أستفسار ات في أستفسار :) أرجو المساعده من الأصدقاء

[لحظه وتمر]

مرحبا أعزائي

شخباركم؟؟

عساكم على القوه؟؟ :)

بصراحه عندي سؤالين حابة أني أسألكم أياه؟؟

أول شي شنو أفضل الأسهم حق المضاربات؟؟

وبخصوص السؤال الثاني, لفت نظري سؤال سألني أياه واحد من الأهل (صغير في السن) يعني 18 سنه

وللأسف ماعرفت أجاوب عليه خبركم عليميه--------------> :shy:

يحليله يبي يغامر بالأسهم على قده وعنده 1500 ريال :D

ويبي يضارب فيهم ( وماستغربت منه ) لأن مشالله مخه نظيـــــــف ورياضي بس محتاج شوية خبره :con2:

يقول لو يبي يشتري مثلآ من 10 الى 20 سهم يصير؟؟ :con2: ولا الشراء مقتصر على أرقام معينه؟؟

ويبتدي يضارب فيهم بشويش الين يكون نفسه حتى لو أستمر على هالحال سنه كامله؟؟



ويصلح أنه(( يشتري ويبيع ))عن طريق التلفون؟---> بحكم أنشغاله في دراسته, مع علمي بأن الشرى
صعب عن طريق التلفون الا الي رصيدهم يحتوي على مليون ريال أو أكثر (هذا كلام بنك قطر الوطني)

وهل يصلح أنه يوكل حد بأسمه يعني ينصحه ويضاربله بالأسهم

وكيف تكون الأجراءات؟

وهل تنصحوني بشخص معين ثقه من خبرتكم الشخصية يقدر يوكله ومنه أستفيد بعد :D

ولكم جــــــــــــــــــــــــــــــــــــــــزيل الشكر

أختكم عليميه اليوم-----------> بكره عبقرينو :D

[بو سلطان]

يسوي حطيه مع ربعه وتسير 5000 وبعدين يدخل السووووووووووق

[لحظه وتمر]

بوسلطان شكلك تبي تزيد مشاركاتك

على العموم أذا عندك معلومه أتمنى انك تفيد وتستفيد :)

[بو سلطان]

لا والله عليميه انتي تقولين عنده 1500 بس المبلغ صقر ممكن يدخل السوق الصقر مع اعتذاري وشكرا

[ولد البلد]

بوسلطان شكلك تبي تزيد مشاركاتك

على العموم أذا عندك معلومه أتمنى انك تفيد وتستفيد :)

1500 ريال غير مجدية للمضاربة أبدا!!
أنصح باستخدامها للاكتتابات القادمة في 2006
وشكرا

[لحظه وتمر]

معلوم ما نقال ......... وأنا عارفة كل هالحجي الي تقولونه؟؟

بس أسألتي واضحه وأتمنى الرد عليها بتسلسل واضح ..... بالأخص من أصحاب الخبره

تحياتي

[حمد]

اختي

الموضوع صار لي اليوم

عندي اخوي الصغير عنده 4000 ريال .... وذبحني وهو ايحن الا يدخل في البورصه
قلت له روح سجل في المجموعه وحط رقمي في بياناتك الاولية الي راح اتسجلها عندهم في السيستم عشان اقدر احط طلبات لك ( هاي رد على استفسارج )

المهم اليوم اتصلت وحطيت طلب شراء مواشي على 36.3

الي صار

ان السهم نزل لين 36.2 ولا شرولي

السبب :

ان طلب الشراء او البيع اذا قل عن 5000 ريال ... يدخل في سوق اسمه ... السوق الصغير

وهو سوق موجود في البورصه بس مب معلن ....( بدون شاشه ) وتنتظرين لين حد يبي ايبيع بنفس سعرك

عقب ماسكر السوق اتصلت حق المجموعه ... وسالت عن سبب عدم التنفيذ ... فذكر ان اقل سعر كان معروض في السوق الصغير هو 36.5 فماقدرنا نشتريلك

اتمنى اكون افدتج بالقصه الي صارت لي

حمد

[بـوصـالـح]

انا اقول وافضل

يحااول يجمع بعد (( ويدش بالشركات الجديده القادمه )) بالاكتتابات الجايه ابرك له

واحسن له واربح له

[حمد]

انا اقول وافضل

يحااول يجمع بعد (( ويدش بالشركات الجديده القادمه )) بالاكتتابات الجايه ابرك له

واحسن له واربح له

رايي من رايك يابوصالح

[ontop]

مرحبا أعزائي

شخباركم؟؟

عساكم على القوه؟؟ :)

بصراحه عندي سؤالين حابة أني أسألكم أياه؟؟

أول شي شنو أفضل الأسهم حق المضاربات؟؟

وبخصوص السؤال الثاني, لفت نظري سؤال سألني أياه واحد من الأهل (صغير في السن) يعني 18 سنه

وللأسف ماعرفت أجاوب عليه خبركم عليميه--------------> :shy:

يحليله يبي يغامر بالأسهم على قده وعنده 1500 ريال :D

ويبي يضارب فيهم ( وماستغربت منه ) لأن مشالله مخه نظيـــــــف ورياضي بس محتاج شوية خبره :con2:

يقول لو يبي يشتري مثلآ من 10 الى 20 سهم يصير؟؟ :con2: ولا الشراء مقتصر على أرقام معينه؟؟

ويبتدي يضارب فيهم بشويش الين يكون نفسه حتى لو أستمر على هالحال سنه كامله؟؟



ويصلح أنه(( يشتري ويبيع ))عن طريق التلفون؟---> بحكم أنشغاله في دراسته, مع علمي بأن الشرى
صعب عن طريق التلفون الا الي رصيدهم يحتوي على مليون ريال أو أكثر (هذا كلام بنك قطر الوطني)

وهل يصلح أنه يوكل حد بأسمه يعني ينصحه ويضاربله بالأسهم

وكيف تكون الأجراءات؟

وهل تنصحوني بشخص معين ثقه من خبرتكم الشخصية يقدر يوكله ومنه أستفيد بعد :D

ولكم جــــــــــــــــــــــــــــــــــــــــزيل الشكر

أختكم عليميه اليوم-----------> بكره عبقرينو :D


أولا كسرت خاطري وقلت أغامر بالإجابة على حدود معرفتي...:)

أفضل الأسهم للمضاربة خي التي عليها أكبر كمية من التداول وبها تذبذب في السعر (ارتفاع+انخفاض) وبالتالي يتحقق الربح المطلوب، مثال السلام، الناقلات، الإجارة، المصرف، الدولي، الصناعات، الإسلامية للتأمين وغيرها... وممكن معرفة كمية التداول بواسطة مؤشر الvolume المتوفر ببرامج التحليل الفني مثل tickerchart و Metastock

وبالنسبة للي يبي يضارب بمبلغ 1500 ريال ممكن يشتري كميات صغيرة وليس ممنوع قانونيا ففي بعض الأحيان يتصادف أن أشتري 5 أسهم فقط، يعني يصير...

وبالنسبة للشركات الأفضل له يشتري من الشركات اللي سعرها منخفض نسبيا ليكون هامش الربح أكبر مثال الناقلات والسلام ويبتعد عن الشركات الأغلى لأن مجال الربح فيها صغير يعني 10 ريالات ل3 أسهم كبار=30 ريال ربح ولكن 3 ريالات ل40 سهم صغير=120 ريال ربح.

وبالنسبة للتليفون يصير ولكن بشكل غير رسمي=يعني معرفة شخصية مع أحد الموظفين في شركة الوساطة

أما بالنسبة للتوكيل يصير يروح لوزارة العدل في الدفنة - قسم الوثائق على ما أذكر - ويعطي توكيل رسمي لشخص بالتصرف في أمواله بيعا وشراءً نقلاً وإيداعاً في البنوك وكل أموره المالية... ويمكنه إلغاء التوكيل متى شاء... نصيحتي لا يوكل حد حتى لوكان ثقة أو من الأقارب لأن ممكن ياخذ فلوسه ولا يتحمل المسؤولية قانونيا لأنك وكلته وإنت المسؤول وهذا حدث للكثيرين خصوصا النساء اللي وكلوا أزواجهم أو أقاربهم وخذوا عنهم فلوسهم بدعوى الخسارة...

صحيح إن المبلغ صغير ولكن حبيت أستغل الفرصة للتنبيه على أمور يغفل عنها الكثيرون

تحيتي لك عليمية... :app: :app: :app: :app:
وإن شاء الله تصيرين عبقرينو :D :D :D :D

[حمد]

وبالنسبة للتليفون يصير ولكن بشكل غير رسمي=يعني معرفة شخصية مع أحد الموظفين في شركة الوساطة

أما بالنسبة للتوكيل يصير يروح لوزارة العدل في الدفنة - قسم الوثائق على ما أذكر - ويعطي توكيل رسمي لشخص بالتصرف في أمواله بيعا وشراءً نقلاً وإيداعاً في البنوك وكل أموره المالية... ويمكنه إلغاء التوكيل متى شاء... تحياتي لك عليمية... :app: :app: :app: :app:
وإن شاء الله تصيرين عبقرينو :D :D :D :D

اخوي انت وايد كبرت الموضوع

يعني ايحط رقم الشخص الي يبيه ايبيع له ويشتريله في سيستم المجموعه

وخلاص ... من عقبها يقدر يتصل ويبيع ويشتري .... بما ان عنده مبلغ في حسابه بالمجموعه

لاتوكيل ولا شي

[ريم]

اخوي انت وايد كبرت الموضوع

يعني ايحط رقم الشخص الي يبيه ايبيع له ويشتريله في سيستم المجموعه

وخلاص ... من عقبها يقدر يتصل ويبيع ويشتري .... بما ان عنده مبلغ في حسابه بالمجموعه

لاتوكيل ولا شي



عدل كلامك أخوي حمد الموضوع وايد بسيط أول شي اهو يعتمد رقم الشخص الي يبيه يتشري له ويبيع له عن طريق التلفون عند المجموعه ويقدر يسئل المجموعه بعد الشخص الي بيعتمد رقمه مايقدر يتصرف في الحساب سواء من سحب أو أيداع بس يقدر أيبيع ويشتري أما في حال صرف الشيك فهو يطلع بأسم المستفيد الاول الي هو صاحب الحساب بس أعتقد المشكله الوحيده هي في المبلغ الي يبي يدخل فيه أعتقد المجموعه ماتقبل أقل من 100 الف راس مال فلوس أو مايعادلها أسهم عشان تفتح له حساب عندها ولخلص كل الاجراءات هاي كلها بس ياخذ رقم المساهم ويعطيه الشخص الي أعتمد رقمه وهو بيبع له وبيشتري له عادي ولا يبي لها توكيل ولا شي :)

[لحظه وتمر]

مشكورين اخواني جزييييل الشكر على مروركم وجهودكم بصراحة

واسمحولي باستفساري يعني


أعتقد المشكله الوحيده هي في المبلغ الي يبي يدخل فيه أعتقد المجموعه ماتقبل أقل من 100 الف راس مال فلوس أو مايعادلها أسهم عشان تفتح له حساب عندها ولخلص كل الاجراءات

يعني انا اسهمي في ناقلات تقريبا حسابها مب ثابت يعني مالي سعر على ال100الف فيصير لو شريت عن طريق التلفون??
بصراحه ماعتقد لان موظفة في بنك قطر قالتلي لازم تكون لج محفظة لايقل فيها عن المليون ريال عشان نقدر نشتريلج عن طريق التلفون :con2:


ان طلب الشراء او البيع اذا قل عن 5000 ريال ... يدخل في سوق اسمه ... السوق الصغير

وهو سوق موجود في البورصه بس مب معلن ....( بدون شاشه ) وتنتظرين لين حد يبي ايبيع بنفس سعرك

عقب ماسكر السوق اتصلت حق المجموعه ... وسالت عن سبب عدم التنفيذ ... فذكر ان اقل سعر كان معروض في السوق الصغير هو 36.5 فماقدرنا نشتريلك

مشكور اخوي على مرورك وقصتك اكيد جات بفايده يعني الي افهمه ان يعني لا يغامر ويشتري بمبلغ اقل من 5000 عشان مايدخل بالسوق الصغرى ويخسر فيها??

زين واذا السهم استمر بالارتفاع ولا نزل يعني تروح على الي داخل السوق الصغرى :con2:

لانها قط مرة صارتلي هالسالفة وشريت بمبلغ اقل من5000

وفعلا تفاجات بعد اسبوعين ان لاانسحب من رصيدي ولا ريال ويوم شفت السالفة جذي رحت وصرفت فلوسي كلها من الحره :anger1: >>>فيعني الي افهمه ان طلب الشراء اشكرررره تكنسل :looking:

تحياتي لكم

[لحظه وتمر]

وين الربع يالربع :confused:

[حمد]

اختي انتي اتكلمين عن بنك قطر الوطني ....

وانا اتكلم عن المجموعه

الي اعرفة عن المجموعه ان يدخلون اي مبلغ

لان مثل ماقلت لك ان اخوي دخل 4 الاف

وراايي اختي ان ايزيد فلوسه شوي ... يعني 1500 شوي كلش

والراي الافضل قوليله ان ينتظر لين تنزل شركة جديده لانه يقولون بتنزل قريب شركة عقارية

http://www.qatarshares.com/vb/showthread.php?t=18904&page=3&pp=10

[لحظه وتمر]

مشكورين اخواني جزيل الشكر على أهتمامكم ومروركم الكريم

بصراحه هالولد طلع حنان :looking:

قريته كلامكم وللحين معايني ورافض--------> طلع مافيه صبر :anger1:

وطلب مني أني أنقلكم أستفساره=====>

يقول (((((((( لو الحين على كلامكم أن أقل شي يقدر يضارب فيه بمبلغ 5000 ريال ؟؟ يقول أنه مش مشكله بيدبرها

يعني حتى لو شرى وباع بهلمبلغ مراح يخسر فيهم وحتى لو شرى بسعر معين ونزل بينطر على السهم الين يرتفع مهب بايع؟؟ يعني ليش كل هالتشاؤم والخوف؟؟ الا اذا كانت لكم نظره ثانيه للموضوع وخوف ما وضحتوا أتمنى لو تساعدون في توضيحه؟؟))))))))

وبخصوصي أنا ؟؟؟

بصراحه أخواني الحين أنتوا ضيعتوني, الحين مافهمت انا الحين تابعه للمجموعه ولا لبنك قطر الوطني؟؟ :confused:

يعني أنا قد مره رحت للمجموعه وعطوني رقم مساهم عندهم وبعت عن طريقهم...
ويوم رحت أشتري أسهم رحت شريت عن طريق الوطني وماشرولي لأني أكتشفت أني أنحطيت بالسوق الصغرى
وأنا أولردي يعني راتبي ينزل عن طريق الوطني؟؟؟

فأيش السالفه بالضبط؟؟--------------> ليت لو حد ينورني :looking:

تحياتي

عليميه اليوم-----------> بكره عبقرينو :shy:

[لحظه وتمر]

أشـــــــدعوه اخواني؟؟

وين الردود ماتعودنا عليكم جذي :shy:

[حمد]

اختي تقدرين عن طريق الثنين ... سواء المجموعه او الوطني

انا كلمتك عن المجموعه ( هذا الي اعرف ) ياخذ اي مبلغ

المهم .... انتي حطي مبلغ الولد ... في المجموعه .... وخل ايسجل رقمج في ملفة الشخصي الي في كمبيوتر المجموعه .... وتقدرين اتبيعينله وتشترين له عادي .... ايزززززززي

وبالنسبة لافضل الشركات ... وخاصة ان مبلغ الولد بسيط

قانصحج بالشركات ... الي اسعارها من 60 ونازل

واترك اختيار الشركة لاصحاب الخبره

حمد

[لحظه وتمر]

أشكرك أخوي على المرور وأتمنى لو أحد من أصحاب الخبره يفيدنا أكثر ولكم جززيل الشكر والتقدير

[لحظه وتمر]

:court: :court: :court: :court: :court: :court: :court: :court: :court: :court: :court: