ما الفرق بين الميرة وكارفور

[سلفي]

ما الفرق بين الميرة وكارفور

تعالو يا شباب نكتب بصراحة عن الفروقات

الواضحة والشاسعة بين الاثنين من جميع النواحي

[Fine Touch]

أنا أشوف الاثنين نفس الشئ....

[بو نايف]

الميرة ما تحصل فيها كل شي ....

كثير فيها نواقص وقله في التنوع

الجمعيه قبل افضل

[سلفي]

صحيح أنا من المساهمين في الميرة ولكن الحق حق

كارفور افضل بكثير جدآ والدليل

1- النظافة بشكل عام في كل شي

2- حامل الامتعة جديدة في الميرة وبعد اسبوع
لا يعمل (خربان)

3 - التنسيق والتوزيع المدروس للبضائع

4 -تجاوب الموظفين عند الحاجة

5 - كم كاشير في الميرة وكارفور !!!

6 -ما عاد لنا ارتباط بالميرة مثل اول (رقم المساهم)

والباقي عندكم

[اناقه]

انا اشوف كارفور افضل

من حيث النظافة والترتيب

كل شي منظم مب تدور الجمعية بكبرها مرتين و 3 مرات علشان تدور لك غرض معين

و غير هاي كله العروض الخاصه

و دووووم ينزلون منتجات جديده

مب الميرة تحس منتجاتهم مالت اول و ما في تجديد ولا اهتمام ولا شي ... تحطيم من قلب

حتى لو كارفور اغلى بعد يعد افضل من الميرة بكثير

و هذا رأي خاص

[مصراوية]

كارفور افضل طبعا

وفي الاول كانت الميره اسعارها اقل من كارفور

لكن دلوقتي زي بعض في الاسعار

[ابـو مــحــــمـــــد]

الفرق ان ميره سعرها اكثر من كارفور

[رأس بروق]

الميره ياشباب عباره عن معرض تعرض فيه بضاعة الشركات وتأخذ عليهم مبلغ معين يعني بالعربي هي موخسرانه شي .
كارفور نفس اشي بس اسعاره اقل من الميره وتم تخصيص اماكن للشركات اللي تعرض بضاعتها عندهم .

[عـيـون قـطـر]

انا عن نفسي كارفور افضل طبعا

[>>> غــمـــوض <<<]

الفرق واضح بين الميره وكارفور
كارفور اغراضها كثيره ومتنوعه
واسعارها ارخص بواااااااااااااايد ،،،، المكان مرتب ،،،، اي شي نبيه على طول نحصله
لكن الميره في اغراض وااااايد مانلقاها ولازم نروح ندور عليها مكان ثاني
اسعارها عاليه ،،،

[الســـهم]

فرق السما والأرض ..

بصراحة مافي اي وجه للمقارنه بين الشركتين ..

والله الميره اقارنها بسوبر ماركت ويشيخ عليها من ناحية الاغراض والاسعار ..

[سارونه]

فرق السما والأرض ..

بصراحة مافي اي وجه للمقارنه بين الشركتين ..

والله الميره اقارنها بسوبر ماركت ويشيخ عليها من ناحية الاغراض والاسعار ..

كارفور

افضل مليون مره من الميرة


الميرة مليانه اخطاء في ادارتها للشركة وفي تعاملها مع الناس ( الله يكفينا الشر ) ماقدر افضفض

[اّل ثاني 77]

لاتوجد مقارنة نهائيا كارفور أفضل بمراحــــل
لاكن إذاكنت تبحث عن الجودة انصحك بــميغا مارت

[جوال 11]

كارفور أفضل من الميرة حيث الميرة يجبرونك تأخذ المتبقي من الحلاوة الموجودة عندهم يوم كانت الجمعيات تدار من قبل الشباب القطري كانت أفضل ولكن الان تقريبا جميع المسؤؤلين أجانب ولا يكن يشتغل القطري على سبيل المثال الدجاج المثلج السعودي لا يوجد وهذا من سوء الأدارة كله برازيلي ولكن اللي أسعاره أفضل منهم وكل شئ موجود فيه مركز التموين العائلي وقارن الأسعار وستلاحظ الفرق

[الزعفراني]

كارفور زحمة وتشوف ناس أشكال وألوان يعني متعة وانت تتسوق

الميرة الخضرة والفاكهة اللي عندهم مب ذاك الزود محد يقرب لها لين اتخيس

كارفور عندهم - أحيانا - عروض حلوة