المساعد الشخصي الرقمي

مشاهدة النسخة كاملة : ( سعودية الغت سفرها بسبب؟؟؟ ) أدخلوا وأتعضوا أيها الفتيات


rashid-1
19-07-2008, 10:54 PM
الــسلام عليــكم

وأنا أتجول في المنتديات قرأت موضوع لأخت سعودية ألغت سفرها إرضاء لربها ولا أريد أن أطيل عليكم أقرأوا قصتها وخصوصا البنات ال free اللي لاحسيب ولا رقيب عليهم عسى ربي أن يهديهم كما هدى بنوته الرياض

السلام عليكم ورحمه الله وبركاته

حبيت اخبر الجميع اني قررت مااسافر برا بدون محرم وماقلت هذا لكم رياء او نفاق والله ماعلمتكم الا عشان اشجع اي بنت بتسافر برا من غير محرم
ويعلم ربي اني دفعت فلوس وحجزت على لندن وباريس بس من ترك شي لوجه الله عوضه الله وربي بيعوضني ان شاء الله
انا جلست افكر بكلام الاخ حسب الضروف وتاثرت مره لان حسيت اني ممكن اموت برا وربي عضبان علي
والمشكله ان السفره كم يوم والبسطه تروح ومايبقى الا الذنوب اللي بشيلها معي لان البسطه ماراح اقدر ارجع فيها للرياض عكس الذنوب اللي بحطها بشنطه معي وانا راجعه للرياض
وجلست افكر ان كثير ناس ماراح يسافرون ومبسوطين وراضين واذا ربي كتب لي سفره بسافر للعمره هي اللي انفع لي وبعدها بطلع دبي مع اهلي واخوي والله يهدي الجميع
ترا الدنيا ماتسوى اني اسافر بس عشان اغصب ربي ويعلم ربي انه حتى خالتي زعلت مني لاني وعدتها اسافر انا وهي بس طز الله يلعن الوناسه اللي بتجي بلندن وباريس وانا غضبان ربي علي..

تكفون ادعولي اني ربي يثبتني ويحسن خاتمتي
ولد منصور
19-07-2008, 11:08 PM
الله يكتب أجرك ويرفع قدرك ياخوي
والله المستعان من البلاوي اللي قمنا انشوفها في هالزمن
بوحمد1
19-07-2008, 11:23 PM
بدون محرم !!!!!!!!!!!!!
قطريه ماركه
19-07-2008, 11:35 PM
بدون محرم لا وألف لا ...

بس مع المحرم نقول :

سافر ففي الأسفار خمس فوائد ... تفريج هم واكتساب معيشة ...علم وأخلاق وصحبة ماجد ....
auto body
20-07-2008, 12:49 AM
الله يكتب لك الاجر ويثبتك على دينة ويحسن خاتمتك
غناتي1
21-07-2008, 02:19 AM
الله يثبتج 00 ويحسن خاتمتنا جميعا
مصراوية
21-07-2008, 09:58 AM
ربنا يثبتها

ويجعلنا كلنا نفكر زيها كده قبل ما نعمل اي حاجه في حياتنا
نفتكر اخرتنا وذنوبنا

ربنا يهديها ويهدينا ويجدد الايمان في قلوببنا اللهم امين يارب العالمين
VIPLady
21-07-2008, 05:37 PM
قبل يسافرون بالشهور على جمال وحصن ويباتون بالايام والاشهر بالبر فاكيد المرأه تحتاج محرم
لكن الحين اعتقد الدنيا سهالات والحمدلله فماله داعي المحرم ..
وجوده حلو لكن ما الغي سفري على شان محرم..
ماقلنا الوحده تروح وتسافر بنفسها لا حسيب ولا رقيب بس بعد مو اني ما اسافر مع بيت خالتي او عمتي او اهلي على شان ماعندي محرم؟؟؟؟؟؟؟؟؟؟؟؟؟؟؟

الدين يسر مو عسر.... يعني الحين لو برى وصار لي حادث ودقوا على اسعاف من بيشيلني؟ اخوي او ابوي؟؟؟؟؟؟؟؟؟؟؟؟ اكييد رجال الاسعاف و المحرم بيكون فقط مرافق
يعني بالاخير لكل زمن ظروفه واحكامه ..ويعتمد على التسهيلات الي متوفره في الايام الحاليه وايام قبل ..

واذا الشخص بيشوف من جانب ديني بحت ومحرم ما محرم بعد حرام المرأه تطلع من بيتها اصلا من غير محرم
وحرام احنا اهين نتناقش مع رجال مومحارم و حرام نشوف تلفزيون وحرام نشتغل من غير سبب وحرام وايد امور... يعني الشخص لازم يقتنع انه الزمن تغير الحين والدين يسر مو عسر

وشكرا
rashid-1
21-07-2008, 06:19 PM
قبل يسافرون بالشهور على جمال وحصن ويباتون بالايام والاشهر بالبر فاكيد المرأه تحتاج محرم
لكن الحين اعتقد الدنيا سهالات والحمدلله فماله داعي المحرم ..
وجوده حلو لكن ما الغي سفري على شان محرم..
ماقلنا الوحده تروح وتسافر بنفسها لا حسيب ولا رقيب بس بعد مو اني ما اسافر مع بيت خالتي او عمتي او اهلي على شان ماعندي محرم؟؟؟؟؟؟؟؟؟؟؟؟؟؟؟

الدين يسر مو عسر.... يعني الحين لو برى وصار لي حادث ودقوا على اسعاف من بيشيلني؟ اخوي او ابوي؟؟؟؟؟؟؟؟؟؟؟؟ اكييد رجال الاسعاف و المحرم بيكون فقط مرافق
يعني بالاخير لكل زمن ظروفه واحكامه ..ويعتمد على التسهيلات الي متوفره في الايام الحاليه وايام قبل ..

واذا الشخص بيشوف من جانب ديني بحت ومحرم ما محرم بعد حرام المرأه تطلع من بيتها اصلا من غير محرم
وحرام احنا اهين نتناقش مع رجال مومحارم و حرام نشوف تلفزيون وحرام نشتغل من غير سبب وحرام وايد امور... يعني الشخص لازم يقتنع انه الزمن تغير الحين والدين يسر مو عسر

وشكرا

الــسلام عليــكم

إذا أنتي مقتنعه بهذا الشىء فلا أنا ولا الجن نقدر نغير قناعاتج لأنها شىء صعب مع أن أنتي خلال ثواني بإمكانج تغيرين قناعتج وراح تغيرينها تدرين متى خلال سنوات وتذكري كلامي شرط تستمرين على السفر بدون محرم

تعرفين ليش السبب لأن الله يوم أمر النساء بالخروج مع المحارم ماأمرهم عبث في حكمه بالموضوع وأنا عندي أشياء واجد أريد أن أقولها عن مخاطر السفر بدون محرم لكن أنا ما أحب أضيع وقتي في حوار يسمى حوار الطرشان

وسلميلي على الإسعاف اللي بيشيلج
VIPLady
21-07-2008, 06:26 PM
الــسلام عليــكم

إذا أنتي مقتنعه بهذا الشىء فلا أنا ولا الجن نقدر نغير قناعاتج لأنها شىء صعب مع أن أنتي خلال ثواني بإمكانج تغيرين قناعتج وراح تغيرينها تدرين متى خلال سنوات وتذكري كلامي شرط تستمرين على السفر بدون محرم

تعرفين ليش السبب لأن الله يوم أمر النساء بالخروج مع المحارم ماأمرهم عبث في حكمه بالموضوع وأنا عندي أشياء واجد أريد أن أقولها عن مخاطر السفر بدون محرم لكن أنا ما أحب أضيع وقتي في حوار يسمى حوار الطرشان

وسلميلي على الإسعاف اللي بيشيلج

انا ما اسافر من غيرمحرم الله يخلي لي هلي و زوجي ودوم اسافر وياهم وصارت لي كم مره اني ارجع بنفسي بس وبسبب اضطراري ..........

لكن اهو من باب المبدئ والاقتناع فقط.. يعني في امور لازم الشخص يفكر فيها بعقله و يواكب العصر الي عايش فيه شوي واذا يبي يطبق الحلال والحرام يطبقه على كل شي مو الامور الي تعجبه يطبقها والامور الي ما تمشي مع مصالحه اويمكن تتعارض معاه يقول لا هذي حلال و يبرر لعمره.. هذا كان القصد مو اكثر

وعلى جمله سلميلي على الاسعاف... شكرا اخوي على الاسلوب واللباقه والطنازه يعني ماقصرت .. كانت مشاركه عاديه اعتقد وكل من له وجه نظر ماله داعي الاستهزاء لكن مشكور وماتقصرر

واشكر تعليقك اخوي على ردي
واسفه اني علقت في موضوعك اعذرني
Abdulla Ahmed
21-07-2008, 06:31 PM
سبحانك يا الله ما عبدناك حق عبادتك
أرجى آية في القرآن هي

" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ "
لا أتكلم كثيرا أيها الأحباب الكرام عن هذا الموضوع الذي قرأنا فيه الكثير
ولكن أقول كلمة واحدة

أقسم بالله الذي لا إله غيره ، غير حانث
إذا قمت الآن وتوضأت فأحسنت الوضوء وصلتين ركعتين
وندمت على ما فعلت وعزمت عزما أكيدا على عدم الرجوع إلى الذنب
تأكدت علم اليقين أن الله لا يغلق بابه في وجه سائل أراد وجهه الكريم

مادامت الروح لم تبلغ الحلقوم الله يقبل توبتك


مادامت الشمس لم تطلع من مغربها الله يقبل توبتك


لا تسوف وقم سريعا كما ذكرت آنفا
وهنيئا لك بمغفرة الله ورحمته

ليس لنا رب سواك فندعوه ، وليس لنا إله غيرك فنرجوه

اللهم تب علينا قبل أن نرى ملك الملك

وتب علينا قبل أن نرى منكر ونكير

واغفر لنا ما سلف وكان ، من الذنوب والعصيان

اللهم آمين
منقوول
khalid-qtr
21-07-2008, 08:17 PM
الله يجزها ويجزاك خير على القصة
Marriott
21-07-2008, 08:28 PM
الله يكتب لج الاجر ويثبتج على دينة ويحسن خاتمتج، ويكثر من أمثالج.
Thamer_Qat
21-07-2008, 08:30 PM
الأخت وضحت انها ماتسافر الا مع زوجها وأهلها.
والمفهوم انها ماتؤيد سفر شلة بنات بروحهم لغرض الوناسه
هي خانها التعبير او أسيئ فهمها
انا مودع زوجتي وأطفالي من مطار هيثرو وأستقبلهم أخوها في مطار الدوحه ولا قلت لازم محرم مع زوجتي لمشوار 6 ساعات دون توقف
بس ان زوجتي تسافر مع خواتها او ربعها يغيرون جو حتى لو البحرين او دبي فهذي قويه شوي

على فكره في ناس عندهم عادي وازواجهم وأخوانهم "الله بالخير"
كافي الشر
المخفي
21-07-2008, 11:04 PM
بالايام والاشهر بالبر فاكيد المرأه تحتاج محرم
لكن الحين اعتقد الدنيا سهالات والحمدلله فماله داعي المحرم ..
وجوده حلو لكن ما الغي سفري على شان محرم..


السلام عليكم
أختي ما يجوز تقولين كذا على شيء الله اوجبه ونحن كمسلمين علينا السمع و الطاعة أذا المرأة رايحة مكة للحج يجب ان تكون مع محرم فما بالك اذا رايحة تسافر للسياحة

الله يبارك فيج
VIPLady
22-07-2008, 12:34 AM
السلام عليكم
أختي ما يجوز تقولين كذا على شيء الله اوجبه ونحن كمسلمين علينا السمع و الطاعة أذا المرأة رايحة مكة للحج يجب ان تكون مع محرم فما بالك اذا رايحة تسافر للسياحة

الله يبارك فيج

اوكي ما اقصد الاساءه او الاستهزاء بالدين والعياذ بالله
لكن الحين الدين يسر وحتى وايد مشايخ اجازوا انه المراه تروح الحج اذا معاها مجموعه نساء ..

والسياحه ماقلت شله بنات صغار او حريم يالله خذوا قشكم وسافروا سياحه؟؟ ماوصلنا لهذي الدرجه يعني للحين وولو الدين ما يسمح حتى عاداتنا وتقاليدنا ترفض هالامور اصلا
لكن مافيها شي اذا رجعت بنفسي او سافرت بشغل معين مع احد من خواتي الكبار.. ويعتمد مع من تسافر اصلا و اعمار الناس الي معاك
VIPLady
22-07-2008, 12:37 AM
الأخت وضحت انها ماتسافر الا مع زوجها وأهلها.
والمفهوم انها ماتؤيد سفر شلة بنات بروحهم لغرض الوناسه
هي خانها التعبير او أسيئ فهمها
انا مودع زوجتي وأطفالي من مطار هيثرو وأستقبلهم أخوها في مطار الدوحه ولا قلت لازم محرم مع زوجتي لمشوار 6 ساعات دون توقف
بس ان زوجتي تسافر مع خواتها او ربعها يغيرون جو حتى لو البحرين او دبي فهذي قويه شوي

على فكره في ناس عندهم عادي وازواجهم وأخوانهم "الله بالخير"
كافي الشر

اشكرك اخوي على التوضيح
واحيك على العقليه المتفهمه والمثقفه
التيما
22-07-2008, 12:39 AM
الــسلام عليــكم

إذا أنتي مقتنعه بهذا الشىء فلا أنا ولا الجن نقدر نغير قناعاتج لأنها شىء صعب مع أن أنتي خلال ثواني بإمكانج تغيرين قناعتج وراح تغيرينها تدرين متى خلال سنوات وتذكري كلامي شرط تستمرين على السفر بدون محرم

تعرفين ليش السبب لأن الله يوم أمر النساء بالخروج مع المحارم ماأمرهم عبث في حكمه بالموضوع وأنا عندي أشياء واجد أريد أن أقولها عن مخاطر السفر بدون محرم لكن أنا ما أحب أضيع وقتي في حوار يسمى حوار الطرشان

وسلميلي على الإسعاف اللي بيشيلج

لين عدو المحارم .. محارم طبقوا الشرع .. بس ياريت تطبقونه كامل مثل ما قالت الأخت الي فعلا كان اسلوبك معاه خوش وسيله للنصح .. ياريت بالمره نصيحه لوجه الله تقرأ اسلوب الرسول في النصح خاصه مع الي يخالفونه في الرأي ..
لجين
22-07-2008, 01:51 AM
اوكي ما اقصد الاساءه او الاستهزاء بالدين والعياذ بالله
لكن الحين الدين يسر وحتى وايد مشايخ اجازوا انه المراه تروح الحج اذا معاها مجموعه نساء ..

والسياحه ماقلت شله بنات صغار او حريم يالله خذوا قشكم وسافروا سياحه؟؟ ماوصلنا لهذي الدرجه يعني للحين وولو الدين ما يسمح حتى عاداتنا وتقاليدنا ترفض هالامور اصلا
لكن مافيها شي اذا رجعت بنفسي او سافرت بشغل معين مع احد من خواتي الكبار.. ويعتمد مع من تسافر اصلا و اعمار الناس الي معاك

ومن هذولا المشايخ اللي اجازوا ؟؟

الرسول -صلى الله عليه وسلم- قال" لا تسافر المرأة إلا مع ذي محرم"

حديث واضح وصريح.. ماحدد زمن معين .. ولا اشترط سن معين
VIPLady
22-07-2008, 02:19 AM
ومن هذولا المشايخ اللي اجازوا ؟؟

الرسول -صلى الله عليه وسلم- قال" لا تسافر المرأة إلا مع ذي محرم"

حديث واضح وصريح.. ماحدد زمن معين .. ولا اشترط سن معين

والله اختي انا ماعرف المشايخ ولا اسمائهم
بس سامعه انه فيه ناس تروح الحج مع مجموعه نساء والدين سمح لهم
روحي اسالي اذا يهمج الموضوع

انا مومهم عندي يجوز او ما يجوز
اكيد بروح مع حد من هلي يعني مب رايحه بروحي بس في ناس ما عندهم محارم فاتوقع الدين يسهلهم..
التيما
22-07-2008, 02:30 AM
ومن هذولا المشايخ اللي اجازوا ؟؟

الرسول -صلى الله عليه وسلم- قال" لا تسافر المرأة إلا مع ذي محرم"

حديث واضح وصريح.. ماحدد زمن معين .. ولا اشترط سن معين

اوكي اختي واللي ماعندها محرم ؟ ماتروح الحج ولا العمره ؟؟ الاسلام يسر مب عسر .. اذا كان ابن باز متشدد في هالناحيه انا اخذ لي الايسر لي ..
وعشان اوفر عليج ..

اسلام اون لاين ..

http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528602746
الوعد2016
22-07-2008, 02:32 AM
يارب تبتها واغفر لها وتب عليها وعطها الجليس الصالح
اكسجين
22-07-2008, 02:35 AM
انا مومهم عندي يجوز او ما يجوز..



عجييييييييب .!!!


استغفر الله.
VIPLady
22-07-2008, 02:55 AM
عجييييييييب .!!!


استغفر الله.

يعني الحين من 3 مادري 4 مشاركات ما انتبهت غير لهذه الجمله ؟؟
القصد ايش مو فهمك للشي اخوي
والقصد يجوز ما يجوز اني ما احتاج وانشالله ما اوصل اني اضطر اروح الحج من غير محرم عندي محارم واااااااااااااااااااااااااايد
والحمدلله حجيت وخلصت بمحرم طبعا ...

يعني اتوقع العجيب فهمك للجمله نفسها مو للفقره ككل
زهرةالسوسن
22-07-2008, 06:45 AM
الحمدلله على هدايتها والله يثبتها
اكسجين
22-07-2008, 06:49 AM
لا ......يا VIP

انتبهت لمشاركاتك.وما فيها من.........!!!!
عموماً ....خير الكلام ما قل ودل.

وادنه مثال على مشاركاتك .




لكن الحين الدين يسر وحتى وايد مشايخ اجازوا انه المراه تروح الحج اذا معاها مجموعه نساء ..

((الحجة على من ادعى)) .......ابي فتوة شيخ واحد فقط لو سمحتي.
اكسجين
22-07-2008, 07:22 AM
والله اختي انا ماعرف المشايخ ولا اسمائهم
بس سامعه انه فيه ناس تروح الحج مع مجموعه نساء والدين سمح لهم
روحي اسالي اذا يهمج الموضوع

..


( لا تهرف بما لا تعرف )

(أن تهرف بكل ما تعرف فتلك مصيبة وأن تهرف بما لا تعرف فالمصيبة أكبر )

أسأل الله العلي القدير الغفور الرحيم أن يغفر لي ولك ولجميع إخواننا المسلمين،

وأخيراً.......حلوه اخيراً.:)

أحب الصالحين ولست منهم * لعلي أن أنال بهـم شفاعة ...............
انا احساس
22-07-2008, 07:25 AM
ماتعودنا نسافر بدون محرم ...

الله يهدي الجميع
VIPLady
22-07-2008, 09:24 AM
( لا تهرف بما لا تعرف )

(أن تهرف بكل ما تعرف فتلك مصيبة وأن تهرف بما لا تعرف فالمصيبة أكبر )

أسأل الله العلي القدير الغفور الرحيم أن يغفر لي ولك ولجميع إخواننا المسلمين،

وأخيراً.......حلوه اخيراً.:)

أحب الصالحين ولست منهم * لعلي أن أنال بهـم شفاعة ...............

اشكرك على اهتمامك وغيرتك على دينك اخوي
بس الاخت التيما جابت رابط يقول اختلفوا المشايخ في حكم المحرم وانا بصراحه ماقريت المقاله كلها مب لازم ولا اني جيت افتيت .لاني اشوف وسامعه عن وايد حريم يسافرون مع حملات وعوائل من غير محارم خاصه الحريم الكبار
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528602746


والي اقصده يا اخ اكسجين الي بيشوف الحلال والحرام اصلا بعد حرام المراه تسافر سياحه من الاساس بس جذي مع محرم او من غير محرم. تروح من مطعم لين مطعم وتتمشى في الهايد بارك وتتسوق قدام الي رايح والي جاي بعد حراام؟؟ لاضروره لذلك تقعد في بيتها عند عيالها واللي مفروض عليها قضاء فريضه الحج والعمره..يالله ليش هالنقطه ما تطبق حاليا؟؟؟؟؟؟؟؟؟؟؟؟؟ لان الزمن تغير فيه شي اسمه تسهيلات .مرونه.احتياجات...

فيا انكم تاخذون الدين صح ويطبق كااااااااااااااااااااامل . او تكون في مبادئكم شويه مرونه وتراعون اختلاف الزمن مو الي يمشي مع مصلحتي ومبدئي اشوفه حلال والي يخالفه وما احتاجه اخليه حرام..
اذا المشايخ الي اهم المشايخ في امور يجون لك يقول اختلفوا وكل شي يقول الفتوى على حسب مبدئه وتشدده
مثل تغطيه الوجه مشايخ يقولون حلال ومشايخ يقولون حرام؟؟ شتاخذ يعني؟؟؟؟؟؟؟؟؟؟؟؟؟؟ شنو الصح هذا يجيب لك ادله وهذا يجيب لك ادله مع من بتمشي؟؟ اكيد بتمشي مع الي انت مقتنع انه صح دام اختلفوا فيه؟؟ واهم شي مو حرام وانت ما تخالف ربك فيه


يعذرني صاحب الموضوع على التطفل بموضوعه ..
وشكرا
HADi
22-07-2008, 09:43 AM
الله يجزاك خير اخوي راشد على هذا النقل

ووجود المحرم شي ضروري

الفايرول (Firewall) للبنت :)
راعي ال2008 الاسود
22-07-2008, 11:55 AM
الله يجزاك خير اخووي على هالنقل وشي ثاني ان المحرم شي ضروري ومهم للبنت
الله يهدي بنات المسلمين ان شاء الله ويصلحهم ويثبتهم على دينهم ان شاء الله
OREO
22-07-2008, 11:17 PM
قبل يسافرون بالشهور على جمال وحصن ويباتون بالايام والاشهر بالبر فاكيد المرأه تحتاج محرم
لكن الحين اعتقد الدنيا سهالات والحمدلله فماله داعي المحرم ..
وجوده حلو لكن ما الغي سفري على شان محرم..
ماقلنا الوحده تروح وتسافر بنفسها لا حسيب ولا رقيب بس بعد مو اني ما اسافر مع بيت خالتي او عمتي او اهلي على شان ماعندي محرم؟؟؟؟؟؟؟؟؟؟؟؟؟؟؟

الدين يسر مو عسر.... يعني الحين لو برى وصار لي حادث ودقوا على اسعاف من بيشيلني؟ اخوي او ابوي؟؟؟؟؟؟؟؟؟؟؟؟ اكييد رجال الاسعاف و المحرم بيكون فقط مرافق
يعني بالاخير لكل زمن ظروفه واحكامه ..ويعتمد على التسهيلات الي متوفره في الايام الحاليه وايام قبل ..

واذا الشخص بيشوف من جانب ديني بحت ومحرم ما محرم بعد حرام المرأه تطلع من بيتها اصلا من غير محرم
وحرام احنا اهين نتناقش مع رجال مومحارم و حرام نشوف تلفزيون وحرام نشتغل من غير سبب وحرام وايد امور... يعني الشخص لازم يقتنع انه الزمن تغير الحين والدين يسر مو عسر

وشكرا


اشهد ان الدنيا سهالات و إن الوحده قامت اتخيط و اتبيط على كيفها و تفتي وقت ما بغيت .,.

كون إن مهب عاجبج كلام رب العالمين و رسوله !!!! ليش اتضيعين وقتج معانا و تسمعين النصايح ؟؟

تبين اتفهمينا ان التحريم مقصور على فئة معينه و في زمن معين مثلا ؟؟

الله يهديج و يهدينا ان شاءالله ..
VIPLady
23-07-2008, 12:29 AM
سؤال؟
الهدف من المشاركات بالموضوع التعليق على الموضوع او نقد الاعضاء المشاركين بالموضوع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Qatar Zone
عفوا يعني بس اكيد عاجبني كلام رب العالمين وعايشين عليه وما انتظر احد يعلمني فيه بعد.. لكن بعد دامه مو عاجبك ردي اتمنى ما تعلق عليه و تكتفي بالتعليق وابداء رايك ومبدئك وفكرتك ووجهه نظرك على الموضوع لا اكثر

وما توصل اني افهم احد اتوقع الاعضاءماشالله عليكم كلكم واصلين لمستوى عالي من الثقافه فماينتظرون احد يجي و يعلمهم و يفهمهم.. وكل من يفهم بالطريقه الي تعجبه .. وانا ما اشوفه مضيعه لوقتي اني اسمع واخذ واعطي مع الاعضاء بالعكس اتشرف ... لكن اذا كانت جمله تعارض مبادئي ما اجي اقول انتوا غلط.. اكتفي بالتعليق بالمبدئ وبالفكره الي في بالي لا اكثر ولا افرض شي على غيري .. ويكون باسلوب لبق

تحياتي
OREO
23-07-2008, 01:01 AM
قبل يسافرون بالشهور على جمال وحصن ويباتون بالايام والاشهر بالبر فاكيد المرأه تحتاج محرم
لكن الحين اعتقد الدنيا سهالات والحمدلله فماله داعي المحرم ..
وجوده حلو لكن ما الغي سفري على شان محرم..
ماقلنا الوحده تروح وتسافر بنفسها لا حسيب ولا رقيب بس بعد مو اني ما اسافر مع بيت خالتي او عمتي او اهلي على شان ماعندي محرم؟؟؟؟؟؟؟؟؟؟؟؟؟؟؟

الدين يسر مو عسر.... يعني الحين لو برى وصار لي حادث ودقوا على اسعاف من بيشيلني؟ اخوي او ابوي؟؟؟؟؟؟؟؟؟؟؟؟ اكييد رجال الاسعاف و المحرم بيكون فقط مرافق
يعني بالاخير لكل زمن ظروفه واحكامه ..ويعتمد على التسهيلات الي متوفره في الايام الحاليه وايام قبل ..

واذا الشخص بيشوف من جانب ديني بحت ومحرم ما محرم بعد حرام المرأه تطلع من بيتها اصلا من غير محرم
وحرام احنا اهين نتناقش مع رجال مومحارم و حرام نشوف تلفزيون وحرام نشتغل من غير سبب وحرام وايد امور... يعني الشخص لازم يقتنع انه الزمن تغير الحين والدين يسر مو عسر

وشكرا


اشكرك على اهتمامك وغيرتك على دينك اخوي
بس الاخت التيما جابت رابط يقول اختلفوا المشايخ في حكم المحرم وانا بصراحه ماقريت المقاله كلها مب لازم ولا اني جيت افتيت .لاني اشوف وسامعه عن وايد حريم يسافرون مع حملات وعوائل من غير محارم خاصه الحريم الكبار
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528602746


والي اقصده يا اخ اكسجين الي بيشوف الحلال والحرام اصلا بعد حرام المراه تسافر سياحه من الاساس بس جذي مع محرم او من غير محرم. تروح من مطعم لين مطعم وتتمشى في الهايد بارك وتتسوق قدام الي رايح والي جاي بعد حراام؟؟ لاضروره لذلك تقعد في بيتها عند عيالها واللي مفروض عليها قضاء فريضه الحج والعمره..يالله ليش هالنقطه ما تطبق حاليا؟؟؟؟؟؟؟؟؟؟؟؟؟ لان الزمن تغير فيه شي اسمه تسهيلات .مرونه.احتياجات...

فيا انكم تاخذون الدين صح ويطبق كااااااااااااااااااااامل . او تكون في مبادئكم شويه مرونه وتراعون اختلاف الزمن مو الي يمشي مع مصلحتي ومبدئي اشوفه حلال والي يخالفه وما احتاجه اخليه حرام..
اذا المشايخ الي اهم المشايخ في امور يجون لك يقول اختلفوا وكل شي يقول الفتوى على حسب مبدئه وتشدده
مثل تغطيه الوجه مشايخ يقولون حلال ومشايخ يقولون حرام؟؟ شتاخذ يعني؟؟؟؟؟؟؟؟؟؟؟؟؟؟ شنو الصح هذا يجيب لك ادله وهذا يجيب لك ادله مع من بتمشي؟؟ اكيد بتمشي مع الي انت مقتنع انه صح دام اختلفوا فيه؟؟ واهم شي مو حرام وانت ما تخالف ربك فيه


يعذرني صاحب الموضوع على التطفل بموضوعه ..
وشكرا


بالذمه هذه ردود من وحده تستمد تعاليمها من القرآن و السنه ؟؟

كونج سمعتي و اسمعتي من بعض المشايخ بأن السفر بدون محرم صار

شئ عادي و يتواكب مع الزمن .. ليش ما اتكملين جميلج و تسألينهم اذا في قرآن و احاديث جديده اتواكب العصر اللي
احنا عايشن فيه ؟؟؟


استغفرالله ,, اتخلين الواحد ينطق بكلام مالها داعي ..

و نسيت اشكرك يا راعي الموضوع و اقولك تسلم اناملك على النقل و الله يجزاك الخير دنيا و آخره ..
VIPLady
23-07-2008, 01:15 AM
اي نعم هذي ردود
وهذي افكاري

واحترم رايك وعلى عيني وراسي

وبعدين وايد امور نسمع فيها وتكون لها ادله من السنه والقران مو شرط نحفظها.. واحنا قاعدين في منتدى يعني مناقشه واخذ وعطى مو في محاضرات ولا في جامعه على شان اكون ملزمه بحفظ وتقديم ادله

واحي فيك غيرتك على دينك اخوي .. والعذر والسموحه اذا سببت لك اي نوع من النرفزه او المضايقه

تحياتي
بوحارب
23-07-2008, 01:19 AM
انا ماسافر من غير محرم:confused:
Bluetooth
23-07-2008, 01:37 AM
اي نعم هذي ردود
وهذي افكاري

واحترم رايك وعلى عيني وراسي

وبعدين وايد امور نسمع فيها وتكون لها ادله من السنه والقران مو شرط نحفظها.. واحنا قاعدين في منتدى يعني مناقشه واخذ وعطى مو في محاضرات ولا في جامعه على شان اكون ملزمه بحفظ وتقديم ادله

واحي فيك غيرتك على دينك اخوي .. والعذر والسموحه اذا سببت لك اي نوع من النرفزه او المضايقه

تحياتي



كلام سليم وانا احيج اختي على الاسلوب الراقي في الحوار

كلنا ممكن تكون عندنا بعض المفاهيم او المعلومات الخاطئه ونعتقد انها صح

والمنتدى الهدف منه النقاش والحوار

الي من خلاله راح تتوضح هذي الامور
VIPLady
23-07-2008, 02:04 AM
كلام سليم وانا احيج اختي على الاسلوب الراقي في الحوار

كلنا ممكن تكون عندنا بعض المفاهيم او المعلومات الخاطئه ونعتقد انها صح

والمنتدى الهدف منه النقاش والحوار

الي من خلاله راح تتوضح هذي الامور

Thanx alot
VIPLady
23-07-2008, 02:05 AM
انا ماسافر من غير محرم:confused:

good for u

بارك الله فيك وماشالله عليك يا بوحارب ياليت كل الناس مثلك ما تسافر من غير محرم :)

خل الناس تتعض بس وتتعلم منك
OREO
23-07-2008, 03:58 PM
انا ماسافر من غير محرم:confused:


بوحارب انت مرفوع عنك القلم ..

ما تحتاج محرم .. بس اهم شئ انك ما اتسافر بدون دلة الكرك .. :nice:

الا ما قلتلي اخوي .. كم وصل سعر الحديد ؟؟ :rolleyes2:
OREO
23-07-2008, 04:02 PM
اي نعم هذي ردود
وهذي افكاري

واحترم رايك وعلى عيني وراسي

وبعدين وايد امور نسمع فيها وتكون لها ادله من السنه والقران مو شرط نحفظها.. واحنا قاعدين في منتدى يعني مناقشه واخذ وعطى مو في محاضرات ولا في جامعه على شان اكون ملزمه بحفظ وتقديم ادله

واحي فيك غيرتك على دينك اخوي .. والعذر والسموحه اذا سببت لك اي نوع من النرفزه او المضايقه

تحياتي


انتي غريبه !!!! .. كيف تأيدين السفر بدون محرم و انتي ما تتقبلينها على نفسج؟؟ :rolleyes2:

بالعكس اختي .. ما تكلمت الا لاني اغار على ديني و على بنات بلادي اللي هم خواتي في الله .. لا اكثر و لا اقل ..

الله يهدينا جميعا ان شاءالله ..
VIPLady
23-07-2008, 04:08 PM
انتي غريبه !!!! .. كيف تأيدين السفر بدون محرم و انتي ما تتقبلينها على نفسج؟؟ :rolleyes2:

بالعكس اختي .. ما تكلمت الا لاني اغار على ديني و على بنات بلادي اللي هم خواتي في الله .. لا اكثر و لا اقل ..

الله يهدينا جميعا ان شاءالله ..

انا ماقلت أأيد او اعارض
وماقلت ما ارضاها على نفسي ولا ارضاها.. وفي وجهه نظري مافيها شي اصلا. خاصه اذا المراه كانت كبيره ..
لكن الظروف احيانا تحد الشخص ودينيا ماحرمه بشكل كامل فليش تحرمون شي ربك يسره لك...؟؟والحمدلله دينا يسر مو عسر..

وانا سافرت كم مره بروحي لاني كنت مضطره والله يخلي لي اخواني وزوجي فماحتاج اسافر بنفسي اصلا..
وصارت لي مره او مرتين اني اقعد مع خواتي الكبار من غير محرم بديره نعرفها وحافظينها والحمدلله ماصادتنا اي مشكله ..
اتكلم عن الي ماعندهم حد وعلى شان جذي اختلفوا المشايخ ..

والاختلاف جانا من التسهيلات والاختلاف بين قبل والحين؟؟ فيه فرق لين تسافر على جمل وحصان وانك تسافر بطياره ومطار وسهالات.. هذا كان القصد مو اكثر

وغيرتك على دينك و خواتك على عيني وراسي والله يهدي الجميع انشالله

تحياتي
OREO
23-07-2008, 05:55 PM
انا ماقلت أأيد او اعارض
وماقلت ما ارضاها على نفسي ولا ارضاها.. وفي وجهه نظري مافيها شي اصلا. خاصه اذا المراه كانت كبيره ..
لكن الظروف احيانا تحد الشخص ودينيا ماحرمه بشكل كامل فليش تحرمون شي ربك يسره لك...؟؟والحمدلله دينا يسر مو عسر..

وانا سافرت كم مره بروحي لاني كنت مضطره والله يخلي لي اخواني وزوجي فماحتاج اسافر بنفسي اصلا..
وصارت لي مره او مرتين اني اقعد مع خواتي الكبار من غير محرم بديره نعرفها وحافظينها والحمدلله ماصادتنا اي مشكله ..
اتكلم عن الي ماعندهم حد وعلى شان جذي اختلفوا المشايخ ..

والاختلاف جانا من التسهيلات والاختلاف بين قبل والحين؟؟ فيه فرق لين تسافر على جمل وحصان وانك تسافر بطياره ومطار وسهالات.. هذا كان القصد مو اكثر

وغيرتك على دينك و خواتك على عيني وراسي والله يهدي الجميع انشالله

تحياتي


كون الدنيا سهالات و ديننا دين يسر و ليس عسر .. ليش طيب المرأه اللي ما عندها محرم مهب واجب عليها

تأدية الركن الخامس من اركان الاسلام ؟؟

سؤال ..

هل الدراسه في الدول الاجنبيه اهم من الركن الخامس ؟؟

هل الترفيه عن النفس في ربوع لندن و فيينا اهم من الركن الخامس؟؟

هل البزنس في الدول الغربيه اهم من الركن الخامس؟؟

هل التعليم في الدول الغربيه اهم من الركن الخامس ؟؟

اختي العزيزه .. الركن الخامس من اركان الاسلام يقول ( حج بيت الله لمن استطاع اليه سبيلا )( واااااجب ) .

يعني اذا الواحد ما يملك مصاريف او محرم او إن كان مريض او او .. في الحالات هذه نقدر نقول .. نعم ديناا دين يسر و ليس عسر و ليس من الواجب تأدية الفريضه رغم انها ركن من اركان الاسلام ..

اختي .. ما عليج امر .. ممكن تقولين لي ايش الاشياء الضرورية اللي تخلي الوحده تسافر بروحها ..
VIPLady
23-07-2008, 06:10 PM
ما اقدر ادخل بالتفاصيل لان معلوماتي الدينيه ضعيفه واخاف اقول شي ويطلع مشكوك فيه

واذا على الضروره
اصلا من الاساس لا تسافر لا بمحرم ولا من غير محرم... 99 بالميه من النساء الحين يسافرون للترفيه مع المحارم؟؟؟؟؟؟؟؟؟؟؟ هذي حلال يعني؟؟؟ لكن في ايامنا هذي دامها مسافره وشكلها محترم شالمانع انها ترفهه عن نفسها مع محرم ..

ليش تطلع تروح اي مجمع تمشي اطفالها مثلا؟؟ حراام مو ضروري خل الابو يوديهم
يعني الحين كل النساء الي نشوفهم بكل مكان افعالهم واعمالهم حرام بحرام؟؟؟؟؟؟؟؟؟؟؟؟؟؟ الزمن تغير ولازم نمشي معاه في حدود الاحترام والتقيد بالحلال والحرام بمنطق ومو بتشدد وعصبيه

والاشياء الضروريه ... مثلا عن نفسي رجعت بنفسي من بريطانيا بحكم انه زوجي كان بيكمل رحلته لالمانيا عنده شغل؟؟ يعني شرايك يرجع قطر على شان يرجعني بس 7 ساعات بالطياره و بعدها يرجع لالمانيا؟؟؟؟؟؟؟؟؟؟؟ هالكلام يعقل يعني؟؟
سافرت مع خواتي الكبار جلسنا لحالنا يوم من غير محرم كان بهدف تغير جو مو اكثر .. والدوله قريبه والحين كل شي سهل سياره تحت امرك المطارات تخليك ماتحتاج شي ومن هالامور.. وين الحرام في هالشي؟؟

والحج مايقصد فقط المراه؟؟؟ يقصد المريض والي ماعنده تكاليف الحج ووايد امور تقدر تضيفها لجمله لمن استطاع سبيله.. يعني ما جات على سفر المراه
وكل هالامور الي قلتها اذا اي شخص يقدر يوفرها يعني قادر على تنفيذ الركن الخامس عشرين مره مو مره وحده يعني ..

الحوار والنقاش ماله نهايه ومانبي ندخل امور بامور اخرى .. فقط المحرم ضروري او غير ضروري في السفر.. حرام المره تسافر او عادي؟؟؟؟؟؟؟؟؟؟؟؟؟؟؟؟؟؟؟؟؟؟ واهني تختلف من نظره شخص عن الثاني وكل من له منطقه ومبادئه و المبررات الي ممكن يحطها لنفسه على شان في النهايه تمشي مع مصالحه

ونقطه اخيره في ناس تراعي العادات والتقاليد وانه عيب وماعيب المراه تسافر بنفسها .. يعني لا دين ولا غيره.. فياليت ما نخلط بين الامرين

وتحياتي
OREO
25-07-2008, 12:10 AM
ما اقدر ادخل بالتفاصيل لان معلوماتي الدينيه ضعيفه واخاف اقول شي ويطلع مشكوك فيه

واذا على الضروره
اصلا من الاساس لا تسافر لا بمحرم ولا من غير محرم... 99 بالميه من النساء الحين يسافرون للترفيه مع المحارم؟؟؟؟؟؟؟؟؟؟؟ هذي حلال يعني؟؟؟ لكن في ايامنا هذي دامها مسافره وشكلها محترم شالمانع انها ترفهه عن نفسها مع محرم ..

ليش تطلع تروح اي مجمع تمشي اطفالها مثلا؟؟ حراام مو ضروري خل الابو يوديهم
يعني الحين كل النساء الي نشوفهم بكل مكان افعالهم واعمالهم حرام بحرام؟؟؟؟؟؟؟؟؟؟؟؟؟؟ الزمن تغير ولازم نمشي معاه في حدود الاحترام والتقيد بالحلال والحرام بمنطق ومو بتشدد وعصبيه

والاشياء الضروريه ... مثلا عن نفسي رجعت بنفسي من بريطانيا بحكم انه زوجي كان بيكمل رحلته لالمانيا عنده شغل؟؟ يعني شرايك يرجع قطر على شان يرجعني بس 7 ساعات بالطياره و بعدها يرجع لالمانيا؟؟؟؟؟؟؟؟؟؟؟ هالكلام يعقل يعني؟؟
سافرت مع خواتي الكبار جلسنا لحالنا يوم من غير محرم كان بهدف تغير جو مو اكثر .. والدوله قريبه والحين كل شي سهل سياره تحت امرك المطارات تخليك ماتحتاج شي ومن هالامور.. وين الحرام في هالشي؟؟

والحج مايقصد فقط المراه؟؟؟ يقصد المريض والي ماعنده تكاليف الحج ووايد امور تقدر تضيفها لجمله لمن استطاع سبيله.. يعني ما جات على سفر المراه
وكل هالامور الي قلتها اذا اي شخص يقدر يوفرها يعني قادر على تنفيذ الركن الخامس عشرين مره مو مره وحده يعني ..

الحوار والنقاش ماله نهايه ومانبي ندخل امور بامور اخرى .. فقط المحرم ضروري او غير ضروري في السفر.. حرام المره تسافر او عادي؟؟؟؟؟؟؟؟؟؟؟؟؟؟؟؟؟؟؟؟؟؟ واهني تختلف من نظره شخص عن الثاني وكل من له منطقه ومبادئه و المبررات الي ممكن يحطها لنفسه على شان في النهايه تمشي مع مصالحه

ونقطه اخيره في ناس تراعي العادات والتقاليد وانه عيب وماعيب المراه تسافر بنفسها .. يعني لا دين ولا غيره.. فياليت ما نخلط بين الامرين

وتحياتي


معليش اختي حقج على .. يمكن لان مذاهبنا تختلف ..

لان مذهبي ينص على اني اتبع القرآن و السنه و انتي ما ادري ايش قاعده تتبعين و الا اي مذهب تتبعين ...

اقولج الركن الخامس يقول الحج لمن استطاع اليه سبيلا .. اتردين و اتقولين هذا اذا كان مريض و الا ما عنده امكانيه و اتشلين المحرم من السالفه ؟؟

الله يهديج بس .. و حبيت اقولج اختي العزيزه بأني اتبع اهل السنه و الجماعه لا اكثر و لا اقل ..

و الشئ الثاني اختي انا يوم اقولج حرام .. الشئ هذا رب العالمين حرمه مهب وجهة نظري الشخصية .. و لكن انتي تتكلمين عن وجهة نظرج الشخصية .. و ان شاءالله يوم الحشر بنتلاقى بإذن الله و بذكرج من كان على حق ..
VIPLady
25-07-2008, 12:30 AM
اتوقع المذاهب وحده
ومذهبي السني انا ومثلي مثلكم و انا ما تكلمت من وجهه نظري الخاصه .. لكن اتكلم بمنطق ديني يسر الامور علي فماله داعي اصعبها على نفسي .. كان هذا القصد مو اكثر

ونلتقى بالجنه انشالله

تحياتي
Night KNight
25-07-2008, 03:11 AM
الله يثبتها ان شاء الله

والله يجزاك خير اخوي راشد 1

الله يهدي البنـات الي يروحون بدون محرم بالاخص الله يهدي اهلهم الي مهملينهم
!قطريـة بنت القمـر!
25-07-2008, 03:49 AM
الله يهديها ويهدينا جميع .... والنقاش الحاد اللي صار بسبة هالسالفه اشوف ماله داعي لتكبير الموضوع ؟؟ المنتدى وضعوه للنقاش بس هالموضوع مو للنقاش يعني واحد حط موضوع والكل له الحق يبدي رأيه بدون هجوم بهالشكل على المره يعني قالت رايها وسواء كنا معاه او ضده خلاص عادي بس جي احس كليتوها ؟؟ وثاني شي صج وايد مشايخ اجازو حج المراه بدون محرم اذا كانت مع مجموعة من النساء نفس الحملات اللي يسوونها لان ترى في حريم ما عندهم محارم ؟؟ وساعات ترى في محارم من الرجال لكن ما يبون يادون الفريضه شنسوي مثلا هل ننطر لين الله يهديهم ويجون معانا؟؟ واذا ما اهتدوا كلش ؟؟ اقعد ببيتنا مثلا ولا اروح للعمره ولا الحج ؟؟ لا طبعا صج الدين يسر وليس عسر والكل يعرف ان وايد احكام تغيرت بسبة الظروف وحكم الزمااان لان ايام اول غير وايامنا كلش غير ؟؟ والدين الاسلامي اللي تميز فيه هو مواكبته لكل العصور بحيث ان وايد احكام تتغير على مر الظروف والوقت والازمنه ؟؟ يعني ديننا تميزه في مرونته ويختلف من بلادنا مثلا في الخليج وفي بلاد الشام وفي مصر في بعض الاحكام ومحد يقدر ينكر هالشي ؟؟ وهالزمن صارت البنت تكمل دراستها برى بدون محرم ومو معناته انه حلال ولا حرام بس انها من الامور اللي استجدت بهالزمن لكن ما يعتبر من المحرمات .... جزاكم الله خير بس هدوا السالفه وكلن ابدى برايه ومافي داعي لهالهجوم و وشوي وبتكفرون البنت وهالشي ما يجوز واتبعو الاسلوب النبوي في الحكمه والموعظه الحسنه بدون التطرق باسلوب غير مباشر للتشكيك في ايمان الشخص واسلامه ؟؟
VIPLady
25-07-2008, 04:04 AM
قطريه قمر

احي فيج العقليه المثقفه والمتفهمه والاسلوب اللبق والراقي في الحوار ..

ولفتتني الجمله هذي وايد (بدون التطرق باسلوب غير مباشر للتشكيك في ايمان الشخص واسلامه )....

يعني هذا الحلال الحين صار والسفر من غير محرم اهو الحرام ..


على شان جذي ذكرت في مشاركاتي السابقه الامور الي تمشي مع مصالح الشخص يحللها والامور الي تعارض يقول انها حرام ..

تحياتي
!قطريـة بنت القمـر!
25-07-2008, 05:30 AM
قطريه قمر

احي فيج العقليه المثقفه والمتفهمه والاسلوب اللبق والراقي في الحوار ..

ولفتتني الجمله هذي وايد (بدون التطرق باسلوب غير مباشر للتشكيك في ايمان الشخص واسلامه )....

يعني هذا الحلال الحين صار والسفر من غير محرم اهو الحرام ..


على شان جذي ذكرت في مشاركاتي السابقه الامور الي تمشي مع مصالح الشخص يحللها والامور الي تعارض يقول انها حرام ..

تحياتي

عساج ع القوه اختـي ..... الحق حق والوقفه مع الحق بدون التحيز لاي انسان وهاي اللي ابي اوصل له .... وكلامج صحيح في ان في ناس تحلل اللي على هواها وتحرم اللي يتعارض مع مصالحها وهاي تنطبق عليها الايه اللي تقول في وصف بني اسرائيل قال تعالى " اتؤمنون ببعض الكتاب وتكفرون ببعض " .... يعني اللي يعجبهم من الكتاب والسنه يعتبر حلال واللي مو عاجبهم حرام .... احنا ما نحلل السفر بدون محرم لكن مو تعتبرونه حرام لظروف معينه ؟؟ مثل ما ذكرنا لحد ينسى في حريم مالهم محرم اساسا ويتمنون الحج والمشايخ حللو مثلا سفرهم مع جمعة من النساء مثلهم وايضا سفر الكثير من الفتيات المثقفات لطلب العلم بالخارج وفي ناس تسافر لمتطلبات الشغل والعمل وفي وفي وفي وفي .... الله يستر على بناتنا وشبابنا ويهدينا جميع ان شاء الله ....
OREO
25-07-2008, 04:29 PM
الله يهديها ويهدينا جميع .... والنقاش الحاد اللي صار بسبة هالسالفه اشوف ماله داعي لتكبير الموضوع ؟؟ المنتدى وضعوه للنقاش بس هالموضوع مو للنقاش يعني واحد حط موضوع والكل له الحق يبدي رأيه بدون هجوم بهالشكل على المره يعني قالت رايها وسواء كنا معاه او ضده خلاص عادي بس جي احس كليتوها ؟؟ وثاني شي صج وايد مشايخ اجازو حج المراه بدون محرم اذا كانت مع مجموعة من النساء نفس الحملات اللي يسوونها لان ترى في حريم ما عندهم محارم ؟؟ وساعات ترى في محارم من الرجال لكن ما يبون يادون الفريضه شنسوي مثلا هل ننطر لين الله يهديهم ويجون معانا؟؟ واذا ما اهتدوا كلش ؟؟ اقعد ببيتنا مثلا ولا اروح للعمره ولا الحج ؟؟ لا طبعا صج الدين يسر وليس عسر والكل يعرف ان وايد احكام تغيرت بسبة الظروف وحكم الزمااان لان ايام اول غير وايامنا كلش غير ؟؟ والدين الاسلامي اللي تميز فيه هو مواكبته لكل العصور بحيث ان وايد احكام تتغير على مر الظروف والوقت والازمنه ؟؟ يعني ديننا تميزه في مرونته ويختلف من بلادنا مثلا في الخليج وفي بلاد الشام وفي مصر في بعض الاحكام ومحد يقدر ينكر هالشي ؟؟ وهالزمن صارت البنت تكمل دراستها برى بدون محرم ومو معناته انه حلال ولا حرام بس انها من الامور اللي استجدت بهالزمن لكن ما يعتبر من المحرمات .... جزاكم الله خير بس هدوا السالفه وكلن ابدى برايه ومافي داعي لهالهجوم و وشوي وبتكفرون البنت وهالشي ما يجوز واتبعو الاسلوب النبوي في الحكمه والموعظه الحسنه بدون التطرق باسلوب غير مباشر للتشكيك في ايمان الشخص واسلامه ؟؟



عساج ع القوه اختـي ..... الحق حق والوقفه مع الحق بدون التحيز لاي انسان وهاي اللي ابي اوصل له .... وكلامج صحيح في ان في ناس تحلل اللي على هواها وتحرم اللي يتعارض مع مصالحها وهاي تنطبق عليها الايه اللي تقول في وصف بني اسرائيل قال تعالى " اتؤمنون ببعض الكتاب وتكفرون ببعض " .... يعني اللي يعجبهم من الكتاب والسنه يعتبر حلال واللي مو عاجبهم حرام .... احنا ما نحلل السفر بدون محرم لكن مو تعتبرونه حرام لظروف معينه ؟؟ مثل ما ذكرنا لحد ينسى في حريم مالهم محرم اساسا ويتمنون الحج والمشايخ حللو مثلا سفرهم مع جمعة من النساء مثلهم وايضا سفر الكثير من الفتيات المثقفات لطلب العلم بالخارج وفي ناس تسافر لمتطلبات الشغل والعمل وفي وفي وفي وفي .... الله يستر على بناتنا وشبابنا ويهدينا جميع ان شاء الله ....


اختي قطريه اشوفج وايد مشتطه .. :omg:

اذا السفر من غير محرم مهب حلال و لا حرام .. ( ممكن اتقولينلنا ايش حكمه في الاسلام ؟؟ ) ..

و ارجو منج اختي تعطينا الاثباتات من القرآن و السنه .. و اذا ما حصلتي شئ بتبرير كلامج من القرآن و السنه .. تقدرين تعطينا من فتاوي علماء اهل السنه و الجماعه مع الادلة اللي استندو عليها ..

بإنتظار الاجابة اختي الكريمة ( قطرية قمر ) ..
!قطريـة بنت القمـر!
26-07-2008, 03:05 AM
اختي قطريه اشوفج وايد مشتطه .. :omg:

اذا السفر من غير محرم مهب حلال و لا حرام .. ( ممكن اتقولينلنا ايش حكمه في الاسلام ؟؟ ) ..

و ارجو منج اختي تعطينا الاثباتات من القرآن و السنه .. و اذا ما حصلتي شئ بتبرير كلامج من القرآن و السنه .. تقدرين تعطينا من فتاوي علماء اهل السنه و الجماعه مع الادلة اللي استندو عليها ..

بإنتظار الاجابة اختي الكريمة ( قطرية قمر ) ..




اول شي اخوي حلو الاسلوب (وايد مشتطه) ؟؟ اولا ارتقي بالحوار ولا تقط نغزات وثانيا هاي مو موضوع مفتوح للفتاوي ولا هو منتدى شريعه عشان لا انت ولا غيرك ولا انا حتى نقط فتاوي هني ولا نقعد نثبت ومن هالكلام ؟؟ وثانيا كل اللي قلته ان وايد بنات يكملون دراستهم برى فهل رأي الدين كان انه حرم هالشي ؟؟ ماسمعت بالتحريم في حالات معينه والرسول عليه الصلاة والسلام امر بالعلم ولو في الصين وديننا يحثنا ع العلم وفي وايد تخصصات ما تكون بالبلاد نفسها والبنت لها رغبة في دراستها عشان تفيد الناس وبلادها ومحد يقدر يقول هاي حرام ؟؟ وانما الاعمال بالنيات والبنت رغبتها تكون في هالحاله الافاده ؟؟ .... وقفلو على هالسيره لانه صج يبين في ناس ادور المشاكل وكلن ابدى وجهة نظره وانتهت السالفه لحد هني ولحد يطولها وهي قصيره :) ....
OREO
26-07-2008, 02:17 PM
اول شي اخوي حلو الاسلوب (وايد مشتطه) ؟؟ اولا ارتقي بالحوار ولا تقط نغزات وثانيا هاي مو موضوع مفتوح للفتاوي ولا هو منتدى شريعه عشان لا انت ولا غيرك ولا انا حتى نقط فتاوي هني ولا نقعد نثبت ومن هالكلام ؟؟ وثانيا كل اللي قلته ان وايد بنات يكملون دراستهم برى فهل رأي الدين كان انه حرم هالشي ؟؟ ماسمعت بالتحريم في حالات معينه والرسول عليه الصلاة والسلام امر بالعلم ولو في الصين وديننا يحثنا ع العلم وفي وايد تخصصات ما تكون بالبلاد نفسها والبنت لها رغبة في دراستها عشان تفيد الناس وبلادها ومحد يقدر يقول هاي حرام ؟؟ وانما الاعمال بالنيات والبنت رغبتها تكون في هالحاله الافاده ؟؟ .... وقفلو على هالسيره لانه صج يبين في ناس ادور المشاكل وكلن ابدى وجهة نظره وانتهت السالفه لحد هني ولحد يطولها وهي قصيره :) ....


اول شئ احب اقولج مهب انا اللي اقط نغزات .. انا وجهت الكلام لج مباشره اختي ..

مهب مثل الردود اللي شفتها منج اللي كلها نغزات و كلام غير منطقي و فوق هذا كله باين انج تقصديني بدون ذكر اسمي ..

و السبب انا اللي كنت اناقش الاخت و انتي دشيتي قمتي تفتين و تفتنين ..

كونج دخلتي و حبيتي تتناقشين .. حياج الله و اذا مهب حابه تتناقشين على شئ مفيد .. بعد هم حياج الله ..

و عن سالفة البنت تسافر بدون محرم حلال و الا حرام .. نعم حرام و مافي مجال للتشكيك ..

و على قولتج اذا البنت تبي تدرس و اتفيد الناس .. على ما اظن نساء الرسول ( ص ) و الصحابيات كانوا اولى من نساء زمننا هذا ..

بمجمل الموضوع .. انتي تفتين من عندج و بدون اي ادلة و هذا الشئ عواقبة خطيرة اختي و استغفري ربج ..

و الدليل على تحريم خروج المراه من بيتها ...........

1 - من الصحيحين (( لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم عليها ))..

2 - الشيخ الدكتور يوسف القرضاوي :

الأصل المقرر في شريعة الإسلام ألاّ تسافر المرأة وحدها، بل يجب أن تكون في صحبة زوجها، أوذي محرم لها.

ومستند هذا الحكم ما رواه البخاري وغيره عن ابن عباس رضي الله عنه قال: قال رسول الله - صلى الله عليه وسلم -: " لا تسافر المرأة إلا مع ذي محرم، ولا يدخل عليها رجل إلا ومعها محرم ".

وعن أبي هريرة مرفوعًا: " لا يحل لامرأة تؤمن بالله واليوم الآخر أن تسافر مسيرة يوم وليلة ليس معها محرم " (رواه مالك والشيخان وأبو داود والترمذي وابن ماجة عن أبي هريرة).

وهذه الأحاديث وغيرها تشمل كل سفر، سواء كان واجبًا كالسفر لزيارة أو تجارة أو طلب علم أو نحو ذلك.

وليس أساس هذا الحكم سوء الظن بالمرأة وأخلاقها، كما يتوهم بعض الناس، ولكنه احتياط لسمعتها وكرامتها، وحماية لها من طمع الذين في قلوبهم مرض، ومن عدوان المعتدين من ذئاب الأعراض، وقطاع الطرقات، وخاصة في بيئة لا يخلو المسافر فيها من اجتياز صحار مهلكة، وفي زمن لم يسد فيه الأمان، ولم ينتشر العمرا..

( منقول من اسلام اون لاين .) ..

على ما اظن احاديث واضحه و البنت مهب مجبوره تتقيد بكلام رب العالمين و الرسول ( ص ) او علماء المسلمين ..

و السبب عندها حرية الاختيار و جزائها يوم الحق ان شاءالله .,.


و اذا حابة اتجادلين اكثر .. روحي جادلي الشيخ و الشريعة الاسلاميه .. لاني مهب انا اللي افتيت و قلت حرام و الا حلال ..

و شكرا ..
الفنان
27-07-2008, 07:09 AM
السلام عليكم .... ممكن مداخله .... الموضوع وايد تشتت الاخت الي حطت الموضوع تتكلم عن نفسها .... يعني بالعربي هي رايحه مع خالتها لندن سياحه بدون محرم وبس .... ليش هالتعقيد والحج والعمره والسفر للضروره والسفر للعلاج كل شي له حكم ..... الحين السؤال هو نعيده بس بحجم اكبر شوي وبلون ثاني

هل الوحده تسافر برع دولة قطر مع خالتها ( يعني مب محرم ) للسياحه ( يعني مب ضروره ) يجوز ولا لا ؟
وسامحوني اذا دخلت عرض بس انا اقول نسكر الموضع وندعو اول شي لي انا عشان الله يهديني
وبعدين كلو واحد يدعو حق اخوه لان بياخذ الاجر ولك مثله ... وشكرا
عزووز قطر
05-08-2008, 01:38 PM
الدين صالح لكل زمان ومكان ....

واشكر صاحب الموضوع والله يجعله في ميزان حسناته
بوخالد911
05-08-2008, 01:44 PM
الله يثبتها

ويجزيها كل خييير
الروقي
07-08-2008, 08:39 AM
نهى النبي صلى الله عليه وسلم ان تسافر المراه بلا محرم فجزاك الله على عدم سفرك بلا محرم وايضا الى بلاد الكفر التي فيها انحلال فالله يعوضك بعمره مقبوله ان شاء الله

والله ولي التوفيق
ذيبه مزاجيه
07-08-2008, 10:54 AM
جزاك الله خير على الموضوع اخوي

والحمدلله انا ما اسافر كلش ههههههههههههههههه

ولو سافرت بيكون مع زوجي المستقبلي ان شاء الله

تحياتي
عذب الكلام 1
07-08-2008, 12:46 PM
الله يجزاك خير
الراقية
10-08-2008, 02:09 AM
omenomenomenomenomenomen


ماشاء الله تبارك الرحمن

كل شباب وشيبان المنتدى اهلهم مايسافرون بدون محرم :nop:

وكل بنات المنتدى مايسافرون بدون محرم :nop:



خبر يفرح القلب ويسر الخاطر :looking: وايد تغيرت الدوحة اقصد المنتدى في غيابي :victory:


راشد تسلم يمناك ...والله يثبت البنت
ضوى
10-08-2008, 02:14 AM
omenomenomenomenomenomen


ماشاء الله تبارك الرحمن

كل شباب وشيبان المنتدى اهلهم مايسافرون بدون محرم :nop:

وكل بنات المنتدى مايسافرون بدون محرم :nop:



خبر يفرح القلب ويسر الخاطر :looking: وايد تغيرت الدوحة اقصد المنتدى في غيابي :victory:


راشد تسلم يمناك ...والله يثبت البنت



هلا وغلا بكل الغلا

نور المنتدى يالغالية

صدقتي بكلامج ولو التيما اهنيه كان علووووووووم :)
الراقية
10-08-2008, 02:17 AM
هلا وغلا بكل الغلا

نور المنتدى يالغالية

صدقتي بكلامج ولو التيما اهنيه كان علووووووووم :)


:secret::secret::secret:


هلا وغلا بج يالغالية


انا مالي خص فيكم انتي والتيما زززززززززين :telephone::telephone:

دبوووووووووووووووووووووه :anger1::anger1::anger1:
ضوى
10-08-2008, 02:25 AM
:secret::secret::secret:


هلا وغلا بج يالغالية


انا مالي خص فيكم انتي والتيما زززززززززين :telephone::telephone:

دبوووووووووووووووووووووه :anger1::anger1::anger1:





:anger1::anger1::anger1::anger1::anger1:
العاصمي
10-08-2008, 04:47 AM
الله يثبتها ويكثر من أمثالها هي وجميع خواتنا السلمات
Qtr Denver
10-08-2008, 10:32 PM
الله يثبتها ويحسن خاتمتها