المساعد الشخصي الرقمي

مشاهدة النسخة كاملة : يا الربع هل يوجد تاهو كامل الزيادات مثل اليوكون الدينالي


أبو تميم
18-07-2008, 04:04 PM
مراحب يا الربع بغيت اسال هل يوجد شفر تاهو فل أوبشن "كامل الزيادات"

مثل اليوكون الدينالي وبحجم مكينة الدينالي الاكبر سعه من اليوكون العادي ؟؟

ياليت حد يقدر يفيدنا ولا هل الميزه هذي محصوره في الجمس فقط وليس الشفر ؟؟

ويعطيكم العافيه !!
Mody
19-07-2008, 12:57 AM
والله بوتميم نفس السؤال يراودني انشالله حد يفيدنا من الاعضاء

صحيح ليش ما شفنا شفر تاهو فل أوبشن مثل الجمس اليوكون الدينالي ؟؟

مع ان السيارتين من شركه وحده وهي جنرال موتورز !!!!!
الدم البنفسجي
19-07-2008, 01:06 AM
هلا والله اخوي اعتقد موجود في شركة الجيده في محطة لاندمارك ولونه ابيض فل ابشن شاشه وdvd وجلد ووفيه بعد مواصفات وسعره 171 الف
Mody
19-07-2008, 01:16 AM
يعطيك العافيه عالمعلومه يا الدم البنفسجي

بس ما تعرف شيسمونه ؟؟!! يعني اليوكون

الكامل يسمونه دينالي والتاهو أكيد له اسم بعد !!
الخيالي5200
19-07-2008, 01:17 AM
اخووي في تاهو فل اوبشن نفقيشن + دفيدي + كاميره خلفيه

يعني الموتر كامل والكامل الله ماعليه كلام

ومن ناحيتي انا افضل التاهو من اليوكن

مواصفات روعه لاتفوتك
واحد ثقة
19-07-2008, 02:10 AM
لا يوجد لدى شركة الشفر سيارة بمواصفات الدينالي من ناحية قوة المحرك وبعض الأنظمة الخاصة ،،

محرك الدينالي 6200 سي سي بينما محرك اليوكون العادي والتاهو 5300 سي سي

لاتتجاوز مميزات التاهو الفل أوبشن بعض الكماليات في الديكور وأنظمة الصوت وبعض الإكسسوارات ،،
الهاوي28
19-07-2008, 02:14 AM
تاهو فل اوبشن نوعه

Ltz
هداف
19-07-2008, 11:33 AM
عزيزي التاهو الفول اوبشن او بمواصفات خاصه اسمه ( Z71 ) وفيه جميع مواصفات الدينالي ما عدى المحرك سعة 5.3
السد
19-07-2008, 01:46 PM
الجمس وبس
أبو تميم
19-07-2008, 01:46 PM
مشكورين على الردود واخيرا عينت الموتر وعدل ويسمونه
Z71 ويوجد بعد اللي يجيكم كله كروم ومواصفات مثل الدينالي
والاسكليد ويسمونه هايبريد Hybrid ومكينته 6.2 نفس الدينالي
والاسكليد بصراحه روعه بس موب موجود عند الوكيل ويقول بالطلب
مول تقول بتطلب بنتلي ولا فيراري مالت عليهم فاشلين وهذي صور الهايبريد
واحد ثقة
19-07-2008, 01:59 PM
أول مره أسمع عنه :confused:

كم قالوا لك قيمته ؟
أبو تميم
19-07-2008, 02:00 PM
وهذي ايضا بعض الصور
Mody
19-07-2008, 04:31 PM
يعطيك العافيه اخوي بوتميم ماقصرت

بصراحه روعه وياليت ينزله الوكيل

مثل الجمس اليوكون الدينالي جان غطى على الدينالي
ولد منصور
19-07-2008, 11:04 PM
السلام عليكم ورحمة الله وبركاته

أخوي التاهو اللي حطيت صوره مكينته 6.0 والدينالي والاسكاليد 6.2
أبو تميم
20-07-2008, 12:57 AM
أخوي ولد منصور هذا الهايبريد مكينته 6.2 مثل الدينالي والاسكيليد - دش عالنت وشوف !!!!
واحد ثقة
20-07-2008, 07:46 AM
مارديت علي بكم قالوا لك ؟
ولد منصور
20-07-2008, 08:11 AM
اخوي ادخل على هالرابط وبتلقى مواصفات التاهو الهايبرد ومذكور انه مكينته 6.0
http://www.zercustoms.com/news/2008-Chevrolet-Tahoe-Hybrid.html
شبربوش
20-07-2008, 12:23 PM
عزيزي التاهو الفول اوبشن او بمواصفات خاصه اسمه ( Z71 ) وفيه جميع مواصفات الدينالي ما عدى المحرك سعة 5.3

نفس الكلام الي كنت ابي اقوله وماقصر اخونا
راعي ال2008 الاسود
20-07-2008, 04:34 PM
والله اخووي تبي رايي خذ الدينالي احسن اول شي عزمة اقوى من التاهو وبعدين نفس السعر لكن الفرق في القوة بس لكن شكل الدينالي احلى من التاهو وبالتوفيق لك اخووي ان شاء الله
Qt.1
20-07-2008, 07:59 PM
هلا اخوي بوتميم التاهو انواع اول نوع LS وهذي ارخص نوع وبعدين الــ LT هذي جلد يعني احسن من الاولي العادي كلش , والثالث LTZ وهو الي اييك فل ابشن يعني فتحه جلد هالسوالف , واخر واحد الي اهو Z71 الي ينزل اهني واهو اعلى شي في التاهو اييك جلد نفس الشي وفتحه وشاشه ومصفح من تحت وفي قطعه قليت جدام تركب رتحت والسيتات اييونك لونين...وهذي يعتبر اعلى واحد وسعره بين 170 الف تقريبا.....

اما الهايبرد هذي ماينزل عندنا هذي مواصفات امريكيه واذا الشركه يقولون لك بالطلب ماعليك منهم ماعندهم سالفه لااطلب ولااغيره لاان الموتر اصلاا ماينزل اهني كلش.........وتبي نصيحه ان فكرت تشتري لك امريي على الااقل اشتر جمس دينالي ايود سعره اكثر من التاهو في البيعه.

>>>>>>>>>>> خذها من اخوك راعي التاهو وراعي امريكي من زمان :nice:
أبو تميم
21-07-2008, 12:03 AM
هلا اخوي بوتميم التاهو انواع اول نوع LS وهذي ارخص نوع وبعدين الــ LT هذي جلد يعني احسن من الاولي العادي كلش , والثالث LTZ وهو الي اييك فل ابشن يعني فتحه جلد هالسوالف , واخر واحد الي اهو Z71 الي ينزل اهني واهو اعلى شي في التاهو اييك جلد نفس الشي وفتحه وشاشه ومصفح من تحت وفي قطعه قليت جدام تركب رتحت والسيتات اييونك لونين...وهذي يعتبر اعلى واحد وسعره بين 170 الف تقريبا.....

اما الهايبرد هذي ماينزل عندنا هذي مواصفات امريكيه واذا الشركه يقولون لك بالطلب ماعليك منهم ماعندهم سالفه لااطلب ولااغيره لاان الموتر اصلاا ماينزل اهني كلش.........وتبي نصيحه ان فكرت تشتري لك امريي على الااقل اشتر جمس دينالي ايود سعره اكثر من التاهو في البيعه.

>>>>>>>>>>> خذها من اخوك راعي التاهو وراعي امريكي من زمان :nice:




يعطيك العافيه اخوي Qt-1 كفيت ووفيت وبارك الله فيك
المنشــــــر
21-07-2008, 07:56 AM
تسلمون على التوضيح

والصراحة انا افكر في الدينالي لان التويوتا مللوني والسبه مش متوفررر

بس سؤال .؟؟؟

كم سعر الدينالي .... وهل هو متوفررر او لا ؟؟؟
سعادة الوزير
21-07-2008, 10:26 PM
يا جماعة التاهو "هيبرد" هذا يشتغل على البترول وعلى البطاريات ، هذا هو المقصود من كلمة "هيبرد" وتعني بالعربي هجين.

الموضوع ماله علاقة بالمواصفات ، ومايتقارن مع اليوكن او الدينالي باي شي!! .. وعموما هالنوع مستحيل ينزل عندنا ، لان بكل بساطة ماعندنا محطات خاصة بشحن السيارات.

وهاذي صورة توضح الية عمل المولد الكهربائي مع البطاريات :

http://www.zercustoms.com/photos/2008-Chevrolet-Tahoe-Hybrid/2008-Chevrolet-Tahoe-Hybrid-18.jpg.html
Qt.1
22-07-2008, 06:40 PM
تسلمون على التوضيح

والصراحة انا افكر في الدينالي لان التويوتا مللوني والسبه مش متوفررر

بس سؤال .؟؟؟

كم سعر الدينالي .... وهل هو متوفررر او لا ؟؟؟


هلاا اخوي والله شكلك تاخرت اشوي سعره تغير الحين ارتفع وصار سعره 190 لين 195 الف .....
سعادة الوزير
22-07-2008, 11:52 PM
هلاا اخوي والله شكلك تاخرت اشوي سعره تغير الحين ارتفع وصار سعره 190 لين 195 الف .....

اي والله انك صادق ، مالحقنا عليه يوم كان على 165 الف.
عاشق الغرافة
24-07-2008, 01:10 AM
انا دورت في الانترنت لقيت في صور عن التاهو Hibrid وانا حملت لكم صورة من التاهوHibridمن الداخل والصراحة روعة
عاشق الغرافة
24-07-2008, 01:11 AM
ويعيطم العافية.
Most Wanted
24-07-2008, 03:08 AM
اذا تبغي تشتري تاهو انطر لين 2009 لان سمعت ان القير بيصير 6 سرعات وكذا شغله بتتغير فيه واكيد السعر بيزيد


الجديد كالتالي

تليفون بلوتوث
خدمه الملاحه المروريه - امريكا وكندا
التحكم بفرامل التريلر او القلص
القير 6 سرعات ستاندرد و إلغاء القر 4 سرعات
توفر محرك 6,2 اختاري ويجي على الفل
تدفئه للمقاعد الاماميه والخلفيه وتبريد لل LTZ models only
اضافة ميزه التنبيه للمناطق العمياء للمرايا الجانيه LTZ models only

اضافه لونين احمر كرزي والثاني مادري وشلون صاير ولكن اقرب ماله فضي على سماوي
7 اشكال او تصاميم لجنط 20
4 اشكال او تصاميم لجنط 22
إلغاء جنط 17
التغييرات عن 2008
درجه الحرارة والبوصله اللي في المراَة الخلفيه صارت من جهة السواق
نوعيه المخمل للكراسي
اضافه شاشه الكاميرا خلفيه في المراَه الخلفيه مكان درجه الحراره والبوصله اللحين LTZ models only
الزبده راح يصير فئه (LTZ) هو دينالي التاهو
واطلق 100 مرة
منقول



فكر وشوف
شموخ-qtr
24-07-2008, 08:14 AM
السلام عليكم


بالنسبة لل ( هايبريد Hybrid )

فيه منه يوكن وفي منه تاهو

وانا رحت ابي احجز واحد من هذا النوع

بس اكتشفت انه

يمشي خمسين كيلوا كهرباء بعدين يتحول بترول

وسبب تصنيعه ان البترول غالي في امريكا

ومبيعات الجمس قلت في امريكا جعلها من ذا الحال واردى

وراح يجربونه في دبي السنه يقولون

الزين فيه انه مثل اليوكن العادي في الريافه

بس لوكان بترول كان بيحرق الدينالي

الدينالي عيبه انه فور ويل على طول ومش ريف سبورت شوي

ولا صراحه الموتر جبار ولايقارن بالتيوتا