لأهل الخبرة : التواير .. ميشلان او دنلوب ؟

[إنتعاش]

السلام عليكم ورحمة الله وبركاته ..

الاخوان الكرام احببت ان تفيدوني بارك الله فيكم

عن تواير بغيت اخذها مقاس 20

285/50VR20

Tread Width: 285
Aspect Ratio: 50
Rim Diameter: 20


الدنلوب في الانترنت سعره حول : 1000 ريال

الميشلان في الانترنت سعره حول : 1260 ريال


1- اي الشركتين افضل من ناحية التاير نفسه

2- هل الاسعار مقاربة للدوحة او تعتبر غالية ؟

ارجو الافادة ولكم جزيل الشكر والعرفان

[بوراشد 66]

ميشلان وانت مغمض

الدنلوب زين ... لكن معروف ان ميشلان احسن تاير حتى لو اغلى

[Index Signal]

أخوي إنتعاش إسمحلي في البدايه أقول أحسن الله عزاكم و الله يجعلها آخر أحزانكم..

بالنسبه لسؤالك أصلاً مافي مقارنه بين النوعين..

الميشلان لا قبله ولا بعده و يعطيك عمر بالإستعمال أطول من أي نوع ثاني وإسأل مجرب..

بالنسبه للسعر ما عندي فكره بس تقدر تتصل على الوكيل و تقارن الأسعار و تشوف الأنسب.

[رنج سبورت]

اخوي انتعاش في البدايه عظم الله اجركم

طبعا الميشلان افضل واستفسر من الوكيل لمقارنة الاسعار

[الجمارك]

الميشلان وانت امغمض

بس سعره مناسب جدا على حجم 20 بس احسب مصاريف الشحن
بالتوفيق

[السد]

الشيخ
الميشلان بدون منازع
يكفيك فخرا انه يستعمل لسيارات السباق
وكيله في الدوحة ناصر بن خالد (NBK seravis)

[ســـهم]

بصراحه أستخدم بريلي واشوفها ممتازه مركبها في سيارتين عندي ..

الوكيل المفتاح ..

[Most Wanted]

انا توني مغير تواير اليوكن اللي عندي وقياسهم كان 265/75r16 وطلع التاير الواحد 660 يعني 4 بــ 2680
وسألت اللي يشتغل هناك عن اللي قياسهم 17 قالي الواحد ب1050
ويوم سالته عن تواير المرسيدس ال19 قالي من 1500 وفوق لين تقريبا 1900 ريال

نصيحه مالك الا ميشلان وتاكد انها فرنسيه او ايطاليه لان في تواير مصنوعه في تركيا واماكن ثانيه ما تسوى

وعندك تواير الكونتنتال بعد وايد زينين تقريبا في نفس مستوى الميشلان

[السد]

انا توني مغير تواير اليوكن اللي عندي وقياسهم كان 265/75r16 وطلع التاير الواحد 660 يعني 4 بــ 2680
وسألت اللي يشتغل هناك عن اللي قياسهم 17 قالي الواحد ب1050
ويوم سالته عن تواير المرسيدس ال19 قالي من 1500 وفوق لين تقريبا 1900 ريال

نصيحه مالك الا ميشلان وتاكد انها فرنسيه او ايطاليه لان في تواير مصنوعه في تركيا واماكن ثانيه ما تسوى

وعندك تواير الكونتنتال بعد وايد زينين تقريبا في نفس مستوى الميشلان
المعذرة اخوي
الكونتتال من اخس انواع الفرنسي
والميشلان درجة اولى ما عليه كلام

[نيساني]

غير الميشلان لاتركب والله يوفقك

[S A L M A N]

ميشلان طبعاً

[A.L.I]

ميشلان وبس

صارلي حول 7 سنين اتعامل معاهم

[HEART_LION]

اسمحلي اخوي اللي قال الكونتيننتال خذت تايرين كل واحد ماكمل شهر اوصخ تواير شفتهم مدري على وشو غالي المشكله الماني هذا اللي مستغرب منه

الميشلان احسن انواع الاطارات جرب الامريكي

وموفق اخوي

[OREO]

اخوي انتعاش انصحك بتواير ميشلان ..

و اقدم نصيحه سواء لك او لبقية الاخوان .. التواير لا تشتريها من النت .. و السبب بأن مواصفات

الخامه تجي غير عن مواصفات الدول الاسيويه و الاوروبية .. ( من ناحية الصلابه و قوة التحمل ) و السبب

إن الاختبارات اللي يسونها على نوعية اللي مصدره لدول الشرق الاوسط غير عن الدول الاروبيه و الاسيوية ( بسبب حرارة الجو) ..

و اذا حاب تتأكد اكثر .. راسل الشركه نفسها و بيقولونلك ..

و اتمنى اتحصل على مبتغاك و اسف على عدم قدرتي على مساعدتك بالشكل المطلوب يا مدير :)

[OREO]

اسمحلي اخوي اللي قال الكونتيننتال خذت تايرين كل واحد ماكمل شهر اوصخ تواير شفتهم مدري على وشو غالي المشكله الماني هذا اللي مستغرب منه

الميشلان احسن انواع الاطارات جرب الامريكي

وموفق اخوي


المشكله مهب من شركة كونتنينتال .. المشكله في ربعنا في هيئة المواصفات و المقاييس اللي

ما يشيكون هل التواير هذه ظمن مواصفات الشرق الاوسط و الا لا ,.. و الا التواير هذه من احسن التواير في اوروبا ... و لكن مع جونا ما يتحمل ...و التواير هذه بمواصفات اروبيه للأسف ..

[moschino8]

شنو نوع الموتر اذا رنج خذ قوديير هم زينين والميشلان ماعليه كلام

[Most Wanted]

المعذرة اخوي
الكونتتال من اخس انواع الفرنسي
والميشلان درجة اولى ما عليه كلام

ممكن تكون صاج الشيخ بس مثل ما ذكرت قبل الواحد قبل لا ياخذ اي نوع لازم يتأكد من انه اصلي مو مصنوع في مكان ثاني

[Most Wanted]

اخوي انتعاش انصحك بتواير ميشلان ..

و اقدم نصيحه سواء لك او لبقية الاخوان .. التواير لا تشتريها من النت .. و السبب بأن مواصفات

الخامه تجي غير عن مواصفات الدول الاسيويه و الاوروبية .. ( من ناحية الصلابه و قوة التحمل ) و السبب

إن الاختبارات اللي يسونها على نوعية اللي مصدره لدول الشرق الاوسط غير عن الدول الاروبيه و الاسيوية ( بسبب حرارة الجو) ..

و اذا حاب تتأكد اكثر .. راسل الشركه نفسها و بيقولونلك ..

و اتمنى اتحصل على مبتغاك و اسف على عدم قدرتي على مساعدتك بالشكل المطلوب يا مدير :)

وانت صاج بس ما في شي مصنوع خصيصا حق الشرق الاوسط لان التواير يصنعونها حسب الحراره وهي 3 انواع A B C هاي بالنسبه للحراره وعلى ما أذكر ان الA هو اللي يصلح للخليج
والسرعات تختلف وهي اكثر الاغلاط اللي الواحد يرتكبها لان يحصل تاير نفس الماركه ونفس الشكل بس واحد ارخص من الثاني لان مصنوع حق سرعه اقل

[k__]

عني انا اركب الميشلان :nice:

[حمندي1]

الله يعظم اجرك في فقيدك ياالغالي

خذ ميشلان احسن بوايد بس تأكد من السعر يعني عقب الخصم يمكن يطلع الواحد حول ال 1750 هذا سعره لانه ينباع في احدى الدول الخليجية المجاورة برخص التراب ( مع ان التراب غالي هالأيام ) بس النوعية لك عليها وتأكد يالغالي من نوع التاير خذ ال zr اعتقد ان هذا النوع اللي ماله سرعة محددة طبعا هذا يعتمد على نوع موترك لانه في تواير حدها 220كم /س وفي 255كم/س وفي الzr فوق ال300كم/س
هذا والعلم عند الله وانشاء الله اني مب غلطان

....الخلاصة / خذ ميشلان من الشركة وتوكل على ربك

[الرايــق]

الميشلان من واقع تجربة

[adel-8]

الميشلان ممتاز

[إنتعاش]

جزاكم الله خير وارحم الله والديكم و غفر الله لموتانا وموتاكم اللهم امين

تسلمون اخواني على هالتفاعل والافادة بارك الله فيكم وجزاكم ربي كل خير

بالنسبة للتواير

شفتها في موقع الكتروني
وانا قصدي انها لموتر ليكزس LX570 الفورويل الجديد

نوع التواير موجود نوعين :


1- دنلوب

هاذي مواصفاته

Dunlop Grandtrek PT2A Tire - 285/50VR20

سعر التاير : $271.70
بالريال القطري : 992 ريال قطري

الشحن : 694 ريال للتاير

يعني يطلع اجمالي تكلفة التاير الواحد واصل قطر : 1686 ريال قطري



2- ميشلان

نوع التاير

Michelin Latitude Tour HP - 285/50VR20

سعر التاير : $343.20
بالقطري : 1253 ريال
الشحن للتاير الواحد : 1156 ريال


يعني يطلع التاير الواحد واصل الدوحه :

2410 ريال قطري

----------------------

الخلاصة :

دنلوب مشحون واصل الدوحة : 1686 ريال قطري

ميشلان مشحون واصل الدوحة : 2410 ريال قطري


فبشوف الاسعار اهنيه لو سمحت لي الظروف عشان اقارن

لأن خوفي اطلب الرنجات ويكون هالنوع من التواير مش متوفر او مش موجود
فقلت اسأل اول هل اطلب التواير بالرنجات او اشتري التواير من الدوحة

سؤالي عن ميشلان .. هل عندهم فروع غير الفرع القديم اللي صوب مدرسة الصناعة ؟

[Index Signal]

أخوي إنتعاش لا تنسى إنك لو شريته من النت ما عليه ضمان يعني لو صار أي عيب خلال الإستعمال محد بيعوضك..

بعكس لو أخذته من الوكيل بيكون عليه ضمان الإستبدال أول ٦ شهور من الإستعمال لو ظهر أي عيب..

ملاحظه خذها بالحسبان بجانب السعر.

[OREO]

اخوي انتعاش ..

الوكيل على خط سلوى .. مقابل كراج الكريستال و اتصل 180 و خذ رقمهم ( ناصر بن خالد ) .. و التواير مهب متوفره عندهم في المعرض ..

اذا تبي .. لازم تحجز و ثاني يوم يجيبونلك من الصناعيه ( الاستور ) ..

[شبربوش]

الميشلان ولا تفكر في الغير