...........معاناتي المستمرة مع مغاسل الملابس..............

[بنت المزن]

فعلا.... أعاني من كذب مغاسل الملابس بالنسبة لغسيل البخار.... تدفع لهم فلوس غسيل وكي بخار وفي النهاية تجيك الملابس مغسولة مع ملابس خلق الله ومكوية باوتي ناشيونال......

وانا ما اقصد المغاسل الدكاكين اللي منتشرة بين الأحياء السكنية...... قصدي المغاسل الكبيرة اللي لها فروع في الدوحة.....

كنت اتعامل مع مغسلة الريفييرا... شغلهم ممتاز وضمان... لكن للأسف شدوا من مكانهم في الريان.....

والله حرام الفساتين والعبايات والبدلات الرجالية تروح خسارة على يدين العمال....:rolleyes2:


حد يدلني على مغسلة ممتازة....<< <بس ما تكون مغسلته الخاصة ويسوي دعاية ببلاش!!!!!!!!

[almulla]

مغسلة ياهو طبعا مغسلة الفريج لازم اغسل عندها وهي مغسله ولد عمي خخخخ مابي اسوي دعاية لانه ماجرها على الهندي

الريس اشلون ماجربتها ؟؟

انا رحت الطايف مغسلة آلية في الشارع التجاري واااايد زينة وريحة الملابس تحس فرق بين مغاسلهم

ومغاسل قطر

[الوعد2016]

فعلا.... أعاني من كذب مغاسل الملابس بالنسبة لغسيل البخار.... تدفع لهم فلوس غسيل وكي بخار وفي النهاية تجيك الملابس مغسولة مع ملابس خلق الله ومكوية باوتي ناشيونال......

وانا ما اقصد المغاسل الدكاكين اللي منتشرة بين الأحياء السكنية...... قصدي المغاسل الكبيرة اللي لها فروع في الدوحة.....

كنت اتعامل مع مغسلة الريفييرا... شغلهم ممتاز وضمان... لكن للأسف شدوا من مكانهم في الريان.....

والله حرام الفساتين والعبايات والبدلات الرجالية تروح خسارة على يدين العمال....:rolleyes2:


حد يدلني على مغسلة ممتازة....<< <بس ما تكون مغسلته الخاصة ويسوي دعاية ببلاش!!!!!!!!
اخوي اختى التجربه هي افضل حل لك شوف كم مغسله ممتازه وجرب غسيلهم وكويهم والي يناسبك تعامل معه

[عاشق الشهادة]

اخوي اختى التجربه هي افضل حل لك شوف كم مغسله ممتازه وجرب غسيلهم وكويهم والي يناسبك تعامل معه



ببي نستفيد من خبرتك يـ الوعد على الأقل اذكر المغاسل الممتازه علشان نروح نجرب أصلاً احنا من يوم انولدنا كل يوم تجارب فينا:anger1::anger1:

[auto body]

مغاسل الرتز والشيراتون والماريوت والرمادا
تقدر تعتمد عليهم

[auto body]

ونسيت مغاسل سلك بالمرخية تقدر تعتمد عليهم

[بنQATARت]

عباياتي اغسلهم عند رتوه شغلهم حلو ونظيف....
مكانهم عند دوار التلفزيون

[مزيون_قطر]

اختي مغلسة (سلك ) اللي بالمرخيه شكلهم حلوو وعندج مغسلة( المستقبل) اللي بالغرافه غسيله بعد اوكي واذا تبين مغسله 24 ساعه عندج وحده بالمطار اسمها( برستيج )ووحده بداخل مدينة خليفه ناسي اسمها بصراحه بس اذا تبين بجيب الاسم

[hich]

مغاسل الرتز والشيراتون والماريوت والرمادا
تقدر تعتمد عليهم

33 + 55 + 22=100 ريال في اليوم يعني في الشهر أقل شي 1000 ريال غسيل لا حرام هاذي مشكلة غسيل الفنادق ........................................ غالي

[التيما]

عندج المغسله الي في السنتر القديم ..

[بنت المنتدى]

الشيراتون - الموووووووووول

[509]

جيبيها بخلي محمد الدوبي عندنا فالبيت يغسلها

بس لو خربها انا مالي شغل

هو اللي يغسل ويكوي الملابس

احسن من اي حلاق في قطر في غسيل الملابس

--------------

فاصل من العطنه . ( العطنه = الغشمره)

والله يعتمد على المنطقة

انا اذكر مغسلة لبنان اللي في شارع السد يمدحونها

هذي تقريباً اللي اعرفها

وبالتوفيق والله يعينك

[جمال العبدلي]

مغاسل قطر كلها اخرطي وكلام فاضي ..
عندي جاكيت شمواه حبيت اغسله مريت على كل المغاسل ومغاسل الفنادق الكل امتنع عن غسله وان ماعندهم مواد لغسل الشمواه .. هالكلام قبل سنه بس الحين مادري اذا تغير الحال ولا لا فاذا حد يعرف مغسلة اتغسل شمواه ياريت يعلمني باسمها

[الدستور]

مغسله سلك ممتازه ،، ولها اكثر من فرع

وعندهم خدمه يجون لين التوصيل لباب البيت واخذ الثياب بعد ،،

[بنت المزن]

مشكورين على الردود...
المغاسل اللي جربتها كلها على الفاضي وباشوف سلك ومغاسل المولات.....

وجزاكم الله خير.................

[*ام محمد*]

والله ياحبيبتي احسن شي تجيبين اوتي بخار يعني تشترينه ولا وصاخة المغاسل اصلا المغاسل روحي راقبيهم في الليل ياخذون ملابس الناس كلها مع بعض ويحطونه في كيس اسود ويغسلونها مع بعض حتى المفارش احسن شى تجيبين اوتي بخار للبيت والله انا عندءي في البيت اوتي بخار صارلي كم سنه ما اعرف المغسلة حتى الفساتين بعد تسويهم بس اذ تبين ادليج على مكان زين للاوتي او المغسلة راسليني على الخاص او طرشيلي رقمج ان بتصل فيج

[المهندي911]

الصراحه احنا غسيلنا كله في البيت وحتى الكوي اوتي عادي وبخار بس انا اتعامل مع مغسله عند ميرة الدفنه الكبيره حق الملاحف الكبيره شغلهم نظيف ويغسلون لك المخدات الي تنام عليها ويحطون عليها مواد معقمه تطلع لك احسن من الجديده بس اول ماتاخذ المخدات ماتستخدمها تخليها شوي بره الاكياس عشان ريحة المواد المعقمه تروح وما تضرك

[$$كلنا قطر$$]

مسويتها سالفه غسلي هدومج في البيت وخلاص
ولا اخذيلج الجهاز وفكي عمرج

[بوسنافي]

ابعدي عن سلك ,,, مع ان خدمتهم زينه بس مشكلتهم ان الثياب يغسلونها في الصناعيه مب في المحل ,,,,,

وانا نلدغت منهم مره يوم ماخلصو ثيابي وسافرت بدون ثياب والعذر طبعا ان عندهم ضغط والثياب بالصناعيه وصعب يردونها ,, وطبعا ماشافو مني ولا ريال ,,,

فاذا بتروحين لهم اكدي عليهم الموعد المطلوب فيها استلام الملابس ولا بتروح عليج

[حرقطر]

مغاسل الرتز والشيراتون والماريوت والرمادا
تقدر تعتمد عليهم


:nice::nice::nice::nice::nice::nice:

[BODYGUARD]

اشلون تغسلون الملابس في المغاسل حد فيه مرض تنغسل ثيابي معاه مستحيل " عندي عقده بها الشي لاحد يقنعني " :omen2:... عن نفسي مستحيل اغسلهم بالبيت والاوتي بس عندهم