غرف ..

شققهم نظيفه ويكفي انها للعائلات فقط ..

السعر مايتعدى 1100 ..

[ذوق]

تسلمون على المداخلات...بس انا أستفساري واضح عن اجنـحة السيف

وشكرآ :)

[قطر95]

الشيخة أجنحة السيف شقق فندقية تابعة لمجموعة اليت وهي شقق راقية وعائلية أنا ماسكنت فيها من قبل ولكن حاولت أسكن فيها وكان حجزها فل فاللي عليج تسوينه أنج تحجزين من الدوحه بيطلع لج أرخص بوايد من الحجز في البحرين مري على سفريات توريست أو سفريات المتحدة في الغرافه وأحجزي عندهم لأن أجنحة السيف عادة فل بوكينغ وخاصة هالأايام وفي الويك اند وان ماحصلتي انصحج باليت جراند شقق فندقية تابعه لمجموعة اليت نفس شقق أجنحة السيف بالضبط والمسافة بين أجنحة السيف واليت جراند دقيقتين بالسيارة يعني اقل من كيلو متر واحد لانهم في نفس المنطقة اللي هي ضاحية السيف وأنصحج تحجزين شقتين بتكفيكم أعتقد أسعارها من الدوحه ماتتعدى ال800 او 900 ريال

[الهاوي28]

اختي انا مره كنت رايح مع زوجتي البحرين

واضطريت اسكن فيها لاني وصيت عيال خالي يشوفون لي فندق ومالقو لي غرفه

المهم اني سكنت فيها

وكانت ليلتها تقريبا حول ال 600 ريال

لكن وشو الشقق الله بالخير مافيها شيء عدل والحمام الله يعزج يخر من كل صوووب

غير المكيف الي في غرفه النوم الي مايبرد كلش والفرش قديم تقولين جايبينه من سوق الحراج

[shagrh]

صح هو تابع للاليييت بس ماانصحج فييه اختى

وبعد لا تسكنين فى شى بشارع المعارض