اخواني العمانيين ( نيتي الجاية على صلاله ان شاء الله ) ممكن الدخول

[عليان قطر]

مساء الخير

وكيف الحال

ودي اسئلكم وما خاب من سئل



ارغب في تجهيز نفسى للسفر لصلاله بسيارة لكن



متى الوقت المناسب للصلاله
ما هي الاماكن السياحيه ( هل من الممكن الحصول على الخريطة السياحية )
ما هي الفنادق الجيده للسكن
اي الطرق اسلك ( هل من المفرق ام من العين ام ..........)
كم اقدر ميزانية تكفي لأسبوعين ( لا تنسو نحن عائلة )

هل من الافضل ابات ليلة في مسقط وواصل في الليلة الثانية
ام هناك طريق مختصر سالك


هل الخدمات موجوده على طول الطريق


وفي النهاية

فأنتم ستخدمون شريحة كبيره تتنظر ايجابتكم عليها

اخوكم

عليان قطر

[ولد منصور]

السلام عليكم ورحمة الله وبركاته


بالنسبة للوقت أخوي عليان فأفضل وقت شهر 8 ويكون خريف صلالة من أجمل مايكون في هذه الفترة.
أما يانسبة للميزانية فأتوقع 10000 راح تكون كافية وبزود لأن الصرفية تعتمد في الغالب على المكان اللي راح تسكنه وأتوقع بالكثيرمن 250 - 400 ريال الليلة أما بالنسبة للمأكل والمشرب فلا تحاتي كل شي رخيص .
وبالنسبة لموضوع الأماكن فعندك أماكن كثيرة منها (وادي دربات - وادي نحيز - الوادي اللي على طريق الحق - منطقة شير - كهف المرنيف - نافورة المغسيل - عين أتوم - منطقة خور روري - عين صحلنوت - جبال أتين - عين جرزيز - ......) وأماكن كثيرة يمكن إني ناسي شي منها بس هذا مايحضرني وبالنسبة للأماكن فقبل دخولك إلى صلالة وعند المدخل بالتحديد وأنت في ثمريت تقد تاخذ الخريطة السياحية من المركز الموجود هناك.

وبالنسبة للطريق أخوي فيوجد في المرفقات خريطة أعدها أحد الأخوة من أهل السعودية ومايلزمك في الخريطة هو فقط من العين إلى صلالة .

واسمحلنا على القصور واذا عندك أي سؤال لايردك إلا السانك والوعد إن شاء الله في صلالة شهر 8

دمت بود

[ولد منصور]

السموحة ماعرف اشلون أصغر الصورة

[lalamar]

اشفيك ولد المنصور الله يهداك كبّرت الصفحه علينا

[ولد منصور]

اشفيك ولد المنصور الله يهداك كبّرت الصفحه علينا :eek5:
السموحة ياخوي اشفيك معصب وبعدين تعال وين حطيت ال التعريف حق منصور :anger1:

[المزواج]

تروح وترجع بالسلامه ياخوي ..
وإن شاء الله انا راااح احرك لصلاله على 1-8- ان شاء الله نلتقي :)

اما عن الطريق انصح انك تحرك من الدوحه الى العين مباشره وتريح في العين ليله وتحرك ثاني يوم من الفجر لأن طريق طويل تقريباَ 1025 كيلو من العين الى صلاله مع الاستراحات بالنسبه لوصف الطريق لاتحاتي لأن في مركز عمان الحدوي رااح يعطونك خارطه للطريق مثل الي حاطه اخوي ولد منصور .. وانصحك انك تعبي بترول في كل محطه ..
اما عن الوقت المناسب شهر 8 هو انسب وقت ...
اما عن الامااكن السياااحيه عند دخولك صلاله او في مركز عمان رااح يعطونك كتيبات وخريطة صلاله للأماااكن السياااحيه ...

واي استفسار انا حاااضر ياخوي لأن هذي المره الثالثه اروووح صلاله :nice:

[السد]

عن الفنادق
احسن لك
كروان بلازا وفندق الهيلتون

[عليان قطر]

جزاكم الله كل خير

والله شجعتوني

الكثير ينصحني ان اروح بطياره

بس السفر بالبر غرامي

تقريبا 1000 كيلو

يا خواك ما في المسرحيات هي اللي تسليك ع الخط

عموما

الف شكر لكم