أبي رايكم أبيع الناقلات غداً أو أنطر ؟

[فارس العنزي]

السلام عليكم جميعاً

شكل الكوب قرب يكتمل ، مؤتمر الوقود الذي سيعقد بالدوحة من 21 - 23 / 11 القادم ، منذ شهر 10 والسهم يراوح على 60 ريال ، وكل هذه المعطيات وجزاهم الله خيراً ما قصروا إخواني وخواتنا بالمنتدى .

سؤالي وأبي رايكم ولا تقولون قرار البيع راجع لك ، أبي رايكم ويا أهل الخبره بالذات ويامن لهم خبره بالتحليل الفني هل أبيع غداً أو أنطر ؟ لا تبخلوا علي برايكم حط نفسك مكاني وأنت ترى التداول ، هل تتخذ قرار البيع أم تنطر ؟

[لحظه وتمر]

اشوف عني انا بنطر :court:

[KhalidQ]

تبيع وانت خسران من لبلفضل الانتظار

[بوسعد]

أخوي
عن نفسي أنا شاريه اليوم على 58.5 وناوي ابيعه على 60 وأكثر
ولو تلاحظ صارله كم أسبوع على هذا الحال
إذا تحت بشوي وإذا أكثر بشوي

إذا انت شاريه وراضي بالربح توكل على الله وبيع ( بالسعر اللي يناسبك )


طبعاً أهل الخبرة هم ( أزكى مني )
تحيتي

هذه نصيحتي قابلة للخطأ قبل الصواب
أن اصبت فمن الله وحده .. وأن أخطأت فمن نفسي والشيطان

[الحزينه]

مرحبا اخوي أنا من رايي انك تنتظر وناقلات جايبه الخير ان شاء الله بس لاتستعجل والله يوفقك ويوفق ملاك السهم

[مــــلاك]

بكم خذتها ...؟؟؟؟؟

[فارس العنزي]

بكم خذتها ...؟؟؟؟؟
ما خذها بسعر حلو 36.65 ريال منذ منتصف شهر 6 الماضي وماني ناوي أبيع بس الظروف شويه صارت صعبة وما بعت يوم وصل 71 ريال ، لأني بصراحة مؤمن فيه كسهم إستثماري و من الخطأ الواحد يبيعه بس شحدك يالمسمار قال المطرقه ، والحين أقدر أصبر لنهاية الشهر مو أكثر ، هل أنطر لين آخر الشهر والمؤتمر اللي بيصير ويمكن يرتفع ولا الظاهر شكله ما راح يتحرك ، وبعدين في حركة بيع بالسوق كله شنو صاير ؟

[خالد علي علي]

ما خذها بسعر حلو 36.65 ريال منذ منتصف شهر 6 الماضي وماني ناوي أبيع بس الظروف شويه صارت صعبة وما بعت يوم وصل 71 ريال ، لأني بصراحة مؤمن فيه كسهم إستثماري و من الخطأ الواحد يبيعه بس شحدك يالمسمار قال المطرقه ، والحين أقدر أصبر لنهاية الشهر مو أكثر ، هل أنطر لين آخر الشهر والمؤتمر اللي بيصير ويمكن يرتفع ولا الظاهر شكله ما راح يتحرك ، وبعدين في حركة بيع بالسوق كله شنو صاير ؟
مرحبا اخووي اذ انت محدوود حدك والحمدلله ربحان بيع واذ انت تنطر لي اخير الشهر انطر

[محسن الشهواني]

اعتقد انك اتبيع لان والعلم عند الله ان فيه نزول عام للسوق لين نص 12 ولا تطمع

[ontop]

أولا أخوي إنت غير مجبر على البيع بأي سعر لايناسبك

ثانيا تقدر تبيع بسعر 60 إلى 61 فهذا هو المتوقع إلى آخر الشهر والله أعلم

وإذا قادر تصبر وتبيع غيره لأن الناقلات سهم استثماري ممتاز

والله يوفقك

[الجرباوي]

نصحيه اخوي لاتبيع يابن وائل.............................................. .....اخوك الجرباوي

[hajrijaa]

قل
تم
تم
لاتبيع
ناقلات

[Alemadi]

بما انك ربحان اكثر من 50% في فتره بسيطه قول الحمدلله وبيع حتى لو ارتفع اكثر . :deal:
وانصحك في الاسلاميه للتامين او الوقود او البنوك الاسلاميه وتوكل على الله ...... بس لاتنسى لاستخاره اخوي والله راح يوفقك :nice:

[الشراكة]

:nice: هلا اخوي فارس طبعاً الحمدلله انت ربحان في السهم اذا انت مضارب فتقدر اتبيع ...

اما اذا انت مستثمر فلا تبيع الا اذا محتاج افلوس بيع على قد حاجتك او اذا انت متوقع ان السهم راح ينزل بعد وحاب تشتري من تحت (( يعني فرق السعر - انا اجوف انك ما تجازف على هذا السهم بالذات لانه من خلال حركاته المضاربية يبين ان الطلب علية مهما فقد السعر يكون عليه طلب اكثر )) بعدين خذها حكمة ..

((((( لا تخاف من السهم الي الناس كلهم يبونه .. شيل وانت مرتاح حتى لو رد اشوي بيرجع اقوى واقوى بعد اشوي ))))) ... :nice:

[فارس العنزي]

أشكركم جميعاً على الردود منكم وأعلم مدى صفاء قلبكم وفزعتكم ، أمس نزول واليوم نزول بصبر للين الإسبوع القادم والله يسهل وببيع قدر حاجتي للمال وبخلي كمية بسيطه ، والله الناقلات ماهي للبيع سهم على المدى البعيد ذهب ، والكمية البسيطة بنساها ولا كأنها عندي ، وإنشاء الله للأعلى يالناقلات ، والله يرزقنا وياكم يا رب .

[سهم عتيج]

الأخ فارس العنزي

اذا كنت مسوي لحد الحين أرباح بمقدار 50%,, فمعنى ذلك انك لو بعت ثلثي الكمية اللي عندك,, فان الثلث المتبقي لديك راح يطلع عليك ببلاش.. يعني مهما وصل سعره بعد ذلك فانت في مأمن ان شاء الله

والرأي الأول والأخير لك..

[أحاسيس]

السؤال هل فيه حركة ارتفاع لسهم ناقلات خلال شهر نوفمبر يعني إلى 30/11/2005 ياريت احد يفيدنا واكون شاكر ومقدر

[الشراكة]

ان شاء الله يكون في ارتفاع في السهم لانه سهم واعد وحديث المجالس ...