.......... ناويه الحج.....ممكن تساعدوني.....؟؟

[انا احساس]

مساء الخير
شخباركم وحشتني سوالفكم
.
.
ربي يرزقنا ان شاء الله الحج ويتمه على خير
.
.
ناويه ان شاء الله اودي الغاليه الحج هالسنه..ولان صحتها ضعيفه افضل الحج السريع
وياليت تفيدوني عن الحملات الزينه..واهم شيء الرعايه الصحية ..ومتى المفروض نسجل ؟؟
وجزاكم ربي كل خير

[بوخالد2]

هلا اختى انا احساس انصحك بالفرقان على الكلام اللي سمعت العام عنهم من خدمه وكل شي طيب يسووونه
والله يتمم عليج وعلى العجوز بخير ان شاءالله والله يعينها ان شاءالله

[Ghost]

هلا اختى انا احساس انصحك بالفرقان على الكلام اللي سمعت العام عنهم من خدمه وكل شي طيب يسووونه
والله يتمم عليج وعلى العجوز بخير ان شاءالله والله يعينها ان شاءالله

انا معاك ولا تبي الخدمة يرجى المراسلة على الخاص بالنسبة لحملة الفرقان :nice:

[انا احساس]

هلا اختى انا احساس انصحك بالفرقان على الكلام اللي سمعت العام عنهم من خدمه وكل شي طيب يسووونه
والله يتمم عليج وعلى العجوز بخير ان شاءالله والله يعينها ان شاءالله
سمعت انهم وايد متشددين....مادري؟
جزاك الله كل خير

[انا احساس]

انا معاك ولا تبي الخدمة يرجى المراسلة على الخاص بالنسبة لحملة الفرقان :nice:



ممكن اسال ؟؟؟

[Ghost]

تفضلي السؤال اللي تبي

[سهم مديون]

الفرقان ، حاتم ، الركن الخامس ، الهدى، هذه كلها حملات تصنيفها فئة (( أ ))حج مبرور وسعي مشكور مقدما .

[Qa6ar]

حاضرين اختي

عن حمله الفرقان وطريقه التواصل عندي... وانصحك بها

[Ghost]

حاضرين اختي

عن حمله الفرقان وطريقه التواصل عندي... وانصحك بها

عرفني بنفسك على الخاص الفرقان عندي بعد :shy:

[انا احساس]

ماعندك خاصية الرسائل

المهم ...هل يوفرون كرسي متحرك وكذلك الاكسجين ؟؟

[Ghost]

انا عندي رسايل خاصة وعندهم كل شي وما اقدر اوضح علشان ما يفتكرونها دعاية للحملة

[انا احساس]

الفرقان ، حاتم ، الركن الخامس ، الهدى، هذه كلها حملات تصنيفها فئة (( أ ))حج مبرور وسعي مشكور مقدما .

جزاك الله كل خير اخوي

[انا احساس]

حاضرين اختي

عن حمله الفرقان وطريقه التواصل عندي... وانصحك بها

ممكن طريقه التواصل ؟؟؟
عندي استفسارات ..
جزاك الله كل خير اخوي

[انا احساس]

انا عندي رسايل خاصة وعندهم كل شي وما اقدر اوضح علشان ما يفتكرونها دعاية للحملة

ماعندك حاولت مرتين :weeping:

ترسل بس ماتستقبل

[Ghost]

انا ارسلت لك على الخاص وربنا يكتب لك وللوالدة الحج هذا العام لان الاعوام القادمة بيكون الجو حار جدا وبعدين ما تاخدي راحتك بالحج لان منى وعرفة ومزدلفة خيام ومزدلفة ساعات قليلة بس عرفة يوم ومنى يومين وربنا ييسر لنا الحج هذا العام دعوات كل من يقرا الرد

[انا احساس]

انا ارسلت لك على الخاص وربنا يكتب لك وللوالدة الحج هذا العام لان الاعوام القادمة بيكون الجو حار جدا وبعدين ما تاخدي راحتك بالحج لان منى وعرفة ومزدلفة خيام ومزدلفة ساعات قليلة بس عرفة يوم ومنى يومين وربنا ييسر لنا الحج هذا العام دعوات كل من يقرا الرد

وصلتني....امين ...ربي يوفق الجميع....والف شكر

[قطريه ماركه]

حملة حاتم ممتازة عن تجربة ..

والله ييسر لج الحج ...

[أمة الله]

حملة حاتم يوفرون كراسي متحركه بس طبعاً حد من الأهل يدزها + حمله ممتازه

[الحـــوت]

حمله الاقصي للحج فئه أ وممتازه ويوفرون كراسي للكبار بالسن
عن تجربه

[بنت المنتدى]

الله يعطيج على قد نيتج ويجزيج جنة الفردوس الاعلى ويتقبل منج ان شاءالله ياحبيبتي

[!الشايمه!]

الله يوفقج يارب...ويجيزج خير عن والدتج الله يحفظها....
والله ييسر لكم ان شاء الله.
وحج مبرور وذنب مغفور مقدماً ان شاء الله.


والله يبلغنا يارب.
تحية للوالدة.

[VIPLady]

اذا كنتوا قروب خذوا لكم كل شي برايفت احسن واسهل خاصه اذا معاج حد كبير بالسن

احنا رحنا مع حمله الهدى بس كل شي برايفت يعطيج شقه لج ..في منطقه اسمها العزيزيه اذكر انها كانت بالعماره الي لازقه في عماره الحمله .. شقه مو كشخه بس اسمها شقه خاصه يعني هذي مستواهم بمكه لان مو فندق ....بس شي عادي .. و يخصص لج سياره خاصه فيج بسواق خاص لج ينقلج من مكان لين مكان اقصد المناسك يعني..واطلبي لج خيمه خاصه في منى . اريح واحسن من العالم الي احتمال يبسببون ازعاج للوالده.... وكنا بليل نرجع من منى للشقه نسبح وكل شي لان منى استغفر الله مادري اذا بتستحملين المكان هناك ...اذا قدرتي اتوضين زين بعد من الناس الي يتشوفيهم .. لا اتيكيت ولا سنع وقمه في القذاره بصراحه ...يعني بالاخير تدفعين شوي اكثر بس على شي يسوى و خدمه تستاهل كل شي خاص فيج ...

وحتى رحنا كم مره الحرم نصلي الفجر ومره العشا مادري المغرب ماذكر بصراحه لانه من زمان ...

وتروحين وترجعين بالسلامه انشالله .. ودعواتج والله يسهل امورج

[اطلس]

اسف على عدم القدرة عالمساعدة لاني ماعرف
بس اعرف احسن حملة هي حملة حاتم للحج والعمرة
وانشالله تروحون وتردون بالسلامة
والله يشفي والدتج ويخليها لج انشالله
وحج مقبول انشالله
عاد لاتحرمونا من دعواتكم




اخوكم اطلس

[khk]

اذا كنتوا قروب خذوا لكم كل شي برايفت احسن واسهل خاصه اذا معاج حد كبير بالسن

احنا رحنا مع حمله الهدى بس كل شي برايفت يعطيج شقه لج ..في منطقه اسمها العزيزيه اذكر انها كانت بالعماره الي لازقه في عماره الحمله .. شقه مو كشخه بس اسمها شقه خاصه يعني هذي مستواهم بمكه لان مو فندق ....بس شي عادي .. و يخصص لج سياره خاصه فيج بسواق خاص لج ينقلج من مكان لين مكان اقصد المناسك يعني..واطلبي لج خيمه خاصه في منى . اريح واحسن من العالم الي احتمال يبسببون ازعاج للوالده.... وكنا بليل نرجع من منى للشقه نسبح وكل شي لان منى استغفر الله مادري اذا بتستحملين المكان هناك ...اذا قدرتي اتوضين زين بعد من الناس الي يتشوفيهم .. لا اتيكيت ولا سنع وقمه في القذاره بصراحه ...يعني بالاخير تدفعين شوي اكثر بس على شي يسوى و خدمه تستاهل كل شي خاص فيج ...

وحتى رحنا كم مره الحرم نصلي الفجر ومره العشا مادري المغرب ماذكر بصراحه لانه من زمان ...

وتروحين وترجعين بالسلامه انشالله .. ودعواتج والله يسهل امورج

الله يسلمك انتي رايحة حج ولا سياحة
الحج لازم في تعب والاجر على قدر المشقة
وبعدين المبلغ البسيط اللي تقولين عنه ممكن يوصل الى 100 الف او اكثر شكلها اسعارج قديمة لكن اذا عندك مقدرة لكن مو كل الناس عندها نفس المقدرة

[لجين]

حملة الفرقان ماعليها كلام

خاصة خدمتهم للخاص فوق الممتاز صراحة

[almulla]

حملة حاتم سابقا كانت افضل حملة والحين حملة الفرقان حسب كلام الناس

بالنسبة لي شخصيا وللاهل نروح على حملة خالي من الفئة "ب" وهي حملة طيبة للحج والعمرة

وعيالي عمي يروحون على الفرقان

بس نصيييحة لاتقرب من الثقلين والسبب معروف

[VIPLady]

الله يسلمك انتي رايحة حج ولا سياحة
الحج لازم في تعب والاجر على قدر المشقة
وبعدين المبلغ البسيط اللي تقولين عنه ممكن يوصل الى 100 الف او اكثر شكلها اسعارج قديمة لكن اذا عندك مقدرة لكن مو كل الناس عندها نفس المقدرة

عفوا يعني
انا ماقلت سياحه ولا غيرها
حج وبالعكس وناسه و اتبعنا كل المناسك بس بعد مو عيب ولا حرام الشخص يريح نفسه و يتخذ الطرق الي تسهل عليه الحج والسفر...والمشقه في اداء المناسك .. عيل لا تروح بالسياره من منى لين مزدلفه ولين الحرم روح مشي اجر اكثر..؟؟؟ ليش تقعد بمكيف اقعد بالحر ..؟ اجر اكثر.. مافيها شي ان الشخص يستخدم طرق ووسائل الراحه له حتى لو كان بالحج ...

والمبلغ يمكن الحين اكثر انا صار لي 6 سنوات ... يعني وبعدين ذكرت في كلامي اذا كانوا قروب.. يعني مجموعه وكل من يدفع جزء فيطلع مبلغ عادي ومقدور عليه ...

وكان اقتراح من باب تجربه واهي حره ما جبرت حد انا .. مجرد وصلت التجربه الي مريت فيها و حبيت اسهل لها الطريج خاص ان الي معاها الوالده وتحتاج كرسي و رعايه خاصه

وثانكيو على التعليق

[اعالي الجنان]

اختي الغاليه انا احساس

عن تجربه انا جربت حملة الهدى وكانت قمه في الروعه من ضيافه واهتمام الله يجزاهم خير

الفرقان سمعت عنه انه حلوو والكل يمدحه حتى سكنهم بمكه حلو دخلناه ايام الحج لمشكله صارت لنا ذيج الايام

والحلو التعاون بين الحملات القطريه يعني كنا بالهدى ومع هذا رحنا مع حملة الفرقان

بس الشهاده لله راعي حملة الهدى الحمادي رجال والنعم به والله جنه مب راعي الحمله كان بنفسه يروح ويجي ويهتم للحجاج وينفذ كل طلباتهم بسعة صدر حتى الكلام الجارح اللي كان يجيه يستقبلها براحبة صدر

والله يوفقكم ان شاءالله واتيسر اموركم ويابختكم والله :)

[انا احساس]

اسعدتوني بردودكم وكلامكم الطيب...وحيرتوني :)
ربي يجزاكم خير يااخواني وخواتي ويبلغكم الحج ان شاء الله
والله اني احبكم في الله