شاركنا برايك حول اليوكن والتاهو

[strong pilot]

السلام عليكم ورحمة الله وبركاته
يعطيكم العافية شباب
اخواني حبيت استفسر عن اليوكن والتاهو:nice:
للضروره
1\ اليوكن انواعه كم نوع متوفر ومواصفات كل نوع من ناحية قوة الماكينه والكماليات الداخليه والخارجيه
واسعاره اذا في حد عنده اي خلفيه عن اسعار السعوديه وشكثر تفرق عن الدوحه


2\ التاهو انواعه كم نوع متوفر ومواصفات كل نوع من ناحية قوة الماكينه والكماليات الداخليه والخارجيه
واسعاره اذا في حد عنده اي خلفيه عن اسعار السعوديه وشكثر تفرق عن الدوحه

واخيرا ايش تنصحون الواحد باليوكن ولا التاهو

[رنج سبورت]

باختصار انصحك باليوكن(جمس) لانه يفرق معاك عند البيع ومرغوب اكثر!!

[راعي ال2008 الاسود]

انا رأيي ان اليوكن المرغوب اكثر من التاهو

[بوسعود180]

اليوكن اجمل من التاهو

وبالنسبه للاسعار فالسعوديه تفرق عن الدوحه من 8 الاف الى 15 الف

مشكلة الامريكي اسعاره متقلبه بشكل يومي

واذا حاب انك تشتري اشتر في رمضان لان راح تكون فيه عروض قويه باذن الله بمناسبة العيد

من الجميح او التوكيلات

[q6ri_vip]

اليوكن أكيد أفضل من التاهو واليوكن الدينالي أفضلهم من جميع المواصفات سواء كان في الشكل الخارجي أو الداخلي .
وبالنسبه لوارد السعوديه صحيح أنه أرخص ب 10 الاف بس اللي يفرق عنه وعن وارد الدوحه ... انه مافيه حاجز بين السايق والعبري تحت .
لكن وارد الدوحه يجيك حاجز تحت في النص مرتبط مع الطبلون .
أمس رحت لشركه وقالولي انهم بينزلون دفعه 2009 شهر 11
فأنصحك بليوكن .

[strong pilot]

بيض الله وجيهكم
بس وشو انواع اليوكن
في ناس يقولون دينالي وناس ملكي وعادي وسنجل
وشو الفرق اللي بينهم

[بوسعود180]

اليوكن أكيد أفضل من التاهو واليوكن الدينالي أفضلهم من جميع المواصفات سواء كان في الشكل الخارجي أو الداخلي .
وبالنسبه لوارد السعوديه صحيح أنه أرخص ب 10 الاف بس اللي يفرق عنه وعن وارد الدوحه ... انه مافيه حاجز بين السايق والعبري تحت .
لكن وارد الدوحه يجيك حاجز تحت في النص مرتبط مع الطبلون .
أمس رحت لشركه وقالولي انهم بينزلون دفعه 2009 شهر 11
فأنصحك بليوكن .


غلطان اخوي

موتر واحد من الربع يوكن 2007 او 2008 ناسي والله

السيت اللي قدام مفصول بين السايق والراكب فيه تكايه وهو وارد الجميح

[Qtr33]

اذا يهمك الشكل وتهمك القوه عليك بالدينالي وخاصه لو جاك اسود مع الكروم طالع رهيب
اذا بتاخذ الدينالي شوف هالمواصفات :
1- شاشة
2- رنجات 20انش
3- الدواسات المتحركه *الله يعزكم
هذي افضل مواصفات ويعتبر الفل اوبشن
الفرق بين اليوكن العادي والدينالي
العادي قوته 385حصان
الدينالي قوته 441حصان
من داخل طبعا واايد واايد فرق كفاية السكان (الدركسون) عليه كلمة دينالي ويجيك فيه تيك
بصراحه انا امتلك اليوكن الدينالي وركبت اليوكن العادي الفل اوبشن بصراحه في فرق واضح بينهم من ناحية الفخامة
والله يوفقك ان شاءالله وتنضم لمحبي وملاك اليوكن الدينالي :)

[السني 73]

بسم الله الرحمن الرحيم
اليوكن
يعتبر الخط الثالث بعد الكدلك والهمر لشركة جنرال موترورز يعني هو يعتبر خط انتاجه اعلى من خط انتاج الشفر الي هو التاهو يعني ارقى من التاهو .... اما بالنسبة للمواصفات :
1- نوع الكرسي الغير مفصول يعني التكايه الي في النص تتحرك تصير تكايه واذا رفعتها تصير كرسي
السعر قطر 153 الف ر.ق السعوديه 132.5 ر.س هذا بالنسبه للدبل
قطر 143 الف ر.ق السعوديه 122.5 ر.س هذا بالنسبه للسنجل

2- الكرسي المفصول (كرسي ملكي) + سماعات Boss السعر في قطر زيادة 6000ر.ق في قطر والسعوديه ماعندي خلفيه بس والله اعلم يزيد عن الكرسي العادي 5-6 الاف ر.س ويمكن ماتحصله هناك بعد .
3- الفل اوبشن (كرسي مفصول+جلد+فتحة في السقف+ دي في دي خلفي ) السعر والله اعلم 175000 ر.ق والسنجل منه اقل ب 10000 ر.ق
4-الدينالي (النوع الارقى في اليوكن .... مكينه 6200 + شاشه اماميه نفقيشن وكيمره خلفيه +الدواسات الخارجيه الكترونيه تتحرك مع فتح الباب واغلاقه+رنجات 20 كروم+ شبك وقبضات الباب والباب الخلفي كروم ) سعره والله اعلم 210 او 215 الف قبل الخصم وفي السعوديه 181.5 ريال سعودي

التاهو
1-نوع ls وهو مواصفاته اقل من اقل نوع في اليوكن لايوجد فيه ( تشغيل عن بعد + تخشيب من الداخل + التحكم الي في السكان ناقص + معلومات الايل والاطارات ناقص)سعره في قطر بعد الخصم 117000 بعد الخصم للسنجل والدبل اعتقد زياده 10000 السعودي 108.5 الف ر. سعودي للسنجل والدبل اعتقد بعد زيد عليه 10000 ر.س
2- نوع Lt نفس مواصفات اقل نوع من اليوكن لكن يزيد شوي في الخشب وفي تحكم خلفي للمكيف بالنسبه للتاهو ... ويزيد اليوكن عليه انه المكيف الكتروني والتاهو مكيفه فر (عادي) والمناظر الخارجيه للتاهو مواصفاتها اقل من اليوكن سعره في قطر الله اعلم بعد الخصم للسنجل 12400 ر.ق وزيد 10000 ر.ق للدبل ........ اما السعوديه السنجل 110.5 الف ر.س والدبل الله اعلم

3- يوجد فل اوشن للتاهو اسمه LTZ وسعره يمكن يكون بعد الخصم 160000 الف في قطر والله اعلم هاي بالنسبه للدبل .... والسعودي ماعندي خبر عنه
4- يوجد نوع للتاهوz71 مواصفات رياضيه شاشه من الداخل سلنسرين من برا جلد اسود وبرتقالي من الداخل لا يوجد فيه خشب ولكن اعتقد المنيوم من الداخل علشان ان هو رياضي ودي في دي خلفي ورفارف خارجيه ودواسات وصدام امامي المنيوم وسعره ب 171000 الف والله اعلم والمكينه عاديه 5300
ومادري هل كم سعره بالسعوديه وهل هو عنده اصلا ولا لا .

ملااااااااااااااااااااااااحظات :
1- التاهو لا يوجد عندهم نفس الجمس(دينالي)
2-توجد انواع ذات مواصفات غريبه في السعوديه .... يعني شفت لليوكن والتاهو انواع ماشفتها في قطر وتقدر تروح للتوكيلات الي بالسعوديه وتدخل المخزن وتشوف بنفسك .... او تروح للجميح الي بالدمام وبعد تتأكد بنفسك من الانواع الغريبه الي عندهم بس مواصفاتهم حلوه
3- إذا ودك بالارقام الي بالحسا او الدمام تراني حاضر لك

واسمحلي على الاطاله واتمنى اني افدتك .... ويمكن اني قصرت في بعض الاشياء والسموحه.

[نيساني]

يالربع سمعت ان هناك مشكله في سنسر الاير باق لانه واحد من الربع شطف حق الرصيف و طلع الاير باق

واقصد التاهو ممكن حد يوضح لنا وجزاكم الله خير

[الخارجية]

الفرق بين السعودية وبين الدوحة بخصوص اليوكن من 15000 او 20000 بخصوص التاهو نفس السعر بين قطر و السعودية والضمان دولي اذا بغيت تسأل اسال مجرب

[strong pilot]

تسلم اياديكم ياشباب يعطيكم العافيه ماقصرتوا

[strong pilot]

بسم الله الرحمن الرحيم
اليوكن
يعتبر الخط الثالث بعد الكدلك والهمر لشركة جنرال موترورز يعني هو يعتبر خط انتاجه اعلى من خط انتاج الشفر الي هو التاهو يعني ارقى من التاهو .... اما بالنسبة للمواصفات :
1- نوع الكرسي الغير مفصول يعني التكايه الي في النص تتحرك تصير تكايه واذا رفعتها تصير كرسي
السعر قطر 153 الف ر.ق السعوديه 132.5 ر.س هذا بالنسبه للدبل
قطر 143 الف ر.ق السعوديه 122.5 ر.س هذا بالنسبه للسنجل

2- الكرسي المفصول (كرسي ملكي) + سماعات Boss السعر في قطر زيادة 6000ر.ق في قطر والسعوديه ماعندي خلفيه بس والله اعلم يزيد عن الكرسي العادي 5-6 الاف ر.س ويمكن ماتحصله هناك بعد .
3- الفل اوبشن (كرسي مفصول+جلد+فتحة في السقف+ دي في دي خلفي ) السعر والله اعلم 175000 ر.ق والسنجل منه اقل ب 10000 ر.ق
4-الدينالي (النوع الارقى في اليوكن .... مكينه 6200 + شاشه اماميه نفقيشن وكيمره خلفيه +الدواسات الخارجيه الكترونيه تتحرك مع فتح الباب واغلاقه+رنجات 20 كروم+ شبك وقبضات الباب والباب الخلفي كروم ) سعره والله اعلم 210 او 215 الف قبل الخصم وفي السعوديه 181.5 ريال سعودي

التاهو
1-نوع ls وهو مواصفاته اقل من اقل نوع في اليوكن لايوجد فيه ( تشغيل عن بعد + تخشيب من الداخل + التحكم الي في السكان ناقص + معلومات الايل والاطارات ناقص)سعره في قطر بعد الخصم 117000 بعد الخصم للسنجل والدبل اعتقد زياده 10000 السعودي 108.5 الف ر. سعودي للسنجل والدبل اعتقد بعد زيد عليه 10000 ر.س
2- نوع Lt نفس مواصفات اقل نوع من اليوكن لكن يزيد شوي في الخشب وفي تحكم خلفي للمكيف بالنسبه للتاهو ... ويزيد اليوكن عليه انه المكيف الكتروني والتاهو مكيفه فر (عادي) والمناظر الخارجيه للتاهو مواصفاتها اقل من اليوكن سعره في قطر الله اعلم بعد الخصم للسنجل 12400 ر.ق وزيد 10000 ر.ق للدبل ........ اما السعوديه السنجل 110.5 الف ر.س والدبل الله اعلم

3- يوجد فل اوشن للتاهو اسمه LTZ وسعره يمكن يكون بعد الخصم 160000 الف في قطر والله اعلم هاي بالنسبه للدبل .... والسعودي ماعندي خبر عنه
4- يوجد نوع للتاهوz71 مواصفات رياضيه شاشه من الداخل سلنسرين من برا جلد اسود وبرتقالي من الداخل لا يوجد فيه خشب ولكن اعتقد المنيوم من الداخل علشان ان هو رياضي ودي في دي خلفي ورفارف خارجيه ودواسات وصدام امامي المنيوم وسعره ب 171000 الف والله اعلم والمكينه عاديه 5300
ومادري هل كم سعره بالسعوديه وهل هو عنده اصلا ولا لا .

ملااااااااااااااااااااااااحظات :
1- التاهو لا يوجد عندهم نفس الجمس(دينالي)
2-توجد انواع ذات مواصفات غريبه في السعوديه .... يعني شفت لليوكن والتاهو انواع ماشفتها في قطر وتقدر تروح للتوكيلات الي بالسعوديه وتدخل المخزن وتشوف بنفسك .... او تروح للجميح الي بالدمام وبعد تتأكد بنفسك من الانواع الغريبه الي عندهم بس مواصفاتهم حلوه
3- إذا ودك بالارقام الي بالحسا او الدمام تراني حاضر لك

واسمحلي على الاطاله واتمنى اني افدتك .... ويمكن اني قصرت في بعض الاشياء والسموحه.


احسنت وبارك الله فيك
يعطيك العافيه
ياريت ترسلي الارقام عالخاص

[بوعلي-Qtr]

انصحك ترووح السعوديه وتاخذ لك واحد

ارخص .. واحسب فرق العمله

وانا انصحك تاخذ اليوكن

واذا ميزانيتك كبيره خذلك الدينالي

وبالتوفيق

[strong pilot]

انصحك ترووح السعوديه وتاخذ لك واحد

ارخص .. واحسب فرق العمله

وانا انصحك تاخذ اليوكن

واذا ميزانيتك كبيره خذلك الدينالي

وبالتوفيق


تسلم يابوعلي
بس شلون بخصوص الشحن والجمرك في احد يخلصني هناك

[السني 73]

تسلم يابوعلي
بس شلون بخصوص الشحن والجمرك في احد يخلصني هناك

شوف الشيخ اذا حصلت الموتر الي تبيه عندهم طبعا وانت هناك بالسعوديه عملية الشراء ماتاخذ منك 10 دقايق بس تدفع الفلوس وتاخذ وصل ..... 2- وبعدها يطلب منك 1200 ر.س عملية التخليص وتسجيل المركبه وتامينها وتركيب الوحات الي حق التصدير 3- اذا بغيت يجيبون لك السيارة الى مركز سلوى تدفع 600 ر.س زياده يعني مجموع المبلغ 1800 ر.س ويجيبونها لك الى مركز سلوى بالسعوديه طبعاً بالبركدون .... ولا ترجع لهم بعد اسبوع وتاخذ السيارة من عندهم طبعا عقب ماتتصل وتتاكد انها اخلصت.
3- توصل السياره هناك قبل شبك مركز سلوى خلف بنك الراجحي تروح حق مخلص وتعطيه الورقتين الي يعطونك اياها شركة الجمس وصورة جوازك وجوازك الاصلي ولازم المالك يكون موجود وتعطيه 120 ر.س وتقعد حروة نص ساعة بعدها يجيك وهو مخلص الاوراق
4- تدخل بسيارتك مكان مرور الشاحنات وتخلص الجمارك والجوازات وتتوكل على الله الى مركز ابوسمره قطر
5- مركز ابوسمره عند الدخول لاتروح مع السيارات المسافرة العاديه روح مدخل الشاحنات الي هو على اليمين كلش وبتشوف مبنى الجمارك واول ماتوصل بعد ولازم تعطي الاوراق مخلص وتدفعله 180 ر.ق وهو بيسوي لك كل شي
6- اخر شي والشي الحلو والمريح انك اتسجل السيارة في مركز بوسمره ومع التامين وتركب اللوحات القطريه يعني ماتعدي المركز الا وانت خالص ومسجلها ومأمنها ومركب اللوحات وطبعا المخلص هو بيعلمك وين تروح للتسجيل وهو سهل وايد.

ملااااااااااااااحظه : صرف الفلوس في قطر احسن واكثر ودها معاك بالسعودي لأن مع 100000 يعطونك في قطر تقريبا 2700 ر.ق زياده والسعوديه اقل

وتحياتي لك يالغالي

[strong pilot]

شوف الشيخ اذا حصلت الموتر الي تبيه عندهم طبعا وانت هناك بالسعوديه عملية الشراء ماتاخذ منك 10 دقايق بس تدفع الفلوس وتاخذ وصل ..... 2- وبعدها يطلب منك 1200 ر.س عملية التخليص وتسجيل المركبه وتامينها وتركيب الوحات الي حق التصدير 3- اذا بغيت يجيبون لك السيارة الى مركز سلوى تدفع 600 ر.س زياده يعني مجموع المبلغ 1800 ر.س ويجيبونها لك الى مركز سلوى بالسعوديه طبعاً بالبركدون .... ولا ترجع لهم بعد اسبوع وتاخذ السيارة من عندهم طبعا عقب ماتتصل وتتاكد انها اخلصت.
3- توصل السياره هناك قبل شبك مركز سلوى خلف بنك الراجحي تروح حق مخلص وتعطيه الورقتين الي يعطونك اياها شركة الجمس وصورة جوازك وجوازك الاصلي ولازم المالك يكون موجود وتعطيه 120 ر.س وتقعد حروة نص ساعة بعدها يجيك وهو مخلص الاوراق
4- تدخل بسيارتك مكان مرور الشاحنات وتخلص الجمارك والجوازات وتتوكل على الله الى مركز ابوسمره قطر
5- مركز ابوسمره عند الدخول لاتروح مع السيارات المسافرة العاديه روح مدخل الشاحنات الي هو على اليمين كلش وبتشوف مبنى الجمارك واول ماتوصل بعد ولازم تعطي الاوراق مخلص وتدفعله 180 ر.ق وهو بيسوي لك كل شي
6- اخر شي والشي الحلو والمريح انك اتسجل السيارة في مركز بوسمره ومع التامين وتركب اللوحات القطريه يعني ماتعدي المركز الا وانت خالص ومسجلها ومأمنها ومركب اللوحات وطبعا المخلص هو بيعلمك وين تروح للتسجيل وهو سهل وايد.

ملااااااااااااااحظه : صرف الفلوس في قطر احسن واكثر ودها معاك بالسعودي لأن مع 100000 يعطونك في قطر تقريبا 2700 ر.ق زياده والسعوديه اقل

وتحياتي لك يالغالي


ياسلام سلم السني بيتكلم
والله ابدعت يالسني وماقصرت وبيض الله وجهك
ولا يهنون الربع
الصراحه مشكور وجزاك الله خير
وردك على طول بسويله برنت اوت وباخذه معاي ان شاء الله عشان اتبعه خطوه خطوه