جهازين iPhone 3G الجديد .. للبيع

[Aigner]

السلام عليكم .. كيف الحال يالربع

أنا عندي جهازين iPhone 3G الجديد .. اللون أسود السعة 16 جيجا

للبيع الجهازين .. و لأعلى سعر .. طبعا الجهازين بقراطيسهم من أمريكا

طبعا الجهازين واصلين 10 آلاف .. يعني 5000 للجهاز

لكن ممكن أبيع كل جهاز بروحه للي يبي واحد بس

طبعا الجهاز راح يكون Jailbroken و Activated

يعني تقدر تستخدم الايبود و الانترنت و الايميل

بس ماراح يشتغل على شبكة قطر .. لأنه للحين ما نزلوا له Unlock

بس قريبا جدا .. و أول ما ينزل الانلوك راح أطرش على الخاص لنك تحميل البرنامج

و الخطوات لفتح الايفون أول ما ينزل إن شاء الله ..

[Sleepless Doha]

مب كأنهم شويه غاليين
عشرة الاف للاثنين ...الحين ينباعون على 299 دولار مع الاشتراك ممكن يوصلوا 400 دولار
وانت تقول 5 الاف للواحد

[aref66]

بصراحة انا شايف انهم غالين كثير مش شوية

[Aigner]

مب كأنهم شويه غاليين
عشرة الاف للاثنين ...الحين ينباعون على 299 دولار مع الاشتراك ممكن يوصلوا 400 دولار
وانت تقول 5 الاف للواحد

أخوي 299 دولار مع عقد لمدة سنتين بقيمة 45 دولار شهريا

يعني 299+(45X24) = بالدولار 1379

يعني بالريال القطري 5019 ريال قطري !!!!!

للحين تشوفه غالي شوي ؟؟؟؟؟؟!!!!

[QatarServ]

اخوي 2000 عندي

[Qt.1]

ماشاء الله عليك اسعارك اشوي غاليه ياخوي :)

[Aigner]

اخوي 2000 عندي

أخوي الجهاز واصل 5000 ريال

[QatarServ]

من اللي بيشتري الجهاز بـ 5000

محد بيشتريه خلهم لك أحسن

[Engineer CA]

سعره 250 دولار يعني

912 قطري

وراح ينزل قريب بالمنطقه


مبالغ الله يهديك

[alwahesh]

بالتوفيق اخوي

وان شاء الله تبيع الجهاز على 10 الاف

مثل ما في ناس تدفع عشرات الالاف على حجز سياره ما فيها شي لو الواحد دفع الف ولا الفين


بالتوفيق

[SomeOne]

بالتوفيق اخوي

وان شاء الله تبيع الجهاز على 10 الاف

مثل ما في ناس تدفع عشرات الالاف على حجز سياره ما فيها شي لو الواحد دفع الف ولا الفين


بالتوفيق

الرجال وحلاله ،، وانت ليش داش الموضوع من اساسه :(

[قـطـvipـرية]

الله يوفقك اخوي

[QatarServ]

بالتوفيـــق اخوي

وانشاء الله تبيعهم بسعر اعلى بعد

^_^

[up-limit]

الله يوفقك اخوي

وتستاهل كل خير

[غرفاوي قطري]

غااااااااااااااااااالي يالغالي

[Aigner]

بالتوفيق اخوي

وان شاء الله تبيع الجهاز على 10 الاف

مثل ما في ناس تدفع عشرات الالاف على حجز سياره ما فيها شي لو الواحد دفع الف ولا الفين


بالتوفيق

قلت اللي على لساني .. يالربع اللي يبي يشتري

حياه الله و اللي ما يبي أنا مب غاصب حد يشتري :anger1::discuss:

[الزعفراني]

صحيح ان الجهاز اغلى من سعره بس يالربع هذي سعر السوق ، أذكر اول ما شريت الايفون القديم من امريكا كلفني 2000 ريال مع الشحن واصل للدوحة ، لكن في نفس الوقت كان بإمكاني أبيعه أقل شي 3500 ريال لان ذيك الحزة اول ما نزل الجهاز كان ينباع في الدوحة على 5 الاف ريال ، والسبب انه جديد ولأن مب أي واحد يقدر يطلبه من برا ومب اي واحد يقدر يعمل له أنلوك وينزل التعريب .

لذلك سعر أخوي الثيم تقريبا مناسب يعيبه شي واحد انه مش معمول له انلوك ، لو معمول له انلوك وتعريب اعتقد السعر بيكون مناسب جداً .

كل التوفيق اخوي الثيم . ولازم اتحط في بالك ان الشخص اللي بيشتري الجهاز يهمه يكون جاهز للاستخدام سواء كتلفون او جهاز تطبيقات .

[محمد]

حالياً التلفون في أوروبا سعره يطلع بـ 2400 ريال وأقل ,,
والجهاز أون لوكد في كذا بلد وحالياً انا باخذ لي واحد من هني بهالسعر ,,
وفوق هذا في قطر ماراح يفيدني الجهاز في شي لأنه الشركه ماراح تفتح إلا بعد 4 شهور ,,
وبعد هالـ 4 شهور راح ينزل سعره أتوقع ,,
السعر مبالغ فيه ,, لكن الله يوفقك في بيعته ,,
إذا عندك شراي بهالسعر بيعه وأنت مغمض ,,
وإذا بتبيع بـ 3000 انا شراي ,, أفيدك ولا أفيد هالأجانب
وأنا راجع بعد 4 أيام ,,
والله يوفقك

[Aigner]

إخواني الزعفراني و محمد

الايفون 3g مب مفتوح في أي دولة حتى في أمريكا

و لما يقول لك بنبيعك الايفون بدون عقد و يشتغل على أي شبكة

يعني أي شبكة في الدولة اللي أنت فيها .. لأنه إلى الآن مانزل الانلوك للايفون

و بعدين أنا قلت في بداية موضوعي .. أول ماينزل فتح قفل الشريحة

راح أطرش الطريقة بالتفصيل الممل .. أو أفتحه شخصيا اذا يبي المشتري

و ترى الطريقة بتنزل قريب جدا .. و صدقني أول ما يفتحونه راح يطير سعره بعد

لأنه مفتوح و مافي مثله في الخليج أبد .. لا و قريب بعد بينزلون التعريب

فأتوقع سعري جدا مناسب .. و كل حر في حلاله و أنا أخوكم

[امير الشباب]

يالتوفيق

[محمد]

أخوي انا حالياً في بلجيكا ,,
وفي بلجيكا مافيه شي أسمه أحتكار وهو البلد الوحيد الي يبيع لك التلفون أون لوكد ,,
واحد من ربعي خذه من هني وشغل عليه الكرت الأماراتي وأشتغل عاادي ,,
عالعموم بالتوفيق لك ,,

[Aigner]

طيب ماحد يبي يشتري؟؟

[QatarServ]

اخوووي ان سعرك غااالي

والله يوفقك

[محمد]

طيب ماحد يبي يشتري؟؟


بهالسعر ماعتقد بتحصل شراي ,,
بيعه للي سامه منك بـ 5000 أفضل لك ,,

[Aigner]

في واحد عارض التلفون نفسه في موقعه

و ب 6000 ريال .. و أنا أقول هنيه ب5000

لا و اذا نزل التعريب و فك الشفرة راح أسويهم له ببلاش للشاري

شتبون بعد زيادة :)

[محمد]

حتى لو يعرضه بـ 10,000 ,,
هذا أسمه جشع مع الأسف ,, ونقول ليش الأسعار ترتفع في البلد ونحط كل شي عالحكومه :)
وبخصوص فك الشفره والتعريب إذا ماكان في موقع الأبل فماراح يكون مضمون أبداً ,,
وشغلتها بسيطه كلش ممكن تنزل في 5 دقايق ,, والله يخلي موقع هاكنتوش ,,
وفوق هذا شركة فودافون يمكن ماتفتح إلا بعد 4 أو 5 شهور ,, هذا إذا ما [ أخروها ] زياده ,,
في هالحاله ماراح أستفيد من التلفون بشي ,, بيكون حاله من حال الأيبود تتش ,,
اخوي انا مالي مقصد معين في هالكلام كله أو انه أبي انزل من سلعتك ,,
لكن الكلام عشان الكل يستفيد منه ومايشتري سمج في بحر ,,
والله يوفقك إن شاء الله في بيعتك ,,

[الزعفراني]

إخواني الزعفراني و محمد

الايفون 3g مب مفتوح في أي دولة حتى في أمريكا

و لما يقول لك بنبيعك الايفون بدون عقد و يشتغل على أي شبكة

يعني أي شبكة في الدولة اللي أنت فيها .. لأنه إلى الآن مانزل الانلوك للايفون

و بعدين أنا قلت في بداية موضوعي .. أول ماينزل فتح قفل الشريحة

راح أطرش الطريقة بالتفصيل الممل .. أو أفتحه شخصيا اذا يبي المشتري

و ترى الطريقة بتنزل قريب جدا .. و صدقني أول ما يفتحونه راح يطير سعره بعد

لأنه مفتوح و مافي مثله في الخليج أبد .. لا و قريب بعد بينزلون التعريب

فأتوقع سعري جدا مناسب .. و كل حر في حلاله و أنا أخوكم



اخوي الثيم الجهاز له أنلوك عطني فرصه بجيب لك الطريقة واحد من الربع عمل له انلوك في الدوحه ومشغل عليه كرت كيوتل :)

بس فيه مشكله او عيب في هالجهاز ، الا وهي تنزيل البرامج والالعاب ، ما راح يكون فري عن طريق الانستولر ولكن عن طريق برنامج اخر ولازم تقرقش عشان تقدر تنزل البرامج والالعاب :secret:

[USB]

في واحد عارض التلفون نفسه في موقعه

و ب 6000 ريال .. و أنا أقول هنيه ب5000

لا و اذا نزل التعريب و فك الشفرة راح أسويهم له ببلاش للشاري

شتبون بعد زيادة :)

أخوي الثيم إذا عندك واحد مفتوح و معرب الحين آخذه منك ب ١٠آلاف قدام الشباب

أنا ما أبيع سمك بالبحر شرط إللي بيشتريه يجربه و يتأكد من كلامي قبل الدفع

الله يوفقك و يرزقك

[م. عبدالعزيز]

مايشتغل في قطر شالفايده؟

[GaRmOoSh]

السلام عليكم اخوي الثيم ....
هذا موقع فك اللوك حق الأ فون 3 جي والطريقه
المشكله لازم يكون عندك كمبيوتر ابل عشان تشغل البرنامج فك اللوك ويشتغل على اي كرت
وانا عندي ومجربه وشغال
http://sleepers.net/news/guides/pwnage-20-guide/

[المياسة78]

الصبر زين اخرتة ينزل و مفتوح و معرب

اذا القديم نزل سعره لين 1500