يا سائح ويامسافر ، خلك خير سفير لبلدك قطــــــــــر

[Chambray]

السلام عليكم
شلونكم عساكم طيبيين

طبعاً موسم الاجازات بدا ومعظم الناس تستعد للسفر والسياحة .
ومن باب حب الوطن والمحافظة على سمعته الطيبه لدى العالم ، احب اقول للجميع ( خلك خير سفير لبلدك في السفر ) ابتعد عن المشاكل وابتعد عن اماكن الشبهات وابتعد عن التكبر وخيسه النفس ، وخل نفسك طيبه مع الجميع وإعطي انطباع جيد لكل سائح عن قطر وعن شعب قطر ، وإذا تقدر تودي معك كتيبات صغيره او مطبوعات من الانترنت باللغة الانجليزية والفرنسية والاسبانية وتوزيعها لمن تقابلهم في السفر ولمن لا يعرف قطر وتعطيه الكتيب لكي يعرف بعض عادات قطر وتقاليدها وما فيها من سياحة والاهم طبيعة اهلها وعاداتهم وتقاليدهم ، لان هناك شعوب لاتعرف ماهي قطر ، يمكن الي يعرفونه ان قطر دولة مسلمة والمسلمين إرهابيين كما صور لهم الاعلام الاجنبي وبالاخص الامريكي ، ولقد صادفتني مشكلة اثناء سفري إلى الكثير من الدول ، حيث يسألونني من اين انت ، اجاوبهم من قطر ، بعضهم لا يعرف اين تقع قطر !!

بهذا تجلب لقطر اهتمام الكثيرين وتعطي للكثيرين انطباع جيد عن قطر وشعب قطر ، وهذا ينعكس إيجاباً في معاملتنا في الخارج ..

وبالتوفيق للجميع وسفره سعيده ان شاء الله ..

اخوكم ، جاسم

[غناتي1]

ونعم النصيحه من نعم الاخ

جزاك الله خير

[BURBERRY]

السلام عليكم
شلونكم عساكم طيبيين

طبعاً موسم الاجازات بدا ومعظم الناس تستعد للسفر والسياحة .
ومن باب حب الوطن والمحافظة على سمعته الطيبه لدى العالم ، احب اقول للجميع ( خلك خير سفير لبلدك في السفر ) ابتعد عن المشاكل وابتعد عن اماكن الشبهات وابتعد عن التكبر وخيسه النفس ، وخل نفسك طيبه مع الجميع وإعطي انطباع جيد لكل سائح عن قطر وعن شعب قطر ، وإذا تقدر تودي معك كتيبات صغيره او مطبوعات من الانترنت باللغة الانجليزية والفرنسية والاسبانية وتوزيعها لمن تقابلهم في السفر ولمن لا يعرف قطر وتعطيه الكتيب لكي يعرف بعض عادات قطر وتقاليدها وما فيها من سياحة والاهم طبيعة اهلها وعاداتهم وتقاليدهم ، لان هناك شعوب لاتعرف ماهي قطر ، يمكن الي يعرفونه ان قطر دولة مسلمة والمسلمين إرهابيين كما صور لهم الاعلام الاجنبي وبالاخص الامريكي ، ولقد صادفتني مشكلة اثناء سفري إلى الكثير من الدول ، حيث يسألونني من اين انت ، اجاوبهم من قطر ، بعضهم لا يعرف اين تقع قطر !!

بهذا تجلب لقطر اهتمام الكثيرين وتعطي للكثيرين انطباع جيد عن قطر وشعب قطر ، وهذا ينعكس إيجاباً في معاملتنا في الخارج ..

وبالتوفيق للجميع وسفره سعيده ان شاء الله ..

اخوكم ، جاسم

مبدع كألعاده اخووي جاسم

يعطيك العافيه و هذا يدل على حبك للوطن :)

[فلفل حار]

ونعم النصيحه

والمفروض تكون اخلاقه واسلوبه جي بالدوحه بين اهله واصدقائه ، مب لازم بـ السفر

يعطيك العافيه جاسم :)

[Chambray]

ونعم النصيحه من نعم الاخ

جزاك الله خير

الله يجزيك خير ، ماعليك زود والله


مبدع كألعاده اخووي جاسم

يعطيك العافيه و هذا يدل على حبك للوطن :)

كلنا نحب الوطن ، وما اعتقد ان مافي حد مايحب بلاده
لكن انا اتكلم عن مبدأ الناس بتاخذه وبتعممه عل الجميع بمعامله فئة معينه ، مثلاً ، احين في بلاد خليجية إن سافرنا دائماً نقول هالناس مايخلون بار مايدشونه مايخلون بنات مايلاحقونهم و و و إلخ يعني سمعتهم اختربت ، والسبه فئة قليله منهم ، والباقي ماعليهم زوود
علشان كذا الواحد يحاول انه يكون خير سفير لبلاده ..



ونعم النصيحه

والمفروض تكون اخلاقه واسلوبه جي بالدوحه بين اهله واصدقائه ، مب لازم بـ السفر

يعطيك العافيه جاسم :)

هلا فلفول ههههههه شخبارك
شوف ، في زحمة الدوحة وحرها ورطوبتها لو اشوفك جدامي ادعمك عادي ماعندي مشكلة ههههههههههههههه لان الزحمة بس بروحها سبب من مسببات العصبيه في قطر ههههههههه

الي اخلاقه طيبه دائماً بيكون طيب سواء في الدوحة او خارجها ..
لكن الشخص لين سافر بعض المرات يصيده نوع من الامبالات ويعتبر الناس خدم عنده ويعامل الناس بمعاملة انه هو احسن منهم وغيرها من هالسوالف ، حتى لو شفت حد من هل قطر الخليج في الشانز او الاكسفورد او اي مكان تسلمه عليه يرد عليه بخياس نفس كأنك تبي منه شئ ، لكن انا الي ابي اوصل للناس انهم يحترمون الناس جميعاً ويعاملونهم بأحسن معامله حتى هذا الشخص سواء اجنبي او غيره ياخذ فكرة حلوه عن قطر ويتكلم عن اهل قطر بالخير عند اهله وربعه .
يعني مثلاً لو شفت شخص هولندي مثلاً في سوق واقف وعاملك بمعاملة سيئة ، تضايقت منه ومن موقفه ، شئ طبيعي انك راح تكرهه وتكرهه هولندا وتكره كل الهولنديين وتعتبرهم كلهم بنفس شاكله هذا الشخص !!! مع العلم ان هناك اكثرمن 10 ملايين هولندي !!!!!! وانت حكمت عليهم كلهم على هذا الشخص ..

هذا مثال . لا اكثر .

ولك خالص تحياتي

[A.L.I]

يعطيك العافيه اخوي

[بوخالد911]

كلام جدا سليم وجميييل

ميرسي بوكووو مسيوووو

مع التحية

[Qa6ar]

كلام جميل اخوي جاسم

الله يعطيك على قد نيتك واتشوف اهل قطر خير سفراء لبلدهم

[miss-qatr]

تسلم ياخوي على هالنصايح

وفعلاً هذا ولله اللي نبغيه :)


يعطيك العاااافيه

[السنافية]

يعطيك العافية على النصيحة والتنبية

جزاك الله خير،،،

[راعي ال2008 الاسود]

تسلم اخووي جاسم وانت دايما متميز في هالمواضيع وتسلم على هالنصيحة