ماذا تفضل .....الارضي ......ام الفيلا .......؟؟

[انا احساس]

صباح الخير
*
*
تفنن الناس في بناء بيوتهم هناك من يبني البيت الارضي وهناك من يتعدد في الادوار ...

هل تفضل البيت الارضي ... لقرابة اهله من بعض وكل يرى الاخر في الدخله والطلعة ..
( تقريب العائلة وتقوية الروابط )


ام الفيلا .... (( اللي اصحابها كله معلقين فوق ومحد يدري بالثاني ...)


ياليت تشاركوني ونسمع تجاربكم


دمتم بود

[بوخالد2]

بالعكس افضل الفيلا اختى

لاانها مكانها واسع ومنظرها جميل

افضل من الارضي لقلة المساحه او قله عدد الغرف

يسلمو اختى

وثاني شي اختى الحين اعرف كذا شخص يبني البنت هااوس ويضبطه وحركات حلو وراائعه فووق من ديكورات و شغلات

ويسكن هو فيه له برووحه يعني مكان شخصي ويكون فيه كل شي

[shrook]

البنيان مش مقياس لتقريب العائله انا ما بشوف فيها نسبه

العائله المترابطه المتفاهمه حتى لو كان كل واحد في طابق لحاله بيكون بيناتهم حب وبيجتمعوا مع بعض على الطول
بس لو كانت اصلا العائله متفككه وما حدا بيسأل بيحدا حتى لو سكنوا في غرفه وحده بيتلاقي بيناتهم تنافر وما حدا بيسأل التاني من وين جاي ولا وين راااااايح




يعطيك العافيه اختي

[hamoor4ever]

انا عن نفسي قاعد ابني فله صغيره تكلف اكثر من مليون ونص مدري ليش مع انها اربع غرف ، بس لو خيروني اشوف الارضي احلى واريح لو الواحد يسوي ارضي بس يتفنن فيه ويكبر فيه ويوسع فيه بيكون احلى من الداخل . بس الناس اتحب الفلل

[بوحارب]

يا زين مواضيع المقاولات

والله ابرك من سوالف الزواج والسياسة بــ الف مرة

بالنسبة لي أفضل الطابقين


لأن فيه اماكن كثيرة يقدر الواحد يشرد فيها من ضوضاء البيت !

كثري من هالمواضيع انا احساس ^ ـــ *

[VIPLady]

افضل الفيلا
لكن الي تكون مفتوحه على بعض والطابق العلوى يطل على السفلى
يكون شكله حلو ويكون بديكورات حلوه
وفي نفس الوقت يعطي خصوصيه لكل شخص فوق بقسمه ويكون متصل بالطابق الي تحت مو اذا طلع قسمه ما يدري عن الدنيا............

وبعدين افخم يعطي وسع بالفيلا اذا المكان مفتوح على بعض

وترابط الاسره يعتمد على التربيه نفسها اذا متعلمين يجتمعون بيجتمعون لو مو متعلمين من البدايه لا الارضى ولا حتى شقه بعد بتخليهم يتكيفون مع بعض .. هالامور تكون ببادره من الشخص نفسه مو المكان ولا الديكور راح يخليه مترابط مع اسرته

يعطيك العافيه على الموضوع

[بوحارب]

انا عن نفسي قاعد ابني فله صغيره تكلف اكثر من مليون ونص مدري ليش مع انها اربع غرف ، بس لو خيروني اشوف الارضي احلى واريح لو الواحد يسوي ارضي بس يتفنن فيه ويكبر فيه ويوسع فيه بيكون احلى من الداخل . بس الناس اتحب الفلل

:eek5::omg::eek5::omg::eek5::omg::eek5::omg:

[انا احساس]

بالعكس افضل الفيلا اختى

لاانها مكانها واسع ومنظرها جميل

افضل من الارضي لقلة المساحه او قله عدد الغرف

يسلمو اختى

وثاني شي اختى الحين اعرف كذا شخص يبني البنت هااوس ويضبطه وحركات حلو وراائعه فووق من ديكورات و شغلات

ويسكن هو فيه له برووحه يعني مكان شخصي ويكون فيه كل شي


هلا اخوي..طيب تقدر تسويها فيلا ارضيه هم راح تكون واسعة ....
فكر بالمستقبل ... اذا كبروا اليهال ..احس مصير الاب والام تحت والعيال فوق كل واحد بغرفته ومشاهد لاب توبه ( نظره مستقبليه مني ) والله اعلم ...
الجمعه واللمه حلوووه ...وعلى فكره موضوعي هذا طرحته بعد النقاش فيه وتعال شوف شكاوي العيايز مساكين ...

البنت هااوس ؟؟؟؟ :shy: مااعرف شنو يعني

حياك الله اخوي

[انا احساس]

البنيان مش مقياس لتقريب العائله انا ما بشوف فيها نسبه

العائله المترابطه المتفاهمه حتى لو كان كل واحد في طابق لحاله بيكون بيناتهم حب وبيجتمعوا مع بعض على الطول
بس لو كانت اصلا العائله متفككه وما حدا بيسأل بيحدا حتى لو سكنوا في غرفه وحده بيتلاقي بيناتهم تنافر وما حدا بيسأل التاني من وين جاي ولا وين راااااايح




يعطيك العافيه اختي



كلام حلو ومنطقي

بس الاغلبية اللي اشوفها عكس كلامج خيتو :nice:

نورتي الموضوع

[انا احساس]

انا عن نفسي قاعد ابني فله صغيره تكلف اكثر من مليون ونص مدري ليش مع انها اربع غرف ، بس لو خيروني اشوف الارضي احلى واريح لو الواحد يسوي ارضي بس يتفنن فيه ويكبر فيه ويوسع فيه بيكون احلى من الداخل . بس الناس اتحب الفلل

اربع غرف بس ...المجموع في الطابقين ؟؟ :omg:
في ناس تحب الفلل عشان المظاهر ( البعض )
اسمحلي اسال ...ليش ماسويته ارضي ...عشان مساحة الارض ؟؟
وتسلم على المرور

[انا احساس]

يا زين مواضيع المقاولات

والله ابرك من سوالف الزواج والسياسة بــ الف مرة

بالنسبة لي أفضل الطابقين


لأن فيه اماكن كثيرة يقدر الواحد يشرد فيها من ضوضاء البيت !

كثري من هالمواضيع انا احساس ^ ـــ *

:nice:
نظرتك هذي الحين بس لانك سينغل ...
بس احس نظرتك بتتغير اذا تزوجت وجاك عيال وكبروا ...
ههههه مالي بالمقاولات ... احب المواضيع الاجتماعية ... ولو تلاحظ موضوعي الهدف منه الجزء الاجتماعي والعلاقات الاسرية ...:nice: جبتها بطريقه اخرى ..بس عجبتك صح :)
نورت يابوحارب

[انا احساس]

افضل الفيلا
لكن الي تكون مفتوحه على بعض والطابق العلوى يطل على السفلى
يكون شكله حلو ويكون بديكورات حلوه
وفي نفس الوقت يعطي خصوصيه لكل شخص فوق بقسمه ويكون متصل بالطابق الي تحت مو اذا طلع قسمه ما يدري عن الدنيا............

وبعدين افخم يعطي وسع بالفيلا اذا المكان مفتوح على بعض

وترابط الاسره يعتمد على التربيه نفسها اذا متعلمين يجتمعون بيجتمعون لو مو متعلمين من البدايه لا الارضى ولا حتى شقه بعد بتخليهم يتكيفون مع بعض .. هالامور تكون ببادره من الشخص نفسه مو المكان ولا الديكور راح يخليه مترابط مع اسرته

يعطيك العافيه على الموضوع


ياااربي عورتوا قلبي على سالفة الترابط ...كلام منطقي ...بس ماشفته الى الان بالواقع
كل بغرفته ياكل ويشرب وعلى كمبيوتره او البلاي ستيشن او التلفزيون

خاطري اشوف هالكلام اللي تتكلمون عنه

اسعدني مرورج الكريم

[انا احساس]

:eek5::omg::eek5::omg::eek5::omg::eek5::omg:

الظاهر بوحارب عنده الارخص :nice:

[بوخالد2]

هلا اخوي..طيب تقدر تسويها فيلا ارضيه هم راح تكون واسعة ....
فكر بالمستقبل ... اذا كبروا اليهال ..احس مصير الاب والام تحت والعيال فوق كل واحد بغرفته ومشاهد لاب توبه ( نظره مستقبليه مني ) والله اعلم ...
الجمعه واللمه حلوووه ...وعلى فكره موضوعي هذا طرحته بعد النقاش فيه وتعال شوف شكاوي العيايز مساكين ...

البنت هااوس ؟؟؟؟ :shy: مااعرف شنو يعني

حياك الله اخوي


الله يحيج ويبقيج

اوكي اختى بالعكس الاب والام فوووق ليش تحت هم فوق للمراقبه وانا اخووج

ودائم احرصي على جعل غرف نوم البنات بالقرب من غرف الوالدين

وثاني شي يفضل الكمبيوتر يكون بالصاله امام ناظر الام او الوالد خوف من حدوث شي بالغرف


والله يستر على بنات المسلمين

والجمعه حلوه تكون في كل الاوقات وليس لها وقت معين

يعني يجتمعون وقت الغدا او العشا او الفطور الصبح

وقهوه العصر و عندهم مجلس للعيال برع يلمهم


اختى البنت هاوس يعني اللى فوق السطح الطابق الثالث ويتكون من صاله وغرفة نووم وحمام وتكون مفتوحه على بعض والسقف يكون من الزجاج الملون للمنظر و الاشعه تكون جميله




انا سويته وان شاءالله يطلع حلو ادعيلي :shy:

[انا احساس]

الله يحيج ويبقيج

اوكي اختى بالعكس الاب والام فوووق ليش تحت هم فوق للمراقبه وانا اخووج

ودائم احرصي على جعل غرف نوم البنات بالقرب من غرف الوالدين

وثاني شي يفضل الكمبيوتر يكون بالصاله امام ناظر الام او الوالد خوف من حدوث شي بالغرف


والله يستر على بنات المسلمين

والجمعه حلوه تكون في كل الاوقات وليس لها وقت معين

يعني يجتمعون وقت الغدا او العشا او الفطور الصبح

وقهوه العصر و عندهم مجلس للعيال برع يلمهم


اختى البنت هاوس يعني اللى فوق السطح الطابق الثالث ويتكون من صاله وغرفة نووم وحمام وتكون مفتوحه على بعض والسقف يكون من الزجاج الملون للمنظر و الاشعه تكون جميله




انا سويته وان شاءالله يطلع حلو ادعيلي :shy:



اخوي ...لاتنسى ان الام والاب بيكبرون بالعمر وبيصير صعود الدرج صعب عليهم ...محد بيتم على صحته وانا اختك ....وغير الحالات الاخرى الصحية الاستثنائية ....
كلام حلو ...والصبيان بعد ترى ينخاف عليهم ...
وااااااااااو صراحه حلوووو ...الله يوفق لك وتسكنون البيت على خير

[بوخالد2]

جزاج الله خير

[hamoor4ever]

اربع غرف بس ...المجموع في الطابقين ؟؟ :omg:
في ناس تحب الفلل عشان المظاهر ( البعض )
اسمحلي اسال ...ليش ماسويته ارضي ...عشان مساحة الارض ؟؟
وتسلم على المرور

وزاره الداخليه عندنا يبون فله ، والمبلغ اللي ذكرته مع تشطيب الفيلا وكامل الغرف خمس طبعا غير الملحق واصغر غرفه عندي 5 في 5

بس والله نصيحه ياناس ماعليكم من كبر الحجم ترى محد بيدفع وبيتلته بالديون الا الريال وكله علشان المظاهر واغلب الغرف الموجوده بس كزياده مب لحاجه

اهم شي بيت للسكن والسلام

[انا احساس]

وزاره الداخليه عندنا يبون فله ، والمبلغ اللي ذكرته مع تشطيب الفيلا وكامل الغرف خمس طبعا غير الملحق واصغر غرفه عندي 5 في 5

بس والله نصيحه ياناس ماعليكم من كبر الحجم ترى محد بيدفع وبيتلته بالديون الا الريال وكله علشان المظاهر واغلب الغرف الموجوده بس كزياده مب لحاجه

اهم شي بيت للسكن والسلام

شكلك تعاني اخووي ...الله يعينك

بس لازم بعد يكون حلوو بس على مستواه ...موب اكثر من طاقته المادية ...
مثلا شعبي ..وديكوره حلو وناعم وفي شوية حركات حلوووه

[السعر]

انا بنيت فله لكن لو الارض مساحتها كبيره افضل ارضي
بس يكون عود

[انا احساس]

انا بنيت فله لكن لو الارض مساحتها كبيره افضل ارضي
بس يكون عود



اي والله هذي المشكلة
الله يعين...واسعدني مرورك

[الوعد2016]

يا زين مواضيع المقاولات

والله ابرك من سوالف الزواج والسياسة بــ الف مرة

بالنسبة لي أفضل الطابقين


لأن فيه اماكن كثيرة يقدر الواحد يشرد فيها من ضوضاء البيت !

كثري من هالمواضيع انا احساس ^ ـــ *
ياحبك للمقاولات
انا اقول لكل وحده مميزات والاذواق تختلف وانا على حسب بيئه المنطقه اذا كلها فلل ابني فله واذا فلل ارضيه ابني فله ارضيه

[ســـهم]

أفضل الارضي للسبب المذكور

اما الفيلا فيقوم ببنائها من يريد ان يكون هناك مجال في مساحة الارض لبناء ملاحق وغيره ...

[انا احساس]

ياحبك للمقاولات
انا اقول لكل وحده مميزات والاذواق تختلف وانا على حسب بيئه المنطقه اذا كلها فلل ابني فله واذا فلل ارضيه ابني فله ارضيه

:)
احترم رايك
تقبل تحياتي

[انا احساس]

أفضل الارضي للسبب المذكور

اما الفيلا فيقوم ببنائها من يريد ان يكون هناك مجال في مساحة الارض لبناء ملاحق وغيره ...

تسلم على المرور...نورت الموضوع يالاصفر :nice:

[حقيقه]

احسن شيء طبعاً الفلل الطابق العلوي للنوووم والراحه

وتحت للضيوف والفوضى والبزران :nice:

[حقيقه]

بس المشكله اذا الجيران كلهم بيوت ارضيه وانت الفيلا بيلوعون كبدك من كثر الشكاوي

فلان انت اطل علينا فلان عيالك يشوفونا فلان حنا مب ماخذين راحتنا في بيتنا فلاان حط حاجز مانبيك تشوفنا فلان وفلان وفلان :nice:

[lalamar]

الارضي طبعا

بس يكون واسع وراهي

ومنازله كبيره وواسعه

يعني شغل راهي

ومجالسه وافيه

ومجلس الريايل معزول على صوب

يعني مساحة الارض تكون 3000

[!الشايمه!]

3000 م <<<يعني بكم مليون؟؟

كلامج صحيح والله مافرقتنا الا الفلل....كلن في غرفته ويا اللاب توب :(
ولاتنسين...اوقات الدوامات اللي س اربع واللي س 2 .... وين تلتقي العيلة ؟
مافي الا الخدم يلتقون على العشا والغدا <<< ياحظهم مسوين عيلة مترابطة :)

تحية لاحساسج الجميل.

[أم نوره]

دور ونص احلى بوااااااااايد بس بشرط يكون تصميم حلوووو
وحركات وزراعه وحديد مشغول وليتات وووووايد واهم شيء مرجوحه بالحوش ههههه

[ســـهم]

تسلم على المرور...نورت الموضوع يالاصفر :nice:

أختي برتقالي مش أصفر

انتي فراشه :rolleyes2:

[بنت المنتدى]

هلا حبيبتي ..


واللهـ انا افضل الفيلااا .. احس اريح واكبر وافخم حتى بالشكل الخارجي .. حتى لاحظي انه فيه فلل ماشاءالله تلفت انتباهج من بعيد و ودج تشوفينها من الداخل من زودها كشخه :nice:


واللهـ يرزق كل من يتمنى يارب :)