المساعد الشخصي الرقمي

مشاهدة النسخة كاملة : هل قررت ,,,,,,,,,,, متى أتبيع ؟؟؟؟؟؟؟؟؟


boabdullah
21-03-2005, 12:51 PM
طبعا الكل عارف بأن مرحلة جني الأرباح تقترب أكثر وأكثر,,,, والكل أو يمكن البعض حاليا" (((في باله سؤال مهم متى أبيع؟؟؟))) ,,,,,,, هل أنتظر؟؟؟؟؟ مدام أنا أربح ويوميا" ومش خسران ,,,,, أو أشوف اللي في السوق أذا باعوا أبيع أو,,,, أو,,,,,أو ,,,,, وأنت يأخوي هل قررت ,,,,,,,,,متى تبيع ؟؟؟؟؟ أخوكم بوعبدالله :confused: :confused:
قطر
21-03-2005, 01:01 PM
هلا بوعبدالله

نعم قررت متى ابيع ومب من تو ولا عشان دخول الاجانب

في شركات ماتقدر اتبيعها لان اعتبرها استثمار طويل


وفي شركات محتاج اتبيعها لانها مضاربه

في شركات جنيت ارباحها وببيعها لان هدفي كان الربح فقط

وهلا بك
boabdullah
21-03-2005, 01:05 PM
قطر ,,,,,,,,,,,,,,وو مراحب أخوي (( تسلملي على الرد )) ومنك دايما" نستفيد ,,,,,, ومنتظرين رد الأخوان أخوك بوعبدالله
عزيز
21-03-2005, 01:15 PM
السلام عليكم

والله عن نفسي ياخوان اطلب مشورتكم وياريت تفيدوني

شريت 200 سهم في البنك الاهلي ب158 للسهم وافكر ابيع لانه اليومين الي طافو ارتفع السهم بس اليوم نزل شوي واخاف بكره ينزل لانه السهم ماعليه طلب كلشش فيه عرض فقط


نصيحتكم ياخوان ؟؟

واشكركم مقدما

اخوكم العزيز :)
مغروور قطر
21-03-2005, 01:48 PM
اخواني المشاركين ماهو انسب وقت للخروج من السوووووووق ؟؟ في انتظار ردودكك



واشكركم جميعا
اللورد
21-03-2005, 02:04 PM
أحسن وقت للخروج من السوق هي عندما أحقق أهدافي في الأسهم اللي عندي وتحقق لي نسب حلوه هنا أخرج من السوق بنفس راضيه وشاكر ربي على نعمته وأبتعد كل البعد عن الطمع.

وأراقب السوق من بعيد وأقتنص أي فرصه للشراء.

وأحب اؤكد لأخي مغرور قطر انه ليس هناك موعد محدد للجميع للخروج من السوق وإنما للي يجد ان ارباحه تحققت يفضل له الخروج من السوق
سراب الامل
21-03-2005, 10:27 PM
السلام عليكم

اخوي قطر

ممكن سؤال من فضلك وهو بحكم قلة خبرتي بالاسهم

اي من الشركات اللي ماتقدر تبيعها لانها للاستثمار الطويل

واي من الشركات اللي تحتاج انك تبيعها لانها تعتبر شركات مضاربه

ومنكم نستفيد ويعطيكم الف الف عافيه
قطر
21-03-2005, 11:38 PM
مرحبا سراب

بالنسبه لنوع الاسهم .... يعتمدعلى كل شخص وتوجهه مثلا واقول مثلا شريت مواشي

يوم كانت بين 21 و23 كنت اضارب فيها اشتري ب 21 ابيع ب 23 وهكذا
لكن جاني يوم قلت باشتري مواشي حق استثمار طويل ... غيرت هدفي في الشركة

من مضارب الى مستثمر صح؟

ايش يعني هذا يعني نوعية الاسهم وطرق استثمارها يعتمد على صاحبها وقراراتها

مثلا المصرف ينصح بالاحتفاظ به للمدى الطويل
والاسلاميه مثلا
وصناعات طبعا ووقود ... وهي الشركات القوية وغيرها

شركات المضاربه ... في الوقت الحالي خرجت من جو المضاربه لعدة اسباب:
5% لمت اب مايمديك اتقول باسم الله الا صك لمت اب وين اتبيع وين اتضارب؟
وبعد لان الوقت مش وقت مضاربه فيها مخاطره صراحه
وبعد لان الوسطاء مايساعدون مع عدم ردهم للاتصالات فانت لما اتبيع ماتضمن قدرة الشراء

=====================
بالنسبة للشركات اللي عندي تقصدين اعذريني ذكرت لج امثله شي عندي واشيا ماعندي
عشان ماحد ايقول اروج لاسهمي

:)
سراب الامل
22-03-2005, 08:02 AM
اولا صباح الخيرات

اخوي قطر كفيت وفيت ومشكور على الافادة الواضحه والكاملة

ويعطيك الف الف الف عافية
قطر
22-03-2005, 08:28 AM
الله ايسلمج حاضرين

واهم شي دعواتكم في الغيب بالتوفيق :)
bo ahmed
22-03-2005, 12:13 PM
السلام عليكم اخواني وخواتي انا عن نفسي اعرف متى ابيع مش عشان وقت الاجانب بس وقت احس ان في نزول في الاسهم الي عندي وانا ربحان فيها وعارف اني كسبان فيها ابيع وانا مرتاح وسلامتكم
جوجو
22-03-2005, 12:21 PM
انه اخاف وقت دخول الاجانب تنزل الاسهم لأن أكثر الناس تبي تبيع
هذا اعتقاد شخصي
boabdullah
27-03-2005, 02:48 PM
أخواني ,,,,,,,,,,,,,, نظرا" عن اللي صار يوم الخميس وخاصة اليوم

أسمحولي أرد وأطرح موضوعي هذا

وذلك للأستفادة العامة

وسؤال يزيد طرحه أكثر وأكثر وكثر

هل قررررت ؟؟؟؟؟,,,,,,,متى أتبيع؟؟؟؟؟

أخوكم بوعبدالله :confused: :confused: :confused:
مستثمر طموح
27-03-2005, 02:54 PM
بكل بساطة اللي شايف نفسة ربحان يبيع ليش الانتظار قصدي ليش الطمع

منتظر الربح يصك المليون ؟