سؤال لأخواني الشباب والمختصين على وجه الخصوص

[ذوق]

السلام عليكم ورحمة الله وبركاته

سؤال لأخواني الشباب والمختصين على وجه الخصوص

ياريت تنصحوني بأحسن محل لتلبيس السيارات...وأحسن الأسعار...وبشكل عام تلبيس السيارات تكون عادة كم أسعارها :)

(( وبيني وبينكم أنا محتاره شلبس سيارتي..!! لأني أول مره بلبسها...وودي بشي راااقي وفخم..؟

سيارتي كامري ٢٠٠٨ بيضه ))

وإذا هناك مواقع فيها صور لتزين السيارات وتلبيسها وأفكار جديده ياريت تفيدونا فيها

وشكرآ

[مستثمر 999]

كامري؟؟؟؟؟؟؟؟؟؟؟

اختي روحي محلات الزينه واخذي اي شي بحدود ال 200 ريال والسلام مع التركيب بعد

[My Trip]

في محل في الغرفه اسمه نور النهار اقريب من مغاسل الصراحه انا لبسة عنده شموا

وكان تركيبه حلو تقريباُ سرعه 500

[A.L.I]

في محل في الغرفه اسمه نور النهار اقريب من مغاسل الصراحه انا لبسة عنده شموا

وكان تركيبه حلو تقريباُ سرعه 500


هاي المحل شغله ممتاز

[ذوق]

كامري؟؟؟؟؟؟؟؟؟؟؟

اختي روحي محلات الزينه واخذي اي شي بحدود ال 200 ريال والسلام مع التركيب بعد

والسلام ليش :)

شاريه السياره بفلوس حرام جزاك الله خير :)

[ذوق]

في محل في الغرفه اسمه نور النهار اقريب من مغاسل الصراحه انا لبسة عنده شموا

وكان تركيبه حلو تقريباُ سرعه 500

yeslamoo

[ذوق]

بغيت أعرف التلبيس ياخذه كم مده؟
يوم يعني ولا

[المنشــــــر]

تختارين القماش ... وتعطينه عربون

والتركيب بعد يوم او يومين لمدة 3 ساعات

ونصيحة لاتآخذين الشمواه البيج فاتح ... اذا لج خاطر في الشمواه

وبالتوفيق خيتووو

[بوخالد2]

اختى انصحج بمحله العبيدلي اللى باللقطه

تراه زين للسياره واسعاره زينه واذا تبين اوصيه علميني

وجميع الانواع عنده

[Qatar4all]

مرحبا ....

مجرد رأي :::....::.:::..
ماله داعي التلبيس ::... مصير السيارة بتنباع ومحد بيستفيد اللي بياخذه من عقبج ::... يعني انتي ما قعدتي على كراسي الوكاله


:nice:

[مستثمر 999]

والسلام ليش :)

شاريه السياره بفلوس حرام جزاك الله خير :)



لا حول ولا قوة الا بالله

حتى السلام .....................؟؟؟؟


خلاص المره الجايه بقول شالوم

ما اعتقد ان ردي كان فيه استهزاء

عموما انا اسحب ردي وكنك ما قريتي شي اهم شي حاسبي على السياره ولا تكسرين الاصطبات والمرايا

اتمنى لج التوفيق واتمنى ان مشاركتي الي فوق تنحذف

بدون سلام

[العاصمي]

مرحبا ....

مجرد رأي :::....::.:::..
ماله داعي التلبيس ::... مصير السيارة بتنباع ومحد بيستفيد اللي بياخذه من عقبج ::... يعني انتي ما قعدتي على كراسي الوكاله


:nice:

لوووووووووووول
:nice: أبو هباش يقرب لك شي

[السندان]

الله يوفقج اختي ومبروك السيارة

والاخوان ماقصروا اذكرولج محلين طايحين عندهم الشباب مايحتاج....

الله يعطيج خيرها ويكفيج شرها

[مستثمر 999]

ربي يوفقج يا ذوق

[The Blade]

اختى كترتيب نور النهار بس كشكل حلو وتركيب وخبره عندج العبيدلي في اللقطه شغل مضبوط ...وخلق اشكال وانواع وانا دائما عند نور النهار لان شغله مرتب ( كروزرات ) بس صالوان ماقد جربت بس اكيييد الخبره والافضل محل العبيدلي ....واهم شئ اذا الموتر جديد عليج بالبلاستيك تحت علشان شئ ولاشئ سجاد السياره مايخترب.... والاسعار اتوقع من 800 وطالع حق الصالون

[عبودي قطر]

عندج ممحل اسمه المعضادي في شارع الزينه ف الدوحه الجديده

[فلفل حار]

اختي ركبي بلاستيك قطعه كامله علي الارضيه + تلبيس السيتات

وممكن تلبسين الدواسات لو تحبين بس مانصحج لانه تلعوزج وتم تتحرك وايد وانتي تسوقين ، اذا مافيج ربو ممكن تشيلين دواسات الوكاله وتشترين دواسات فرو من محلات الزينه ، وايد حلوه حق راحة الرجول "وانتو بكرامه" ، لا يقصون عليج ويقولون لج بـ250 و300 ترى حدهم 150 اذا كانو من النوع الزين بعد

نرجع للتلبيسه ، سعر التفصيل اتوقع مابين 800 إلى 1000 ، لانه اسعار الكروزرات صارت حدود الـ1200 وماعندي خلفيه عن اسعار الصالون

والمحلات عندج محل خمس نجوم عند مصري اسمه وليد تراه أمين وايد وطيب ومايغش وكل مواتر بيتنا عنده حتي ربعي دليتهم عليه روحي له واختاري اللون الي تبينه واختاري البيج الفاتح بيطلع حلو علي السياره بس الله يعينج علي التنظيف لو وصخوه اليهال ، وترى بدون ماياخذ قياسات لانه عندهم القياسات المواتر المعروفه والمنتشره وايد بس عيبه انه يتأخر لين مايخلص يمكن يقولج تعالي عقب اسبوع او اكثر

والسياره تم عندهم ساعتين او 3 بالكثير للتركيب

يعطيج خيرها ويكفيج شرها ان شاء الله