أي إستفسار بخصوص السفر لإيران

[سهم بن سهم]

أخواني الأعزاء
أي إستفسار من الأخوة الأعضاء بخصوص السفر إلى جمهورية إيران الإسلامية ترانا في الخدمة ولاتتردد في السؤال أخي العزيز وأختي الكريمه

تحياتي للجميع بقضاء إجازة صيف ممتعة

:victory:

[HADi]

جزاك الله خير اخوي على هذي المبادره الطيبه منك

وكثر الله من امثالك

[اّل ثاني 77]

الله يعطيك العافيه ، يمدحون المناظر الطبيعية في اصفهان وشمال إيران لاكن مارحت وصراحة ودي اروح

[alsenjari]

أنا رحت في شهر خمسه

وكان خط سيري كالتالي :

شيراز أصفهان طهران ثم الشمال الإيراني ثم حمدان ثم أصفهان ثم شيراز

الصراحه بلاد حلوه والشمال الإيراني درجه أولى شي ما ينوصف حتى في الخيال ما ينوصف كلاردشت و رامسر وجالوس على بحر قزوين ودرجه ثانية حمدان

هناك مشكلة عويصه واجهتني وهي اللغه هل أجد لها حلا عندك أخوي سهم بن سهم وخاصة بمنطقة طهران والشمال الإيراني هل تعرف مترجمين لأني بصراحة الشمال الإيراني مقرر إني سنويا أزوره

[alsenjari]

الله يعطيك العافيه ، يمدحون المناظر الطبيعية في اصفهان وشمال إيران لاكن مارحت وصراحة ودي اروح


أخي العزيز روح لشمال إيران وراح تعجبك وعلى مسئوليتي الشمال الإيراني ماله شبيه إلا الريف النمساوي لا وأحلى بعد

[العتيم]

صبحكم الله بالخير اخواني الاعضاء
هل المناطق الشماليه توجد فيه مثلن فنادق خمس نجووم
وكم تبعد من العاصمه

[سهم بن سهم]

جزاك الله خير اخوي على هذي المبادره الطيبه منك

وكثر الله من امثالك


الله يحييك اخوي وشاكر لمرورك

[jassim_007]

هناك مشكلة عويصه واجهتني وهي اللغه هل أجد لها حلا عندك أخوي سهم بن سهم وخاصة بمنطقة طهران والشمال الإيراني هل تعرف مترجمين لأني بصراحة الشمال الإيراني مقرر إني سنويا أزوره

تبي مترجم

او تبي كورس في اللغه الفارسيه هني بالمنتدى

ترا حاضرين :p

[سهم بن سهم]

الله يعطيك العافيه ، يمدحون المناظر الطبيعية في اصفهان وشمال إيران لاكن مارحت وصراحة ودي اروح


شمال ايران كانك في اوربا والحين تقريبا درجة الحرارة في الشمال 10 درجات وبعض الامطار الخفيفه وخصوصا على مناطق اقليم مازندران واذربيجان الغربية

مناطق طبيعية جميلة وتقريبا تكلفك ربع سفرتك لاوربا

[سهم بن سهم]

أنا رحت في شهر خمسه

وكان خط سيري كالتالي :

شيراز أصفهان طهران ثم الشمال الإيراني ثم حمدان ثم أصفهان ثم شيراز

الصراحه بلاد حلوه والشمال الإيراني درجه أولى شي ما ينوصف حتى في الخيال ما ينوصف كلاردشت و رامسر وجالوس على بحر قزوين ودرجه ثانية حمدان

هناك مشكلة عويصه واجهتني وهي اللغه هل أجد لها حلا عندك أخوي سهم بن سهم وخاصة بمنطقة طهران والشمال الإيراني هل تعرف مترجمين لأني بصراحة الشمال الإيراني مقرر إني سنويا أزوره


اللغة امرها هين يعني تحصل مترجمين من كل المكاتب السياحية الموجوده واغلب الشباب الايراني يتكلمون الانجليزية وبعضهم يتكلم العربية واللغه مش حاجز كبير مثل الفرنسية بالنسبة لنا صعب الفارسية سهله و40% منها لغة عربية ولو تقدر تسافر ويا واحد يتكلم الفارسية راح تسهل امورك

هلابك اخوي

[سهم بن سهم]

صبحكم الله بالخير اخواني الاعضاء
هل المناطق الشماليه توجد فيه مثلن فنادق خمس نجووم
وكم تبعد من العاصمه


المناطق الشمالية تبعد عن العاصمة طهران تقريبا 3 ساعات ونص بالسيارة على طريق جبلي مسفلت يمتاز بالمناضر الطبيعية وهناك طريق جديد مسوينه لا ادري ان كان فتح ام لا ولكن الطريق اوكي وحركة المرور فيه تمام والشرطة تنظم حرة السير فيه اوقات الزحمه في يومي الخميس والجمعه

المناطق الشمالية لايوجد فيها فنادق خمس نجوم مثل الدوحه وايران بكبرها مافيها فنادق خمس نجوم الا فندقين فقط في العاصمة طهران وذلك لاسباب المقاطعة والحضر التجاري مع ايران فالفنادق العالمية لم تدخل السوق الايراني بعد الثورة والحرب العراقية الايرانية والى الان وشركة الفنادق الايرانية هي محتكرة السوق الفندقي هناك

مافي فنادق خمس نجوم ولكن تقدر تاجر فيلا صغيره هناك من المكاتب المنتشره في الشمال وبقيمة 500 ريال في اليوم للفيلا الواحده ثلاث غرف نوم وتوابعها وفي فنادق صغيرة موتيلات او لوكند\ه تقدر تقضي فيها يومك وعلى فكره كلها نظيفه والشعب الايراني نظيف بطبعه واماكنهم نظيفه

[اكسجين]

اخوي . سهم بن سهم.......سؤال الله لايهينك.

لبلاد فيها أمان بشكل عام..؟

[alsenjari]

اللغة امرها هين يعني تحصل مترجمين من كل المكاتب السياحية الموجوده واغلب الشباب الايراني يتكلمون الانجليزية وبعضهم يتكلم العربية واللغه مش حاجز كبير مثل الفرنسية بالنسبة لنا صعب الفارسية سهله و40% منها لغة عربية ولو تقدر تسافر ويا واحد يتكلم الفارسية راح تسهل امورك

هلابك اخوي


والله ياخوي سهم البلد كل مافيها عجبني الجو الطبيعه الأكل المطاعم الأسواق الا حاجه وحد تلعوزت هناك والسبب اللغه وماحفظت إلا كم كلمه

اذا ركبت تكسي أقوله( مستقيم برو) وعقب تعال دورني اشارات وكم كلمه انجليزي على كم كلمه عربي وتطلع روحي يالله اوصل للي ابيه

[alsenjari]

اخوي . سهم بن سهم.......سؤال الله لايهينك.

لبلاد فيها أمان بشكل عام..؟


اللي شفته أنا أمان

[alsenjari]

صور للشمال الإيراني

http://business.clayton.edu/arjomand/hossein/New%20Images/Naqsh-e%20Jahaan%20Square%20_%20Isfahan%20-%20Iran.bmp

http://www6.worldisround.com/photos/27/569/29.jpg

http://www6.worldisround.com/photos/27/569/37.jpg


http://image64.webshots.com/64/8/99/39/476889939NoEwjS_ph.jpg
كلاردشت

[jassim_007]

اوف اوف كل هاي في بلادنه :p:p


يبي له الصراحه هع هعescape

[(حوريه)]

ايران

دولة جميلة

ياليت تكتب لنا اسماء فنادق

وكيفية السياحة فيها

[BURBERRY]

http://www6.worldisround.com/photos/27/569/29.jpg

عجيب المكاااااااان

[jassim_007]

http://gallery.tonekabon.com/data/media/1/toneka12.jpg
^
مازندران

http://media.farsnews.com/Media/8601/ImageReports/8601090083/35_8601090083_L600.jpg
^
قزوين

http://www.sfari.com/photo/data/500/medium/img4253.jpg
^
جواهر ده في شمال ايران

http://www.m5zn.com/uploads/b9bc31b57e.jpg
http://www.m5zn.com/uploads/109a300cb0.jpg
http://www.m5zn.com/uploads/eac7b912e8.jpg
http://www.m5zn.com/uploads/e2f0a4091c.jpg
http://aycu09.webshots.com/image/31608/2006066644515679302_rs.jpg
http://aycu10.webshots.com/image/31449/2006083996572278607_rs.jpg


بسكم :tease:

[غناتي1]

الله مناظر وطبيعه ولا اروع

اشكرك اخوي عطيتنا فكرة عن هالبلد

[سهم بن سهم]

اخوي . سهم بن سهم.......سؤال الله لايهينك.

لبلاد فيها أمان بشكل عام..؟


اخوي البلاد فيها امان بنسبة 70% ولكن يجب عليك الحرص والحذر وهي مثل سوريا تقريبا وتركيا الامان فيهم بنسبة هالدرجه ولاتنسى بان الشعب فقير واي شيء يلفت نظره منك يالسايح يكون هدف لهم لكن امان بس على شرط يكون وياك دليل يعرف المكان يعني ماتروح هدد بروحك يالله على الله لا اخوي

[سهم بن سهم]

ايران

دولة جميلة

ياليت تكتب لنا اسماء فنادق

وكيفية السياحة فيها



مدينه طهران احسن الفنادق اللي فيها فندق آزادي درجة اولى 4 نجوم مثل فندق الواحه قبل يعني مافي فنادق على مستوى الشيراتون والريتز عندنا مافي وفي فندق هما الشيراتون سابقا في عهد الشاه وفندق لاله وسط البلد هذول احسن الفنادق ولكن انا انصح بان تسكن في فندق الاستقلال احسن وغرفه اوكي وكل الوفود تسكن هناك وقريب من شارع ولي عصر الكبير وقريب من الحدائق وكل حاجه

[سهم بن سهم]

الله مناظر وطبيعه ولا اروع

اشكرك اخوي عطيتنا فكرة عن هالبلد



هذي ولاشيء فتختلف المناضر هذي عليك من فصل الى آخر وحسب المناطق :)

[اكسجين]

alsenjari
سهم بن سهم


جعل ربي يسلمكم وجزاكم الله خير.

[سهم بن سهم]

فندق الإستقلال سعره تقريبا 170 دولار وتتصل انت في السفاره تكلم اي دبلوماسي هناك ويسوي لك كتاب خصم للفتدق يعطونك اياه بسعر 110 دولار لليله

وعند الحجز في فندق الإستقلال اطلب من الريسبشن ان يحجز لك في الجناح الجديد واذا قال لك القديم قول له لا لان غرفه قديمه اطلب الجناح الجديد

تحياتي

[سهم بن سهم]

بالنسبة للفلوس معاك

الفيزا كارت ماتمشي هناك الا في بعض المحلات الكبيره او بعض بائعي السجاد الايراني الكبار

كارت السحب الالي القطري مايشتغل في ايران وقالو انهم راح يفتحونه مع بنك صادرات ومدري كان فتحوه اولا اسئل عنه

تحمل مبالغ دولارات كاش ومايمنعونك في المطار عادي ود اللي تبيه معاك ولكن عليك بالحرص والحذر لانك تحمل كاتش

خذ شيكات ايران جيك السياحية من صرافة اللاري او علي جعفر في الدوحه شيك 100 الف تومان تعادل 400 ريال وهناك تصرفها على دفعات وبكيفك

تحياتي