عائله قطريه بحاجة ماسة لبيت ....

[بدر المحبة]

السلام عليكم
كيف حالكم اخواني الاعزاء

عندي طلب منكم ولكل واحد يدور على الاجر ويدور على الدعاء الصادق

فيه عائله قطريه كبيرة مكونه من 13 فرد وبحاجة ماسة الى بيت للايجار

بحدود 5000او 6000او 7000 هذا اكثر شي يقدرون عليه نظرا لدخلهم المحدود

جائهم خبر من مالك البيت بان يخلو البيت واعطاهم فترة سماح ثلاثة اشهر فقط يدورون فيها على بيت
والحين اللي منكم يدور على الاجر يسارع في ايجاد بيت لهذه العائله


صراحه ملاك العقارات صار عندهم جشع وطمع فاق كل الموازين


جزاكم الله خير وسدد خطاكم

[سوق واقف]

يبون في الخور 7000

[سوق واقف]

اذا اوكي قولي بكلم واحد الحين

[Fine Touch]

للأسف ما في يدي شي أقدر أسويه......بس الله يعينهم..

[سوق واقف]

طرشت مسجات الحين حق كل الي أعرفهم في الخور أبشر يالغالي أصبر علي كم يوم بس

[سوق واقف]

رد علي يالغالي يبون في الخور أولا

[بدر المحبة]

رد علي يالغالي يبون في الخور أولا

اشكرك اخوي واقف على سعيك الطيب بيض الله وجهك ماقصرت يالشيخ

الجماعه يقولون الخور بعيد علينا حيل نبي بيت حول هالمناطق المعيذر الجنوبي او الشمالي - السيليه - المناصير - ابوسدرة - الريان -مدينه ال مره .

يعني يبون يكونون قريب من جماعتهم نظرا لحاجتهم لقرب جماعتهم حد يوديهم او حد يجيبهم من جماعتهم

وعزالله ماقصرت يالغالي رايتك بيضا لاهنت كثر الله من امثالك وكتب اجرك ان شاء الله

[بدر المحبة]

للأسف ما في يدي شي أقدر أسويه......بس الله يعينهم..

Fine Touch

يسلمووووووو وماقصرت ويكفي ان قلبك معاهم تسلم

[سوق واقف]

اخوي والله الخور حلوووه حصلت بيت شعبي جديد وحوش كبير وغرف حلوه والله عشاني قالي 7000 وبحاول أنزل معاه أقنعهم والله أخاف ما يلاقون والله مش بعيدة واهل الخور طيبين

[بدر المحبة]

اخوي والله الخور حلوووه حصلت بيت شعبي جديد وحوش كبير وغرف حلوه والله عشاني قالي 7000 وبحاول أنزل معاه أقنعهم والله أخاف ما يلاقون والله مش بعيدة واهل الخور طيبين

الله يجزاك خير اخوي وبيض الله وجهك
واجرك ثابت ان شاء الله سواء اقتنعوا فيه ولا ما اقتنعوا
بيض الله وجهك بياض لايسود
بحاول معاهم وبشوف يالغالي
والله اني قاعد ابتسم الحين تدري ليش لان فيه قلوب رحيمه وهمها مساعده الآخرين

بيض الله وجهك وبيض الله وجه كل من حاول انه يساعد

اشكرك من كل قلبي وبرد لك خبر ان شاء الله

[الرايــق]

الله يعينهم

*بيض الله وجهك يا سوق واقف*

[سوق واقف]

حاضرين الدنيا بخير أخوي للحين
والله قاعد أسوي أتصالات
مشكلتي ما أعرف أحد الى في الخور لأنه أهل الشمال طيبين عرفن يالغالي والله وما يقصرون
والله ولا أريد لا جزاء ولا شكور أريد الأجر من الله سبحانه وتعالى

[TRAVELER]

لا حول ولا قوة إلا بالله

الله يعينهم ويوفقهم

[بدر المحبة]

انا اشهد انه بيض الله وجهه

والله يوفقه دنيا وآخره
شيبي الواحد من هالدنيا غير ان الكبار والصغار يدعون له بالتوفيق

ربي يوفقك دوووم ياسوق واقف

[بدر المحبة]

محد حصل شي للحين ياجماعه ؟