أفضل جراح أسنان في سوريا ضررروري ؟

[Somoo]

السلام عليكم ورحمة الله
لو سمحتوا اللي جرب جراحين الأسنان في سوريا يقول لنا عن تجاربه
ومنهو أفضل جراح هناك ؟ .. ضروري جداً .. لأن سفرنا لسوريا بيكون يوم الأحد بإذن الله
ويا ليت بالمرة تقولون لنا عن الأماكن السياحية جنب العيادة

في انتظاركم

[lalamar]

اخوي يعني انت الحين بتروح سياحه وبعدين قررت انك مادام رايح بتعالج

والا شالسالفه بالضبط

لانه احنا ماسمعنا عن اطباء عدلين في سوريا وماسمعنا حد يمدح علاجها

[رآعي موآجيب]

بكره بأذن الله بطرشلك رقم دكتور ممتاز واسعاره معقوله

[Chambray]

اخوي يعني انت الحين بتروح سياحه وبعدين قررت انك مادام رايح بتعالج

والا شالسالفه بالضبط

لانه احنا ماسمعنا عن اطباء عدلين في سوريا وماسمعنا حد يمدح علاجها

اسمح لي يالغالي انت خبرتك محدوده في هالامور
افضل وأرخص اطباء الاسنان في الوطن العربي في سوريا ، وأرخصهم ايضاً ، فالناس تفضل الذهاب إلى سوريا وإيران لعلاج الاسنان ..

انصحك بزيارة سوريا لعلاج الاسنان وانظر إلى الفاتورة بالمقارنه مع الدول الاخرى وبالاخص العيادات الخاصة في قطر !!!

[ســـهم]

افضل دكاتره اسنان بعد الالمانيين هم السوريين

وشهاداتهم كلها من المانيا

قبل شهر كنت هناك وشفت شباب مسوين ضروسهم كلها الظاهر حتى اللوز ماخلوها :)

عند افضل عياده على حسب كلامهم ولكنها تعتبر أغلى العيادات في سوريا وبالحجز

بشوفهم وباخذ الرقم منهم ان شاء الله ..

[lalamar]

اسمح لي يالغالي انت خبرتك محدوده في هالامور
افضل وأرخص اطباء الاسنان في الوطن العربي في سوريا ، وأرخصهم ايضاً ، فالناس تفضل الذهاب إلى سوريا وإيران لعلاج الاسنان ..

انصحك بزيارة سوريا لعلاج الاسنان وانظر إلى الفاتورة بالمقارنه مع الدول الاخرى وبالاخص العيادات الخاصة في قطر !!!

ماخبرنا العلاج الزين الا في اوروبا

ومحد يضمن نفسه ويعالج عند عرب مايدري يطلع من عندهم سالم والا لا

واحنا هني مانشوف الفواتير ونقارن بينهم

الواحد صحته صحته ومافي شي اهم منها ومايهمه كم يدفع في سبيل علاج نفسه

[غناتي1]

فيه طبيب اسنان فنان ممتاز

مسوي لواحد اعرفه ماشاءالله

صايره اسنانه كانه ملركب طقم

وعيادته يقول في منطقة كل سكانها مسيحيين

وهو مسيحي وتكلف علاج اسنانه 100الف

ليرة سوريه يعني تقريبا 8000ريال يا بلاش

اذا تبي رقمه باطرشه لك .. وسلامات

[Chambray]

ماخبرنا العلاج الزين الا في اوروبا

ومحد يضمن نفسه ويعالج عند عرب مايدري يطلع من عندهم سالم والا لا

واحنا هني مانشوف الفواتير ونقارن بينهم

الواحد صحته صحته ومافي شي اهم منها ومايهمه كم يدفع في سبيل علاج نفسه

صح كلامك ، بس انا اتكلم عن مبدأ الشغل النظييف والرخص !
والسوريين معروفين بالاسنان
ومب كل عيادة اسنان في سوريا يعني انها الافضل بالعكس في الاسوء وفي الافضل والواحد دائماً يختار الافضل في سوريا ..

وبعدين مب كل الناس عندهم مليارات علشان تعالج اسنانها ، كل واحد ودخله .. ومحدوديه دخله ،، الي يقدر يتعالج في اوروبا غير عن الي مايقدر يروح اوروبا حتى للسياحة والتمشيه من اساسه ، فهناك فرق ..

[الخفي]

عليك بالدكتور : ايوب الدروبي

الدكتور رجل اخلاق وشغله تمام بل الافضل في سوريا ومن واقع تجربه صدقني

واربعه من ربعي اشتغلو عنده ولا واحد اشتكى من شغله

عنونه - سوريا - دمشق - باب توما - مقابل كنيسه الريان

ورقمه باجيبه لك اليوم وباطرشه لك وصدقني افضل دكتور بشهاده الكثير من الاخوان

وشغله ارخص بكثيييييييييييير عن اسعار الدوحه والخليج

اللي ب 100 الف مثلا اعتقد عنده من 8000 الاف الى 10000 يعني فرق كبير جدا

بالاضافه الى اهم شي وهو الشغل اللي الكل يشكر عليه

[Somoo]

الله يجزاكم ألف خير يا شباب والله اني ما توقعت حد يعطيني سالفة
خل أرد عليكم واحد واحد ..


أخوي lalamar
مثل ما قال جاسم .. أنا شفت برامج لممثلين أغلب الممثلين مسوين في سوريا
بس تعرف صعب يقولون عند مين مسوين .. وأسمع عنهم بس ما أعرف عنهم
أبي أسأل مجرب


أخوي نمر قطر
جزاك الله ألف خير بس ياليت ترسل لي عالخاص اسم أي دكتور سمعت عنه ورقمه



أخوي جاسم البدر
الله يعطيك ألف عافية عالرد والتفاعل .. كلامك صحيح .. وأنا فعلا سمعت عن هالأمر
عشان كذا صليت الاستخارة وحجزت بس ما أعرف أحد هناك .. وتعرفون الانترنت ما يقولون لك كل شي صحيح .. أخاف أنصدم وأتعامل مع أحد موب كفو !
يا ليت إذا تعرف أحد ترسل لي عالخاص ولا تهون .. الأمر فعلا مستعجل



أخوي سهم
بيض الله وجهك .. أنتظركم عاد يا اخوانا لا حد يبطي علي ..
وبرسل لكم عالخاص واحد واحد عشان أذكركم ..



أخوي lalamar مرة ثانية
مشكور وما قصرت .. رايك على الراس والعين
المسألة ماهي مسألة فلوس .. معروف ان سوريا من أشهر الدول في علاج الأسنان
أقول لك الممثلين والممثلات يعالجون هناك .. حتى اللبنانيات ما يعالجون أسنانهم إلا في سوريا
أنا شفت برنامج على الـ mbc .. البرنامج اللي يجون حريم ما هم حلوات ويعدلونهم لين يطلعون حلوات .. ويراوونا المراحل كلها .. من ضمن المراحل .. مرحلة علاج الأسنان .. كانوا مسوينها في سوريا ..
بعدين ترى اذا كان الشغل هو نفسه من ناحية النظافة والترتيب والشطارة .. أكيد بدور الأرخص .. مو كل من قص علي وعطاني سعر خيالي بصدقه وأقول انه شاطر !!



غناتي1
مشكور وما قصرت .. يله أنتظر الرقم عالخاص ولا تهون
بسرررررررعه لا تبطون علي



جاسم البدر مرة ثانية
كلامك صحيح وفي محله يعطيك ألف عافية مرة أخرى



المختفي
يعطيك ألف ألف ألف عافية أخوي على المعلومات
أنتظر رقمه ولا تهون .. وأبي أشوف راي الأخوة الباقي
أنتظر غناتي1 .. يمكن يقصد نفس الدكتور لأنه يتكلم عن دكتور في منطقة مسيحية
إذا طلع نفسه بتوكل على الله وبروح له .. مشكور وما قصرت



مشكورين يالطيبين ..
وننتظر الأرقام لا تبطون علينا


.

[رآعي موآجيب]

تم أرسال الرقم

وموفق ان شاء الله

[tarek]

ان شاء الله تحصل كهرباءهناك خوش تنقطع وايد

[Somoo]

مشكور أخوي نمر قطر وطارق
هل سمعتوا في الدكتور أنس نعنوع في اللاذقية بسوريا ؟ أو هل فيه أحد قد جرب عنده ؟
كل ما بحثت في الانترنت لقيت اسمه موجود .. فهل هو على مستوى هالشهرة ؟

[tarek]

السماحة اخي من اكثر من عشر سنوات لم اذهب لبلدي ولا اعرف احد هناك اعذرني اخي

بس اعتقد بتحصل اين ما ذهبت الشام او حلب اواي مكان

[كاتم الاسرار]

السلام عليكم ورحمة الله
لو سمحتوا اللي جرب جراحين الأسنان في سوريا يقول لنا عن تجاربه
ومنهو أفضل جراح هناك ؟ .. ضروري جداً .. لأن سفرنا لسوريا بيكون يوم الأحد بإذن الله
ويا ليت بالمرة تقولون لنا عن الأماكن السياحية جنب العيادة

في انتظاركم

الصراحه انا مثلك بعد ان شالله برووح سوريا وبعالج اسناني اول ما ترجع لا تنسى عنوان العياده احس ان اسناني راحت فيها احس سرت شيييبه ما بغى من الضروووس الا كم ضرس
بس ابغي الحق عليهم والله 00 كله من الكافي

لاتنسى اوكي والله يحفظك واتروح وترجع لنا بالسلامه واسنان جديده

والي الموجودين اهني مايقصررون فيهم الخير والبركه
والله يحفظهم من كل شر

[غناتي1]

شيك عالخاص

[قلب بو ظبي]

السلام عليكم لا هنتوا يا مخاوين شما
انا بعد ودي بالارقام والاسعار لاهنتوا عشان اكون ماخذ احتياطي

[adel-8]

طريق السلامة يا رب