احسن مــحــــل؟؟

[flan2222]

شباب الله لايهينكم بغيت اعرف احسن محل حق ميزانية الليتات الاماميه لاني مغير ليتات حق لاند كروزر في الوكاله ولاكن للأسف ما ظبطوا الميزانيه كانت الليتات مرتفعه . وديتها بعد لمحل في الصناعيه طلع واحد مرتفع وواحد نازل!! فاالحين بغيت محل مظبوط ... يعطيكم العافيه:

[المخفي]

خذ أسبانة وقف السيارة صوب الطوفة على مسافة 6 متر و الليتات شغالة و تحصل في براغي في الليتات من الخلف و ارفع ونزل حسب ما يعجبك
ضبطت الليتات في البيت و دخلت السيارة الفحص الفني و هذي سنتين و عدت الفحص الفني في كل مرة

[سلمان]

عندك محل بوش ألي مقابل الفحص الفني في الصناعيه

أوكيه بيعجبك شغله

[السد]

محل بوش زين لك

[ابوعبدالعزيز]

احسن محل إلى في الوكرة فرع الميشلان عند دوار الصدفة ، عندهم محل ايضبط ليتات السيارة على جهاز خاص وسعره اعقد عشرين ريال ، وما ياخذ الموضوع اكثر من خمس إلى عشر دقائق .

تحياتي .

[Qtr33]

عندك المحلات اللي في الغرافه اللي قدام اللاندمارك (الكراجات) يسوون لك الميزانية وانت واقف :)

[flan2222]

مشكورين جزاكم الله خير........