لاصخاب الشركات والمؤسسات

[الداعي]

السلام عليكم

واحد من الشباب سألني عن الفرق بين ترخيص الشركة والمؤسسة يعني السجل التجاري، ادري ان الموضوع والفوارق كثيره بس اتمنى تعطوني الفوارق المهمه، هو يبي يفتح شركة او مؤسسة للأنشطه الرياضيه وايضا للدعايه والاعلان وتنظيم الفعاليات وحاب يعرف شنو الاشياء المطلوبه وشنو الافضل شركه ولا مؤسسة

وجزاكم الله خير ولا تحرمونا من فائدكم

[المهنـدي]

مافي فرق اخوي
المؤسسة لشخص واحد ومن غير حساب كبير في البنك
الشركة لشخص واحد او عدة اشخاص ( شركاء ) ويتطلب حساب في البنك مايقل عن 200000 ريال
الرسوم على حساب النشاط
موفقين ان شاء الله

[الداعي]

تسلم يالغالي عالرد السريع

يعني افهم من كلامك انه مايقدر مثلا يفتح مؤسسة وتكون لشخصين؟ مثلا انا وهو او هو وواحد ثاني؟

والاجراءات عندك فكره عنها يالغالي؟ ووين ممكن انقدم على هالشي؟ وزارة التجاره؟

وتسلم

[اّل ثاني 77]

مافي فرق اخوي
المؤسسة لشخص واحد ومن غير حساب كبير في البنك
الشركة لشخص واحد او عدة اشخاص ( شركاء ) ويتطلب حساب في البنك مايقل عن 200000 ريال
الرسوم على حساب النشاط
موفقين ان شاء الله

اسمحلي على المداخلة اخوي في فرق من ناحية المسائلة القانونية المؤسسة لاسمح الله لوخسرت يسائل صاحب المؤسسة حتى في ماله الخاص اما الشركة ذات المسؤولية المحدودة فتحاسب الشركة على رأس المال المصرح فقط
ولذلك ترى الكثير من الشركات تتحول إلى شركات ذات مسؤولية محدودة
هذا والله اعلم وياريت إلي عنده فكرة يفيدنا
وبالتوفيق للجميع

[الداعي]

اسمحلي على المداخلة اخوي في فرق من ناحية المسائلة القانونية المؤسسة لاسمح الله لوخسرت يسائل صاحب المؤسسة حتى في ماله الخاص اما الشركة ذات المسؤولية المحدودة فتحاسب الشركة على رأس المال المصرح فقط
ولذلك ترى الكثير من الشركات تتحول إلى شركات ذات مسؤولية محدودة
هذا والله اعلم وياريت إلي عنده فكرة يفيدنا
وبالتوفيق للجميع

انزين اخوي ماعندك معلومات عن انشاء شركة ذات مسؤوليه محدوده؟ يعني شنو المتطلبات..الخ

وجزاك الله خير على التوضيح والمساعده

[الداعي]

للرفع

[الداعي]

للرفع:(

[بوعيسى]

السلام عليكم

الشركة اكثر من شخص واقل حاجة شخصين

ام المؤسسه شخص واحد فقط

ام بنسبة للاجراءات

اذا كانت شركة لزم تفتح حساب في البنك باسم الشركة المبلغ المطلوب 200 الف ممكن تسحب 200 الف بعد انتهاء اجراءات السجل التجاري ورخصه البلدية
والاجراءات الثانيه بعد ايداعاع المبلغ تروح السجل التجاري وهناك تختار اسم الشركة وتوقع العقود

اما اذا كانت شركة دعايه واعلان فيجب ان تاخذ موافقة من ادارة المطبوعات
والتصاريح لشركات الدعايه موقفينها حاليا على حسب علمي

ولاستخراج رخصه البلديه يجب ان يكون عندك محل مستاجر باسم الشركه

[الداعي]

جزاك الله خير يالغالي والله انك ماقصرت، انزين الدعايه والاعلان اموقفينها، اشلون الانشطه الرياضيه؟ عندك فكره عنها اذا اوكي ولا لا بعد؟

وشكرا

[اّل ثاني 77]

جزاك الله خير يالغالي والله انك ماقصرت، انزين الدعايه والاعلان اموقفينها، اشلون الانشطه الرياضيه؟ عندك فكره عنها اذا اوكي ولا لا بعد؟

وشكرا

أخوي ايش المقصود بالانشطة الرياضية ؟؟؟

[THE OWNERS]

مازيد على كلام الاخوان . .
المؤسسه تتكون من شخص واحد ويتسائل في حالة الخسارة في كافة املاكه . .
الشركة اقلها 2
وذات مسؤليه محدوده تتسائل في حالة الخساره بالموجودات من كاش وماديات (يعني سيارات واثاث) اللي باسم الشركة
وبخصوص الشركات الكبيرة او القابضة هي اللي راس مالها عالي ومشاريعها شغاله واعتماداتها مدعومه في البنوك . .
والاجراءات اخوي ابدئها بوزارة العدل لكتابة عقد التأسيس وعقب ماتوثقه
روح وزارة الاقتصاد اختار لك اسم وخذ منهم كتاب موجهه للبنك بفتح حساب شركة تحت التأسيس ويكون بحد ادنى 200,000ريال ويعتبر رأس مال الشركة . .
وبمجرد دخولها الحساب تاخذ كتاب من البنك نفسه بالموجودات المالية بإسم الشركة . . وتوديه وزارة الاقتصاد تخلص اجراءات السجل التجاري ..
وعقب ماتستخرج السجل التجاري تاخذ عقد المحل او المكتب اللي عندك وتوديه الدور الارضي فوزارة الاقتصاد مكتب الرخص التجارية (البلدية يعني) . . واهناك تخلص الرخصة ورخصه الاعلان . . .

والله يرزقك انشالله
انشالله الصورة وصلت
واي شي حاضرين وفي الشوفه