مهرجان الصيف

[بوحمد2]

وين احسن مكان فيه مهرجان الصيف وينفع للعائله والاطفال...انتظر الردوداليوم جمعه ونبي نستانس

[مساهمة]

اعتقد اغلب الفعاليات في ارض المعارض

اجازه سعيده:)

[المتألم]

يقولون في مركز المعارض الدولي صوب فندق الأنتر كونتننتل

وفي اللاند مارك حسبما علمت ..

ويومكم سعيد ومبارك ..

[الوفي]

في قطر :telephone: مافيش حد بيرد حاول مره أخرى:tease::tease:

[>>> غــمـــوض <<<]

انه امس كنت في القريه التراثيه اللي في ارض المعارض
وشي حلو بصراحه

[بوحمد2]

انه امس كنت في القريه التراثيه اللي في ارض المعارض
وشي حلو بصراحه

شكر للجمييييييييييع

[شيزكيك]

معليه الرد متاخر بس القريه التراثيه الي في قاعة المعارض وايد حلوه اكلات شعبيه ويهال وتراث

وحركه يعني المكان ونيس

[almulla]

يقولون ان الفعاليات تفشل

يايبين رقاصات من روسيا ومهرجين وام خماس

ولايفوتك بس الزحمة اللي هناك

[بنت المنتدى]

يقولون ان الفعاليات تفشل

يايبين رقاصات من روسيا ومهرجين وام خماس

ولايفوتك بس الزحمة اللي هناك



الله يهديهم

مستحيل يتركون سوالفهم

[anything99]

في الحياة بلازا جايبين مهرجيين اجانب .. وكل الفعاليات بالانجليزي .. شئ غريب .. بس الحمد لله ما كان في رقاصات ..

[lalamar]

كله اشاعات

مافي مهرجان ولا بطيخ

[almulla]

اليوم رحت فيلاجيو ليفوتكم بس

يايبين فرقة عسكرية الظاهر من اسكتلندا

الحريم لابسين فوق الركبة بس يابلفيت ساترينها بشيفون !!

والهنود مب مصدقين قاعدين يصورون

والاجانب مستانسين يحليلهم يبون يونسونهم مساكين قاعدين في قطر الجلحة الملحة في الحر !!

خلوني ساكت بس

البحرين اللي هي البحرين

سوو حفله ثقافية سموها ربيع الثقافة فيها حركات تخالف الشرع

ثاني يوم تصريحات للبرلمانيين والشعب ينادون بايقاف (ربيع السخافة) على حد تعبيرهم