استفسار !!!!!!!!

[ذيبه مزاجيه]

السلام عليكم و رحمة الله و بركاته

حبيت اسألكم عن البي ام دبليووو اللي في الصوره

http://www.3roos.com/uploaded2008/173159/01216579035.jpg

هذي الفئة الثالثه اعتقد ان هذي 335 i ....

كم سعرها ؟! للي يعرف و جزاكم الله خير

[moschino8]

http://qatarshares.com/vb/showthread.php?t=188811&highlight=bmw+2008

[Index Signal]

حسب الحجم لأن في منها أحجام و مواصفات مختلفه..

النوع العادي مب غالي سعره معقول جداً..

إتصلي عالفردان و سأليه عن الأحجام المتوفره للفئه الثالثه و الأسعار..

بالنسبه لأسعار المستعمل إن شاء الله باقي الأعضاء يفيدونج.

[ذيبه مزاجيه]

تسلمون على ردودكم و جزاكم الله خير

ولكن هل في موديل 2007 نفس الشكل ؟؟؟؟ و الا بس 2008 هالنوع ؟!

وفي انتظار اراء الباقي

[SaryQatar]

تسلمون على ردودكم و جزاكم الله خير

ولكن هل في موديل 2007 نفس الشكل ؟؟؟؟ و الا بس 2008 هالنوع ؟!

وفي انتظار اراء الباقي


بتحصلين نفس الشكل مديل 2007 ,

الشكل الحالي موجود من سنة 2006 , وكل سنه يغيرون في شيء بسيط كالمرايات الأماميه والخلفيه أو الصدام...الخ ,

الفئة الثالثه بتتغير كلياً سنة 2012 ولله أعلم ,

[ذيبه مزاجيه]

جزاك الله خير اخوي ساري قطر على الافاده :)

والله لا يهينكم بغيت اعرف سعره اقصد هالشكل بالذات من 2006 لين 2008 كلهم << طماعه >_< لا هنتوا

[فلفل حار]

بالتوفيق اختي واختيارج للبي ام حلو

بس مانصحج في الكوبيه ، عن القيل والقال وغير جي كل يوم بتحصلين طابور سيارات يوصلونج لـ باب بيتكم :secret:

الله يحفظج من كل مكروه ان شاءالله

[الخارجية]

بالتوفيق اختي واختيارج للبي ام حلو

بس مانصحج في الكوبيه

[البيت بيتك]

الله يوفقج والله حلوة

[ذيبه مزاجيه]

المشكله هذي السياره الوحيده اللي شكلها عدل من بين الفئة الثالثه انزين لو ناخذ وحده ثانيه

شوروا علينا شنو ناخذ من بين الفئة الثالثه لان الصراحه اللي قاهرني انها باب واحد :(

مافيه منها نفس الشكل بالضبط بابين ؟؟؟؟

وجزاكم الله خير ورايكم على راسي من فوق بارك الله فيكم

بانتظار باقي اخواني

جزاكم الله خير ..

[بوخالد2]

انصحج اختى بالحجم الصغير اللى نفس تشكيلت ام فايف

بالتوفيق ان شاءالله

[ذيبه مزاجيه]

يسلموو بو خالد على رايك ونورت الموضوع و ان شاء الله بدش الموقع و بشوف هالتشكيله مع اني ما اعرف في انواع السيارات :(

[ذيبه مزاجيه]

بس خلصوا اهل الخبره محد عنده خلفيه !! :sorry:

والا لاني بنت محد يعطي اهميه للموضوع :unsure:

:nono:

كان مجرد استفسار و ما قصر اللي عطا من وقته و رد علي :court:

[منقاش]

اختي الكوبيه اللي حطيتي صورتها في منها اربع ابواب وتقريبا نفس الشكل ,,وفي منها درجات اقصد مواصفات يعني رنقات اكبر ومن داخل شويه زيادات , من مده كنت بالوكاله وشفتها ...واحسن مافي البي ام ضمانهم للسياره :)
بالتوفيق انشالله

[فلفل حار]

الله يوفقج اختي ذيبه مزاجيه

ودي افيدج بس خلفيتي بسيطه في السبورتات والبي امات:)

[saud580]

والله أختي انا ماعندي خبره

بس اول مره في حياتي ركبت بي ام و سقتها من سنتين يوم كنت ادرس في بريطانيا

خذت لي الــ 745 موتر حلو و كل شي بس حجمه كبير

وفي عندج الفئه الخامسه بعد تراها حلوه و ماعليها كلام انا مجربها أحسها عمليه اكثر حق الحريم......


والله يوفقج يا الغاليه

[ذيبه مزاجيه]

تسلمون على ردودكم وما قصرتوا وان شاء الله بشوفهم وبقرر بس لان هالشكل وايد حلو واتمنى لو في منه بابين احسن من باب واحد >_<

شكرا على تعليقاتكم فيكم الخير و الله ^_^

[G.M.C]

اختي هذي صور حق الفئة الثالثة موديل 2008

http://www.bmw.com/com/en/newvehicles/3series/sedan/2008/allfacts/downloads/_shared/img/BMW_3series_Sedan_02.jpg

:)

http://www.bmw.com/com/en/newvehicles/3series/sedan/2008/allfacts/downloads/_shared/img/BMW_3series_Sedan_05.jpg

:)

http://www.bmw.com/com/en/newvehicles/3series/sedan/2008/allfacts/design/_shared/img/interieur.jpg


وفي منها 5 فئات : 318i و 320i و325i و330i و335i

[G.M.C]

واي استفسار عن اي فئة

ما يردج الى الكيبورد <<<<<< اشدخل :):nice::)

اخوج
g.m.c

[حقيقه]

الله يعينس الصراحه الصالون ماينفع في شوارع الدوحه وضواحيها :(

[ذيبه مزاجيه]

ما تقصر اخوي G.m.c على كل هالانواع و على الصور التوضيحيه بعد ^_^

يسلموووو و اذا على جذي بأذيك بالاسئله :)

وصح كلامك اخوي حقيقه بس المشكله شيسوون اللي احجامهم صغيره و السياره تكون كبيره و ما تقديهم >_< ههههههههههههههه

والله مشكله

بس لازلنا في حيره من الامر .. هل ناخذ الفور ويل او الصالون .. خبرك من زين شوارع بلادنا احترنا @_@

يسلمو على المرور ما تقصرون يا عيال بلادي :)

[ذيبه مزاجيه]

اي صح ماعرفت اسعارهم الفئه الثالثه ..

المشكله ان السياره من راى شكلها يرفع الضغط :(

بس نوع الكوبيه الوحيد اللي شكلها كامله حلو

الصراحه ما عرف المصمم يصمم الخلفيه المناسبه للسياره :(

طاح حظه >_<

[G.M.C]

اختي بكرة باسألج عن سعر الفئه الثالثة
وليش ما تخذين الفئة الخامسة
او الفئة السابعة بس مستعمله واسعار المستعمل بحدود 200 الف موديل 2007 بتكون على الظمان
بس للامانه راح يتغير شكل السيارة الموديل الجاي
والسموحة على القصور

[ذيبه مزاجيه]

بيتغير للاحلى الموديل ؟؟؟؟؟؟؟

وجزاك الله خير اخوي G.m.c .. خبرك انا استحي اسأل عن سعر السياره او اروح معارض :eek5:

ما تقصر و الله اخوي بس و الله مادري شلون الفئه الخامسه شكلها مب عاجبني :(

انزين اي منهم شكلها حلو ؟؟؟؟؟؟ الفئه السابعه صح ؟؟؟

بذات لو احد بيسوق اول مره ؟؟ شيسوي يشتري سياره جديده بقراطيسها والا مستعمله لين ما يتمكن ؟؟؟؟؟؟

ويعني انا فكرت في البي ام لانها حلوه :) والا شنو تشورون علي ؟؟؟؟؟؟

بارك الله فيك اخوي والله يعطيك على قد نيتك و تسلم على المساعده :victory:

[G.M.C]

اختي انا اتصلت ال بي ام
وقالي الفئة الثالث يجيبون نوعين
وهم
320i ب 148 الف
و 325i ب 178 الف
وبالنسبة للكوبيه وانا ما انصح لأنج مرة وتدرين نظرة الشباب بالنسبة للموضوع
وشي راجع لج
وسعر 330i ب 248 الف
وسعر 335i ب 278 الف

بس اذا امكن نعرف الميزانيه عشان اشوف سيارات في نفس حدودج
وانتي لج خاطر في الفورويل في عدة سيارات في بالي
والسموحه على القصور

[ذيبه مزاجيه]

خلاص شلت من راسي الكوبيه مابيها فعلا صعبه شوي باب واحد >_<

وباقي الاشكال من جدام اوكي بس من ورى مب شي -_-

انزين يعني اوكي ماعندي مشكله على الفور ويل بس قلت يعني كبدايه اخذ صالون علشان المسافات و اتعود عليها عدل عقب اخذ فورويل بس ما يخالف غيرت سواء صالون او فورويل .. جديد او مستعمل بس بعيد عن لكزس ار اكس او المورانو لانهم ما يعجبوني كلش كلش <<< طراره و تتشرط

يعني اوكي في حدود 180 الف تقريبا او اكثر شوي ما يخالف

وتسلم على المرور و المساعده لا هنت :)


جزاك الله خير اخوي

[qatar.1995]

مقدمأ


يعطيج خيرها ويكفيج شرها

[G.M.C]

ايشرايج في الانفينتي الجديده fx
في نوعين 6 سلندر وفي 8 سلندر
والستة سلندر ب 212 الف
وشوي وبانزل لج صور السيارة
الزين ان السيارة توها جديده وما دشنوها لحين

[ذيبه مزاجيه]

والله مادري محتاره بس احس شكلها يشبه ال ار اكس و المورانو >_<

بس بشوف صورها و بحكم :)

جزاك الله خير على طولت بالك اخوي

[G.M.C]

هذا الرابط في كل المعلومات عن السيارة
http://www.shamela.net/get/showthread-t_312298
وهذا بيفيدج اكثر
http://www.qatarspeed.com/forum/t57794.html

وانشاء الله تعجبج >>>>>>> قاعد يسوق للشركه

[ذيبه مزاجيه]

شكلها حلو بس من ورى بعد مب حلو :(

بس من قدام حلوه

احترت @_@

[saud580]

تذكري قبل لا تاخذين موتر تصلين صلاة استخاره

وبعدين تبين نصيحتي اختي لا تستعجلين كلش أخذي موتر وانتي مرتاحه

ونصيحتي لج اذا اول مره بتاخذين

أخذي لج فورويل مستعمل عشان مايعورج قلبج اذا حد ادعمج لا قدر الله ولا اذا صار اي شي

ومتى ماتحسين انج متمكنه من السواقه اخذي لج موتر العمر و الاحلام

واذا تبين نصيحتي انا اشوف الفورويل ابرك كبدايه

اول شي في الصالون انتي بتكونين تحت و نازله وايد فــ دايماً بتكونين مرتبكه

اما في الفورويل بتكونين فوق مع الناس و الصوره كلها واضحه من كل مكان

الله يوفقج ان شاء الله

واذا بغيتي اي خدمه انا موجود مابقصر معاج في الي اعرفه

واذا فكرتي تاخذين موتر حاولي انج تحصلين اكبر نسبه خصم و هذي يمكن يكون فيها واسطه على الخفيف

بالتوفيق يا الغاليه

[G.M.C]

كلام اخوي سعود 580 صح
اذا ماعندج مشكلة تاخذين مستعملة كبداية
لين ماتتمكنيين من السواقة
وبعدين اخذي السيارة الي في بالج
واي استفسار احنا حاضرين

[ذيبه مزاجيه]

جزاكم الله خير على النصايح اخوي سعدو580 و اخوي G.m.c بتوكل على الله و باخذ ان شاء الله مستعمل و فورويل بعد

بس شنو تنصحوني به ؟؟؟؟؟ لاندكروزر و الا لكزس ال اكس ؟؟؟

واذا لقيت اي موديل احسن ؟؟؟؟ علشان قلبي ما يعورني وايد؟؟


واذا فكرتي تاخذين موتر حاولي انج تحصلين اكبر نسبه خصم و هذي يمكن يكون فيها واسطه على الخفيف

اممم في هالامور فهمي لها لك علي شوي ممكن التوضيح بارك الله فيك <<< غشيمه ما تدري عن السيارات شي -_-

ما قصرتوا و الله يعطيكم على قد نيتكم ان شاء الله

الف شكر على المساعده :)

لا هانكم ربي ان شاء الله

[G.M.C]

اعتقد حسب فهمي يندرج تحت السيارات الجديدة اذا ما
خاب ظني
وننتظر رد سعود 580

[ذيبه مزاجيه]

ورايك بالنسبه للفور ويل اخوي جي ام سي ؟؟؟؟؟؟ اي منهم وموديل كم ؟

جزاك الله خير

وننتظر رد اخوي سعود الله يجزاه خير :)

[G.M.C]

اختي هذي سيارة انفينيتي اخت fx
ex 35 وسعرها معقول ب 174 الف
وهذا رابط للسيارة
http://nissan-arabia.com/vb/showthread.php?t=33781

[فلفل حار]

اختي هذي سيارة انفينيتي اخت fx
ex 35 وسعرها معقول ب 174 الف
وهذا رابط للسيارة
http://nissan-arabia.com/vb/showthread.php?t=33781

ماتسوى قيمتها بصراحه !

اختي اذا فلوسج عندج اخذي لج موتر مناسب لميزانيتج وسيرفزهم حلو مايذلون نفس التويوتا ، مع العلم انه الكروزر الجديد حلو ماله حل :victory:

وبالنسبه للدعمات لاتحاتين هـ السوالف لانه اذا بتقولين جي عيل ماراح تاخذين الي بخاطرج والحياه قصيره وانا اخوج ، الي عليج حاسبي علي نفسج وسوقي عدل والمكتوب بـ يصير ،

والله يحفظج ان شاء الله

[ذيبه مزاجيه]

جزاكم الله خير على النصايح والردود :)

وان شاء الله بصلي استخاره وبشوف