للمسافرين لندن (((احذروا هذا النصاب))).......

[بالول]

انا حاليا موجود في لندن .... ولقد استوقفنا في احد الطرقات شخص خليجي (بحريني الجنسية) وسرد لنا قصته .... والتي تتخلص بانه موجود في لندن للعلاج وانه برفقة امه المسنة ولا يملك اجرة التاكسي لياخذها الى المطار ..... ثم يظهر لك اوراقه الثبوتية كالبطاقة السكانية لمملكة البحرين .... وعندما تحاول الاعتذار عن تقديم المساعدة تجده يصر بصورة ملحة ومستفزة ....

وعندما سردت هذه الواقعة لاحد الاخوان هنا اخبرنا بان هذا الشخص نصاب واصبح يستعطف الخليجين الذين يسكنون الفنادق الفخمة مثل دوشستر وغرافنر هاوس والفور سيزون والانتر بارك لين والهيلتون ....ودائما يسرد نفس القصة مع كل من يواجهه

فرجاء الحذر منه

[راعي ال2008 الاسود]

تسلم اخووي على طرح هالموضوع وان شاء الله الي ساكنين بلندن او الي بيرحون لها ينتبهون منه
ومشكور اخووي انك حذرتنا منه وبالتوفيق لك ان شاء الله وترجع بالسلامه

[رنج سبورت]

بس ماقلت لنا وين بالضبط لان اكثر الخليجيين يتواجدون في الاجوارررود والهايدبارك

[غناتي1]

تسلم اخوي 00 وهالقصة احنا واجهناها بس مع وحدة ومن السعودية

ومسويه نفسها مسكينه وتتعمد تطلب من الشباب وتحرجهم لين يعطونها

وموجودة نفسها السنه في دبي 000 يمكن اللي راح فندق البستان

لقاها في المول التجاري 000 تحملوا منهم ولا تعطونهم وجه

[رنج سبورت]

صادفني نفس الموقف في البحرين من شخص بحريني !!!

وفي مجمع تجاري وقال انا محتاج وكان كاشخ حده !!!!!

لكن اعتذرت منه وقلت له تقدر تشتغل لان صحتك احسن من صحتي وماعجبه الكلام :)

[auto body]

مشكور على التنبية

[book 1]

بل بل عطه اطراق و روح عنه حتى لا اتوقف و تتكلم معاه هذي الاشكال لازم اتخرب عطله الواحد

[@حمد@]

هذا لعب علي من ثلاث سنوات ولين الحين موجود
ونفس الشي بس قالي ابوي تعب علينا ولازم اجراءعملية
ترى هذا مقم في لندن

[مستثمر رشيد]

بل لي الحين موجود؟؟؟؟؟؟؟؟؟........
تصدق اني شفته من 6 سنين تقريبا 2002م .......... وقالي نفس القصة بالضبط وكان هالكلام في اللوبي تبع فندق غرافنر ........ وللاسف عطيته خمس جنيهات نووووووووووووووط ......... حسبي الله عليه

[ابوعبدالعزيز]

بل بل عطه اطراق و روح عنه حتى لا اتوقف و تتكلم معاه هذي الاشكال لازم اتخرب عطله الواحد

مالك حل .


شكرا على التنبيه .


تحياتي .

[المارونـــي]

انا حاليا بلندن بس ماشفته خله يستفزني ان شاء الله بيلقى اللي يطيب خاطره
لاهنت اخوي على الموضوع تقبل مروري

[(ريم الفلا)]

ما نقول الا كما قال عليه الصلاة والسلام : ( من سأل الناس من غير حاجة اتى يوم القيامة وليس في وجهه مزعة لحم )
نسال الله لنا ولكم الستر في الدنيا والاخرة

مشكورين على الطرح والتحذير

موفقين

[>>> غــمـــوض <<<]

صج قطة ويه يطلب فلوس واذا ماعطوه يعصب هو غصب يعني
صج ناس ماعندهم عزة نفس ولا كرامة ... كل ذي عشان الفلوس
الله عطانه مخ نفكر فيه ... اللي يبي يزيد خيره يشغل مخه وبيكسب ذهب (( بالحلال ))
الله يهديه

[lalamar]

الواحد في لندن مايخاف الا من العرب

[فلفل حار]

الواحد في لندن مايخاف الا من العرب

للأسف ، كلامك صحيح :)

[بوناصر-قطر]

السلام عليكم


بل لي الحين موجود؟؟؟؟؟؟؟؟؟........
تصدق اني شفته من 6 سنين تقريبا 2002م .......... وقالي نفس القصة بالضبط وكان هالكلام في اللوبي تبع فندق غرافنر ........ وللاسف عطيته خمس جنيهات نووووووووووووووط ......... حسبي الله عليه

شفته معاك في نفس السنة على رأس شارع أوكسفورد وما عطيته وجه
وأتمنى أشوفه السنة علشان آذكره بذيك السنة وآحرجه

[سهم قوي]

وشكورررررررررر اخوي ع التنبيه لاني موجود حاليا في لندن وبالامس واجهت نفس القصه بس من شخص باكستاني مسلم

[nor85]

هذولا تلقاهم موجودين في كل مكان ترى حتى عندنا الحين بتشوفون هل الاشكال والحين رمضان جاي والله يعينا على هل الاشكال

[فلفل حار]

هذولا تلقاهم موجودين في كل مكان ترى حتى عندنا الحين بتشوفون هل الاشكال والحين رمضان جاي والله يعينا على هل الاشكال

اي والله

بالبحرين وايد وخاصة علي اهل قطر

والله من اسبوع جاني واحد في مجمع الدانه وشكله مرتب وشكله يبين عليه قريب الاربيعينات

جاني سلم علي خشم وماخلاني ويسوي نفسه شوي ويصيح ويبين انه تمثيل ! قلت له ماعندي بس مب راضي يفج ، ويهذر علي راسي يعني غصب طيب يالقطري عطني فلوس ! وانا هالحركات مادانيها واقوله بعدين بعدين وقالي اوكي ، وعقبها اختفي يوم نزلت تحت بروح للسياره الا نقز في ويهي ويقولي انت وعدتني قلت له وانا ماوفيت بوعدي واهنيه راح الادب عنه وتم يقط كلام انه شباب قطر يلعبون في فلوسهم علي اشياء تافهه وبنات ، قلت له اي وابشرك بعد الحين انا رايح الديسكو حق البنات ابي اخرد عليهم ولاتضيع وقتي هههههه واقوله هالكلام وانا اضحك بطريقة استهزاء :tease:

من اول ماشفت طريقة ازعاجه وحنته عرفت انه نصاب وفاضي عمل عشان جذي ماعطيته ولا روبيه خخخ :telephone:

والي ضحكني صج انه كان يتشرط طالب 10 دينار أقل شي هههههه ليكون داخل صندوق الزكاه الاخ ! اللهم لاشماته بس والله الواحد مب قصده يتطنز بس والله ادري انه بعض هالاشكال نصابين ومايتصيدون الا الخليجين وبالذات لي شافو قروب شباب

[alkholud]

ههههههههههههههههه شر البلية ما يضحك ههههه
انا صارت لي بالمغرب مره نفس القصة
كنت بكازابلانكا
وانا بمحطة القطار رادة البيت الا واحد وسيم ومتأنق بدله وكاشخ وحركات
يا عندي السلام عليكم عليكم السلام
قال اختي انا كنت جاي كازا اخلص معاملة بالسفاره الفرنسية وانباقت فلوسي وماعندي فلوس ارد بيتنا بفاس
المهم عطيته فلوس التذكره
وعقب ماركبت القطار استوعبت ان كازا مافيها سفارات ههههههههههه
كل السفارات بالعاصمة الرباط
المهم عقب اسبوع نفس الموقف ونفس الشخص زفيته يوم عرفني شرد
لا حول ولا قوة الا بالله

[naklan]

انا حاليا موجود في لندن .... ولقد استوقفنا في احد الطرقات شخص خليجي (بحريني الجنسية) وسرد لنا قصته .... والتي تتخلص بانه موجود في لندن للعلاج وانه برفقة امه المسنة ولا يملك اجرة التاكسي لياخذها الى المطار ..... ثم يظهر لك اوراقه الثبوتية كالبطاقة السكانية لمملكة البحرين .... وعندما تحاول الاعتذار عن تقديم المساعدة تجده يصر بصورة ملحة ومستفزة ....

وعندما سردت هذه الواقعة لاحد الاخوان هنا اخبرنا بان هذا الشخص نصاب واصبح يستعطف الخليجين الذين يسكنون الفنادق الفخمة مثل دوشستر وغرافنر هاوس والفور سيزون والانتر بارك لين والهيلتون ....ودائما يسرد نفس القصة مع كل من يواجهه

فرجاء الحذر منه

اخواني هاذا النصاب عراقى ويسوي نفسه بحريني ويقول لك عندي ترفل شيك مانصرف او فلوس بحرينيه وما رضوا يصرفونها وداْماُ تلقاه في هايد بارك كورنر من اجوار رود الى اكسفورد ويوقع ضحاياه ويستخدم اساليب مختلفه ويمكن البطاقه الي عنده مزوره

[QATAR 11]

ههههههههههههههههه هذا شكله صارر مليونير من النصب وهو بعدين عااايش هناااك

يسلمووووووووووو اخوووي ع التحذير

[بوحارب]

حاسبوا ياللي تسافرون لندن !!

[سلمان_1]

وانا بعد جاني واحد الله اعلم انه ايراني ما يعرف الا السلام عليكم ، ومعه عجوز .. يرطن علي ساعة
ويأشر على امه
الظاهر نفس سالفة البحريني

و اجور رود متروس من هالنوعية ... و اكثرهم حريم

بس يا شباب ترى في حديث عن النبي صلى الله عليه وسلم يقول: ( أَعْطُوا السَّائِلَ وَإِنْ جَاءَ عَلَى فَرَسٍ ) .
يعني حتى لو كنت تدري انه كذاب ... عطه لمجرد انه سألك و اجرك عند رب العالمين

هذا رايي والله اعلم

[MESO]

هذا واجهته فالهايدبارك قبل شهر - هذا الضاهر عايش علا الله وعلا هالبوق

[Revamp]

قاعد يترزق للاسف علي الطيبين والي يصدقون بسرعه.....كلامك اخوي صحيح وانا صادفت عراقي بنفس المواصفات

[mubarak2000]

انا شفتة 2002 نفس القصة

[قطـ VERTU ـر]

انا صار لي شهرينـ في ا لبحرين .. أدرس في الجامعه ..

وأكثرر شي يجوني السعوديين .. ويقعدون يسوون لي افلااام ..

انا اول ماييت .. قمت اصدقهم .. بس بعدين قامو يتصيدون لي في شارع المعارض ..

وعقبها قمت ما اعطيهم ويهـ كثرر قبل ..

كل الشكرر والتقدير على هـ التنبيه ..